Премиерот Христијан Мицкоски очекува инфлацијата во земјава да се движи во рамки на вредностите кои се забележуваат кај другите европски земји, но напомена деке е важно да се види како таа ќе се движи на месечно ниво за основните прехранбени производи. Тој истакна дека според активностите што ги преземаат со Државниот пазарен инспекторат не очекува месечната инфлација за основните прехранбени продукти да биде поголема од еден процет во споредба со март.

– Ги следам трендовите во Европа, гледам има голем раст на инфлацијата во април во еврозоната, очекувам тоа да се случи и кај нас од проста причина што во април минатата година се уште имавме велигденска кошничка. Следам кај нашиот источен сосед инфлацијата е над шест проценти, Хрватска е некаде меѓу 5,5 и шест проценти, кај јужниот сосед е околу 4,5 до пет проценти, така што очекувам во тие рамки да биде и кај нас, но важно е да се види како ќе се движи месечната инфлација за основните прехранбени производи споредено со март. Она што го правиме со ДПИ, не очекувам таа да биде поголема од еден процент, месечната во однос на март. Добро е работите побрзо да се стабилизираат, да заврши конфликтот во Иран, да се отвори Теснецот, за да можеме и во рамките на глобалните случувања да имаме поголема предвидливост, одговори Мицкоски на прашањето дали очекува раст на инфлацијата кај нас имајќи ги предвид движењата во еврозоната.

Според податоците на Европската централна банка, инфлацијата во еврозоната ќе се зголеми на 2,7 проценти во просек оваа година, но ќе се врати блиску до целта од два процента на ЕЦБ веќе следната година, според кварталното истражување на професионалните прогнозери на институцијата.

Според податоците на Државниот завод за статистика, инфлацијата мерена преку индексот на трошоците на животот во март 2026 година, во однос на февруари 2026 година, изнесува 0.7 отсто.

Резултатите од анкетата на Народна банка, спроведена во март меѓу економските аналитичари, покажува дека инфлацијата во земјава се очекува да достигне просечно ниво од 3,6 проценти во 2026 година, пред да се намали на околу 3 проценти во 2027 година.

The post МИЦКОСКИ ОЧЕКУВА МЕСЕЧНА ИНФЛАЦИЈА ОД 1% ВО СПОРЕДБА СО МАРТ Во април има голем раст на инфлацијата во Еврозоната appeared first on plusinfo.mk.

Трошоците за труд по час во Европската Унија лани се движеа од 12 до 57 евра, покажуваат податоците  на Евростат.

Според овие податоци просечните трошоци за труд по час во целата економија се проценуваат на 34,9 евра во Европската Унија и на 38,2 евра во еврозоната и се зголемени во однос на 2024 година кога просекот во ЕУ изнесуваше  33,5 евра, а во еврозоната 36,8 евра.

Постојат значителни разлики меѓу земјите од ЕУ во просечните трошоци за труд по час. Најниските трошоци за труд по час се забележани во Бугарија (12,0 евра), Романија (13,6 евра) и Унгарија (15,2 евра), додека највисоките се во Луксембург (56,8 евра), Данска (51,7 евра) и Холандија (47,9 евра).

Двете главни компоненти на трошоците за труд се плати и надоместоци и трошоци кои не се поврзани со плати (на пр., социјални придонеси на работодавачите).

Уделот на трошоците кои не се поврзани со плати во вкупните трошоци за работна сила за целата економија изнесуваше 24,8% во ЕУ и 25,6% во еврозоната.

Најниските удели на трошоците кои не се поврзани со плати во ЕУ беа забележани во Романија (4,8%), Литванија (5,5%) и Малта (5,8%), а највисоките во Франција (32,3%), Шведска (31,7%) и Словачка (28,6%).

Во 2025 година, трошоците за работна сила по час на ниво на целата економија, изразени во евра, се зголемија за 4,1% во ЕУ и за 3,8% во еврозоната, во споредба со 2024 година.

Во рамките на еврозоната, трошоците за работна сила по час се зголемија во сите земји, освен во Малта каде што се пониски за 0,5%.

