Данскиот фудбалер Кристијан Ериксен се огласи откако колабираше за време на пријателскиот натпревар меѓу Данска и Украина, поради што мечот беше прекинат и подоцна откажан.

Ериксен соопшти дека е пуштен на домашно лекување и дека се чувствува добро. Според него, инцидентот бил предизвикан од активирање на вградениот дефибрилатор што го носи по срцевите проблеми од 2021 година.

– Сакам сите да знаат дека сум добро и дека сум дома со моето семејство. Ова беше поинаква ситуација од онаа во 2021 година – порача Ериксен.

Тој им се заблагодари на медицинските тимови и на лекарите кои со години се грижат за неговото здравје.

Лекарот на данската репрезентација Мортен Бозен изјави дека Ериксен многу брзо се освестил по инцидентот.

– Кристијан многу брзо се освести. Зборуваме за секунда. Беше сосема нормален, како и обично – рече Бозен.

Тој додаде дека фудбалерот сакал сам да го напушти теренот и да се поздрави со своето семејство.

Ериксен најави дека во наредниот период ќе биде посветен на закрепнувањето, одморот и времето поминато со семејството.

The post ДЕФИБРИЛАТОРОТ МУ ГО СПАСИЛ ЖИВОТОТ Ериксен објасни што се случи на мечот со Украина appeared first on plusinfo.mk.

The post МАКЕДОНСКИТЕ РАКОМЕТАРИ ГО ЗАВРШИЈА ЕВРОПСКОТО ПРВЕНСТВО НА 14. МЕСТО Малку подобро од 2024, малку полошо од Фарските Острови appeared first on plusinfo.mk.

По стартниот и очекуван пораз од фаворитот Данска, македонската ракометна репрезентација попладнево го игра вториот натпревар од Европското првенство. Противник ни е Португалија, репрезентација која во првото коло ја совлада Романија.

Фаворитската улога ја има Португалија, која на последните големи натпреварувања постигнува добри резултати. На последниот европски шампионат беше пласирана на седмото место, додека во 2020 година го освои шестото место што е нивни најдобар резултат на првенствата.

И за двете репрезентации ова е деветто европско првенство, а македонската најдобриот пласман во постигна 2012 година со освојувањето на петтото место.

– Ќе се потрудиме да одиграме подобро од првиот натпревар и секако да им го „расипеме“ планот дека ќе се борат за медал – изјави селекторот Кирил Лазаров.

Овие две репрезентации имаат одиграно 10 меѓусебни дуели и сите во квалификации за Европско првенство, а ова ќе биде прв натпревар на големо натпреварување. Последните два натпревара ги доби Португалија кои беа одиграни во март 2023 година. Но, македонските ракометари имаат остварено триумфи против Португалија, кои значеле и пласман на големи натпреварувања, а елиминација на противникот.

Се очекува и на денешниот натпревар македонските навивачи да бидат поддршка за македонскиот национален тим.

Натпреварот во Хернинг почнува во 18 часот.

The post МАКЕДОНСКИТЕ РАКОМЕТАРИ НА МЕГДАН ПРОТИВ ПОРТУГАЛИЈА Ќе им го расипат ли Македонците панот за медал на Португалците? appeared first on plusinfo.mk.

Творецот на златната ера на Вардар и поранешен селектор на македонската ракометна репрезентација, Раул Гонзалес, сега ја предводи Србија на Европското првенство.

Србите поразени од Шпанија во првото коло, се бореа против Германија. По првото полувреме Германија водеше со 17:13, а Раул бараше начин неговите избраници да се вратат во натпреварот.

Пред самиот крај од првиот дел, шпанскиот стратег побара тајм-аут. Тогаш камерите го уловија како зборува на македонски јазик.

– Ако некој шутира – вели Раул, додека српските ракометари внимателно ги слушаат неговите упатства.

Ден претходно, во микс-зоната во Хернинг, Раул на македонски рече дека на првенството ќе навива за Македонија.

Раул живееше и работеше во Македонија од 2014 до 2019 година.

Шпанецот беше промовиран за селектор на Србија на 1 јули 2025 година.

The post 📽️ РАУЛ НА МАКЕДОНСКИ ИМ СЕ ОБРАТИ НА СРПСКИТЕ РАКОМЕТАРИ „Ако некој шутира…“ appeared first on plusinfo.mk.

Во првиот дуел на Европското првенство македонската ракометна репрезентација синоќа претрпе убедлив пораз од кодомаќинот Данска со 36:24, а веќе утре го играме можеби клучниот натпревар за пласман во следната фаза – противник ни е Португалија.

