На ситуацијата на копнените гранични премини со спроведувањето на ЕЕС системот, можноста што европската регулатива ја дава за привремена суспензија на биометриската регистрација, но и на одлуката да се постават модуларни контролни пунктови на Евзони со кои една сообраќајна лента се претвора во две, со цел да се скрати времето на чекање, се осврна заменик-министерот за внатрешни работи на Грција, надлежен за областите Македонија и Тракија Константинос Гиулекас, говорејќи на конференција за туризмот во организација на грчкиот информативен портал „Ворија“, јави дописничката на МИА од Атина.

Гиулекас ја спомена надградбата на граничниот премин Кипи кон Турција што е во тек и планот за надградба на Евзони кон нашата земја, објаснувајќи дека додека не се заврши модернизацијата немаат голема флексибилност, но се обидуваат да најдат привремени решенија.

– Таму, во соработка со Министерството за заштита на граѓаните, кое е надлежно за спроведување гранични проверки, поставуваме други модуларни контролни пунктови, односно дополнителни контролни точки и едната сообраќајна лента ја прошируваме во две. Секако, сето ова е точно на границата на можностите што постојат, бидејќи немаме поголема флексибилност сè додека целосно не се модернизира и граничниот премин Евзони и додека не се создадат услови за користење на дополнителни инфраструктурни капацитети. Таа можност не постои, па затоа се обидуваме на секој начин да го скратиме времето што е потребно за контрола, со цел побрз влезе во нашата земја – објасни Гулекас.

За системот за биометриска регистрација на сите државјани од трети земји, посочи дека европската регулатива дава можност за делумно суспендирање на имплементацијата во периоди на зголемен сообраќај и како што нагласи тоа често го применуваат.

– Европската директива која сега налага контролата, покрај патните документи, да се прошири и на биометриските податоци на секој што влегува во нашата земја од трети земји, за жал значи зголемување на времето на контрола, а со тоа и зголемување на доцнењето што се забележува на сите влезови, како што е случај и во сите европски земји. Она што го имаме како „оружје“ за справување со особено тешките околности во овој период е тоа што од Европската Унија имаме можност за делумно суспендирање на мерката во часови на зголемен сообраќај и тоа често го применуваме – рече заменик-министерот за внатрешни работи надлежен за северниот дел на Грција.

Како што објави МИА пред десет дена, според одговорите на пратенички прашања од заменик-министерот за заштита на граѓаните на Грција Јоанис Ламбропулос во однос на системот за регистрација на државјани на трети земји, на одредени гранични премини и во случај на зголемен сообраќај, а со цел воспоставување нормален проток на патници и возила, европската регулатива дава можност привремено и делумно да се суспендира имплементацијата на ЕЕС системот, односно регистрацијата да се врши без земање биометриски податоци, отстапка што важи до 8 јули годинава, со можност да се продолжи до 6 септември.

The post ГРЦИЈА ГО МЕНУВА РЕЖИМОТ НА ЕВЗОНИ Побрз проток на возила во екот на туристичката сезона appeared first on plusinfo.mk.

На најпрометниот граничен премин на пат кон Грција, „Богородица“ – „Евзони“, утрово туристите чекаат околу еден час, при што не сите поминуваа низ системот EES, јави Фокус.

Патниците кои ја преминале границата во раните утрински часови денеска известуваат дека доцнењето на граничниот премин кон Грција било помеѓу 40 и 65 минути.

Фотографирањето се прави главно само за оние кои сè уште не се во системот EES, другите поминуваат побрзо, обично со отпечаток од десната рака, велат туристите кои ја преминале грчката граница.

Целосната имплементација на системот EES на шенгенските граници официјално започна на 10 април, но грчките власт најавија негова привремена суспензија кога бројот на возила на граничниот премин е преголем.

The post ЧЕКАЊЕТО НА „БОГОРОДИЦА“ ОД 40 МИНУТИ ДО ЧАС Дигиталните проверки се забрзуваат appeared first on plusinfo.mk.

Kраток пад на ИТ системот од грчката страна бил дел од причините за големата гужва на граничниот премин Богородица минатиот продолжен и празничен викенд, наведува познатата грчка туристичка страница Nikana, пренесува српски Телеграф.

„Вчера, на пример, имаше прекин на системот во еден момент, што предизвика застој. И тоа е нешто што може да се случи во текот на сезоната – не често, но се случува“, наведуваат од страницата коментирајќи го големиот наплив на турисити, вклучително и од Македонија како причина.