Најголеми зголемувања се забележани во Бугарија (13,1%), Хрватска (11,6%), Словенија (9,3%) и Литванија (9,2%), додека најниски се забележани во Франција (2,0%) и Италија (3,2%), по што следат Шпанија, Кипар и Луксембург (3,5%).

За земјите од ЕУ надвор од еврозоната, трошоците за труд по час изразени во национална валута се зголемија во сите земји, при што најголеми зголемувања се забележани во Романија (10,6%), Унгарија (8,9%) и Полска (8,8%). Најмалку се зголемија во Данска (3,0%).

The post ТРОШОЦИТЕ НА ТРУД ВО ЕУ СЕ ДВИЖАТ ОД 12 ДО 57 ЕВРА Каде се највисоки, а каде најниски? appeared first on plusinfo.mk.

Инфлацијата во еврозоната нагло се зголеми по порастот на цените на нафтата предизвикан од војната меѓу САД и Ирак против Иран, јави ДПА.

На годишно ниво, цените на мало во март се зголемија за 2,5%, покажува првичната процена објавена денеска од статистичарите на Евростат во Луксембург. За споредба, во февруари стапката на инфлација изнесуваше 1,9%.

Економистите очекуваа малку поголем пораст, односно во просек околу 2,6%.

Европската централна банка (ЕЦБ) има цел годишната стапка на инфлација на среден рок да изнесува два отсто.

Во споредба со февруари, цените се зголемија за 1,2%, а аналитичарите очекуваа пораст од 1,3%.

-Масовниот пораст на цените на енергијата ја катапултира инфлацијата нагоре во март – изјави главниот економист на Комерцбанк, Јерг Кремер, додавајќи дека „најдоцна до мај, веројатно ќе надмине 3%“.

Доколку тоа се случи, високите трошоци за енергија би ги зголемиле и цените на многу други стоки зголемувајќи ја основната инфлација, која ги исклучува нестабилните цени на храната и енергијата – и сè уште не се зголемила во март.

– Зголемениот инфлациски притисок сугерира дека ЕЦБ ќе ги зголеми своите клучни каматни стапки најдоцна во април или јуни-  додаде Кремер, пренесен од германската агенција.

The post ИНФЛАЦИЈАТА ВО ЕВРОЗОНАТА ПОРАСНА НА 2,5% Дали ќе се зголеми и основната каматна стапка? appeared first on plusinfo.mk.

Државите од еврозоната на денешниот онлајн состанок ќе разговараат за мерките против растот на цените на енергијата предизвикан од последните случувања на Блискиот Исток, се наведува во програмата на Еврогрупата.

Европската комисија (ЕК) во работниот документ доставен пред состанокот предупредува дека Унијата се соочува со можни прекини во снабдувањето.

Војната во Блискиот Исток предизвика сериозни нарушувања на пазарот на нафта и гас, а само во првите 17 дена од кризата со Иран, ЕУ потрошила околу шест милијарди евра повеќе за увоз на фосилни горива. Иако обновливите извори покриваат 48 отсто од потрошувачката на струја, транспортот останува силно зависен од увозот, поради што ЕК смета дека е итно забрзување на транзицијата кон електрифицирана економија.

Комисијата нагласува дека нискојаглеродната електрификација е единствено трајно решение за енергетската сувереност на Европа. Како краткорочни мерки се предлага директна поддршка за најранливите домаќинства и индустрии, но под услов тие да бидат привремени и да не го поттикнуваат прекумерното трошење. Одговорот на ЕУ мора да биде координиран, а буџетските трошоци ограничени за да не се загрози фискалната одржливост на земјите членки.

The post СКАПИТЕ ГОРИВА ЈА „ГОРАТ“ ЕВРОЗОНАТА Увозот поскап за 6 милијади евра во само 17 дена appeared first on plusinfo.mk.

Војната во Иран ги зголеми трошоците, ја еродираше довербата и го забави растот на производството кај компаниите во Европа и во Обединетото Кралство, покажуваат новите податоци од бизнис анкетите.

Раниот увид во глобалното влијание на конфликтот врз економиите доаѓа од најновите податоци од Индексот на менаџерите за набавки (PMI), што се темели на анкети меѓу директорите во производствениот и во услужниот сектор.

