За прв пат по 60 години ќе се чисти вештачкото езеро „Младост“ во близина на Велес, чии води се токсични поради недостиг на кислород, атрофирање на водната флора и недоволен прилив на свежа вода,

Ресорниот министер Цветан Трипуновски во објава на Фејсбук информира дека за ревитализација на езерото „Младост“ обезбедени се 6.000.000 денари од Програмата за водостопанство.

„Согласно планираните активности, во тек е фаза на механичко отстранување на сувите наслаги и трската од крајбрежниот појас на езерото „Младост“, во соработка помеѓу АД „Водостопанство“ и ЈПВ „Лисиче“ – Велес, со поддршка од Министерството за земјоделство, шумарство и водостопанство. Работиме на ревитализација на езерото „Младост“, со цел подобрување на квалитетот на водата и дополнување на акумулацијата со свежа вода“ – напиша министерот за земјоделство, шумарство и водостопанство Цветан Трипуновски на својот профил на Фејсбук.

Центарот за јавно здравје летоска, на почетокот на јуни, донесе забрането за секаков вид употреба на водите од езерото„Младост“ – за наводнување, капење и рекреација, поради екстремно лошиот квалитет.

Во последните години квалитетот на водата во езерото „Младост“ се оценува како „алармантен“, при што анализите укажуваат на сериозно загадување на површинските води во езерото. Истражувањата на Хидробиолошкиот завод од Охрид покажуваат дека водата често има нарушени параметри и дека се развива пролиферација на модрозелени алги (цијанобактерии), што претставува ризик за здравјето при директен контакт или употреба на водата за рекреација. Ова влошување на квалитетот беше забележано уште во текот на 2024 година и е причина за зголемено внимание на стручните служби и локалната власт за потреба од мерки за подобрување и прочистување.

Посебна комисија препорача серија мерки за подобрување на состојбата: да се исчисти коритото на Отовичка река, да се отстрануваат наслагите, да се прават бушотини кај Рудничка Река, со цел да се дојде до свежа вода, која треба да се донесе во Велешко, како краткорочна и најбрза мерка за дотур на вода, да се реконструира колекторскиот систем и шахтите, со цел да се спречи понатамошно загадување на езерото „Младост“. Потенцирано е дека е неопходно и довршување на цевководот од езеро „Лисиче“ до езеро „Младост“ во должина од околу 6 километри.

The post ПРВ ПАТ ПО 60 ГОДИНИ ПОЧНА ДА СЕ ЧИСТИ ЕЗЕРОТО МЛАДОСТ Водата е катастрофална, езерото умира appeared first on plusinfo.mk.

Продолжуваат активностите за спас на езерото Младост, информира Општина Велес. Јавното претпријатие Лисиче започна со расчистување на крајбрежјето на езерото и за таа цел во соработка со Министерството за земјоделство, шумарство и водостопанство беше отстапена соодветна машина, се вели во соопштението.

„Денеска е распишан и јавен повик за хидрогеолошки истражувања за изведба на бушотините, а во фаза на изработка е и проект за санација на темелниот испуст. Како долгорочно и трајно решение, Општина Велес во сопработка со Владата ќе работи на довршување на цевководот за поврзување на акумулациите Лисиче со Младост.

Општина Велес посветено и континуирано ќе ги спроведува активностите за еколошка обнова на езерото Младост“.

The post 📷 СЕ ЧИСТИ КРАЈБРЕЖЈЕТО НА ЕЗЕРОТО МЛАДОСТ Општина Велес и Владата работат на долгорочен план за спас appeared first on plusinfo.mk.

Исполнивме поголем дел од ветувањата, но реализиравме и многу други проекти во Велес, вели актуелниот градоначалник Марко Колев кој повторно ќе ја бара довербата од велешани на изборите закажани за октомври.

Запрашан за тоа кои проекти кои го преобразиле градот во последните 4 години во интервју за Курир тој вели:

– Интензивно работевме на инфраструктурата, каде што се реконструираа околу 100 улици целосно или дел во градот и селата, при тоа напоредно инвестирајќи и во подземната инфраструктура. Се погриживме спортот да биде достапен за сите со тоа што изградивме или реконструиравме 6 спортски комплекси, 5 спортски терени и 3 училишни спортски сали, и она на што сум посебно горд е дека со возобновување и создавање нови културни настани и манифестации го вративме епитетот кој Велес го заслужува – град на културата. Секако дека има и други аспекти на кои се работеше – капитални проекти (нов систем за улично осветлување, санација на мост кај Башино Село, кеј на река Вардар, Градски пазар и др.), бројни катчиња за најмалите, хигиена, хортикултурно уредување, урбана опрема – сè она што е неопходно за поубав живот на велешани.

