Селекторот на македонската фудбалска репрезентација, Игор Ангеловски, на прес-конференцијата по вечерашната победа над Грузија, го спореди капитенот Горан Пандев со Александар Велики.

– Сега можете да видите зашто им верував на овие момци и зашто ги сакам. Успеаја на нашата мила Македонија да и ја донесат најголемата радост. Знам колку сега се слави во Македонија. Нашиот народ заслужува да слави кога има вакви херои. Благодарам на поддршката што ја добивме од сите, благодарам на медиумите, на сите наши навивачи, и секако на најзаслужните, на фудбалерите. Ние имавме еден што ни го оспоруваа, Александар Велики, ама Горан „Велики“ не можат да ни го оспорат – изјави Англеовски.

Пандев беше стрелец на единствениот погодок со кој македонската репрезентација за прв пат во историјата избори учество на едно Европско првенство.

The post Селекторот Ангеловски го нарече Пандев, „Горан Велики“ appeared first on plusinfo.mk.