Според нивните информации, најголемиот метеж бил меѓу 6 и 8 часот наутро, слично како и во годините пред да виде воведен ЕЕС системот за биометриски проверки. Подоцна колоните постепено се намалувале.

Снимките од автомобили заглавени со часови на границата предизвикаа загриженост кај илјадници туристи.

Грција веќе бара решение

Колапсот на Евзони веднаш стигна и до грчките власти. Во Солун состанчеа ретставници на полицијата, царината, локалната самоуправа и другите надлежни институции. Заменик-министерот за внатрешни работи задолжен за грчките региони Македонија и Тракија, Константинос Гулекас предупредил за поплаките.

На состанокот учествувале пулекас предупредил дека туристичкиот и трговскиот сообраќај кон Грција постојано расте.

Истовремено, новата европска регулатива бара проверка на биометриските податоци на секој патник што влегува или излегува од земјата.

„Со европската директива за проверка на биометриските податоци на секое лице што влегува или излегува од земјата се создаваат дополнителни доцнења за време на неопходните полициски контроли“, посочил Гулекас.

Специјални тимови ги посетуваат Евзони и Кипи за да ја испитаат можноста за воведување дополнителни мерки уште пред главниот туристички бран.

Што би можеле да бидат новите измени?

Според информациите што се разгледуваат, Грција не планира само подобрување на софтверот. На маса се неколку конкретни решенија кои би можеле значително да го забрзаат протокот на патници.

Една од опциите е поставување модуларни кабини со биометриски терминали пред пасошката контрола.

Во нив патниците самостојно би ги скенирале пасошите и би ги внесувале биометриските податоци, пред да пристигнат до полицискиот службеник.

Се разгледува и отворање привремени контролни пунктови и дополнителни ленти во периодите кога има најголем сообраќај.

Друга опција се мобилни терминали со кои полицајците би можеле да вршат дел од контролите додека патниците сè уште чекаат во колоните.

Според грчките медиуми, токму овие решенија се меѓу приоритетите што треба да се реализираат пред шпицот на летната сезона.

Жалби стигнале и од Македонија

Грчките медиуми пишуваа дека минатиот викенд револтирани граѓани изјавиле дека никогаш повеќе нема да летуваат во Грција.

Министерот за заштита на граѓаните на Грција, Михалис Хрисохоидис, призна дека новиот систем веќе предизвикал реакции од соседните држави. Тој изјави дека добил поплаки од неговите колеги од Македонија и од Србија.

Според него, проблемот има две димензии. Првата е новата биометриска регистрација што ја бара Европската унија.

Втората е застарената инфраструктура на грчките гранични премини.

Како да ги избегнете гужвите?

Туристичките работници советуваат патниците да избегнуваат пристигнување на граница сабота наутро, кога најчесто пристигнуваат организираните автобуски тури. Најмалку гужва има во ноќните часови.

За патување кон Јонското крајбрежје се препорачува преминот Меџитлија-Ники.

Како алтернатива на Евзони останува и граничниот премин Дојран, кој во дел од деновите има значително помал сообраќај.

За Тасос и источна Грција многумина избираат рута преку Бугарија.

Доколку мерките што ги разгледува Атина навистина бидат реализирани во наредните недели, ова лето би можело да донесе побрзо преминување на границата.

The post ЌЕ ИМА ЛИ ПОВЕЌЕ ЛЕНТИ И МОДУЛАРНИ КАБИНИ НА ЕВЗОНИ? Грчките власти размислуваат за измени по краткиот пад на системот минатиот викенд appeared first on plusinfo.mk.

Километарски колони, десетици туристички автобуси, доцнења и чекања со часови за влез во Грција и денеска претпладне имаше на граничниот премин Евзони/ Богородица, а медиумите од Солун пишуваат дека туристите се соочуваат со непријатности и со задржувања поради биометриските контроли, јави дописничката на МИА од Атина.

Утрово, според медиумите, патничките автомобили чекале околу 2 часа, а за туристичките автобуси дури и повеќе од 5 часа, што предизвика „големи непријатности и исцрпеност кај возачите и кај патниците кои се обидуваат да ја преминат границата кон Грција“.

