Анализата што ја прави Регулаторната комисија за енергетика треба да покажа какви промени ќе треба да се  направат во тарифниот систем за струја и во кои периоди од денот ќе има евтина тарифа, а во кои ќе треба да се укине, вели во интервју за МИА  претседателот на Регулаторната комисија за енергетика (РКЕ) Ацо Ристов.

-Идејата на Регулаторот е да направи ревизија на блок тарифите кои се воведени за време на енергетската криза во 2022 година, бидејќи во меѓувреме многу се променети работите во енергетскиот систем и сектор. Затоа мислиме дека има простор да се направи ревизија се со цел некако да се внесат во мрежата, односно во конзумот новите трендови на производство на електрична енергија од обновливи извори. Генералната идеја е граѓаните да плаќаат пониски сметки за потрошената електрична енергија- вели Ристов.

На маса, според него, засега се повеќе идеи кои ќе овозможат погодности за граѓаните , но и да им се овозможи на производителите на струја од обновливи извори да добијат цена за својот производ во периодите од денот кога поради високата понуда таа сега изнесува нула денари.

Ристов вели дека анализата која се прави треба да покаже дали евтината тарифа на струјата ќе се прошири од 11 до 15 часот, ќе се укине во ноќните часови и дали ќе може таа да се воведе и во сабота.

-Првите анализи покажуваат дека во одредени периоди на  денот може да им се понуди поевтина енергија на граѓаните или, пак, да се зголеми периодот на користење на таканаречената евтина тарифа. Факт е дека има еден убав период од 11 до 15 часот во кој берзанските цени се многу ниски затоа што имаме вишок на енергија. Во тој распон можеби ќе се движиме со зголемување на периодот на поевтина електрична енергија, а за разлика од тоа можеби ќе има намалување во ноќните часови.  Тоа ќе ни го покаже математиката дали е изводливо – може, не може и колку може – вели Ристов.

Крајната цел, додава тој,  ни е со зголемувањето на потрошувачката малку да се покачи цената на електричната енергија произведена од обновливи извори на берзата во делот од денот кога берзанската цена е нула денари – што не е економски параметар.

-Бидејќи ништо на светот не се произведува за нула денари затоа што компаниите имаат свои трошоци и кредитни линии за инвестиции поради што нулата не може да биде нула и не е нула. Пазарот е побарување и потрошувачка и доколку се зголеми побарувачката малку ќе се зголеми и цената на берзата што на луѓето кои произведуваат сепак ќе им даде некаква безбедност и извесност во  инвестирањето – вели Ристов.

Првиот регулатор вели дека доколку анализата покаже потреба од нив тарифен систем за струјата тој ќе важи од 1 јануари следната година, но притоа наведува дека има можност новите тарифи да важат и само во одреден период од годината, на пример од  мај до септември кога има многу сонце, а се разгледуваат и други опции меѓу кои и укинување на евтината тарифа во ноќниот период, бидејќи вели сега имаме апсурдна ситуација.

– Најскапата енергија на пазарот и највисоката берзанска цена е од 21 до 23 или 24 часот, токму во периодот кога ние имаме ноќна евтина тарифа што е апсурд. Ние сега му викаме на ЕСМ ти давај ја енергијата по 65 евра за мегават час во овој ноќен период без разлика што на берза е 300 евра. И тоа е економски неисплатливо – вели Ристов.

The post МОЖНО Е ДА ИМАМЕ ЕВТИНА СТРУЈА ПОВЕЌЕ ЧАСОВИ ВО ДЕНОТ, А БЛОК ТАРИФИТЕ ДА ВАЖАТ НЕКОЛКУ МЕСЕЦИ Првиот регулатор ги чека анализите за конечна одлука appeared first on plusinfo.mk.

Тој вели дека сега мора да се направи вистинска анализа за да се покаже дали постои можност бесплатната тарифа на струјата да се продолжи за еден час, односно до 16 часот.

– Ја прошируваме бесплатната тарифа за да ја искористиме евтината цена на струјата во овие периоди. Исто така, со тој сигнал што го испраќаме до ЕСM и ЕВН Дом, да купуваат струја во тие периоди, особено ЕВН Дом, ќе понудиме пониска цена на струјата што е многу можно да ни овозможи да ја намалиме цената на струјата за домаќинствата – вели Бислимовски на Радио Слободна Европа.

Моментално, најевтината тарифа на струјата е од 13 до 15 часот.

Регулаторната комисија ќе ја одобри новата цена на струјата на крајот на јуни и тогаш ќе се знае дали и колку ќе се намали цената на струјата.

The post ЕВТИНАТА СТРУЈА ЌЕ ТРАЕ ДО 16 ЧАСОТ? „Можно е да ја спуштиме цената на електричната енергија за домаќинствата“ appeared first on plusinfo.mk.