– Војната на Блискиот Исток ја погоди економијата на Велика Британија во март, запирајќи го растот на производството и во исто време давајќи силен поттик на инфлацијата – рече Крис Вилијамсон, виш економист во „S&P Global“, што ги собира податоците за PMI.

Вилијамсон додаде дека целосниот ефект врз инфлацијата и економскиот раст ќе зависи од времетраењето на војната и должината на прекините на енергетските пазари и на поморскиот сообраќај.

Војната, исто така, имаше исклучително негативен ефект врз економијата на Еврозоната.

– Растот на производството во 21 земја што го користат еврото во март забави речиси до стагнација, главно поради падот на деловната доверба – рече Вилијамсон.

Тој додаде дека трошоците на компаниите растат со најбрзо темпо во последните 3 години поради порастот на цените на енергијата и нарушувањата во синџирите на снабдување предизвикани од војната.

– Податоците вклучуваат аларм за стагфлација во еврозоната, односно, ситуација во која економијата стагнира додека инфлацијата расте. Во такви околности, платите честопати не го следат растот на цените, а централните банки реагираат со зголемување на каматните стапки, што врши дополнителен притисок врз економската активност – рече Вилијамсон.

Истражувањата покажуваат дека почетните вредности на PMI во Обединетото Кралство и Еврозоната се сè уште над нивото од 50 поени, што укажува на раст на активноста, но тие нагло паднаа во споредба со претходниот месец, на најниските нивоа за шест, односно десет месеци.

The post АЛАРМ ЗА СТАГФЛАЦИЈА ВО ЕВРОЗОНАТА Војната во Иран силно влијае врз европските економии appeared first on plusinfo.mk.

Годишната стапка на инфлација во еврозоната изнесуваше 1,9% во февруари 2026 година, што е зголемување во однос на 1,7% во јануари. Една година претходно, стапката беше 2,3%. Годишната инфлација во Европската Унија изнесуваше 2,1% во февруари 2026 година, што е зголемување во однос на 2,0% во јануари. Една година претходно, стапката беше 2,7%. Овие бројки ги објавува Евростат, статистичката служба на Европската Унија.

Најниски годишни стапки се регистрирани во Данска (0,5%), Кипар (0,9%) и Чешка (1,0%). Највисоки годишни стапки се регистрирани во Романија (8,3%), Словачка (4,0%) и Хрватска (3,9%). Во споредба со јануари 2026 година, годишната инфлација се намали во единаесет земји-членки, остана стабилна во 4 и се зголеми во 12.

Во февруари 2026 година, цените на услугите се зголемија за 1,54 процентни поени, храната, алкохолот и тутунот за 0,48 п.п. и неенергетските индустриски стоки за 0,17 п.п.. Цените на енергијата паднаа за 0,30 п.п.. негативно.

The post 2,1% ИНФЛАЦИЈА ВО ЕУ ВО ФЕВРУАРИ Во еврозоната таа изнесува 1,9% appeared first on plusinfo.mk.

Зборот „лев“ исчезна од ценовниците во Бугарија, бројките останаа исти, а паричниците се стеснија. Со преминот кон еврото, Бугарија се соочува со потенцијно зголемување на цените. Анкетите во Бугарија сугерираат дека јавноста е загрижена за цените.

Агрегаторот Њуз инбокс, цитирајќи бугарски медиуми, тврди дека производите во просек поскапеле најмалку за една третина. Во дел од продавниците, се вели во текстот, трговците направиле едноставен, но скап потег. Го прецртале зборот „лев“ и го замениле со „евро“, задржувајќи ги истите бројки.

Највидлив пример бил лебот. На 31 декември лебот чинел 0,89 лева, односно околу 0,46 евра. Само два дена подоцна, на 2 јануари, цената скокнала на 1,19 лева, односно 0,61 евро. Зголемувањето изнесувало околу една третина за основна животна намирница.

Леб, паркинг и контроли

Слична пракса била забележана и во услугите. Бугарскиот портал Новините на почетокот на месецот објави дека паркинг-службите во трговски центар во Плевен почнале да наплатуваат иста сума во евра каква што претходно наплатувале во лева. Со тоа, паркирањето фактички било дуплирано.

