Почитуваниот француски актер Арно Дени, со години градеше репутација како уметник верен на класиците и суптилна интерпретација на драмите. Меѓутоа, во последните месеци тој стана симбол на борбата за достоинство во ситуација на екстремно страдање и гласен критичар на медицинскиот систем кој, според него, го изневерил.

Денес, на 42-годишна возраст, тој се подготвува за евтаназија во Белгија, верувајќи дека неговиот живот во оваа состојба повеќе не е можен.

Дени добил признание за своите адаптации на делата на Оскар Вајлд, а неговите театарски продукции добивале пофалби од публиката и критичарите. Пресвртот се случил во 2023 година, по рутинска операција за отстранување на ингвинална хернија, за време на која му била вградена голема хируршка мрежичка. Тогаш почнала неговата ноќна мора.

– Повеќе не можам да излезам од дома, немам социјален живот, немам никаков живот. Повеќе немам ништо што би значело достоинствен човечки живот – рекол актерот.

Последиците од постапката биле катастрофални. Актерот почнал да чувствува постојана болка во стомакот, уринарни и невролошки проблеми, па дури и изгубил неколку килограми.

– Знаев дека умирам… Сите мои системи почнаа да откажуваат – рекол тој во една пригода.

По месеци страдање, Дени отишол во Соединетите Држави, каде што специјалистите извршиле скапа операција за отстранување на имплантот.

Иако на почетокот имало краткорочно подобрување, симптомите набрзо се вратиле. Лекарите се сомневале на синдромот ASIA, ретка имунолошка реакција на материјалот на имплантот.

Во Франција, меѓутоа, ASIA не се признава како болест, додека производителот на имплантот ја отфрлил одговорноста за ваквите компликации. Дени продолжил јавно да зборува за својата состојба, објавувајќи сведоштва за болката и посочувајќи ја тешката состојба на други пациенти со слични искуства. Тој основал група која собира сè поголем број луѓе со исти проблеми.

Како што здравствената состојба му се влошувала, тој отворено почнал да зборува за можноста да му стави крај на својот живот.

– Човек во длабочината на својата душа знае кога е осуден на крај – рекол тој во интервју за „Le Dauphine Libere“, а оваа реченица станала симбол на неговото внатрешно верување дека понатамошните обиди за лекување се бесмислени.

Во текот на 2026 година, тој покренал официјални процедури за евтаназија во Белгија, земја чиј закон овозможува ваков облик на ставање крај на страдањето. Тој ја објаснува својата одлука не само со интензитетот на физичката болка, туку и со целосното исчезнување на она што го нарекува „достоинство на човечкиот живот“.

– Не сакам да лежам во болницата приклучен на десетици цевки – рекол тој во едно интервју.

Истовремено, неговата дејствување оди подалеку од личната приказна. Тој активно се залага за реформа на француската хирургија на хернија и построг надзор на имплантите. Тој се придружил на групата пациенти кои бараат промени и поголемо информирање за ризиците. Тој, исто така, најавил тужба против производителот на имплантот, како и учество во колективната тужба поради медицинските пропусти.

Колку е послабо неговото здравје, толку посилен станува неговиот јавен глас. Тој се повлекол од сцената, но продолжил да дава интервјуа и да објавува извештаи за секојдневната борба. Неговиот случај покрена прашања за безбедноста на рутинските операции и ефикасноста на медицинската грижа.

Во 2025 година, „Ле Монд“ го опиша како уметник „распнат помеѓу светлината на сцената и темнината на страдањето“, кој и покрај неговата болест продолжи да режира, иако повеќе не може да се појавува пред публиката.

Одлуката на Арно Дени за евтаназија предизвика дебата во Франција, не само за етичките аспекти на евтаназијата, туку и за безбедноста на имплантите и квалитетот на грижата за пациентите со хронична болка.

The post ОД РУТИНСКА ОПЕРАЦИЈА НА КИЛА, ДО ЕВТАНАЗИЈА Францускиот глумец Арно Дени живее во агонија и бара достоинствен крај appeared first on plusinfo.mk.

