Речиси 9,5 милиони евра европски средства се изгубени поради неправилности во реализацијата на проектот „Рехабилитација и проширување на канализационата мрежа во Општина Кичево“, соопшти Управата за финансиска полиција.

Поради случајот, до Основното јавно обвинителство во Скопје е поднесена кривична пријава против странски државјанин со иницијали С.Г.О.Б., во својство на сопственик и управител на правно лице, како и против самото правно лице.

Според Финансиската полиција, постојат основи на сомнение за сторено кривично дело „Злоупотреба на постапката за јавен повик, доделување договор за јавна набавка или јавно-приватно партнерство“.

Истрагата покажала дека пријавениот бил должен да обезбеди важечка банкарска гаранција за проектот што се реализирал во рамки на ИПА II програмата на Европската Унија.

Според наводите на Финансиската полиција, тој не ја открил околноста дека азербејџанската банка „Муганбанк“, која ја издала гаранцијата, влегла во стечај, со што гаранцијата повеќе не била валидна.

Истовремено, како што се наведува во пријавата, биле ангажирани подизведувачи без претходно одобрение од Министерството за финансии и надзорниот орган, спротивно на договорните обврски.

Поради утврдените неправилности, договорот бил раскинат. Од Финансиската полиција велат дека со ваквите постапки била предизвикана штета на Буџетот на државата од 127,4 милиони денари.

Дополнително, Македонија останала без 9.474.132 евра од ИПА-фондовите на Европската Унија. Тоа значи дека средствата што биле предвидени преку европската програма сега ќе треба да се обезбедуваат од домашни извори.

Случајот е доставен до Обвинителството, кое треба да утврди дали ќе поведе понатамошна постапка против пријавените.

The post ГО КРИЕЛ СТЕЧАЈОТ НА СТРАНСКАТА БАНКА, ПРОЕКТОТ СЕ РАСПАДНАЛ Државата остана без 9,5 милиони евра од ИПА фодновите appeared first on plusinfo.mk.

Премиерот Христијан Мицкоски денеска изјави дека интензивно се работи на сите портфолија за претстојниот период од реформската агенда и нагласи оти очекува позицијата први во регионот Западен Балкан – 6 во јануарскиот извештај да се потврди и во јунскиот извештај за Македонија.

Премиерот, одговарајќи на новинарско прашање, рече дека она што го говори опозицијата не заслужува коментар и додаде дека претпоставува оти атмосферата во опозицијата е специфична и како резултат на неа понекогаш има разни ставови за иста тема во текот на еден ден.

– Но, која е вистината и кои се фактите? Фактите се, рековме, дека од последни во групата Западен Балкан 6, ќе бидеме први. Се зафативме со жестока работа веднаш по завршувањето на локалните избори и еве веќе во јануарскиот извештај сме први. Сега следува јунскиот извештај на крајот од јуни. Имам интензивна комуникација со господинот Герт Јан Копман, работиме на сите портфолија во рамките на Владата и очекувам оваа позиција да ја потврдиме и по јунскиот извештај. Овие 30-31 милион евра, кои претставуваат директна буџетска поддршка, очекувам до крајот на годината да се приближиме до бројката од 100 милиони директна буџетска поддршка, кога на тоа ќе се додадат и финансирањата и средствата предвидени за проекти, таа бројка ќе биде неколку стотици милиони евра и така ќе продолжиме и во периодот што следува – рече Мицкоски.

Европската комисија вчера ја одобри новата транша во износ од 65,7 милиони евра за земјата во рамките на планот за раст за Западен Балкан и механизмот за реформи и раст.

Од вкупно одобрените 65,7 милиони евра, 30,6 милиони евра ќе бидат префрлени директно во државниот буџет, а преостанатите средства ќе бидат ставени на располагање за инвестициски проекти преку инвестициската рамка за Западен Балкан (WBIF).

The post ОД ПОСЛЕДНИ ВО РЕФОРМИТЕ ИЗЛЕГОВМЕ ПРВИ ВО ЗАПАДЕН БАЛКАН Мицкоски очекува позитивна потврда на реформската агенда и во јунскиот извештај на ЕК appeared first on plusinfo.mk.

