Корисниците во Канада сè уште ќе го гледаат името Езеро Онтарио, додека на корисниците во остатокот од светот ќе им бидат прикажани двете имиња.

Компанијата Епл (Apple) го промени името на езерото Онтарио во „Езеро Америка“ (Lake America) на веб-верзијата на својата апликација Епл Мапс (Apple Maps) за американските корисници, по извршната наредба на американскиот претседател Доналд Трамп за преименување на езерото.

Епл потврди дека корисниците во САД ќе го гледаат новото име откако езерото беше преименувано во американскиот Географски информациски систем за географски имиња (GNIS), објавија британските медиуми.

Корисниците во Канада сè уште ќе го гледаат името Езеро Онтарио, додека на корисниците во остатокот од светот ќе им бидат прикажани двете имиња.

Епл го следеше примерот на Гугл (Google), кој во саботата го промени името на езерото на Гугл Мапс за американските корисници.

Извршната наредба на Трамп се однесува на употребата на името на езерото во рамките на американските федерални институции и не ги обврзува Канада, меѓународните организации или другите институции да го прифатат новото име.

Канадскиот премиер Марк Карни и гувернерката на Њујорк, Кети Хокул, по одлуката на Трамп изјавија дека нема да го користат новото име за езерото, кое се користи повеќе од 400 години.

Околу 52 проценти од површината на езерото Онтарио, едно од петте Големи езера во Северна Америка, се наоѓа во Канада, а остатокот ѝ припаѓа на американската држава Њујорк.

Во јануари 2025 година, Трамп нареди и преименување на Мексиканскиот Залив во „Американски Залив“, по што Епл и Гугл го сменија името на своите мапи за корисниците во САД.

The post ЕПЛ-МАПС ГО ПРЕКРСТИ ЕЗЕРОТО ОНТАРИО ВО „ЕЗЕРО АМЕРИКА“ Канаѓаните ќе го гледаат старото име appeared first on plusinfo.mk.

Ново езеро, создадено зад свлечиште на непалската страна од границата со Кина, се претвори во нова закана по смртоносната поплава која во вторникот го погоди подрачјето меѓу Кина и Непал.

Снимки од дрон на кинеската државна телевизија покажале дека езерото се проширило во близина на граничниот премин Ѓиронг, анализира хрватски Индекс. Во него веќе има околу 2 милиони кубни метри вода.

Уште позагрижувачка е прогнозата за следните 3 дена. Во езерото би можеле да се влеат дополнителни 3 милиони кубни метри вода.

Тоа го зголемува ризикот да попушти природната брана од земја и од карпи. Ако се случи тоа, нов воден бран би можел да се спушти по веќе опустошената долина.

Падините може да се урнат во секој момент

Кинеската армија предупреди и на друга опасност. Планинските падини околу Ѓиронг се исклучително нестабилни.

– Падините може да се урнат во секој момент – предупредиле кинеските воени претставници.

Патиштата околу граничниот премин со Непал се целосно уништени. Багери и друга механизација се обидувале да отворат пристап до погодените подрачја.

Aerials show the aftermath of the #Nepal mudslide triggered barrier lake at #Gyirong town, SW China’s #Xizang https://t.co/jvf3zu79KE pic.twitter.com/ZSCXSONLat

— ShanghaiEyeofficial (@ShanghaiEye) August 27, 2026

Oдрон од глечер силен како земјотрес

Најмалку 165 луѓе загинаа во катастрофата што ги погодила Непал и кинески Тибет. Речиси 1.500 луѓе сè уште се водат како исчезнати.

Поплавата можеби била предизвикана од одрон на дел од глечер, кој се урнал во долината на околу 1.200 метри пониско, покажуваат сателитски снимки на компанијата „Планет лабс“, кои ги анализирале експерти.