Млада, 25-годишна жена од Барселона беше жртва на групно силување од мигранти во Центарот за запоставени деца, каде што беше сместена од социјални работници кои ја одзеле од нејзините родители кога имала 13 години, поради мали развојни пречки и нивниот развод. Таа останала неподвижна по обидот за самоубиство во 2022 година и денеска треба да биде евтаназирана, откако шпанските судови ги отфрлија обидите на нејзиниот татко да ја запре постапката.

Ноелија Кастиљо, која живее во дом за нега во Сант Пере де Рибес, води правна битка повеќе од година и пол. Нејзиното барање за евтаназија беше одобрено во јули 2024 година од страна на властите во Каталонија, но постапката беше постојано одложувана поради жалбите поднесени од нејзиниот татко, со поддршка на конзервативната организација „Христијански адвокати“.

Сите обиди за оспорување на одлуката за евтаназија беа одбиени во неколку инстанци, вклучувајќи го и Уставниот и Врховниот суд на Шпанија. Неодамна, барањето испратено до Европскиот суд за човекови права беше одбиено, со што беа отстранети последните законски пречки за спроведување на постапката за асистирана смрт на Кастиљо.

Ноелија Кастиљо јавно зборуваше за причините за нејзината одлука во неколку наврати, истакнувајќи го нејзиното долгогодишно страдање и здравствените проблеми.

– Сакам да си заминам сега и да престанам да страдам, тоа е сè. Никој во моето семејство не е за евтаназија, но што е со целата болка низ која поминав? – рекла таа, пренесува „Дејли мејл“.

Според неа, нејзиниот секојдневен живот е исклучително тежок.

– Немам желба за ништо – ниту да излегувам, ниту да јадам. Имам проблеми со спиењето, имам болки во грбот и нозете – вели девојката.

Во интервју за телевизијата Антена 3, таа опиша и како би сакала да ги помине последните моменти.

– Реков како сакам да изгледа тој момент. Сакам да си заминам облечена во најубавата облека, со шминка – едноставно, но убаво – вели Кастиљо.

Таа изјави дека сака однапред да се збогува со своето семејство, но да биде сама за време на постапката.

И покрај интензивната правна битка, самата Кастиљо се обратила до Антена 3 откако го дознала датумот на евтаназија. за да остави последна порака.

– Конечно го направив тоа. Да видиме дали конечно ќе можам да се одморам, бидејќи повеќе не можам да го поднесам ова семејство, болката, сè што ме мачи поради она низ што поминав. Не сакам да бидам пример за никого, тоа е едноставно мојот живот и тоа е сè – рече таа.

HORROR in Spain

Girl with mental issues taken from parents, put with MENA migrant minors. She was gang-r*ped there.

She tried to kiII herself, became paraplegic

Tomorrow Spain will euthanize her. She is 25pic.twitter.com/TLzhgMe5qi

— Global Dissident (@GlobalDiss) March 25, 2026

Нејзината мајка, која исто така се појави во интервјуто, рече дека посакува да има волшебно стапче за да ја промени одлуката на нејзината ќерка.

Кастиљо останала параплегична откако скокнала од петтиот кат на зградата на 4 октомври 2022 година. Во таа прилика, таа претрпе тешка повреда на ‘рбетниот мозок, како резултат на што остана неподвижна од половината надолу и страда од постојана болка, како и од други здравствени компликации.

Нејзиниот татко за време на судската постапка тврдел дека таа има ментални проблеми што можат да влијаат на нејзината способност да донесува одлуки, како и дека нејзината состојба не претставува „неподносливо страдање“ во смисла на законот за евтаназија.

Кастиљо, пак, го обвинува својот татко дека не ја почитува нејзината волја.

– Тој не ја почитуваше мојата одлука и никогаш нема да ја почитува – рече таа во едно од нејзините последни интервјуа.

Шпанија ја легализираше евтаназијата во 2021 година, со строго дефинирани услови. Законот предвидува дека право на асистирано умирање имаат возрасни лица кои се свесни и кои страдаат од сериозна, неизлечива болест или хронична состојба што сериозно го нарушува квалитетот на животот.

Иако постапката за Кастиљо денеска ќе биде спроведена, правните спорови поврзани со овој случај сè уште не се целосно завршени. Организацијата „Христијански адвокати“ поднесе дополнителни жалби против здравствените работници и членовите на комисијата што го одобри барањето, додека се очекува Европскиот суд за човекови права да донесе одлука за пошироките правни прашања што ги покренува овој случај.