Контролните служби извршиле проверки во 700 малопродажни објекти низ целата земја. Од утврдените прекршоци, 80 проценти се однесувале на неоправдано зголемување на цените на прехранбени производи. По 10 проценти биле регистрирани кај лековите и кај производите за домаќинството.

Бугарската влада ја следи флуктуацијата на цените.

За некои услуги државата нема контрола

Според економистот Љубомир Дацов, пак, нема значително зголемување на цената на масовните стоки. Тој вели дека  токму строгата контрола во големите малопродажни синџири го ограничила шпекулативното однесување.

– Каде што купувам, работите се апсолутно под контрола. Во оваа позадина, резултатите од телевизиската анкета покажуваат радикално поинаква слика. 88,78% од оние што учествувале во анкетата велат дека сметаат дека цената на стоките и услугите се зголемила откако Бугарија влезе во еврозоната – коментираше тој за бугарската Нова ТВ.

Податоците биле собрани 28 дена по официјалното усвојување на еврото и го одразуваат масовното јавно чувство за зголемување на трошоците за живот. Сепак, според Дацов, проблемот не е со храната и основните стоки, туку со услугите, каде што државата практично нема ефикасни механизми за контрола. Ова најзабележително се манифестира во услугите поврзани со грижата за децата и семејството.

– Овие услуги се однесуваат како монополисти – нагласи економистот.

„Ќе биде слично како во Хрватска“

Георги Вулчев, пак, известува за слична динамика, правејќи паралела со искуството на Хрватска. Според него, токму услугите биле секторот со највисока инфлација кога било воведено еврото. Според него, ова е логичен ефект, бидејќи заокружувањето и слободното одредување цени се манифестираат најбрзо таму.

Во врска со хрватскиот пример, Дацов прецизираше дека скокот на цените не може да се објасни само со еврото. Според него, клучен фактор бил наглото зголемување на туристичките текови и промената во структурата на потрошувачката, што извршило

The post ЛЕВОТ СТАНА ЕВРО, ЛЕБОТ ПОСКАПЕ ПРВ Бугарите веќе стравуваат од „хрватско сценарио“ appeared first on plusinfo.mk.

Бугарија од денеска официјално стана 21-ва членка на Еврозоната, со што бугарскиот лев ќе биде заменет со еврото како нова национална валута на земјата.

Иако, еврото од денеска е во официјална употреба во Бугарија, до 31 јануари во промет ќе може да биде користен и левот, при што за плаќањата во левови, кусурот што ќе се враќа ќе биде во евра. Левовите во кеш ќе може да се менуваат за евра во која било комерцијална банка, пошта или во Бугарската народна банка.

Паралелно со ова, од денеска 96 отсто од банкоматите во Бугарија ќе издаваат само евробанкноти, а преостанатите ќе го направат тоа во рок од 2 недели.

Од денеска Бугарија влегува и во т.н. преоден период што ќе трае до 8 август 2026 година, во кој цените во продавниците ќе бидат прикажани и во левови и во евра. Ова се прави со цел да се надмине загриженоста на потрошувачите од можно неоправдано зголемување на цените за време на периодот на замена на левовите со евра.

Според Европската комисија, усвојувањето на еврото како своја валута од страна на Бугарија претставува важна пресвртница за земјата, за историјата на еврото и за ЕУ како целина.

„Еврото ќе донесе практични придобивки за бугарските граѓани и бизниси. Ќе го олесни патувањето и живеењето во странство, ќе ја зголеми транспарентноста и конкурентноста на пазарите и ќе ја олесни трговијата. Банкнотите и монетите во евра за сите Бугари ќе станат опиплив симбол на слободата, удобноста и можностите што ЕУ им ги овозможува на своите граѓани“, порача Европската комисија.

Претседателката на ЕК, Урсула фон дер Лајен, оцени дека приклучувањето на Бугарија кон Еврозоната, претставува едно од најголемите достигнувања на Европската Унија.

