Евровизиската еуфорија стигна и до семејството Ѓоковиќ, а Новак повторно покажа дека покрај тенисот, најмногу ужива во моментите поминати со своите деца.

Српскиот тенисер, кој деновиве настапува на Ролан Гарос, секоја слободна минута ја користи за дружење со семејството, а неговата ќерка Тара уште еднаш успеа да го „натера“ да игра по нејзините правила.

На социјалните мрежи се појави видео на кое Новак и Тара танцуваат на песната „Бангаранга“, со која бугарската пејачка Dara предизвика вистинска евровизиска еуфорија.

Таткото и ќерката изведоа весела кореографија пред шарена сценографија, која потсетува на оригиналниот настап на песната.

Видеото за кратко време стана хит на интернет, а воодушевената Дара веднаш го сподели на своите социјални мрежи.

 

View this post on Instagram

 

A post shared by Bulgaria in the Eurovision Song Contest (@bulgaria.in.eurovision)

The post 📽️ ТАРА ГО „НАТЕРА“ НОЛЕ ДА ТАНЦУВА НА „БАНГАРАНГА“ Ѓоковиќ и ќерката се хит на Интернет, ги сподели и Дара appeared first on plusinfo.mk.

Македонија планира да се врати на Евровизија во 2027 година, по пауза од последното учество во 2022 година, кога земјата ја претставуваше Андреа Коевска со песната „Circles“.

Информацијата произлегува од записникот на Програмскиот совет на Македонската радио-телевизија, во кој е наведено дека претставници на Европската радиодифузна унија очекуваат Македонија повторно да биде дел од евровизиската сцена во 2027 година.

Во разговорите со ЕБУ била истакната и подготвеност за техничка и организациска поддршка за реализација на учеството.

Според Програмскиот совет, клучно е подготовките да почнат на време и систематски, со цел земјата да има квалитетно претставување.

Таквиот пристап е нагласен и во претходните дискусии во МРТ, каде што беше посочено дека за враќање на Евровизија е потребна стратегија, посилен домашен музички производ и вложување во фестивали и автори.

Македонија не учествуваше на Евровизија од 2023 година наваму. Како причини за паузата во претходните години се наведуваа финансиски и организациски ограничувања, но и потребата јавниот сервис да обезбеди појасна продукциска рамка за настап на меѓународна сцена.
Во записниците на МРТ се споменува и можноста јавниот сервис да води разговори со ЕБУ за организација на Детскиот Евросонг во 2027 година. Доколку таквата можност се реализира, тоа би било првпат Македонија да биде домаќин на евровизиски настан.

Последното македонско учество на Евровизија беше во 2022 година во Торино кога Андреа Коевска настапи со песната „Circles“, но не се пласираше во финалето. Настапот на македонската пејачка не помина без скандал. При фотографирањето Андреа го фрли македонското знаме-реквизит, што предизвика остри реакции во јавноста. Подоцна таа се извини и кажа дека ова бил несвесен потег направен во едно еуфорично расположение.
Најдобриот резултат на Македонија останува седмото место на Тамара Тодевска во 2019 година со песната „Proud“.

The post МАКЕДОНИЈА СЕ ВРАЌА  НА ЕВРОВИЗИЈА Последен македонски претставник на Евросонг беше Андреа Коевска, а најдобар пласман имаше Тамара Тодевска appeared first on plusinfo.mk.

Македонија повторно ќе настапи на изборот за песна на Евровизија во 2027 година во Бугарија, потврди директорот на Македонската Радио Телевизија, Зоран Ристоски.

На јавната седница на Програмскиот совет на МРТ, на која присуствувале претставници на медиумски организации, еснафски здруженија и институции, Ристоски открил дека веќе остварил средби со претставници на „European Broadcasting Union“ и дека Македонија сигурно ќе има свој претставник на најголемиот европски музички фестивал.

– Имаме поддршка од ЕБУ и очекуваме поповолен пакет за враќање на Евросонг, со што повторно ќе ги промовираме македонската музика и културните вредности пред европската публика – посочил Ристоски.

Македонија последен пат настапи на Евровизија во 2022 година, кога земјата ја претставуваше Андреа Коевска со песната „Circles“.

Најдобриот резултат за Македонија на Евросонг го оствари Tамара Тодевска со песната „Proud“, кога го освои седмото место во финалето.

Враќањето на Македонија на „Евровизија“ веќе предизвика бројни реакции на социјалните мрежи, каде љубителите на фестивалот бараат повторно да се организира и национален избор за македонскиот претставник.