– Иако станува збор за релативно млад пазар, кој што сѐ уште се соочува со почетни предизвици, очекуваме целата постапка за избор на нов универзален снабдувач за домаќинствата и за малите потрошувачи да биде транспарентно спроведена, со почитување на начелата за фер конкуренција и да биде донесена одлука од која што најголема придобивка ќе имаат граѓаните. Јавноста треба да знае дека нашата понуда ќе биде многу конкурентна и со значително пониска маржа. Не сакаме да веруваме дека со политичка одлука може да се спречува поевтина струја за граѓаните. Без да звучам претенциозно, важно е да се знае дека фактичката состојба упатува на заклучокот дека во извесна смисла ЕДС на одреден начин ги субвенционира дел од државните и општинските институции, како и целата економија – вели Бабилис.

Директорот на ЕДС вели дека и како компанија и како тим се комплетно подготвени да одговорат на оваа одговорна улога во државата, како и дека целосно ги исполнуваат условите, а зад нив стои и активата на ППЦ, која, како што објаснува, е најсилен регионален играч на пазарот со електрична енергија.

– Еден од условите на јавниот повик за избор за универзален снабдувач со електрична енергија на регулираниот пазар е работен капитал од 40 милиони евра. Согласно законите за јавни набавки и енергетика, зад ЕДС стои корпоративниот углед, но и активата на ППЦ – вели Бабилис.

The post „ЌЕ УЧЕСТВУВАМЕ НА ЈАВНИОТ ПОВИК ЗА УНИВЕРЗАЛЕН СНАБДУВАЧ И ЌЕ ПОНУДИМЕ ЕВТИНА СТРУЈА ЗА ГРАЃАНИТЕ“ Компанијата ЕДС очекува фер и транспарентна постапка appeared first on plusinfo.mk.

– Она што е извесно е дека од 1 декември стартува дневната евтина тарифа, домаќинставата ќе имаат 11 часа во текот на денот евтина тарифа. Праксата покажува дека декември е поладен месец и затоа и тогаш се става на располагање на граѓаните. Реално овие часови најмногу ќе ги користат пензионерите – така е и таргетирана и димензионирана затоа што во државата во која се вградиле треба да чувствуваат сигурност и стабилност – рече Николовски.

Следува период за пресметки на цените но не очекуваме струјата да поскапи, додаде тој потецирајќи дека блок тарифите ќе останат затоа што дадоа ефект.

– Блок тарифите дадоа ефект и потрошувачката се намали за 16 % минатата година. Со обновливите извори ние имаме намалено увоз на струја значително и од 30%. За 140% имаме раст за само десет месеци во споредба со минатата година, а неспоредливо е со пред 10 години кога практично и да немало обновливи извори на енергија – рече Николовски.

– После 13 неуспешни тендери во изминатите 20 години, стартува со реализација најважниот енергетски проект, кој ниту една претходна влада не покажа капацитет да го реализра – тоа е хидроелектраната Чебрен, инвестиција од над 1 милијарда евра. Државата, идните герации, се сакаат со реализирање на овие важни проекти. Со овој огромен, многу значаен енергетски капацитет, ја зголемуваме енергетската независност на земјава и стабилноста на енергетскиот систем. Новиот енергетски капацитет од 333 Мега Вати задоволува целосно потреби на над 250 илјади домаќинства со просечна потрошувачка на струја. Не само што ќе произведуваме, туку и ќе извезуваме струја – додаде Николовски во интервју за ТВ 21.

The post ОД 1 ДЕКЕМВРИ СЕ ВРАЌА ЕВТИНАТА СТРУЈА Директорот Николовски вели дека граѓаните ќе имаат 11 часа за користење appeared first on plusinfo.mk.

– Постојат сериозни шанси да се воведе пониска одредена цена во текот на денот. Ќе видиме на кој начин ќе биде определена таа цена. Сигурно ќе има период сигурно кога ќе има пониска цена на струја, да речеме, од онаа во првиот блок, значително пониска. Се прават анализи и во наредните две до три недели ќе имаме и конечен став – изјави за Телма Марко Бислимовски, претседател на РКЕ.

Берзанските податоци за струјата се многу пооптимистички во однос  на она што се случувало во овој период минатата година. Од РКЕ велат дека прв пат по подолго време на берзите е забележана негативна дневна цена на електричната енергија.

– Има податоци од Хупекс имаме прв пат пад во дневните часови негативна цена веќе на најголемата референтна берза и за нас. Имаше негативна цена и одиме во насока да испратиме сигнал до ЕСМ како компанија која обезбедува струја за Универзалниот снабдувач, дека во периодот во ниска цена, за да ги заштитиме домашните ресурси јаглен вода, многу е поисплатливо да обезбедиме струја од пазарот. Не мора да е од увоз, може да е од домашните фотоволтаици – изјави Бислимовски.

Дневната евтина тарифа за домаќинствата поради енергетската криза и растот на цената на берзите беше укината и од јануари 2022 година граѓаните не можеа да ја користат, но исто така се зголеми и цената на електричната енергија.