– Оваа пресвртница одразува години напорна работа и посветеност на надминување на предизвиците. Еврото ќе донесе придобивки за бугарскиот народ, полесни плаќања и патувања. Ќе донесе нови можности за бугарските бизниси, овозможувајќи им подобро да ги искористат предностите на нашиот заеднички единствен пазар. Дополнително ќе го зајакне гласот на Бугарија во Европа. Овој чекор е добар за Бугарија и ја зајакнува Европа како целина. Ја прави нашата економија поотпорна и поконкурентна на глобално ниво. Честитки, Бугарија! Можеш да бидеш горда на она што го постигна – нагласи Фон дер Лајен.

Одлуката за приклучување на Бугарија кон Еврозоната ја донесе Советот на ЕУ на 8 јули минатата година, кога беше утврден и курс на конверзија на ниво од 1,95583 бугарски лева за едно евро.

Според Договорот на Европската Унија, секоја земја при приемот во ЕУ се обврзува да го прифати еврото како своја валута, но нема утврден временски рок за тоа. Исклучок од ова правило е Данска, која со договорот за пристапување кон ЕУ побара да биде изземена од обврската за воведување на еврото.

За да се приклучи кон Еврозоната, секоја земја мора да ги исполни Мастришките критериуми, кои предвидуваат ниска инфлација, буџетски дефицит на ниво под 3 отсто од БДП, јавен долг под 60 проценти од БДП, најмалку двегодишно членство во Европскиот механизмот на девизен курс (ЕРМ 2), како и просечната номинална долгорочна каматна стапка да биде повисока за најмногу 2 процентни поени од просечните камати во трите земји на ЕУ со најниска инфлација.

Бугарија, која стана членка на ЕУ на 1 јануари 2007 година, а на 10 јули 2020 година се приклучи кон механизмот ЕРМ 2, кој колоквијално се нарекува „чекална за Еврозоната“, од кога курсот на бугарскиот лев беше врзан за еврото. Софија првично планираше Бугарија да се приклучи кон Еврозоната на 1 јануари 2024 година, но оваа цел не беше остварена поради високата инфлација, чиј раст се припишуваше на ковид пандемијата и руската инвазија врз Украина, но и на политичката нестабилност во земјата со неможноста за формирање стабилна Влада.

Европската комисија на 4 јуни минатата година го објави Извештајот за подготвеноста на Бугарија за воведување на заедничката европска валута, во кој оцени дека земјата ги исполнува условите за приклучување кон Еврозоната од 2026 година. По ова, лидерите на земјите членки на Унијата на Самитот на 26 јуни му препорачаа на Советот на ЕУ да го одобри приемот на земјата во Еврозоната.

Со прифаќањето на еврото од страна на Бугарија, бројот на Европејци што ја користат заедничката европска валута се искачи на 356 милиони, а Еврозоната географски првпат се прошири до бреговите на Црното Море.

Но, наспроти ентузијазмот на властите и бизнисите, дел од жителите на Бугарија, која важи за најсиромашна во ЕУ со просечна месечна нето-плата од нешто над 1.000 евра, стравуваат од економска криза во земјата и раст на цените. Дополнително, приемот во Еврозоната доаѓа во очекување на нови предвремени парламентарни избори, осми по ред во последниве 6 години, по падот на малцинската Влада на Росен Жељазков претходниот месец, што дојде по масовните протести иницирани од предложениот буџетски план за зголемување на даноците.

Анкетите покажуваат дека Бугарите се поделени по прашањето за приклучување кон Еврозоната, при што 51 отсто се „за“, а 45 проценти „против“. Генерално против се жителите на помалите градови и селата, пензионерите, како и лица на работоспособна возраст со понизок степен на образование.

Противниците на влезот на Бугарија во Еврозоната стравуваат дека тоа ќе донесе зголемување на цените, пад на куповната моќ на граѓаните и намалување на платите, но и „губење на националниот идентитет“. На социјалните медиуми се шират и дезинформации, како на пример, дека воведувањето на еврото може да доведе до „конфискација на банкарски сметки“.

Според аналитичарот на бриселскиот тинк-тенк Бројхел, Жолт Дарваш, искуствата во други земји покажаа дека секогаш кога има премин од национална валута на евро, се создава „мал ефект на раст на инфлацијата“, но тој обично е помал од еден процент.