Претседателката на Европската комисија Урсула фон дер Лајен апелираше Унгарија да спроведе брзи реформи чиј напредокот е клучен за ослободување на милијарди замрзнати фондови на ЕУ.

Таа рече дека околу 6,5 милијарди евра од фондовите на ЕУ за закрепнување од пандемијата би можеле да бидат изгубени ако Будимпешта не ги исполни условите до крајот на август.

Временскиот притисок е „огромен“, рече таа, додавајќи дека два дена претходно испратила група високи функционери во Унгарија да работат со тимот на победникот на изборите, Петер Маѓар, за да ги спроведат потребните реформи и инвестиции.

Фон дер Лајен рече дека Унгарците „заслужуваат да ги добијат овие европски средства“ кога ќе бидат исполнети условите.

Средствата беа задржани поради загриженост за владеењето на правото под водство на премиерот во заминување Виктор Орбан.

На прашањето дали Брисел требало да заземе построг став, фон дер Лајен рече дека ЕУ била „исклучително строга“, замрзнувајќи вкупно 17 милијарди евра – дефицит за кој таа рече дека влијаел врз конкурентноста на Унгарија и влијаел на резултатот од изборите.

The post ВРЕМЕТО ЗА ЕВРОПСКИТЕ ПАРИ ИСТЕКУВА Урсула фон дер Лајен бара Унгарија да спроведе брзи реформи appeared first on plusinfo.mk.

Со години, криминалците, со помош на државни службеници и високи функционери, крадеа европски пари што беа наменети за помош на вредните и чесни земјоделци за да ја обработуваат оваа прекрасна земја, а не за некои луѓе да се стекнат со вили и луксузни автомобили, истакна европската обвинителка Лаура Ковеши на прес-конференцијата во Атина говорејќи за скандалот со грчката агенција ОПЕКПЕ надлежна за европските земјоделски субвенции, јави дописничката на МИА од Атина.

Ковеши нагласи дека „ОПЕКЕПЕ стана акроним за корупција и непотизам“.

– Превенцијата беше неефикасна, доставувањето пријави беше попречено, истрагата во најдобар случај беше површна – посочи европската обвинителка.

Таа говореше и за железничката несреќа кај Темпи од февруари 2023 година и рече дека и во овој случаи и за ОПЕКЕПЕ, пречка во истрагите бил членот 86 од грчкиот Устав што се однесува на одговорноста на министрите, односно дека единствено Парламентот е надлежен да ги гони членовите на Владата за кривични дела сторени додека се на функција.

Ковеши објасни дека европското обвинителство во истрагата на грчките случаи функционира според грчкиот Устав и не можат да го прекршат и токму затоа посочи дека е неопходно да се промени конкретниот член 86.

– Лошата вест е дека, (и за ОПЕКЕПЕ) како и во случајот Темпи, истрагата не можеше да стигне онаму каде што треба поради Уставот. Добрата вест е дека Парламентот може да го измени членот 86. Разбирам дека постои политичка волја за да започне овој процес – нагласи европската обвинителка и додаде дека министерот за правда на Грција на вчерашната средба ѝ ја пренел намерата да се промени овој член од Уставот.

За железничката несреќа кај Темпи пред две и пол години рече дека „оваа трагедија можеше да се избегне доколку беше имплементиран на правилен начин проектот“, односно договорот 717 за железницата, што се однесува на сигнализација и далечинско управување.

Таа нагласи дека „единствениот начин за да се затвори оваа рана, е да се спроведе правдата“, но и додаде дека „поради членот 86 ова не се случи“.

– За случајот Темпи, ја завршивме нашата истрага и набргу ќе постои одлука, знам дека на национално ниво веќе е донесена одлука. Ние ја имаме нашата внатрешна процедура. Стигнуваме до крајот на процесот, штом имаме одлука ќе информираме – истакна Ковеши.

На прес-конференцијата европската обвинителка нагласи дека „правдата не може да се претвори во реално шоу“.