Непалските власти првично соопштиле дека можен предизвикувач на катастрофата бил земјотрес што го погодил подрачјето неколку минути порано. Сепак, Американскиот геолошки институт (USGS) соопштил дека бил регистриран потрес, но тој не бил предизвикан од земјотрес, туку од одрон со сила еквивалентна на земјотрес со магнитуда од 5,2 степени.

ОТКРИЕНА ПРИЧИНАТА ЗА ВОДЕНИОТ ЅИД ШТО НОСЕЛ СÈ ПРЕД СЕБЕ Катастрофата во Непал однесе 162 живота, над 1.300 се водат како исчезнати

The post 📽️ ПО КАТАСТРОФАТА, НОВА ОПАСНОСТ ВИСИ НАД НЕПАЛ Езеро со 2 милиони кубни метри вода може да ја пробие природната брана appeared first on plusinfo.mk.

Осумгодишниот Шејмус Кофи мислел дека фатил обична риба додека ловел со татко му во езеро во близина на Филаделфија. Изненадувањето дошло на брегот, на јадицата имало пирана.

Момчето ловело со својот татко Мајкл минатата сабота, 5 август. Додека ја влечело рибата, најпрво помислило дека станува збор за голем бас.

– Го извлеков и мислев дека е бас – рекол Шејмус.

Таткото немал претстава што уловиле. Неговиот син, сепак, ја препознал рибата.

– А потоа извика „Тоа е пирана!“ – раскажал Мајкл.

Шејмус објаснил дека ја препознал благодарение на видеата што ги гледа на Јутјуб.

An 8-year-old boy’s unexpected catch at Ridley Park Lake has drawn attention to the issue of exotic pets being released into local waterways. https://t.co/hDf6BS58pU https://t.co/ajCiHxIeq6 pic.twitter.com/bcsUzzCgPQ

— Action News on 6abc (@6abc) August 12, 2026

Од јадицата право кај биолозите

Необичниот улов стигнал и до Комисијата за риби и чамци на Пенсилванија. Нејзините биолози утврдиле дека навистина станува збор за вид пирана.

Портпаролот на Комисијата Мајк Паркер смета дека рибата најверојатно била нечие егзотично домашно милениче. Некој потоа ја пуштил во езерото.

Пираната потекнува од Јужна Америка и не би преживеала долго во водите на Пенсилванија. Паркер предупредил дека пуштањето егзотични животни во природата може да создаде проблеми и за животните и за екосистемот.

Кој ќе добие казна?

Паркер објаснил дека луѓето понекогаш купуваат егзотични животни без да размислат колку долго живеат. Нивното чување може да бара посебна храна, простор и значителни трошоци.

– Луѓето на крајот се здодеваат од нив и одлучуваат дека најдоброто нешто е едноставно да ги пуштат во река или езеро. Тоа е веројатно најлошото нешто што можете да го направите за вашето домашно милениче – рекол Паркер.

Пуштањето вакви животни во дивината е забрането во Пенсилванија. Сторителите може да бидат казнети или кривично гонети.

Паркер смета дека најверојатно нема други пирани во езерото. Сепак, ги повикал граѓаните веднаш да пријават доколку забележат или уловат таква риба.

The post 📽️ НЕВЕРОЈАТЕН УЛОВ, МОМЧЕ ФАТИЛО ПИРАНА НА ЈАДИЦА Еве како ја препознало рибата appeared first on plusinfo.mk.

Ким Кардашијан продолжува да ги споделува најубавите моменти од своето лето, а најновите фотографии на Инстаграм откриваат дека деновите ги минува во природа, опкружена со најблиските. Во серијата снимки, 45-годишната ѕвезда позира на даска за веслање среде езеро, додека ужива во мирниот пејзаж и сончевото време.

Посебно внимание привлече нејзината внука Пенелопе Дисик, 14-годишната ќерка на Кортни Кардашијан и Скот Дисик. Пенелопе се појавува на неколку фотографии покрај тетка си, а обожавателите коментираат колку пораснала и колку личи на својата мајка.