„Сликата јасно ја прикажува состојбата. Бесконечни колони возила, возачи кои излегуваат од автомобилите, барајќи сенка и свежина, семејства со мали деца кои трпеливо чекаат под жешкото сонце и десетици автобуси, што со часови стојат неподвижни. И покрај интензивните непријатности, климата засега останува мирна и не се забележани посериозни тензии. Сепак, огорченоста е видлива. Многу патници го изразуваат своето разочарување од сликата што ја затекнуваат на влезот во земјата, а некои дури карактеристично велат дека нема повторно да дојдат во Грција, сметајќи дека е неприфатливо нивниот одмор да почне со повеќечасовно чекање на граница“, пишува солунскиот информативен портал „Тес“.

Поради големото доцнење, долгото чекање и големиот број автобуси, како што пишува радиото Солун на нивниот сајт, била дадена наредба да се спроведе стариот систем за проверка за патниците од туристичките автобуси, со цел да се нормализира ситуацијата.

Солунскиот портал „Вориа“ коментира дека „доцнењата се директно поврзани со имплементацијата на новиот систем за влез и за излез од ЕУ (ЕЕС) што предвидува електронска и биометриска регистрација на државјани на трети земји“.

Во четвртокот, заменик-министерот за внатрешни работи на Грција надлежен областите Македонија и Тракија Константинос Гулекас одржа состанок за ситуацијата на граничните премини Кипи и Евзони по имплементирањето на ЕЕС системот, на кој биле разгледани мерки за олеснување на протокот на патници и возила.

Акцент бил ставен на можноста за дополнително зајакнување на информатичките системи за побрзо спроведување на контролите, како и на евентуална изградба на привремени технички решенија за олеснување на протокот на патниците и на возилата.

Министерот за заштита на граѓаните на Грција Михалис Хрисохоидис во четвртокот од Халкидики посочи дека мора да ја имплементираат европската легислатива, бидејќи Европската комисија инсистира на целосна примена. Тој нагласи дека за ЕЕС системот „добил поплаки од неговите колеги од Северна Македонија и од Србија“.

Објасни дека прашањето со биометриската регистрација на границите има два аспекти, едниот е самиот процес, а другиот е застарената грчка инфраструктура.

The post РЕВОЛТИРАНИ ТУРИСТИ ПОРАЧАЛЕ ДЕКА ПОВЕЌЕ НЕМА ДА ОДАТ ВО ГРЦИЈА Километарски колони и повеќечасовен застој на граничниот премин Евзони appeared first on plusinfo.mk.

Грција најави нов пакет мерки за побрз проток на патници и возила на граничните премини „Евзони“ кон Македонија и „Кипи“ кон Турција, по хаосот и долгите колони што се создадоа по воведувањето на новиот европски ЕЕС систем за биометриска контрола.

Одлуката била донесена на состанок во Солун што го свикал заменик-министерот за внатрешни работи на Грција, Константинос Гулекас, со учество на претставници на безбедносните служби, царината, локалните власти и надлежните институции.

Според грчкото Министерство за внатрешни работи, новите мерки предвидуваат дополнително зајакнување на информатичките системи за побрзо спроведување на контролите, како и можност за изградба на привремени технички решенија за олеснување на сообраќајот на границите.

Гулекас посочил дека туристичкиот и трговскиот сообраќај кон Грција постојано расте, но дека новите европски правила за проверка на биометриските податоци на сите патници создаваат дополнителни доцнења за време на полициските контроли.

Тој нагласил дека целта на состанокот била подобра координација меѓу сите служби, а донесените мерки, како што било соопштено, веднаш ќе почнат да се применуваат на терен.

За денеска се најавени и посети на специјални тимови на граничните премини „Евзони“ и „Кипи“, кои треба да ја разгледаат непосредната примена на дополнителните мерки.

Во тимовите ќе бидат вклучени претставници од полицијата, царината, локалните власти и регионалните администрации.

Министерот за заштита на граѓаните на Грција, Михалис Хрисохоидис, вчера изјави дека Грција мора целосно да ја спроведе европската регулатива за ЕЕС системот, бидејќи на тоа инсистира Eвропската Комисија.

Тој откри дека добил поплаки од неговите колеги од Македонија и Србија поради долгите чекања на границите, додавајќи дека проблемот е комбинација од сложената биометриска процедура и застарената инфраструктура на грчките гранични премини.

The post ХАОСОТ НА „ЕВЗОНИ“ ЈА НАТЕРА АТИНА ДА РЕАГИРА Се најавуваат нови мерки на границите appeared first on plusinfo.mk.