– Ако сакате да ја откриете вистината, не ги повикувајте сведоците да зборуваат на телевизија и на тој начин осомничените да можат да го чујат она што треба да го скријат – нагласи Ковеши.

The post ЕВРОПСКИТЕ СУБВЕНЦИИ ЗА ЗЕМЈОДЕЛЦИТЕ ЗАВРШИЛЕ ЗА СКАПИ КОЛИ И ВИЛИ Лаура Ковеши побара од Грција да го смени Уставот appeared first on plusinfo.mk.

Пари течат кон општините и планските региони за изградба на инфраструктурни проекти, но реализација оди бавно, а дел од проектите не се ни започнати. Некои од проектите кои се финансираат со европски пари не се реализираат според предвидените рокови, па е можно да се изгубат и парите добиени за нив.

Ова е дел од она што го утврдиле ревизорите при ревизијата на јавни инвестиции во рамномерен регионален развој за периодот 2021 -2023 година.

Предмет на ревизија биле 76 инвестициони проекти во вкупна вредност од 33,2 милиони евра како и проекти за регионално управување со отпад во сите 8 плански региони, финансирани со заеми, грантови и буџетски средства во вкупен износ од 144 милиони евра.

На Град Скопје, во периодот 2021–2023, му се доделени 720.000 денари (околу 12 милиони евра) преку Министерството за транспорт за инфраструктурни проекти, но средствата сè уште се на наменски сметки, а реализацијата не е започната.

Град Скопје во 2021 година добил 120.000 евра (околу 2 милиони евра) и за втората фаза од изградбата на клучка на вкрстување помеѓу булевар Никола Карев и булевар Словенија но договорот за јавна набавка е склучен по две години и четири месеци. Исто така Градот добил 600.000 денари (околу 10 милиони евра) за целосна изградба на Јужен коридор како булеварско решение, за целосна изградба на булевар АСНОМ и изградба на булевар Хасан Приштина, но не се склучени договори за јавна набавка за реализација на проектите.

Слична е состојбата и со проектите во Општина Струмица кои се финансирани преку Министерство за транспорт за изградба на социјална населба (прва и втора фаза). Општината добила 191.000 денари (3 милиони евра), а ја реализирала само првата фаза, додека средствата за втората (65.000 денари) се префрлени од наменска на сметка на основниот буџет на општината.

На Општина Чучер Сандево ѝ се доделени вкупно 84.895 денари (1,3 милиони евра) од Буџетот за изградба на пречистителна станица во населено место Кучевишка Бара, но реализацијата на проектот сè уште не е започната.

„Причините се недостаток на физибилити студија за економска и финансиска исплатливост и очекуваните ефекти од проектот, како и фактот што основниот проект, со проценета вредност од 223.472 денари, е изработен по спроведена набавка со симболична цена од само 0,01 денар, во исклучително краток рок од 14 дена, со предмер-пресметки кои не соодветствуваат на пазарните цени“, се наведува во ревизорскиот извештај.

Во 2023 година на Општина Прилеп преку МЖСПП за  проект за  доизградба на фабрика за рециклирање на отпад  доделени се средства во износ од 65.000 денари. Проектот е започнат да се гради во 2013 година, а по спроведена постапка за јавна набавка во 2024 година склучени се договори за доизградба.

Ревизорите утврдиле и големи застои во реализацијата на регионалните проектите за управување со отпад со кои се опфатени пет плански региони и 45 општини. Проектот е проценет на 95,7 милиони евра. Иако во рамки на ИПА I (2007–2013) беа изработени физибилити студии во вредност од 3,6 милиони евра, нивните резултати не беа применети при дизајнирање на проектот поради промена на технички решенија со спојување на два плански региони.

Проектот за регионално управување со отпад во Источниот и Североисточниот регион, во вредност од 48,4 милиони евра, ги опфаќа сите 18 општини од двата региона, како и Општина Свети Николе од Вардарскиот регион. Процесот е започнат со подготовка на техничка документација во рамки на ИПА I (2007–2013), додека неговата реализација е планирана преку ИПА II (2014–2020).