The post 🎥 ГРУПА МИГРАНТИ ЈА СИЛУВАЛЕ КАКО ДЕВОЈЧЕ, ДЕНЕСКА ДОБРОВОЛНО ЌЕ УМРЕ Судот ѝ одобри евтаназија, а таа опиша како ќе изгледа нејзината смрт appeared first on plusinfo.mk.

Меѓународниот авторитет на францускиот претседател Емануел Макрон доживува сериозен удар. По извештаите од италијанскиот весник „Ил темпо“, папата Лав XIV го одбил францускиот претседател Емануел Макрон, блокирајќи ја секоја можност за аудиенција во Ватикан – и приватна, и државна. Овој потег доаѓа во време кога Макрон веќе се соочува со повлекување на поддршката од други светски лидери.

Според италијанските медиуми, „доверливи извори во Државниот секретаријат на Ватикан, за одбивањето на Макрон за аудиенција кај папата, велат дека е лична иницијатива и одлука на папата, која е мотивирана од јасните спротивставености во политичките позиции на Макрон и Католичката црква“. За потсетување, францускиот претседател е жесток застапник за вклучување на правото на абортус во Уставот на Франција, што беше реализирано во март 2024 година, како и за либерализација на евтаназијата – политики што папата ги нарече „уништување животи“ и „лажна форма на сочувство“.

Од дипломатска гледна точка, ова е значителен удар за Макрон. Додека папата веќе ги прими на гости лидерите на Велика Британија, Италија, Германија и на Шпанија, францускиот претседател е единствениот што остана изоставен од овие аудиенции – сигнал за неговиот ослабен статус во меѓународните кругови на моќта.

Истовремено, Макрон се соочува и со одбивање од други светски лидери. Американскиот претседател Доналд Трамп го одби учеството на итен самит на Г7 во Париз, образложувајќи дека мандатот на Макрон е краткорочен, додека германскиот канцелар Фридрих Мерц не планира да патува, летајќи директно од Давос на самитот на ЕУ.

Во домашен контекст, ваквите дипломатски неуспеси ја продлабочуваат кризата на Макрон. Неговиот кредибилитет е еродиран не само пред меѓународната заедница туку и пред француското јавно мислење. Во време кога неговата влада се соочува со економски и социјални предизвици, отфрлувањето од Ватикан и игнорирањето од колегите од Г7 ја потенцираат слабата позиција на претседателот и го поткопуваат неговиот имиџ како силен и влијателен лидер.
Експертите предупредуваат дека овој пад на авторитетот може да има далекосежни политички последици, вклучувајќи и намалена поддршка за неговите реформи и потенцијално зголемување на внатрешното незадоволство во Франција.

Во меѓувреме Макрон се обидува да ги префокусира јавното и медиумското внимание со објавата дека француските поморски сили заплениле танкер од руската флота во Средоземно Море. Но, многумина аналитичари сметаат дека овој потег е повеќе пиар-акција отколку вистинско враќање на авторитетот, бидејќи дипломатските и моралните одбивања остануваат видливи и штетни.
Со сето ова, се чини дека Емануел Макрон се соочува со ретко виден пад на својот меѓународен статус – од лидер што беше сметан за централна фигура на европската политика до политичар што доживува сериозно изолирање од светската и верската елита.

The post ПАПАТА ЛЕО „МУ УДРИ КОРПА“ НА МАКРОН Не сака да го прими, ни службено ни приватно appeared first on plusinfo.mk.

Оттогаш, неколку луѓе се уапсени, меѓу кои и д-р Флоријан Вилет, претседател на „Сарко“. Тој беше единствениот присутен кога почина мајката на две деца, а смртта на жената ја опиша како „мирна, брза и достоинствена“.

Главниот обвинител на Швајцарија Петер Стихер поднесе обвинение за „намерно убиство“ откако се покажа дека жената можеби била задавена, пишува холандскиот весник.

Откако се дозна за првата евтаназија во шумата, полицијата веднаш пристигнала на местото на настанот. После тоа почнаа апсењата. Приведени се Вилет, двајца адвокати и фотограф на весникот „Де Волкскрант“ кој ја фотографирал капсулата и ја документирал жената како пристигнува во шумата.