The post ПО ДОЛГА ПАУЗА, СЕ ВРАЌАМЕ НА ГОЛЕМАТА СЦЕНА Македонија повторно ќе има претставник на Евровизија appeared first on plusinfo.mk.

Членката на групата Лелек, која ја претставуваше Хрватска на Евровизискиот натпревар оваа година, Лара Бртан, се огласи на Инстаграм со емотивна објава во која проговори за тешкиот период од нејзиниот живот низ кој поминала пред да го оствари својот музички сон.

Лара открила како нејзиниот живот целосно се променил пред две години, по тешката сообраќајна несреќа што едвај ја преживеала.

– Пред две години, мојот живот целосно се промени за само една ноќ. Тукушто наполнив 18 години и наместо да уживам во последната година од средното училиште и да размислувам за иднината, се најдов во болница по ужасна сообраќајна несреќа што едвај ја преживеав. Сè што знаев претходно наеднаш застана. Целиот мој свет се преврте наопаку и долго време не знаев како ќе изгледа мојата иднина – пишува таа.

Призна дека долго време не знаела што носи иднината за неа и дека целиот нејзин свет се превртел наопаку во тој момент. Сепак, токму 2024 година, која ја опишува како една од најтешките и најважните години во нејзиниот живот, ѝ донесе нова можност.

– 2024 беше една од најтешките, најчудните и најважните години во мојот живот. Но, некако, среде целата болка и неизвесност, животот ми даде уште една шанса. Истата година, добив шанса да бидам дел од женски бенд и, иако немав поим каде ќе ме однесе тоа, решив да го преземам ризикот и да му верувам на процесот.

Сега, две години подоцна, стојам тука како дел од истата таа група и ни беше чест да ја претставуваме Хрватска на Евровизискиот натпревар – пишува Лара.

Таа додава дека никогаш не би поверувала дека нешто вакво може да ѝ се случи додека лежела во болнички кревет, нагласувајќи колку може да биде непредвидлив животот. Во емотивната објава, таа им се заблагодари на своите колеги од бендот, на сите луѓе што ги запознала за време на ова патување и рече дека спомените од Евровизискиот натпревар ќе ги носи со себе засекогаш.

– Понекогаш не разбираме зошто ни се случуваат одредени работи, но со текот на времето сè почнува да има смисла – заклучи Лара.

 

View this post on Instagram

 

A post shared by 𝕷𝖆𝖗𝖆 (@lara_brtan)

The post ПРЕД ЕВРОСОНГ СЕ БОРЕЛА ЗА ЖИВОТОТ Лара од групата „Лелек“, проговори за трагедијата што ѝ го променила животот appeared first on plusinfo.mk.

Влад Туркени, челниот човек на јавниот радиодифузен сервис Телерадио-Молдавија (TRM), објави на 18 мај дека се повлекува од функцијата поради контроверзите околу гласањето на молдавското жири во финалето на Евровизија.

Молдавската јавност реагираше луто откако стручното жири ѝ додели на соседна Романија само три поени, додека Украина не доби ниту еден. Многумина го протолкуваа исходот не само како музичка одлука, туку и како политички чувствителен потег, со оглед на односите на Молдавија со двете земји.

TRM has published a statement after the Moldovan jury gave 3 points to Romania during last night’s Eurovision Grand Final.

“The jury that awarded the score at Eurovision does not represent the position of [Teleradio Moldova].” pic.twitter.com/wqKAzzlyeS

— ESC Discord (@ESCdiscord) May 17, 2026

Туркени на прес-конференција рече дека како раководител на институцијата ја презема одговорноста, иако не сака да влијае на одлуките на членовите на жирито.

– Гласањето е наша одговорност, а пред сè моја како раководител на институцијата. Избегнував да му давам инструкции на жирито, но она што се случи од наша перспектива е невообичаено. Жирито не ја зеде предвид чувствителноста на односите на Молдавија со нашите два соседа – рече тој.

Туркени додаде дека со поднесувањето оставка сакал да испрати јасна порака дека односите на Молдавија со Романија и Украина остануваат непроменети, без оглед на поените доделени на музичкиот натпревар.

Посебно оддекна неговата изјава за Украина, која не доби ниту еден поен од молдавското жири.

– Нашиот став кон Украина не е нула поени, а нашето чувство кон Романија не може да биде ништо друго освен љубов – рече Туркени.

Повеќе од музички натпревар

Иако Евровизискиот натпревар формално е претставен како музички натпревар, гласањето често се гледа низ политички и дипломатски контекст. Во случајот со Молдавија, реакциите беа особено силни бидејќи Романија и Украина имаат многу важно место во односите на земјата во надворешната политика.