„И покрај подготвителните активности, реализацијата на третата фаза за изградба на Регионална депонија и трансфер станици се одвива со значително доцнење, што доведува до фискален ризик од губење на доделените грант средства од ЕУ. Дополнително, како резултат на пролонгирањето на роковите и зголемените трошоци, буџетот на проектот е зголемен за 40%“, констатираат ревизорите.

Владата го прифатила зголемувањето на националното кофинансирање за покривање на дополнителните трошоци, имајќи ја предвид важноста на проектот за унапредување на управувањето со отпад и исполнување на обврските од Директивите за отпад.

„Со дополнителна анализа утврдивме дека поради откажување на дел од доделените ИПА средства во 2022 и 2023 година и зголемување на цената на проектот, изградбата на регионална  депонија и трансфер станици ќе се  финансира во износ од 65% национални и 35% ЕУ средства, што значително отстапува од првично предвидената конструкција од 85% ЕУ и 15% национално учество. Доколку не се обезбеди навремено завршување на третата фаза до 2026 година, постои ризик од целосно губење на доделените средствата од ЕУ“, наведуваат ревизорите.

Ревизорите утврдиле и дека не се почитува законската обврска за рамномерен развој да се издвојуваат 1% од БДП, но и дека Системот за координација во планирањето, спроведувањето, мониторингот и евалуацијата на политиката за рамномерен регионален развој (СиРеРа) не е интегриран со трезорскиот систем што доведува до неусогласеност на информациите за алоцирани средства за рамномерен регионален развој.

„За 2023 година според податоците добиени од Министерство за финансии распределените средства за регионален развој изнесуваат 2,91% од БДП, додека според СиРеРа системот изнесуваат 0,74% од БДП. Од овие средства само 5% до 10% се алоцирани преку Програмата за рамномерен регионален развој, а остатокот се распределени преку програми на други министерства за кои поради отсуство на подзаконски акт предвиден во законот не може да се утврди ефектот врз регионалниот развој“ наведуваат ревизорите.

Како средства наменети за рамномерен регионален развој, не се земени предвид јавните инвестиции на Јавното претпријатие за државни патишта за изградба на регионални патишта, експресни и автопати со регионално значење. Овие капитални проекти директно се поврзани со приоритетот 1.3 од Стратегијата за рамномерен регионален развој и претставуваат значаен финансиски ангажман. Во 2023 година, овие инвестиции изнесувале 23.901.217 денари, односно околу 388 милиони евра.

The post ПАРИ ТЕЧАТ КОН ОПШТИНИТЕ, А ПРОЕКТИТЕ НИKАДЕ ГИ НЕМА Ревизорите предупредуваат дека може да ги изгубиме европските пари appeared first on plusinfo.mk.

„Овој проект е клучен за усогласување на нашето законодавство со европските стандарди за квалитет на воздухот. Ќе работиме на донесување нови закони и правилници кои ќе овозможат подобра контрола и спроведување на мерките за заштита на воздухот“, велат од Министерството за животна средина и просторно уредување.

Проектот ќе резултира со комплетирање на законската рамка, создавањето на нов закон за квалитет на амбиентен воздух и серија подзаконски акти кои ќе ги следат европските директиви (2008/50/EC, 2004/107/EC и 2016/2284/EC). Заедно со нив, ќе се подготват и планови за имплементација на директивите, вклучувајќи фискални импликации за нивно спроведување.

„Со овие мерки, ќе се дефинираат и приоритетизираат акции за подобрување на квалитетот на воздухот. Заедно со надлежните институции ќе работиме на изработка на национални плански документи кои ќе го поддржат оваа стратегија“, додаваат од министерството.

Проектот исто така ќе се фокусира на зајакнување на националниот инвентар за емисии во воздухот и на спроведување на план за мониторинг на опасни супстанци, како што се тешки метали и полициклични ароматични јаглеводороди. Ќе се воспостават нови зони и агломерации за мерење на овие супстанци, со цел да се добијат прецизни податоци за квалитетот на воздухот.

