„Бујар Османи не ја кажа вистината кога соопшти дека директорот на протоколот наводно поднел оставка поради згрешеното знаме за време на посетата на словенечката министерка за надворешни работи Тања Фајон. Вистината е дека тој добил датум и е унапреден за амбасадор во Москва. Се поставува прашањето зошто Османи ја лаже јавноста? Неспособноста е длабоко вкоренета во институциите. Како може човек кој не разликува знам да преставува држава?“, се вели во соопштението на ВМРО-ДПМНЕ.

Инаку, министерот Бујар Османи вчера изјави дека шефот на протоколот поднел оставка и дека тој самиот му ја прифатил.

– Тоа беше едно од десетте знамиња и кога имате интензивна агенда, се прават грешки. Директорот на протоколот поднесе оставка иако немаше никаква дректна одговорност, оставката ја прифатив. Тоа се други луѓе, а поради морална одговорност тој поднесе оставка – рече Османи.

ШЕФОТ НА ПРОТОКОЛ ВО МНР ПОДНЕЛ ОСТАВКА Лично не бил виновен за скандалот со словачкото знаме

The post ПОДНЕЛ ОСТАВКА ЗА ДА СТАНЕ АМБАСАДОР ВО МОСКВА? На шефот на протокол во МНР му следува унапредување, тврди ВМРО-ДПМНЕ appeared first on plusinfo.mk.

Прво, таа ја повторува лагата на нашите политичари и вели – „…важно е да бидеме свесни дека се почнати пристапните преговори“ и им честиташе на Владата и на македонските граѓани за „историскиот успех со отворањето на пристапните преговори за членство во Унијата“!

А, неспорен факт е дека – „пристапните преговори за членство“ – не се отворени туку е започната само процедурата за нивно отворање. Тоа се две сосема различни нешта. За да нема никакво недоразбирање, ќе цитираме што е напишано во таканаречениот „француски предлог“, во кој е и преговарачката рамка за Македонија која е утврдена, ама сѐ уште не е усвоена.

На самиот почеток на документот се вели – „По првата Меѓувладина конференција… им посакувам добредојде на почитуваните претставници на Македонија за завршување на првата фаза на отворање пристапни преговори на вашата земја со ЕУ“. Тоа го прочита Урсула фон дер Лајен и е многу јасно – завршена е првата фаза на отворање на преговори, а ќе следи и втора, и тоа само ако го промениме Уставот! Тогаш ќе има втора меѓувладина конференција, кога ќе се усвои и рамката за преговори. Ако нема рамка, а нема, за што ќе се преговара? Отворена е (само!) постапка за отворање на преговори која, во дадените услови, не мора никогаш да заврши. Самите преговори, пак, не се отворени.

За да им биде појасно на читателите, иако е сѐ сосема разбирливо, да дадеме сличен пример: апсолутно не е исто да се каже – одам на гости, и на гости сум. Можам и да не стигнам. Тоа целосно важи и за случајов: барем во блиска иднина, преговорите можеби нема ниту да се отворат. Ние сме уценети како држава, и под навредлив и понижувачки ултиматум и, ако имаме грам достоинство и како народ, и како држава, во дадените услови, не треба да го менуваме Уставот.

Дури да ни ја подарат и целата Унија. Ако е цената да бидеме избришани како народ, а тоа е целта бидејќи Софија јасно порачува: македонизмот, поточно Македонците, е историска провокација која не може да влезе во Унијата. А Брисел, тоа послушно го спроведува. Со наша согласност. Нема дилеми дека Софија ќе си го држи зборот и дека до крај, барем во следните 50-тина години, ќе биде на иста позиција дека нема Македонци, нема македонски јазик, историја… Доказ се досегашните 150 години, во коишто упорно се држат до своите безумни „принципи“.