Молдавија и Романија делат јазични, културни и историски врски, додека Украина е еден од клучните партнери на Молдавија во контекст на регионалната безбедност во последните години. Токму затоа дел од јавноста не ја доживуваше одлуката на жирито само како прашање на музички вкус.

Јавната телевизија се дистанцира од жирито

Пред оставката на директорот, Телерадио-Молдавија се обиде да ја смири ситуацијата со објавување соопштение во кое се наведува дека гласовите на стручното жири не го претставуваат официјалниот став на институцијата. Сепак, јавниот притисок не стивна, па затоа Туркени одлучи да преземе лична одговорност за настанатата ситуација.

Според молдавските и романските медиуми, тој официјално ќе ја поднесе својата оставка до Надзорниот одбор на ТРМ, и порачал дека сака да го заштити угледот на институцијата и односите на Молдавија со соседните земји.

The post ХАОС ПО „АПОЛИТИЧНАТА“ ЕВРОВИЗИЈА Директорот на молдавската телевизија поднесе оставка поради гласањето appeared first on plusinfo.mk.

„Уценетиот лидер на СДСМ Венко Филипче е толку антимакедонски настроен и за да се додвори уште повеќе на Бугарија верувале или не ја славеше нивната победа на Евровизија“.

Со овие зборови на партиска прес-коференција, Валентин Манасиевски од ВМРО-ДПМНЕ го обвини лидерот на СДСМ дека се радува на победата на земја која го негира идентитетот на Македонија.

„Да речеме и дека нема проблем со тоа, знаеме дека Венко Филипче први антимакедонец има свој автентичен стил на музика, но проблемот е во тоа што таа држава за која тој се радува, нас ни го негира идентитетот.

Филипче први антимакедонец, гордо и со високо крената глава не ги осудува навредите на бугарските власти, бидејќи за него тие коментари се гордост и успех“, вели Манасиевски во партиското соопштение од прес-конференцијата.

Според Манасиевски, иако Софија јасно вели дека уставните измени не се последното барање, Филипче уште утре би ги внел Бугарите во устав, за, како што вели, Бугарија потоа пак да може да нè блокира.

„Филипче први антимакедонец ќе направи сè за да и наштети на својата држава, затоа што е уценет од група на бугарски политичари поради неговите криминали направени со Зоран Заев.

За среќа на граѓаните, Филипче први антимакедонец нема да може да ги исполни своите желби затоа што нема да дојде на власт. СДС е сега четврта партија во Македонија, а Филипче е меѓу политичарите со најниска доверба од граѓаните. На следните избори може и да ги снема од политичката сцена“, смета Манасиевски.

The post ТОЛКАВ АНТИМАКЕДОНЕЦ ШТО ЈА СЛАВЕЛ ПОБЕДАТА НА ДАРА Филипче е уценет дури и кога станува збор за Евровизија? appeared first on plusinfo.mk.

Победничката на Евровизија 2026, бугарската пејачка Дара, стана едно од најбараните имиња на европската музичка сцена по нејзиниот голем триумф во Виена.

Со песната „Banagaranga“, таа ѝ ја донесе на Бугарија првата победа на Евровизија и ја освои публиката низ цела Европа со својот енергичен настап, модерен поп звук и впечатлива фолклорна симболика.
И додека во последните денови е на насловните страници поради нејзиниот успех на Евровизија, Дара веќе некое време ужива и во хармоничен приватен живот.

Минатата година, бугарските медиуми објавија дека пејачката се омажила за својот долгогодишен партнер, доктор Ервин Иванов.

По објавата на победата на Евровизија, пејачката му се фрли во прегратки на својот сопруг, а видеото од оваа долга и емотивна прегратка ги обиколи социјалните медиуми.

По објавата на победата на Евровизија, пејачката му се фрли во прегратки на нејзиниот сопруг, а видеото од оваа долга и емотивна прегратка ги обиколи социјалните медиуми.

@lavadom_

Beautiful, Moment Of Dara After Winning Eurovision 2026 In The Express Conference #dara #eurovision #esc26 #bulgaria

♬ original sound – Lavadom

Инаку, пејачката веста за својата венчавка не ја објавила со традиционално соопштение за медиумите, туку со кратко видео на социјалните мрежи. Во емотивното видео, таа се појави во бела венчаница опкружена со деверуши, а во кратка порака до своите обожаватели откри дека го кажала судбоносното „да“.

Нејзиниот сопруг Ервин Иванов е фармаколог и научник, а според бугарските медиуми, има околу 35 години. Наводно се занимава со научни истражувања во областа на лековите и терапиите, вклучувајќи проекти поврзани со канабиноиди и екстракти од канабис.