Повеќе од еден милион српски туристи кои секое лето одат на одмор во Грција не треба да се плашат од километарски редици и гужви поради EES, бидејќи по Британците и за Србите, овој вид проверка ќе биде укинат во шпицот на туристичката сезона, вели за српските медиуми Александар Сеничиќ, директор на Националното здружение на туристички агенции (JUTA).

Оваа најава ќе ги израдува и бројните туристи од Србија, кои, токму поради огромните гужви на аеродромите и на граничните премини поради EES проверките, размислуваа дали да ја заменат својата омилена дестинација за одмор со друга оваа година.

Грчката влада одлучи дека граѓаните на Велика Британија нема да мора да се подложуваат на биометриска контрола при влегување во земјата како дел од имплементацијата на новиот европски EES (систем за влез/излез). Причината за таквата постапка лежи во стравот од неподносливи гужви на границите и аеродромите, а бидејќи 4,89 милиони британски туристи ја посетиле Грција во 2025 година, целта на оваа мерка е да се намали времето на чекање за најбројните гости во земјата.

Александар Сеничиќ верува дека Грците ќе го ценат фактот што секоја година повеќе од еден милион нивни граѓани го поминуваат летото кај нив.

– Се надевам дека во текот на летната сезона системот за ЕЕС нема да се применува ниту кај нашите туристи. Не верувам дека Грците ќе донесат каква било официјална одлука за суспендирање на ЕЕС за граѓаните на Србија, но верувам дека ќе ја искористат препораката на Европската комисија, која овласти секоја земја-членка да го суспендира ЕЕС во одреден момент. Сигурен сум дека во целата сезона во јули и август, Грците ќе постапуваат во согласност со тие препораки и дека ќе ги проверуваат само пасошите на нашите туристи, како и досега – истакнува Сеничиќ.

Тој очекува дека дури и во одредени ударни термини, кога има гужва на границата, Грците ќе го суспендираат ЕЕС веќе во текот на месец јуни, и дека поради ова, српските туристи не треба да се откажуваат од своите омилени дестинации во таа земја.

– Патниците не треба да се откажуваат поради тоа. Грција е безбедна дестинација, каде што одморот е најзгоден, и сигурен сум дека тие ќе знаат дека го ценат бројот на српски туристи, повеќе од еден милион од нив одмараат таму – вели Сеничиќ.

Како што веќе е најавено, а што е потврдено од искуствата на патниците на границите на Грција за време на преодниот период што трае до септември 2026 година, на државите им е дозволено да ја прилагодат примената на EES во зависност од ситуацијата на терен. Ова значи дека службениците на граничните премини можат привремено да ја олабават или суспендираат постапката на EES во случај на големи толпи, можат да го прескокнат фотографирањето и земањето отпечатоци од прсти и да вршат контрола само со печат во пасошите.

The post СРБИТЕ СЕ НАДЕВААТ ДЕКА ГРЦИЈА И НИВ ЌЕ ГИ ОСЛОБОДИ ОД БИОМЕТРИСКИ ПРОВЕРКИ Секоја земја-членка може да го суспендира ЕЕС во одреден момент appeared first on plusinfo.mk.

Грција од 1 јануари ја запре продажбата на цигари и тутун во фри-шопот на граничниот премин Евзони, а властите објаснија дека цигарите и тутунот нема да бидат вратени во понудата бидејќи цените речиси се изедначиле со цените во Грција.

Досега, фри-шопот во Евзони беше популарна станица за патниците кои сакаат да заштедат на цигари и на тутунски производи.

Одлуката доаѓа во време кога вниманието во регионот е сè повеќе насочено кон хармонизација на цените на акцизните производи и борбата против шверцот и нелегалната продажба на тутун. Патниците кои планираат да патуваат низ овој премин ќе мора да се навикнат на новите цени, кои веќе нема да бидат поттик за купување преку границата.

Во изминатиот период вакви цигари без бандероли (без платена акциза), со написи на англиски, завршуваа на тезги во повеќе градови во земјава. Сомневањата беа дека „изворот“ на овие цигари на македонскиот пазар се грчките фришопи на граничните премини Евзони (Богородица), Дојран и Ники (Меџитлија).

The post НЕМА ВЕЌЕ ОДЕЊЕ ВО ФРИШОП ВО ЕВЗОНИ ПО ЦИГАРИ Грција ја запре продажбата на тутунски производи на граничниот премин appeared first on plusinfo.mk.

Сообраќајот на државните патишта во земјава се одвива во зимски услови, по претежно влажни коловози, а сите патни правци во моментов се проодни.