На фотографиите може да се види и ќерката на Ким, Чикаго, како и фотографии од семејното дружење покрај езерото. Кардашијан објавата ја наслови со зборот „Lakemaxxing“, термин што последниве месеци стана популарен на социјалните мрежи и се користи за уживање во летото покрај езера и во природа.

 

View this post on Instagram

 

A post shared by Kim Kardashian (@kimkardashian)

Ова не е првпат Ким да објавува фотографии од истата дестинација. Во текот на јули таа сподели повеќе моменти од одморот со своите деца Норт, Сент, Чикаго и Псалм, како и со сестрата Клои Кардашијан и нивните внуци. На програмата биле возење чамци, спортови на вода и дружења далеку од градската врева.

Во дел од претходните фотографии од одморот се појави и возачот на Формула 1 Луис Хамилтон, со кого Ким во последните месеци сè почесто се појавува во јавноста. Извори блиски до двојката тврдат дека тој веќе поминува време и со нејзините деца, а нивната врска станува сè посериозна.

Иако е навикната на гламурозни настани и црвени теписи, летово Ким очигледно избра поинаков ритам, со опуштени семејни моменти, природа и дружење со најблиските.

The post 🎥 КИМ КАРДАШИЈАН УЖИВА СО СЕМЕЈСТВОТО ПОКРАЈ ЕЗЕРО Ѕвездата сподели нови летни фотографии со внуката Пенелопе и децата appeared first on plusinfo.mk.

Возачот на Формула 1 сподели интимен поглед на неговиот неодамнешен одмор со неговата девојка Ким Кардашијан и сподели потсетник да „ги држиме своите луѓе блиску до себе“.

Оваа објава на Луси Хамилтон следуваше, неколку часа откако мајката на Ким, Крис Џенер, објави дека нејзината мајка, Мери Џо „МЈ“ Шенон, починала на 91-годишна возраст. п

Ѕвездата на Формула 1 сподели фотографии од себе, Кардашијан (45) и нејзините деца како поминуваат квалитетно време заедно додека пешачеле, пливале, возеле џет-скии и гледале филмови заедно на неодамнешната семејна екскурзија. Исто така, нив им се придружиле и внуката на возачот, Вилоу, и внукот Кајден, кои може да се видат на една слика како го бакнуваат својот чичко во образ.

На друга фотографија, Кардашијан и Хамилтон може да се видат како позираат покрај синот на Кардашијан, Псалм (7) и ќерката Чикаго (8).

нивниот одмор покрај езеро и порача: , додека Ким со трогателни зборови се прости од својата баба Мери Џо Шенон

Луис Хамилтон сподели интимен поглед во својот неодамнешен одмор со девојката Ким Кардашијан и нејзините деца, испраќајќи и емотивна порака по смртта на нејзината баба, Мери Џо „МЏ“ Шенон.

Ѕвездата на Формула 1 на Инстаграм објави серија фотографии од семејното патување, на кои тој, Ким и нејзините деца уживаат во заеднички активности – пешачење, пливање, возење џет-ски и гледање филмови.

 

View this post on Instagram

 

A post shared by Lewis Hamilton (@lewishamilton)

На одморот биле и неговата внука Вилоу и внукот Каиден, а на една од фотографиите може да се види како му даваат бакнеж на образот.

На друга фотографија, Хамилтон и Кардашијан позираат со нејзиниот син Псалм (7) и ќерката Чикаго (8).

„Чувајте ги блиску луѓето што ги сакате“, напиша Хамилтон во описот на објавата, само неколку часа откако Крис Џенер соопшти дека нејзината мајка, Мери Џо „МЏ“ Шенон, починала на 91-годишна возраст.

Набргу потоа, Ким Кардашијан објави трогателна посвета на социјалните мрежи за жената која ја нарекуваше своја најдобра пријателка.

– Моја драга бабо MJ, моја најдобра пријателке, партнерке за озборување, моја вечна близначке… – напиша Ким покрај серија семејни фотографии направени низ годините – од детството до поновите семејни моменти.