Сите освен Вилет беа ослободени по 48 часа. Креаторот на капсулата за евтаназија, д-р Филип Ничке, тврди дека жената влегла во уредот и „речиси веднаш го притиснала копчето“ за да си го одземе животот. Капсулата била ставена во шумата за да може жената да ги види дрвјата и небото над неа пред да умре.

White American woman first to use the fancy new suicide pod.
“The ‘Sarco’ suicide capsule is designed to allow a person inside to push a button that injects nitrogen gas” pic.twitter.com/UKxofWW9TH

— Devon Stack (@Black_Pilled) September 24, 2024

– Изгледаше токму онака како што очекувавме да изгледа. Претпоставувам дека таа ја изгубила свеста за две минути и починала по пет минути – изјави д-р Ничке, креаторот на капсулата, кој ги следеше настаните во шумата преку видео, за холандските медиуми.

– Видовме ненадејни, мали контракции и движења на мускулите на нејзините раце, но таа веројатно дотогаш беше во несвест – додаде тој.

Се појави снимка од настанот, иако е фрагментирана.

Според „Де Волкскрант“, жената која починала во комората дала изјава за „The Last Resort“ велејќи дека сака да стави крај на сопствениот живот. На снимката од четири минути, таа наводно рекла дека имала желба да умре „најмалку две години“, бидејќи ѝ била дијагностицирана „многу тешка болест“.

Компанијата соопшти дека таа е „имунолошки компромитирана“ и има „тешка болка“.

Весникот пишува и дека двајцата синoви на жената „целосно се согласуваат“ дека таа избрала да умре. „Тие стојат зад мене 100 отсто“, наводно рекла таа.

Фиона Стјуарт, член на одборот на „The Last Resort“, рече дека синовите на жената го потврдиле тоа во писмени изјави за компанијата. Се дознава дека двата сина не биле присутни во Швајцарија за време на смртта на нивната мајка на 23 септември.

Случајот кој шокираше многумина и беше мета на критики продолжува. Се чека официјалната обдукција на телото која треба да покаже од каде дошле трагите од задушување на вратот на Американката.

The post СКАНДАЛ СО ОЗЛОГЛАСЕНАТА ШВАЈЦАРСКА КАПСУЛА ЗА ЕВТАНАЗИЈА На вратот на жената која почина внатре се најдени траги од задушување appeared first on plusinfo.mk.

Легендарниот француски актер Ален Делон кој денеска почина на 88-годишна возраст, пред две години изјавил дека сака да биде еутаназиран, пишува хрватски Индекс повикувајќи се на текст на „Ле Паризиен“. Според францускиот весник Делон го замолил својот син Ентони да го организира целиот процес и да биде покрај него додека тој умира.

– Секако дека ја поддржувам евтаназијата. Живеам во Швајцарија, каде што е легална. Мислам дека тоа е најлогично и најприродно нешто. Секој има право да умре без да остане во болници и да прима инјекции – рече Делон тогаш во интервју за локална телевизија, додавајќи дека напишал тестамент.

Во истата изјава тој вели:

– Да старееш е срање! И не можеме ништо да направиме за тоа. Лицето ти се менува и го губиш видот. Стануваш и, по ѓаволите, те боли зглобот – рече тој.

Според информациите кои ги откри „Ле Паризиен“, на преглед на почетокот на годината, легендарниот актер му се доверил на својот лекар дека сака да умре.

Понатаму, весникот дека актерот повеќе не е човекот каков што бил некогаш, се наведува дека е физички и психички ослабен и дека ја изгубил луцидноста. Актерот, наводно, бил подложен на различни проценки во последниве години за да се утврди неговиот ментален капацитет по извештајот за злоупотреба на слабост поднесен од неговите деца против неговата поранешна партнерка Хироми Ролин.

Според статијата, резултатите покажале дека актерот „доживеал четири фази од неговата здравствена состојба со намалена луцидност“. Помеѓу септември 2021 и јуни 2023 година, лекарите, наводно, забележале „значително оштетување на проникливоста поврзано со забавување на размислувањето и тешкотии во решавањето на неговите семејни проблеми, и конечно, во јули 2023 година, целосно губење на неговата проникливост“.