Дека е сето ова точно, потврди и нашиот драг „пријател“ Вархеи, кој, според мкд.мк, од 12/10/2022, рече: „Македонија го започна преговарачкиот процес“. Не треба многу акал за да се сфати дека тоа не значи и преговорите. По истата логика, преговарачкиот процес започна уште во далечната 2005 година, кога го добивме кандидатскиот статус.

Чудо е што Фајон му оди на рака на Османи и, свесно или не, и таа ја лаже македонската јавност. Друго објаснување – нема.

Второ, Фајон се осмелува да ни трие сол на глава кога вели – „Треба да се случи промена на Уставот, верувам дека може да се реализира тоа. Посакуваме да дојде до промена на Уставот… без да се доцни“!?

Таа не е од вчера во политиката за да артикулира вакви безмислици. Се однесува како да е дел од коалицијата на власт, а ова е и директно мешање во нашите внатрешни работи и некакво делење инструкции. Во најмала мерка, не ѝ личи. Особено ако некој ѝ спомнал за длабоката поделеност во Македонија околу ова прашање и фактот дека огромен дел од македонскиот народ е против апсурдната промена на Уставот. Впрочем, уцената од Брисел (за жал со наша согласност) да мораме да го менуваме Уставот, ако сакаме да ги започнеме преговорите, нема никаква врска ниту со клучните европски вредности, а уште помалку со копенхашките критериуми, и е тежок срам за Унијата. Зошто Фајон го поддржува тоа? Барем да го критикува, па дури и со залагање да постапиме така.

Трето, таа се согласила со Османи дека – „Македонија може да стане полноправна членка на ЕУ до 2030, доколку се постигне политички консензус“ и додала – „Поддржувам земјата до 2030 да стане полноправна членка, цел што е реална доколку сите државјани бидат на овој пат“. Просто неверојатно. Ако Македонија утре го смени Уставот, преговорите можат да започнат по скринингот, што значи на крајот од 2023 година. Откако Македонија ќе ги заврши преговорите и ќе го потпише договорот, најмалку две години трае неговата ратификација, во сите парламенти на земјите членки. Да ги одвоиме 2029 и 2030 година за таа намена. Значи, за преговори остануваат пет години, 2024 – 2028. Во меѓувреме, Грција и Бугарија дури и да ја напуштат ЕУ, со цел да не ни поставуваат сопки и нивните парламенти да не мораат да го ратификуваат договорот, што Софија нема никогаш да го стори ако останат македонскиот народ и јазик, Македонија нема теоретски услови да стане членка до 2030 година. Овде го игнорираме неспорниот факт дека Унијата нема да се шири во следните 10-тина години, ако не и подолго.

Треба ли да потсетиме дека Црна Гора преговара веќе 11-та година, а Србија преку девет години, и двете се на самиот почеток? Тогаш, како може Македонија да се пресели во Брисел до 2030? На ракетен погон? Ако веќе Османи отворено го лаже народот, која е целта на Фајон? Не е возможно таа да не го знае сето ова. Зошто, сепак, се истрчала? Тоа не ѝ служи на чест ниту неа, ниту на Словенија.

Четврто, Фајон го спомна и македонскиот јазик. Рече дека ќе направат сѐ Македонија да продолжи на патот кон Брисел – „и при тоа да не биде загрозен македонскиот јазик“. Ако е така, што сторија Фајон и Словенија за да се потпише договорот со ФРОНТЕКС, којшто е интерес на Унијата, а чека веќе четири години? Брисел нема никаква основа официјално не го признава македонскиот јазик, со што го игнорира суверенитетот на Македонија и нејзиниот уставен поредок. Тоа е грубо и флагрантно негирање на основачките акти на Унијата како и Повелбата (Уставот) на ООН. И, никому ништо. Бугарското вето воопшто не ја оправдува ЕУ. Тоа е силеџиски однос кон земја која не е членка. Ако бевме дел од Унијата, потегот ќе имаше некаква логика.