The post ПАК ЕВТИНА СТРУЈА ПРЕКУ ДЕН? За две недели ќе се знае дали има математика appeared first on plusinfo.mk.

Ова се ставовите на претставници од прехранбената индустрија кои од утре, преку „ЕСМ продажба”, треба да добиваат струја по субвенционирана, фиксна цена од 80 евра за мегават час.

Компаниите ја поздравуваат мерката како почеток за целосно решавање на проблемот во нивната индустрија. Тие сметаат и дека регулираната цена на струјата, комбинирана со мерката за маржите во малопродажбата, ќе даде ефект.

Мелничарите и натаму се на ставот дека со активирање на стоковните резерви би се постигнал поширок бенефит.

-Можеме да соопштиме дека од утре, 1 декември, граѓаните ќе може да имаат леб по подостапна цена од 32 денара, а во наредниот период, по пресметките, ќе се направи корекција и на цените на другите пекарски производи која би била за околу 10 отсто во овој сектор. За да можеме уште повеќе да излеземе во пресрет на потребите на граѓаните, а воедно да не ја загрозиме ликвидноста на компаниите, сметаме дека активирање на стоковите резерви е мерка со која би се постигнал поширок бенефит. Според информациите кои ги имаме за залихите со кои располагаме како држава, треба да е доволно и за овој период, а не би требало да има поголеми проблеми и наредната година, бидејќи Србија од каде се прави најголемиот узвоз има доволни количини. За трендот на движење на цените на пченицата не може однапред да се дадат подолгорочни прогнози, бидејќи се работи за берзански производ и зависи од пошироките глобални движења и случувања – изјави за МИА потпретседателот на Сојузот на стопански комори (ССК) и претседател на Агро-бизнис комората, Горан Ѓорѓиевски.

The post ЛЕБОТ ОД УТРЕ И ЗА 32 ДЕНАРА Пекарниците добиваат струја од 80 евра за мегават час appeared first on plusinfo.mk.

Големи компании се снабдуваат со поевтина електрична енергија, која според законот не им следува, преку отворање на мали фирми „ќерки“ со до 20 вработени и со закупување на нивното броило, објави Телма.

Имајќи предвид дека преку таа шема одредени големи фирми користат и до десетпати поефтина струја, МЕПСО, но и УЈП треба да ги детектираат злоупотребите и да пресметаат колку пари од ДДВ се одлеале од државниот буџет.

Телевизијата нагласува дека од Владата не одговараат кои се фирмите кои на овој начин се снабдувале со струја од февруари до денес.

Синџир на маркети, казина, аптеки, фабрики, осигурителни компании, се само дел од големите фирми кои го изиграле законот и направиле огромни финансиски заштеди од февруари навака, наведува Телма.

The post ФАБРИКИ, АПТЕКИ, МАРКЕТИ, КАЗИНА…Преку направена „шема“ користат евтина струја appeared first on plusinfo.mk.

– Апелираме, укажуваме и очекуваме дека во делот на месната индустрија ќе биде вклучена целата дејност одгледување на животни, што е многу важно за сите фирми кои имаат фарми за одгледување на животни (живина, свињи, молзни крави, овци, кози) и се наоѓаат на слободниот пазар на електрична енергија, да бидат поддеднакво третирани во мерката, со цел сочувување на сточниот фонд во нашата држава – велат од стопанската комора.

Владата, ја вклучи и месната индустрија во мерките со кои на компаниите им се овозможува да добијат поевтина струја од 80 евра по мегават/час.

Од Комора велат дека ќе останат доследни на определба да им  помогнат на компаниите за полесно надминување на предвизвиците коишто ги носи енергетската криза.

-И понатаму ќе бидеме во дневен контакт со нив, ќе предлагаме решенија до Владата и надлежните институции и ќе бидеме проактиви и кооперативни со цел да се дојде до поддршка и за останатите компании кои се наоѓаат на слободниот пазар на електрична енергија, бидејќи тоа е во интерес не само на бизнисот туку и на самата држава – велат од Коората.

Во насока на поддршка на компаниите, деновиве Кризниот штаб на Стопанската комора ќе оствари средба со менаџментот на Развојна банка  со цел да ги афирмираме кај бизнис заедницата поволносите од кредитните линии за поддршка на стопанството во услови на енергетската криза, а ќе има и средби со претставници од Делегацијата на ЕУ во земјава за финансирање и поддршка на проекти значајни за бизнис секторот.

Кризниот штаб на Комората ја поздрави заложбата на Владата за носење на мерки за поддршка на компаниите како и последната Одлука за преземање на мерка при прогласена кризна состојба во снабдувањето со електрична енергија.

The post И ФАРМИТЕ ДА ДОБИЈАТ ЕВТИНА СТРУЈА Стопанската комора бара со субвенциите за струја да биде опфатена цела месна индустрија appeared first on plusinfo.mk.