За време на завршниот преглед, лекарот наводно напишал во својот извештај дека „моралот на актерот бил низок и дека изгледа дека „повеќе не очекува ништо од животот“.

Во една прилика Делон откри дека славата го изморила бидејќи не можел да живее како другите луѓе и да ја има својата приватност. Рече дека црпел мотив од жените за да бидe тоа што е, а дека се забавувал со најубавите жени на светот. Во 2018 година за магазинот „Paris Match“ тој откри дека неговата последна желба била неговото куче Лобо да замине со него на другиот свет.

– Подготвен сум да умрам. Го мразам времето во кое живееме, ми се гади. Има луѓе што ги мразам. Сè е лажно, само парите се важни. Ќе заминам од овој свет без трошка жалење – изјавил тогаш Делон.

НÈ НАПУШТИ ЕДНА ОД НАЈГОЛЕМИТЕ ФИЛМСКИ ИКОНИ НА 20. ВЕК Ален Делон ја загуби битката со ракот

ТЕШКО ДЕТСТВО, ЉУБОВНИ СКАНДАЛИ, ГЛАМУР И СЛАВА Кој беше харизматичниот Ален Делон?

The post АЛЕН ДЕЛОН ПОБАРАЛ ЕВТАНАЗИЈА ПРЕД ДВЕ ГОДИНИ?! Повеќе не очекува ништо, напишал неговиот лекар во извештајот appeared first on plusinfo.mk.

Слоницата Дуња од скопската Зоолошка градина не угинала, туку била легално евтаназирана, поради старост, дознава Плусинфо од добро информирани извори.

Не е вистина дека било што било сторено во тајност, наводно со цел да се прикрие смртта на Дуња, како што објавија некои медиуми.

Дуња била донесена од Белгија на чување во Зоолошката градина во поодмината возраст. Тоа е вообичаена практика кај нас, бидејќи скопската Зоолошка градина нема пари да купува животни, а ниту да тргува.

Тројца белгиски ветеринари, заедно со локални експерти, во Скопје ја прегледале Дуња и одлучиле дека животното треба да се евтаназира.

Постапката била завршена вчера. Телото на слоницата било дадено на обдукција, а потоа било однесено на депонијата Дрисла, како што наложуваат прописите.

Наскоро од скопската Зоолошка градина се очекува информација во врска со судбината на слоницата Дуња.

The post 🎥 СЛОНИЦАТА ОД СКОПСКАТА ЗООЛОШКА ГРАДИНА НЕ УГИНАЛА, ТУКУ БИЛА ЕВТАНАЗИРАНА Лажна вест е дека некој се обидел да ја скрие смртта на Дуња appeared first on plusinfo.mk.

Паола Мара почина вчера на 53-годишна возраст во една контроверзна швајцарска клиника, откако изјави дека чувствува дека нема друг избор освен да го направи овој потег по долгата и тешка битка со ракот на дојката и на дебелото црево, пренесува Дејли Мејл.

Поранешната музичарка и хуманитарна работничка пред смртта снимила видео во кое зборува за потпомогнато самоубиство. Во видео клипот објавен денеска, таа вели:

„Кога ќе го гледате ова, јас ќе бидам мртва. Избрав да одам на овој начин затоа што одбивам да дозволам смртната болест да ги диктира условите на моето постоење. Болката и страдањето можат да станат неподносливи. Тоа е бавната ерозија на достоинството, губењето на независноста, одземањето на сè што го прави животот вреден за живеење. Потпомогнатото самоубиство не значи откажување. Всушност, се работи за враќање на контролата. Не се работи за смрт. Се работи за достоинство. Станува збор за правото на луѓето да го прекинат своето страдање по свои услови. Значи, додека го гледате ова, јас сум мртва. Но, вашето гледање на ова може да помогне да се сменат законите за потпомогнато самоубиство“.

Во придружното отворено писмо до партиските лидери во Вестминстер, Мара рече дека, поради важечкиот закон, морала сама да патува во Швајцарија бидејќи не сака нејзините најблиски да бидат „сослушувани од полицијата или да влезат во правни проблеми“.