Според Колев, градската власт на ВМРО-ДПМНЕ го вратила епитетот кој го заслужува – град на културата.

Во следните 4 години Колев вели дека посебно би се посветил на имплементација на изнајденото решение за спас на езерото „Младост“, „но и со внесување нови свежи идеи кои сме ги увиделе во текот на нашите секојдневни активности во изминатите години или од непосредната комуникација со граѓаните“.

Тој најави продолжување на досегашните проекти и нови проекти во инфраструктурата, образованието, спортот, културата, хигиената.

Општина Велес потпиша договор со Владата за 15 капитални проекти. Според Колев таквата соработка е неопходна во време кога општините во Македонија не се доволно финансиски моќни сами да ги реализираат проектите.

Средствата се обезбедени за реконструкција на неколку патишта, реконструкцијата на влезови на неколку села, реконструкција на плоштадот во центарот на Велес, реконструкција на спортската сала „Гемиџии“ и реконструкција на неколку поголеми улици и делници во градот.

The post ИНТЕНЗИВНО РАБОТЕВМЕ НА ИНФРАСТРУКТУРАТА, ГО ПРЕОБРАЗИВМЕ ВЕЛЕС Колев најави нови проекти доколку пак ја добие довербата од велешани appeared first on plusinfo.mk.

„Парцелите се оттуѓени во 2022 година и мистерија е на кој начин општинскиот имот преминал во приватни раце. Градоначалникот Марко Колев се прави дека не е запознаен кој му го купил земјиштето, за кое самиот е надлежен. Иако Колев ветуваше дека во неговиот мандат ниту една парцела нема да се продаде покрај езеро Младост, очигледно нечии лукративни интереси преовладоа. Сите еколошки здруженија од Велес и стручни лица беа едногласни дека не смее да се дозволи дополнителна урбанизација на крајбрежјето на езеро Младост, но тоа не го разубеди градоначалникот Колев. Го повикуваме градоначалникот Марко Колев да излезе пред јавноста и да објасни како беше спроведена приватизацијата на овие парцели, што е предвидено да се гради и за чии бизнис-интереси одработува со неговата одлука“, се вели во соопштението на Левица.

The post ВЕЛЕШКОТО ЕЗЕРО СТАВЕНО НА ПРОДАЖБА? Левица бара одговори од градоначалникот Марко Колев appeared first on plusinfo.mk.

Токму тоа е целта на Проектот за локална и регионална конкурентност „Смарт Езеро Младост – Прва иновативна туристичка атракција во Македонија“.

Проектот е финансиран од Европска Унија и од Светска Банка, во износ од 1 милион евра. Со него се предвидуваат 18 елементи, 9 градежни работи а 9 елементи кои претставуваат паметна или смарт технологија.

Граѓаните сега имаат бесплатен пристап до бунгаловите, парк со мини фонтани и летниковци, лулки или нишалки за мали деца и мини плажи. Исто така, тие имаат можност да појадуваат, ручаат или да вечераат, па и да преноќат во хотелите околу езерото.

Направена е пешачка патека во должина од 750 метри, тротоар покрај езерото и еко-камп во облик на вински буриња, затоа што тука почнува винскиот пат и завршува во Тиквеш во Кавадарци. Еко-кампот има 7 вакви куќички со капацитет од 28 легла.

Исто така, во тек е изградба на систем за водоснабдување на населбите и селата близу езерото, како и атмосферска канализација. Дополнително, почнати се и градежни работи за асфалтирање, бетонирање или санирање на дел од улиците во околните места, како и набавка и поставување на сепаратор во функција на паркинг.

Во овој регион исто така се одвиваат и трки со мотори, како и некои водени спортови. Велешани секојдневно доаѓаат и спортуваат на патеките околу езерото.

Дополнително, во Велес се изгради и мини езерце во градскиот парк.

Со овој проект, околината на езерото Младост добива се подобар изглед и веќе прераснува во регионална атракција за одмор и за уживање.

(Автор на оваа содржина е Даниела Јанушевска, учесник во обуката за млади новинари на редакцијата на ПЛусинфо)

The post ТУРИЗАМ Велешкото езеро Младост доживува втора младост ГАЛЕРИЈА appeared first on plusinfo.mk.