По дуелот селекторот Кирил Лазаров изјави дека денешниот тренинг нема да се одржи со цел тимот да биде одморен во пресрет на дуелот со Португалија. Тој се осврна и на отсуството на двајцата искусни ракометари Никола Митревски и Жарко Пешевски, кои не беа во записникот на дуелот со Данска.

– Причината за нивното отсуство се ситни повреди и во разговор со играчите и медицинските лица и стручниот штаб е донесена одлука да не настапат. Да беа здрави сигурно ќе играа, тие имаат добра сезона и се надевам дека ќе бидат подготвени за неделниот дуел со Португалија – изјави Лазаров.

Нашиот следен ривал шампионатот го почна со победа над Романија со 40:34 во натпревар во кој во целиот тек имаа водство. Натпреварот на македонските и португалските ракометари се игра во недела во Хернинг со почеток во 18 часот.

The post ОДДИШКА ПРЕД БУРАТА СО ПОРТУГАЛИЈА Лазаров им даде слободен ден на црвено-жолтите appeared first on plusinfo.mk.

Две италијански пливачки, Бенедета Пилато и Кјара Тарантино, се суспендирани на три месеци од натпреварувања, откако беа задржани во Сингапур под сомнение за кражба, објави денеска Пливачката федерација на Италија.

Суспензијата доаѓа само неколку недели по завршувањето на Светското првенство во пливање, каде што Пилато освои бронзен медал во дисциплината 50 метри градно.

Поради дисциплинската мерка, двете пливачки ќе го пропуштат Европското првенство во мали базени, кое ќе се одржи во декември во Полска.

Според италијанските медиуми, инцидентот се случил на аеродромот во Сингапур, кога Тарантино била забележана од обезбедувањето како става козметички производ во торбата на својата колешка. По настанот, двете биле задржани со денови од страна на локалните власти.

Во случајот интервенирала италијанската амбасада во Сингапур, по што Пилато и Тарантино биле ослободени и им било дозволено да се вратат во Италија.

Инцидентот се случил нешто повеќе од една недела по завршувањето на Светското првенство на 3 август, додека спортистките се враќале од краток одмор на Бали.

Од Пливачката федерација на Италија соопштија дека „се работи за сериозен престап кој не смее да ја наруши репутацијата на италијанскиот спорт“, додавајќи дека двете пливачки изразиле жалење и прифатиле тримесечна суспензија.

The post КРАЖБА ВО СИНГАПУР ГИ ЧИНЕШЕ ЕВРОПСКО Италијански пливачки во скандал со украдена шминка, следи суспензија appeared first on plusinfo.mk.

Македонскиот боксерски судија Стефан Цубалевски беше нападнат од страна на азербејџански тренер за време на финалето на Европското младинско првенство кое се одржа во Златибор, Србија.

Инцидентот се случи вчера во финалето до 75 килограми во кое боксуваа Виктор Мајсторовиќ од Србија и Јусуф Агакишијев од Азербејџан.

Тренерот на Агакишијев незадоволен од судењето, прво вербално го нападна Цубалевски, а потоа во втората рунда влезе во рингот и почна да го дави.

Мечот беше прекинат, Азербејџанецот д0би службен пораз, а Србинот го освои златото.

The post 📽 МАКЕДОНСКИ СУДИЈА БРУТАЛНО НАПАДНАТ НА БОКСЕРСКИ МЕЧ Незадоволниот тренер од Азербејџан влегол во рингот и почнал да го дави Цубалевски appeared first on plusinfo.mk.

Репрезентацијата на Англија го освои трофејот на Европското фудбалско првенство за жени 2025.

Англичанките вечерва во Базел ја победија Шпанија по изведувањето пенали, откако основните 90 и дополнителните 30 минути завршија нерешено 1:1.

Пенал-серијата заврши 3:1 за голема радост на Англија.

Финалето во Базел беше можност Англија да им се реваншира на Шпанките за поразот на Светското првенство во 2023 година.

The post АНГЛИЧАНКИТЕ СЕ ЕВРОПСКИ ШАМПИОНКИ Шпанките немаа среќа во пенал-серијата appeared first on plusinfo.mk.

Машката сениорска кошаркарска репрезентација на Македонија денеска и официјално ги започна подготовките за претстојните претквалификации за Европското првенство. Првиот тренинг се одржа попладнево во салата на СРЦ „Кале“, под водство на селекторот Марјан Илиевски и неговите соработници Мирко Петрески, Борче Даскаловски и Миодраг Тодоровиќ.

На првиот собир во Скопје присуствуваа:
Марин Петков, Андреј Магдевски, Амар Хот, Валмир Какруки, Лука Стојановски, Андреј Митревски, Максим Митревски, Лука Савичевиќ, Андреј Андоновски и Марко Миловановиќ.