Нивната љубовна приказна и претходно го привлекувала внимание на јавноста. Според бугарските портали, Ервин ѝ предложил брак на Дара за време на романтично патување во Тајланд, а среќната вест ја споделиле на социјалните мрежи.

 

View this post on Instagram

 

A post shared by DARA (@darnadude)

Обожавателите реагираа особено емотивно кога некои медиуми објавија дека Дара му ја посветила песната „Only Mine“ на својот сопруг. Многумина сметаат дека токму љубовната стабилност е една од причините зошто таа зрачи со самодоверба и позитивна енергија на сцената во последните години.

The post 🎥 СОПРУГОТ НА ЕВРОВИЗИСКАТА ПОБЕДНИЧКА Е ПОЗНАТ НАУЧНИК По објавата на победата, Дара се стрча во прегратките на Ервин Иванов appeared first on plusinfo.mk.

Лидерот на ГЕРБ Бојко Борисов ги праша градоначалниците каде ќе се одржуваше Евровизија ако тој не им ги направел салите.

„Еве градоначалникот на Пловдив и Бургас сакале, но чекајте да ве прашав каде ќе ја правевте Евровизија ако јас не ви ги направев салите“, праша Бојко.

Софија, Пловдив, Варна и Бургас веќе изразија интерес да бидат домаќини на натпреварот по победата на Дара на Евровизија.

Министерот за култура на Бугарија, Емил Милошев, откри што планира новиот премиер Румен Радев за одржувањето на следната Евровизија во земјата победник. Благодарение на успехот и талентот на Дара, Бугарија се претвора од гледач во сцена, смета министерот.

– Имам голема внатрешна доверба дека Бугарија ќе се покаже како исклучително добра (како домаќин). Зборуваме за организација поврзана со самиот натпревар за песна, изборот на локација, телевизиската организација, безбедноста, логистиката, маркетингот и рекламирањето. Моето внатрешно убедување е дека бугарското хостирање ќе биде на ниво на австриското.

Главната арена, каде што ќе се одржат полуфиналињата и големото финале, ќе биде главен „проблем“ во подготовките во Бугарија. Салата мора да биде затворена и да има капацитет за минимум 10.000 гледачи, а претпочитаната опција е помеѓу 10.000 и 12.000 или повеќе седишта.

Не помалку важна е и техничката поддршка – покривот мора да биде висок најмалку 15 до 18 метри за да ги издржи сложените конструкции за осветлување, звук и ЛЕД екрани, чија опрема често надминува 100 тони.

Победата на Дара во медиумите во Бугарија отвори разни полемики. Дел реакциите од јавноста, но и од стручни лица се дека сценскиот настап содржи „сатанизам“, додека дел силно ја поддржаа пејачката.

• ПОСАТАНСКО ОД ОВА, ЗДРАВЈЕ! Жестоки критики во бугарската јавност за нивната победничка на Евросонг

Но, дали со победата на Бугарија, Европската радиодифузна унија ЕБУ избегна политички кошмар? Ова е тезата што многу западни медиуми ја изложија за победникот на овогодинешната Евровизија.

„Пропалестински протести пред виенската Штатшале, со луксузен музички фестивал внатре – вака можеше да се одвива Евровизискиот натпревар во 2026 година. Сè додека гласањето на јавноста не го стави Израел на прво место. И одеднаш иднината на Евровизија беше во прашање“, пишува германски „Шпигел“.

„Израел, доколку победеше, ќе добиеше дозвола да биде домаќин следната година во Тел Авив или Ерусалим, со непредвидливи последици за целиот натпревар“.

Во текстот и се додава дека 7 минути биле клучни и неизвесни за Бугарија да дојде на првото место и „да го спаси кредибилитетот на шоуто“.

„Бугарија го предизвика шокот на евровизиската деценија и на овој начин, според критичарите, земјата ненамерно ја спаси ЕБУ од она што многумина веќе го нарекоа ‘геноциден срам“, пишува онлајн изданието lgbtq music chart.

Подоцна во саботата навечер, одделен протест против учеството на Израел доведе до апсење на 14 лица, потврди виенската полиција. Полицијата соопшти дека мажите биле уапсени затоа што не ги отстраниле маските што го криеле нивниот идентитет.

The post А ДА НЕ ВИ ИЗГРАДЕВ САЛИ ЗА ЕВРОВИЗИЈА… Борисов се јави, Бугарија се спрема да биде домаќин appeared first on plusinfo.mk.

Евросонг 2026 уште еднаш покажа дека музиката честопати ги зближува луѓето повеќе од политиката, а токму тоа го кажаа членовите на групата Лелек откако гласаа српската и хрватската публика во големото финале.