Претседателката на Европската централна банка (ЕЦБ), Кристин Лагард при посетата на Софија лани во ноември изјави дека преминот кон еврото ќе донесе „полесна трговија, пониски трошоци за финансирање и постабилни цени“, но и „скромен“ инфлациски раст од 0,2 до 0,4 проценти.

Прашањето за прифаќањето на еврото беше неодминлива тема во бугарската внатрешна политика. Така, бугарскиот претседател Румен Радев во јуни 2025 предложи одржување референдум за ова прашање, оценувајќи дека во земјата има „недостиг на подготвеност“ за пристапување кон Еврозоната. По жестоката парламентарна дебата, мнозинството во Народното собрание го отфрли предлогот на Радев.

Главни противници на влезот на Бугарија во Еврозоната се проруските опозициски партии, кои во принцип се противат на поголема интеграција во рамките на ЕУ, тврдејќи дека прифаќањето на еврото ќе влијае на финансискиот суверенитет на Бугарија и ќе ја направи „премногу зависна од Брисел“.

– Некој друг ќе одлучува како ќе ги трошиме нашите пари. Бугарскиот буџет ќе го одобрува Европската централна банка. Тоа е антидржавен удар. Тоа е предавство – изјави лидерот на националистичката партија Преродба, Костадин Костадинов за време на дебатата околу референдумот предложен од Радев.

Од друга страна, приврзаниците на еврото сметаат дека пристапувањето на Бугарија кон Еврозоната е едно од најголемите достигнувања од демократската транзиција во 1989 година и се надеваат дека тоа ќе ја направи земјата попривлечна за инвеститорите и ќе ја зајакне нејзината ориентација кон побогатата Западна Европа.

Во пресрет на влезот во Еврозоната низ Бугарија се појавија билборди спонзорирани од Владата со пораката: „Заедничко минато. Заедничка иднина. Заедничка валута“.

Аналитичарот во софискиот Институт за пазарна економија, Петар Ганев смета дека приемот на Бугарија во Еврозоната претставува и можност и механизам за справување со корупцијата и недостатоците во владеењето на правото.

Сепак, според него, падот на Владата непосредно пред влезот на земјата во Еврозоната испраќа сигнал на неизвесност до странските инвеститори.

– Наместо да го искористиме прифаќањето на еврото како силен и позитивен сигнал до меѓународната заедница и инвеститорите, ние ризикуваме да испратиме спротивна порака – смета Ганев.

Според него, не претставува изненадување ниту поделбата на Бугарите околу прифаќањето на еврото, бидејќи тоа е показател на поширока политичка тензија во земјата.

– Тоа не е изненадување. Земјата е поделена по речиси сè што можете да замислите. А по годините на политичка нестабилност, добивме драстично поларизирана политичка сцена – вели Ганев.

Во моментов само шест од 27-те членки на ЕУ сè уште не се дел од Еврозоната. Покрај Данска, тоа се и Полска, Романија, Унгарија, Чешка и Шведска. Повеќето од нив избраа да ги задржат своите национални валути, за да ја одржат независноста од ЕЦБ по клучни прашања, како што се стапките на раст, справувањето со инфлацијата или националниот долг, како и можноста да изберат да извршат девалвација на своите валути.

Од сите нив, засега само Романија си постави некаков прелиминарен рок за приклучување кон Еврозоната во 2027 или 2028 година.

The post ЛЕВОТ ЗАМИНА ВО ИСТОРИЈАТА Бугарија влезе во Еврозоната, Бугарите поделени дали е тоа добро или не appeared first on plusinfo.mk.

Стапката на невработеност во Еврозоната, измерена според методологијата на Меѓународната организација на трудот (ILO), во септември изнесувала 6,3 проценти, исто како и во претходните два месеца, покажуваат пресметките на Евростат.

На ниво на Европската унија, стапката останала на нивото од август, кога според ревидираните податоци на статистичката служба изнесувала 6 проценти.

И во септември минатата година еврозоната бележела стапка на невработеност од 6,3 отсто, додека во целата ЕУ таа изнесувала 5,9 отсто.

Според проценките на Евростат, во септември во ЕУ без работа биле речиси 13,25 милиони граѓани, од кои повеќе од 11 милиони во еврозоната.