Поради болки, Лејсон Зекири го пропушти првиот тренинг, но се очекува наскоро да се приклучи. На 17 јули, пред заминувањето за Гевгелија, во составот ќе влезе Адем Мекиќ, а два дена подоцна и Теодор Симиќ. Андреј Јакимовски е најавен за 23 јули.

Неколку играчи во моментов имаат обврски со младинските репрезентации. Марко Луканоски и Стефан Стојковиќ се со М20 селекцијата, а Никола Јаничиќ го чека настап за М18 тимот на Европското првенство во Србија.

Дополнителна сила на националниот тим ќе биде и Џејкоб Вајли, кој ќе се приклучи на подготовките во Гевгелија.

Во Гевгелија, нашата селекција ќе одигра два пријателски натпревара против Швајцарија – на 25 и 26 јули, по што следува преселба во Куманово, каде ќе започнат официјалните претквалификациски натпревари за Европското првенство.

Распоред на натпреварите во претквалификациите:

2 август: Македонија – Романија (во Куманово)

9 август: Унгарија – Македонија (во Шолнок)

13 август: Романија – Македонија (во Орадеа)

20 август: Македонија – Унгарија (во Куманово)

The post ПОЧНАА ПОДГОТОВКИТЕ ЗА ЕВРОПА Македонските кошаркари стартуваа во „Кале“, Вајли и Јакимовски се приклучуваат наскоро appeared first on plusinfo.mk.

Откако македонската ракометна репрезентација во неделата се квалификуваше за Европското првенство следната година, денеска дозна дека ќе биде сместена во третиот „шешир“ пред ждрепката за завршниот турнир.

Македонија е во ист ранг со Австрија, Холандија, Црна Гора, Чешка и Полска и со овие репрезентации нема да биде во иста група на почетокот на Европското првенство.

Шешир 1: Франција, Данска, Шведска, Германија, Унгарија, Словенија

Шешир 2: Португалија, Норвешка, Исланд, Хрватска, Шпанија, Фарски Острови

Шешир 3: Австрија, Холандија, Црна Гора, Чешка, Полска, Македонија

Шешир 4: Грузија, Србија, Швајцарија, Романија, Украина, Италија

Ждрепката ќе се одржи во данскиот град Хернинг на 15 мај со почеток во 19 часот.

Веќе е познато дека Германија ќе игра во групата А во Хернинг, Данска во групата Б во истиот град, а Шведска во групата Е во Малме. Норвешка ќе игра во групата Ц во Осло, Фарските Острови ќе бидат во истиот град, но во групата Д, додека Исланд е сместен во групата Ф во Кристијанштад.

Репрезентациите ќе бидат поделени во шест групи од по четири екипи.

По натпреварот со Литванија и пласманот на ЕП, селекторот Кирил Лазаров даде коментар на одиграното и им честита на сите играчи за постигнатото.

– Сакам да им честитам на сите момци, им честитав во Естонија и ги поддржав. Дојде јавноста, не поддржи по победата со 19 гола разлика. Сите беа решени да се пласираат на ЕП 2026. Отворивме лошо, типично македонски. Но, како одминуваше време, така мечот замина на наша страна. Момците не се испаничија, покажаа карактер. Имавме екстра-квалитетен меч, знаевме што сакаме. Секоја чест за целиот тим. Сега ќе играме со најдобрите во Европа – изјави Лазаров.

Еден од ракометарите со најмногу учества на големите приредби, Никола Митревски, смета дека заслужено патуваме во Скандинавија и таму ќе има што да кажеме.

– Пред почетокот на овие два натпревари рековме дека сме фаворити и убедливо ги добивме. Со стил се пласиравме на Европското првенство. Благодарност до публиката, која, како и секогаш, беше фантастична. Можеби на почетокот бевме поспори, но по десетина минути ја пробивме почетната криза и игравме како што се договаравме и трениравме и покажавме дека заслужено ја победивме Литванија и се пласиравме на Европското првенство. Ниту на првиот, ниту на вториот натпревар не калкулиравме со резултат, туку сакавме да победиме и да покажеме дека сме подобри. Убедени бевме во успех и покажавме дека со право патуваме на Европското првенство и очекувам таму да го покажеме својот збор – рече нашиот највозрасен ракометар.

Европското првенство заедно ќе го организираат Данска, Шведска и Норвешка од 15 јануари до 1 февруари 2026 година.

The post ТРИ ДЕНА ДО ЖДРЕПКАТА Македонија во третиот шешир, соништата за осминафинале на ЕП се будат appeared first on plusinfo.mk.