Одлуката на српското стручно жири да не им додели никакви поени на хрватските претставници на Евровизискиот натпревар, групата Лелек, предизвика бројни реакции низ целиот регион. По оваа ситуација, се огласија и членовите на групата Лелек.

Хрватските претставници споделија фотографии од гласовите на публиката од Хрватска и Србија на својот Инстаграм, заедно со песната „Крај мене“ од српските претставници, групата Лавина, и испратија силна порака за односот меѓу луѓето и политиката.

Објавените фотографии покажуваат дека гледачите од Србија ѝ доделиле на Хрватска максимални 12 поени, додека хрватската публика вратила со ист број поени за Србија.

– Денес уште една лекција и потсетник за сите нас: политиката е она што нè подели и продолжува да нè дели. Луѓето, на свој начин, покажуваат среден прст на сè што нè разделува – напишаа девојките од Лелек.

The post ДЕВОЈКИТЕ ОД ЛЕЛЕК ОСТРО ЈА КОМЕНТИРААТ СИТУАЦИЈАТА СО ПОЕНИТЕ ОД СРПСКОТО ЖИРИ „Среден прст на сè што нè разделува!“ appeared first on plusinfo.mk.

Бугарија ја доби својата прва победа на Евровизија, но триумфот на Дара со нумерата „Бангаранга“ („Bangaranga“) не остана само музичка приказна. Настапот што ја однесе Софија до организирањето на следното издание на Евросонг предизвика лавина критики и обвинувања за неморал, невкус и – „сатанизам“.

Дара, една од најпознатите бугарски поп-изведувачки, победи на 70. издание на Евровизија во Виена со 516 поени, носејќи ѝ ја на Бугарија првата победа во историјата на натпреварот. Песната „Бангаранга“ беше претставена како енергичен поп-настап со фолклорни мотиви, инспирирани од бугарската паганска традиција на бркање на лошите сили и енергии.

Но уште пред европската публика да ја прогласи за победничка, Дара дома веќе беше ставена под лупа на дел од бугарската јавност. Поединечни медиуми и јавни личности упатија остри критики кон нејзиниот сценски настап, обвинувајќи го за „сатанизам“, „демонизам“ и „неморал“. Дел од реакциите се појавија уште по изборот на песната за бугарски претставник, а се засилија по финалната вечер на натпреварот.

Бугарскиот портал „Лупа“ објави текст во кој се пренесуваат критики од архитектот Пламен Мирјанов, кој настапот на Дара го нарекол „дно на обезличувањето, сатанизам и демонизам“. Во текстот се наведува дека тој „жестоко ја осудил песната“ и упатил „обвинувања за сатанизам“, оценувајќи дека современата сценска естетика на Евровизија промовирала вредности што, според него, биле спротивни на традиционалниот морал.

Слични полемики се појавија и во други бугарски медиуми. Порталот „СајФај.бг“ во анализа посветена на Евровизија објави текст со наслов „Топ 5 сатански песни на Евровизија“, во кој одделни настапи се опишуваат како „сатански ритуал“. Авторот користи формулации како „вештерка што повикува демон“ и „посатанско од ова не може“, анализирајќи сценски перформанси што се потпираат на темна естетика, необични костими и симболика.

Од друга страна, дел од бугарските јавни личности застанаа во одбрана на пејачката и ги осудија ваквите квалификации. Историчарот Петар Стојанович, цитиран од порталот „СејфЊуз“, реагираше на нападите со зборовите: „Доста веќе со глупостите за сатанизам“. Тој оцени дека во Бугарија постои навика прво да се „плука“, а потоа да се слават успесите, додавајќи дека дел од јавноста премногу лесно лепи етикети кон уметниците кои се обидуваат да понудат поинаков сценски израз.

Исто така, русенскиот митрополит Наум јавно ѝ ја честиташе победата на Дара и порача дека Бугарите треба да научат да се радуваат на успесите на своите сонародници, наместо да ги омаловажуваат.

Овие реакции дојдоа како редок пример на смирување во расправата што брзо излезе од рамките на музичката критика и влезе во полето на идеолошко етикетирање.

БУГАРИЈА, ПО ТРИ ГОДИНИ ПАУЗА, СЕ ВРАТИ СО ПОБЕДА НА ЕВРОСОНГ Пејачката Дара ги воодушеви жирито и публиката

The post ПОСАТАНСКО ОД ОВА, ЗДРАВЈЕ! Жестоки критики во бугарската јавност за нивната победничка на Евросонг appeared first on plusinfo.mk.