Како што информираат од ЈП „Македонијапат“, на одредени делници кои минуваат низ усеци и клисури постои можност за појава на поситни одрони, поради што се препорачува зголемена внимателност.

Од јавното претпријатие апелираат возачите да управуваат внимателно со возилата, да ја почитуваат поставената сообраќајна сигнализација и брзината да ја прилагодат според условите на патот.

Од Автомото сојузот на Македонија (АМСМ) информираат дека граничниот премин Евзони (Богородица) е отворен за сообраќај за сите видови возила од 23:10 часот.

Истовремено, од АМСМ соопштија дека на граничниот премин Ники (Меџитлија) е воведена забрана за движење на товарни возила, која ќе важи до денеска до 10:00 часот, додека сообраќајот за патнички моторни возила се одвива непречено.

The post ПАТИШТАТА СЕ ПРООДНИ, НО РИЗИЧНИ „Македонијапат“ со предупредување до возачите appeared first on plusinfo.mk.

На шест часа, почнувајќи од 17 часот по македонско време (18 часот по локално време), грчките земјоделци и денеска ќе го блокираат граничниот премини Евзони кон нашата земја за влез и излез од Грција, јави дописничката на МИА од Атина.

Блокадата се очекува да трае до полноќ по грчко, односно 23 часот по македонско време, и како и досега, ќе се однесува на сите видови возила: товарни, автомобили и автобуси.

Грчките земјоделци и вчера попладне во истиот период го блокираа граничниот премин, а во однос на плановите за следните денови, според информациите на МИА, исто како и досега, одлуките ќе ги носат во последен момент, особено сега кога изразија подготвеност во вторник да се сретнат со грчкиот премиер.

На ГП Ники (ГП Меџитлија), како што соопшти АМСМ, има забрана за движење товарни возила, која ќе трае до утре до 10 часот.

Вчера претпладне, земјоделците во цела Грција ја почнаа најавената 48-часовна блокада во целата земја, меѓутоа по новата покана за дијалог и средба упатена од владата, решија да повлечат дел од блокадите што се на споредните патишта, но сепак тракторите остануваат паркирани на автопатиштата.

Портпаролот на грчката влада, Павлос Маринакис, вчера упати покана до земјоделците во вторник да се сретнат со грчкиот премиер Кирјакос Мицотакис, но со два предуслова: прво, делегацијата на земјоделците да ги претставува сите блокови и, второ, дијалогот да се одржи со отворени патишта.

Владината покана ја прифатија земјоделците, а утре напладне ќе одржат состанок со учество на претставници од сите блокови за да ја одредат делегацијата што во Атина ќе се сретне со Мицотакис, како и темите и барањата што ќе ги иницираат на состанокот.

Грчката влада во средата детаљно ги објасни мерките за земјоделците, а ставот е дека нема простор за дополнителни мерки за поддршка.

Протестите на земјоделците во Грција почнаа на 30 ноември и траат над 40 дена со секојдневни блокади на низа локации во целата земја.

The post БЛОКАДАТА СО ТРАКТОРИ НА БОГОРОДИЦА ПОЧНУВА ВО 5 ПОПЛАДНЕ Грчките земјоделци ќе протестираат до полноќ appeared first on plusinfo.mk.

По кратката пауза поради празниците, грчките земјоделци од денеска повторно ги активираат блокадите на граничниот премин Евзони, што ќе предизвика сериозни проблеми за сообраќајот меѓу Северна Македонија и Грција.

Според најавите, преминот Евзони ќе биде целосно затворен за влез и излез на сите видови возила во периодот од 17:00 до 21:00 часот по македонско време, што директно ќе ги погоди патниците, транспортните компании и туристите.

Претходно во текот на денот, земјоделците организираа протестен марш низ Килкис (Кукуш), изразувајќи го своето незадоволство од односот на грчките власти кон нивните барања. Како знак на револт поради тоа што потпретседателот на грчкиот парламент, Јоргос Георгадас, одбил средба со нив, демонстрантите фрлија сено и памук пред неговата канцеларија.

Земјоделците најавуваат дека протестите ќе продолжат и во наредните денови доколку не добијат конкретни одговори и решенија од владата, што отвора можност за нови и подолготрајни блокади на клучните гранични премини со Македонија.

The post ЕВЗОНИ СЕ ЗАТВОРА НА 4 ЧАСА Грчките земјоделци повторно ги активираат блокадите appeared first on plusinfo.mk.