Шпанија и во септември останала единствената земја со двоцифрена стапка на невработеност – 10,5 проценти. Потоа следи Финска со 9,8, а близу е и Шведска со 8,7 проценти.

Најниска невработеност имале Чешка и Малта, со стапки од 3 отсто. Во оваа група се и Словенија и Полска, со стапки од 3,1 и 3,2 проценти.

The post ВО ЕУ НЕВРАБОТЕНИ СЕ 13,25 МИЛИОНИ ГРАЃАНИ Највисока е невработеноста во Шпанија, најниска во Чешка, Малта и во Словенија appeared first on plusinfo.mk.

Франција повторно се соочува со политичка криза откако новата влада на Себастијан Лекорну падна помалку од 24 часа по преземањето на функцијата, внесувајќи нервоза на пазарите и отворајќи ја можноста за нови избори што би можеле да ја зајакнат крајната десница.

Овие настани доаѓаат во време кога Европа веќе се соочува со низа предизвици, војната во Украина, притисоците на американскиот претседател Доналд Трамп врз меѓународната трговија и растот на популистичките сили, па затоа постои страв дека целата економија на еврозоната наскоро би можела да биде загрозена, пишува Политико.

Загриженоста расте во Брисел и другите европски престолнини, каде што официјалните лица предупредуваат дека авторитетот на претседателот Емануел Макрон на меѓународната сцена, особено во однос на Украина и на Газа, би можел сериозно да ослабне.

Некои проценуваат дека нестабилноста во втората по големина економија во еврозоната би можела да го загрози целиот блок.

– Франција е премногу голема за да пропадне. Оваа политичка нестабилност ја загрозува целата еврозона – изјави дипломат од ЕУ под услов да остане анонимен.

Франција е втора најголема економија во Европската Унија, водечки играч во Г7, единствената нуклеарна сила на ЕУ и постојана членка на Советот за безбедност на ООН.

Подеднакво важно е што под водство на Макрон, оваа политичка сила, која е и еден од клучните актери во обликувањето на европските политики, можеше да се спореди само со Германија.

Сепак, Макрон долго време се соочува со притисок од крајната десница, предводена од Националниот собир на Марин Ле Пен, која води во анкетите, а истовремено се обидува да го реши проблемот со големиот буџетски дефицит.

Набљудувачите дури и не ја исклучуваат можноста за оставка на Макрон, иако неговиот претседателски мандат трае до 2027 година. Француските претставници се обидоа да ја минимизираат кризата, велејќи дека и покрај сложеноста на ситуацијата, „пилотот сè уште седи во пилотската кабина“. Во Брисел, некои дипломати веќе зборуваат за крајот на политичката кариера на Макрон, бидејќи, иако тој ја освои власта во 2017 година како симбол на промени, сега се смета за ослабена фигура чие влијание во ЕУ брзо бледнее.

По вчерашниот пад на владата француските акции и државни обврзници паднаа, додека еврото ослабе во однос на доларот.

– Не е добро за ЕУ ​​што една од нејзините најголеми членки е во криза, особено во сегашната безбедносна ситуација – рече еден функционер од Еврозоната.

Француско-германскиот тандем, традиционално клучен за функционирањето на ЕУ, е тешко да се замисли во овие околности, и покрај германскиот канцелар Фридрих Мерц, кој во Брисел се смета за подинамичен од неговиот претходник.

– Франција ќе биде отсутна токму кога Русија врши притисок врз европските граници, Кина го зголемува индустрискиот притисок, а Америка на Трамп се однесува непредвидливо. Во овие услови, Франција не може да го обезбеди она што е способна да го даде – изјави француски функционер од кабинетот на министерот во оставка.

Лидерката на Националноит собир Марин Ле Пен веќе го искористи падот на владата за да го повтори барањето за нови избори, а лидерот на холандската десница Герт Вилдерс изјави дека времето на старите европски лидери е завршено.

The post СЕ НАЅИРА КРАЈОТ НА ЕРАТА НА МАКРОН Тој е ослабен лидер, а Франција тоне во политичка криза appeared first on plusinfo.mk.