– Ти нè научи сите колку е важно семејството и тие вредности ќе ги носиме со нас засекогаш – додаде таа.

Во емотивната порака Ким напиша и дека се надева оти нејзината баба сега е во мир и повторно е со своите најблиски кои веќе не се меѓу живите.

– Прегрни ги дедо Хари, тетка Карен и татко ми од мое име. Засекогаш ќе бидеш дел од мене. Те сакам неизмерно и ќе ми недостигаш засекогаш – напиша Кардашијан.

 

View this post on Instagram

 

A post shared by Kim Kardashian (@kimkardashian)

Неколку дена претходно, таа објави и свои фотографии од одморот покрај езеро. На една од нив насмеана позира покрај Хамилтон и ќерката Чикаго, што многумина го протолкуваа како прва заедничка селфи-фотографија на парот со едно од нејзините деца.

– Лета покрај езеро со моите омилени луѓе – напиша Ким во описот на објавата.

The post 📷🎥 ЛУИС ХАМИЛТОН СПОДЕЛИ ФОТОГРАФИИ ОД СЕМЕЈНИОТ ОДМОР СО КАРДАШИЈАН „Чувајте ги своите луѓе блиску до себе“ appeared first on plusinfo.mk.

Во водите на Охридското езеро, рано изутрината во 04.35 часот полициски службеници од полициската станица за граничен надзор „Охридско езеро“, од слобода го лишиле албанскиот државјанин К.С.(47) поради постоење основи на сомнение за „Илегално преминување на државната граница“ и „Незаконит риболов“.

Како што соопшти МВР, судија на претходна постапка при Основниот суд во Охрид, поради тоа му одредил мерка „Краткотраен притвор“.

– При вршење патролни контролни активности на Охридското езеро, полициските службеници го затекнаа К.С. во неговиот пловен објект во македонските територијални води над населбата Лагадин, како врши незаконит риболов во водите на Охридското eзеро со помош на блинкери и по извршен преглед, пронајдени се 22 топки со 110 блинкери и друг риболовен алат кои, заедно со пловилото се одземени. По целосно документирање на настанот, против него ќе бидат поднесени соодветни пријави – рекоа од полицијата.

The post ФАТЕН НА ДЕЛО ВО ОХРИДСКО ЕЗЕРО Албанец илегално влегол и ловел риба, полицијата му го одзеде чамецот appeared first on plusinfo.mk.

Безживотно тело попладнево околу 14 часот било пронајдено во водите на Охридското Езеро, пред плажа на Градскиот кеј во Охрид.

Информацијата за Плусинфо ja потврди портпаролот на СВР Охрид, Стефан Димоски, кој изјави дека на телото не се забележани траги на насилство.

– Во моментов не можеме да дадеме точни информации, бидејќи телото ќе биде предадено на обдукција, повеќе би требало да има во текот на утрешниот ден. Инаку местото е обезбедено и се спроведува истрага за утврдување на причините и околностите за трагичниот настан – соопшти Димоски.

На лице место интервенирала и екипа од Службата за итна медицинска помош, која, по пристигнувањето, само можела да ја констатира смртта.

The post ТРАГЕДИЈА НА ГРАДСКИОТ КЕЈ ВО ОХРИД Извлечено тело од езерото, нема траги од насилство appeared first on plusinfo.mk.

Тим чешки научници, во јужниот дел на Албанија, го открија најголемото подземно термално езеро во светот и го именувале „Нејронско Езеро“, по фондацијата „Нејрон“ што ја финансирала експедицијата.

Откритието дојде по неколкугодишно истражување во долините на планинските погранични области меѓу Грција и Албанија, во сложени подземни услови. Тимот го предводел чешкиот спелеолог Марек Ауди, кој се сомневал дека постои скриен систем на термални пештери во јужниот албански регион Вромонер.