Петто, Фајон спомна уште еден неточен факт. Очигледно го цитираше генијалниот Маричиќ, кој не дозволува да се користат термините македонски/а/о, дека – „преку 40 проценти од законодавството на земјава е усогласено со европското“. Заменик шефот на Делегацијата (Амбасадата) на ЕУ во Скопје, Васало, деновиве изјави дека процентот е само 27, што е голема разлика. Впрочем, зошто Фајон се расфрла со такви податоци? Податокот сигурно не ѝ е од Брисел.

Шесто, Фајон е сосема во право кога тврди дека политичкиот консензус во земјата ќе го забрза патувањето кон Брисел. Повикот на Османи, пак, за сплотување на сите политички сили за влез во Унијата, е повеќе од задоцнет како што точно оценува шефот на опозицијата. Османи апелира – „Мора да ги прифатиме директивите на ЕУ, без разлика кој е на власт“. Арно ама, тие директиви се резултат на нивната срамна и понижувачка политика кон македонскиот народ и неговите универзални права и интереси. Откако власта веќе цели пет години потпишува капитулантски и предавнички договори, протоколи, и што не друго, на крајно не транспарентен начин и без никого да консултира, откако насилно го смени Уставот со пратеници извадени од затвор… сега бара сите да застанеме зад неа. Е, па, и да е од Османи, многу е. Мора да му биде јасно дека не сме сите недоветни.

Меѓутоа, тој е, сепак, во право – ако не се постигне целосен консензус за членство во ЕУ, најверојатно е дека тоа нема никогаш да се реализира. Сепак, власта мораше на време да мисли за тоа. Како резултат на нејзините ујдурми и бедотии, тоа е сега невозможно. Баба Ката со право не учеше дека седалото не се прави кога треба да се снесе јајцето, туку порано. Во сегашниот процес на разнебитување на Македонците, доцна е за седало. Само нови избори можат да водат кон излез од ќор-сокакот.

The post Словенечки безобразлуци appeared first on plusinfo.mk.

– Јас денеска разговарав со премиерот на Словенија, господинот Јанша бидејќи сме ете и пријатели, тој пак друго ми кажа. Тој пак ми кажа дека Тања Фајон, Тонино Пицула и Зоран Заев креирале сличен таков нон пејпер кој што се шири по Европа – рече Мицкоски.

Мицкоски додаде дека можеби тој документ ќе биде познат на граѓаните на Македонија во многу скоро време.

 – А, господинот Јанша ја пренесува својата неизмерна поддршка кон македонскиот народ, граѓаните на Македонија, кон Македонија и единствено иднината на Македонија ја гледа во рамките на обединета Европа – појасни Мицкоски.

Тој рече дека Јанша иднината на Македонија ја гледа кон обединета Европа и да не се заборави дека токму тој за два месеци од денеска ќе претседава со ЕУ и ќе биде многу битен фактор.

– Господинот Јанша апсолутно го одбива документот. Тој вели дека не постои таков документ. Вели дека ниту сум кажал, ниту пак ме интересира, пренеси им те молам, моите поздрави, мојата поддршка неизмерна кон македонскиот народ, Македонија и јас иднината на Македонија не ја гледма во вакви квази сценарија создадени во комуњарски поранешни тинк тенкови, туку ја гледам исклучиво во обединета Европа –  рече Мицкоски.

Мицкоски укажа дека иднината на Македонија не е во прекројување на градиници туку само во обединета Европа. Исто така Мицкоски посочи дека нема да поддржи национални отстапки со Бугарија на штета на македонските идентитетски обележја, оние што ветуваа европска иднина, а државата правеше отстапки да си го остварат ветувањето, лесно е од трибина да даваат коментари.

 – Ако сакаш да бидеш играч не треба само од публика да кажуваш како треба. Ќе си преземеш дел од својата одговорност. Овој народ и оваа држава направија премногу национални отстапки, дадоа многу национални концесии. Во 90-тите ни залепија име од кое се срамевме, ни менуваа знаме, добивавме пресуди во Хаг ни викаа важи силата на посилниот, неколку пати менувавме Устав за да на крај не понижат со промена на уставното име. Доста е – потенцираше Мицкоски.