Канаѓанката, која живее во Лондон повеќе од 30 години, напиша: „Огорчена сум што немам избор. Мислам дека тоа е неправедно и сурово. Што е со сите оние тешко болни луѓе кои немаат 15.000 фунти за да дојдат во Дигнитас? Овој суров закон ќе ги натера да доживеат болна смрт или ќе ги натера да ги завршат сопствените животи на брутален начин“.

Фотографот кој ја направи последната снимка на Паола рече дека ја запознал минатата година и дека бил трогнат од нејзината приказна.

– Сакав да прикажам личност која не е самоубиствена. Не беше депресивна, не беше несреќна, не беше жена која не го сакаше својот живот. Таа многу го сакаше својот живот и навистина сакаше да остави трага – вели снимателот.

Претходно овој месец, Сер Кир Стармер, лидерот на опозицијата во Британија, рече дека е „посветен“ да дозволи гласање за легализирање на евтаназијата доколку лабуристите победат на општите избори во Обединетото Кралство.

Потпомогнатото самоубиство е забрането во Англија, Велс и Северна Ирска, со максимална казна од 14 години затвор. Во Шкотска тоа не е специфичен прекршок, но помагањето во смртта на друго лице може да се карактеризира како убиство.

Сара Вутон, извршен директор на „Dignity in Dying“, изјави за Дејли Меил: „Последната молба на Паола доаѓа во пресуден момент за кампањата за асистирано самоубиство во Велика Британија“.

– Промените изгледаат сè поверојатни во делови од Британските острови, со зголемено ниво на јавна поддршка за подобри и похумани закони за тешко болните луѓе. Низ целата земја, голем број луѓе бараат промени на драконскиот, повеќе од шест децениски закон – без разлика кои се, каде живеат или за кого гласаат – изјави Вутон.

Организацијата го наведе своето неодамнешно истражување на јавното мислење кое покажува дека сега има поддршка за промена на законот во секоја изборна единица во Британија.

The post 📽️ „КОГА ЌЕ ГО ГЛЕДАТЕ ОВА, ЈАС ЌЕ БИДАМ МРТВА“ Ова се последните зборови на жената која решила да умре со евтаназија appeared first on plusinfo.mk.

На петтиот обид да се донесе предлог-законот преку Собранието на Републиката во Лисабон, пратениците го поддржаа со јасно мнозинство од 129 гласови „за“ и 81 „против“.

Првите четири обиди не успеаја поради вето на претседателот Марсело Ребело де Соуса и поради приговорите на Уставниот суд.

Според уставот, шефот на државата сепак мора да даде согласност и да го одобри законот, кој е неколкупати ревидиран, во рок од осум дена од приемот во претседателската палата.

Активната евтаназија е прекршок во повеќето земји на ЕУ и може да носи тешки затворски казни. Во 2021 година, Шпанија стана четвртата земја што ја легализираше, по Холандија, Белгија и Луксембург.

The post ПОРТУГАЛИЈА НА ЧЕКОР ДА ЈА ЛЕГАЛИЗИРА ЕВТАНАЗИЈАТА Досега 4 земји во ЕУ ја одобриле активната евтаназија appeared first on plusinfo.mk.

На денешниот, шести координативен состанок на ЦУК, на владини институции и невладини организации за решавање на проблемот со бездомните кучиња, директорот на ЦУК, Стојанче Ангелов направи сублимат од досегашните разговори и истакна дека договорените процедури треба да се започнат во најбрз можен период.

– Секаде онаму каде што имаме кучиња за коишто ќе има пријава дека се агресивни, дека напаѓаат, истите треба да добијат приоритет при заловување, потоа тие треба да бидат прочистени, вакцинирани, стерилизирани, чипирани и да се обидеме за нив да најдеме сопственик.  Откако ќе најдеме човек којшто ќе ги прифати овие кучиња, тие ќе бидат предадени, но во краен случај кога некој нема да сака да вдоми одредено агресивно куче, со претходно утврдено вештачење од страна на овластен вештак, истите ќе бидат евтанизирани и нема да бидат вратени на улица. Се работи за мал број на детектирани агресивни кучиња – истакна Ангелов.

Тој наведе дека за останатите бездомни кучиња е планирана акција која би траела околу шест месеци.