„Додека ја мапираа областа, во близина на грчката граница, и ја следеа пареата од бројните загреани извори, научниците открија бездна длабока 100 метри. На нејзиното дно го пронашле езерото кое е долго 138 метри со широчина од 42 метри, а може да собере 8.335 кубни метри топла вода“, објави албанската државна агенција АТА.

Во регионот Вромонер, на албанската страна на границата, научниците во 2021 година наишле на обемен пештерски систем, кој оттогаш го мапирале детално.

Тие велат дека сега знаат дека околните топли извори се со вода од подземно езеро.

– Веруваме дека ова откритие би можело да придонесе и за заштита на целата област и подобро разбирање на нејзината хидрологија, бидејќи до денес никој не знае точно како овие подземни води се поврзани со површината – изјавил членот на тимот Ричард Бад, фотограф и спелеолог.

The post ПРОНАЈДЕНО Е НАЈГОЛЕМОТО ТЕРМАЛНО ЕЗЕРО ВО СВЕТОТ Експедиција го откри во Албанија на 100 метри под земјата appeared first on plusinfo.mk.

– За таа цел минатата година се склучија договори со Хидробиолошкиот завод од Охрид и со Институтот за сточарство и рибарство од Скопје, за изведување вештачки мрест и порибување. Денешната активност е со цел излов на матици и собирање на икра при што двете институции согласно обврските од договорот треба да соберат 1.050.000 зрна икра од кои ќе се одгледа подмладок за порибување – додаде министерот.

Оваа активност е многу значајна за зачувување на охридската пастрмка како едно од нашите национални богатства и за екосистемот на езерото.

Тој изрази жалење што изминатите години немаше вештачки мрест на Охридското Езеро, за што ја обвини претходната власт.

–Тоа придонесе за дополнително уништување на рибниот фонд на овој загрозен вид риба. Затоа ние ќе продолжиме сега со засилено темпо за да го одржиме рибниот фонд во Езерото -додаде Трипуновски.

The post ПО ПАУЗА ОД 6 ГОДИНИ СПРОВЕДЕН Е ВЕШТАЧКИ МРЕСТ НА ОХРИДСКАТА ПАСТРМКА Рибниот фонд на Охридското Езеро е доведен во прашање appeared first on plusinfo.mk.

Поградец Марина, луксузниот проект кој од корен ќе ја замени досегашната туристичка понуда на овој град. Вака медиумите во Албанија го најавуваат најновиот проект за развој на овој езерски град во кој во следниот период ќе се инвестираат милиони евра во градба на овој мега проект.

Комплекс од згради и луксузни хотели со 5 ѕвезди, шеталишта кои всушност се мостови во езерото, простор за забава и сѐ што треба за луксузна туристичка понуда ќе се гради во Поградец.

„Пред неколку дена сопственикот на една од најголемите градежни компании во Албанија ‘Арлис Констракшн’ на социјалните мрежи го сподели инвестицискиот проект што ќе се реализира кај Поградското Езеро“, се вели во официјалното соопштение на компанијата инвеститор.

Проектот има неколку згради и пристаниште за закотвување чамци и јахти, а ќе го носи името „Поградец Марина“.

– Среќен сум што можам да го споделам со вас луксузниот проект во центарот на Поградец, проект кој ќе донесе нов ветер во градот – изјавил Арманд Лило.

Пред една година овој приватен простор на Поградец беше продаден од сопствениците за да се отвори пат за оваа инвестиција, првично беше уште еден проект кој беше како реализација во најава, но со интервенција на премиерот Еди Рама направени се потребните процедури и добиени се сите дозволи за реализирање на инвестицијата.

Оваа инвестиција во оваа област, која опфаќа блок хотели и апартмани, ќе биде уште една форма на туризам што наскоро ќе ја има Поградец, со услуга со 5 ѕвезди. Се дознава дека проектот е одобрен и се очекува само издавање на градежната дозвола за почеток.

The post ОХРИДСКО СТАНА „ПОГРАДСКО“?! Луксузна марина и хотел во Поградец, а и езеро со ново име appeared first on plusinfo.mk.