Тој нагласи дека ниту тој ниту македонскиот народ, ниту ВМРО-ДПМНЕ имаат намера да поддржат било каква национална отстапка.

– Ниту едно решение со нашиот источен сосед кое треба да се бара надвор од пристапниот процес на Македонија во ЕУ, нема да поддржиме ако вклучува национална отстапка, тоа да им биде на сите јасно додека сум јас претседател на ВМРО-ДПМНЕ –  рече Мицкоски.

The post Мицкоски: Нон пејпер креирале Заев, Фајон и Пицула, ми кажа Јанша во разговор appeared first on plusinfo.mk.

Таа порача дека едностраното делување нема ништо заедничко со критериумите за членство во ЕУ.

– Бугарија треба да ги повлече своето вето, затоа што кризата што ќе ја предизвика бугарското вето ќе го загрози процесот на проширувањето за другите земји од регионот – рече таа.

Пред неа бугарскиот пратеник Андреј Ковачев изјави дека во Северна Македонија се нарушува слободата на изразување на Македонците со бугарско потекло и дека бугарската заедница во Северна Македонија била мнозинство пред да дојде Тито на власт. Тој го посочи случајот со пејачот избран за Евровизија како доказ дека Бугарите во Северна Македонија се мета на постојани напади.

Европратеникот Ангел Џамбаски од своја страна ја спореди Северна Македонија со Северна Кореја поради тоа што Бугарите, како што рече. не смееле да се декларираат како такви на претстојниот попис.

The post Фајон: Бугарија да го повлече ветото за Македонија, ова што го прави е неодговорно appeared first on plusinfo.mk.

На тој начин, како што изјави таа за Радио Слободна Европа, ќе се обезбеди најголема можна застапеност и промоција на разни идеји и придонеси, што го зајакнуваат плурализмот и демократијата, а кои треба да бидат главните цели што ќе да ги следат властите.

Говорејќи за датумот на изборите, Фајон изјави дека не се очекува од неа да се даде некаков предлог, но дека, со оглед на моменталната состојба, здравјето на граѓаните треба да биде приоритет на секоја влада.

Кога станува збор за набудувачката мисија за време на изборите, Фајон истакна дека сè уште се проверуваат можностите во кој формат би можеле да бидат распоредени од меѓународната мисија за набудување и кога.

– Во моментов, јас немам јасен одговор на тоа прашање, но Србија се обврза во нашиот дијалог да овозможи мониторинг на изборите, така што се надевам дека меѓународните набудувачи ќе бидат присутни до оној степен што сите го сакавме – изјави Фајон.

Таа, исто така, верува дека сите партии во Србија, и владата и опозицијата, треба да се почитуваат едни со други, односно да одржат одредено ниво на пристојност во политичкото однесување и комуникација.

Фајон додава дека дека улогата на медиумите е поважна сега од кога и да било претходно, пред се поради ограничувањето на нормалните услови за спроведување на изборната кампања поради последиците од пандемијата и дека владините и опозицските актери треба да бидат подеднакво застапени во нив.

Коментирајќи го неодамнешниот извештај на Фридом Хаус, Фајон истакна дека тој треба да се сфати многу сериозно и оти на Србија и се потребни драстични промени и силна политичка волја за промена на сегашната состојба.

– Слободата на медиумите во најширока смисла оди заедно со демократијата, што сè уште е огромен проблем во земјата. Србија ќе мора да ја преиспита својата политичка стратегија за да го смени сегашниот статус на хибриден систем – изјави Фајон.

Според Фајон, неколку причини доведоа до пад на Србија во хибриден режим, а пред се, пад на демократско претставување и донесување одлуки во Националното собрание, корупцијата, отсуство на човекови права и владеење на правото.

The post Фајон: Ја повикуваме цела Србија да се вклучи во изборниот процес appeared first on plusinfo.mk.