– Во една масовна акција со ангажирање на сите лица, сите институции, невладини организации да бидат заловени, потоа прочистени, стерилизирани, вакцинирани и чипирани и вратени назад на улица. На тој начин може најквалитетно да се постави контрола на растот на популацијата на бездомните кучиња – посочи Ангелов.

Директорот на ЦУК, осврнувајќи се на проблемот со наводните лажни пријави за напади од бездомни кучиња, нагласи дека е побарано од Министерството за внатрешни работи и Јавното обвинителство да вршат засилена контрола на вистинитоста на нападите, бидејќи, како што наведе, често се случува да имаме лажни пријави за напади од кучиња при тоа мотивите можат да бидат парични, луѓе кои што пријавуваат дека се каснати од каче прават фиктивни повреди и на тој начин добиваат одредена материјална корист.

Тој посочи дека една од причините да се верува во таа појава е тоа што откако Град Скопје почна да исплаќа надомест на штета за нападнати лица, се зголемил бројот на пријави за напади.

Ангелов рече дека на состаноците се зборувало и за сомнителни стерилизации на бездомни кучиња, односно дека на улица можат да се забележат уредно обележани кучиња коишто имаат и чип дека се стерилизирани, но позади нив одат по пет-шест нивни кутриња.

– Имаме случаи кога одредени општини ги собираат кучињата во комбиња и ги носат на територијата на друга општина. Побаравме МВР да посвети поголемо внимание на возила коишто носат бездомни кучиња. Ваквата појава постои можност да е раширена на територијата на цела држава – истакна Ангелов.

Тој, го нагласи и проблемот со сопствениците кои ги напуштаат кучињата што ги чувале и рече дека истите треба да бидат пријавени.

– Друг проблем е бришењето на еден од законите за прекршоци којшто предвидуваше казни на сопствениците на кучиња којшто несовесно се однесуваат кон своите кучиња, односно ги пуштаат да се движат небезбедни на улица и претставуваат закана за безбедноста на граѓаните – потенцираше директорот на ЦУК.

Тој посочи дека Кинолошкиот сојуз дал предлог и побарал да им се обезбеди плац каде што тие самите ќе изградат прифатилиште за кучиња коишто личат на расни кучиња, но не се расни кучиња бидејќи немаат педигре.

The post АГРЕСИВНИТЕ КУЧИЊА КОИ НЕМА ДА БИДАТ ВДОМЕНИ ЌЕ БИДАТ ЕВТАНАЗИРАНИ Стојанче Ангелов го откри планот на ЦУК за уличните кучиња appeared first on plusinfo.mk.

– Стареењето е одвратно! И не можеме да направиме ништо за тоа. Го губиме изгледот и видот, стануваме на нозе и чувствуваме како нѐ боли глуждот. Маките се страшни – изјавил познатиот актер за француските медиуми.

Делон го замолил својот син Ентони да му помогне во смртта, велејќи дека сака да го напушти овој живот со евтаназија.

– Како што старееме, имаме право да одиме во пеколот тивко од животот, без болници и инјекции – вели францускиот актер. Во едно интервју, помладиот Делон, зборувајќи за новата книга посветена на неговото семејство „Помеѓу кучето и волкот“, открил дека му ветил на својот татко дека ќе го придружува и ќе му помогне на денот кога ќе реши да стави крај на својот живот. Такво искуство актерот веќе имал пред нешто повеќе од една година, кога починала неговата мајка Натали.

– Точно е дека ја испратив мајка ми. Вистина е дека одлучи да умре онака како што и живеше, односно дека ќе каже кога ќе одлучи, па избрала евтаназија – изјавил Антониј.

По мозочниот удар пред три години, Ален Делон си ја врати силата со престојот во Швајцарија, чие државјанство го има повеќе од две децении. Тој ретко се појавува во јавноста.

Откако доживеа мозочен удар во 2019 година, Ален Делон во своите изјави имаше неколку алузии на неговиот крај на животот, а во јавноста се споменуваше дека најверојатно ќе се одлучи за евтаназија.

The post АЛЕН ДЕЛОН САКА ДА ГО ЗАВРШИ СВОЈОТ ЖИВОТ СО ЕВТАНАЗИЈА Ќе му помогне неговиот син appeared first on plusinfo.mk.