За успешна имплементација на проектот, ќе се инвестира и во зајакнување на административните капацитети кои ќе бидат одговорни за спроведувањето на овие мерки. Ова ќе помогне во подобрувањето на квалитетот на воздухот и во заштита на здравјето на граѓаните.

The post СЕ НАЈАВУВААТ НОВИ ПРАВИЛНИЦИ ЗА ЧИСТ ВОЗДУХ Како ќе се промени ситуацијата по проектот вреден 1,5 милиони евра appeared first on plusinfo.mk.

Лидерката на француската екстремна десница, Марин Ле Пен, на денешното сослушување во Париз негираше каква било злоупотреба во случајот во кој на неа и на нејзината партија Национален собир (РН) им се суди под сомнение за проневера на средства во Европскиот парламент.

Ле Пен пред судот во Париз рече дека не гледа вистинска разлика помеѓу домашната политичка работа и политичката работа на ЕУ, бранејќи се себеси и нејзината партија од обвинувањата за проневера на фондови на ЕУ, јави Франс 24.

Таа денеска сведочеше, во првиот од трите дена, колку што се очекува да трае сведочењето.

Ле Пен, самата партија РН и уште 24 партиски функционери, вработени, поранешни пратеници и парламентарни асистенти се обвинети дека користеле пари од Европскиот парламент за да се платат вработените во Франција, кои работеле за нивната партија, која во тоа време се нарекувала Национален фронт.

Ле Пен и сообвинетите ги негираат обвиненијата и инсистираат дека парите биле користени легитимно, тврдејќи дека обвиненијата покажуваат претесна дефиниција за тоа што прави парламентарниот асистент.

Таа денеска ја истакна основата на нејзината одбрана, велејќи дека верува дека улогата на европратеникот е да ја турка агендата на нејзината партија во Франција исто толку колку и да работи на законодавството во Брисел.

– Не гледам разлика меѓу задачата на национален пратеник и задачата на европратеник, освен во однос на обемот. Ние се занимаваме со политика – рече Ле Пен.

Доколку бидат прогласени за виновни, обвинетите би можеле да бидат осудени на казна затвор до 10 години и парична казна од еден милион евра.

Оние како Ле Пен кои во тоа време беа избрани за функционери ризикуваат да добијат забрана од јавна функција до 10 години, додека неизбраните членови може да се соочат со забрана од пет години.

На пратениците од ЕУ им се доделуваат средства за покривање на трошоците, вклучително и за нивните помошници, но тие не треба да ги користат за финансирање партиски активности.

Европскиот парламент ја процени штетата за наводно сторените злосторства на 3,5 милиони евра.

The post ЛЕ ПЕН ГИ НЕГИРА ОБВИНУВАЊАТА Лидерката на десницата тврди дека не проневерила европски пари appeared first on plusinfo.mk.

Поранешната директорка на Националната агенција за европски образовни програми, Лидија Димова во изјава за „Фокус“ обзнани дека тогашниот премиер Зоран Заев ѝ вршел притисок да ја повлече пријавата што ја поднесе за проневера на 2,2 милиони евра европски пари.

– Во април 2020 година, од владата ми беше доставен „поздрав“ со листа на проекти што требаше да ги „пуштам“. Во јуни 2020 година, тогашниот премиер Зоран Заев, во присуство на Нола Исмајлоска,  од мене побара да ја повлечам кривичната пријава. Во октомври бев разрешена поради „неетичко однесување“ (прашајте го Љупчо Николовски што значи тоа), а во јули 2021 година, Нола беше именувана за регионален координатор за ЕУ, се разбира, откако гласаше за промена на името на државата. Во следните неколку месеци, новиот директор на Националната агенција, Марко Ѓоргиевски ги доисплати сите спорни проекти од шемата вредна 2,2 милиони евра – вели Лидија Димова за „Фокус“.

Поранешната директорка на Националната агенција за европски образовни програми и мобилност, Лидија Димова, беше обвинета за  „злоупотреба на службена положба и овластување“ и „измама“ на штета на средства на Европската заедница.

The post ЗОРАН ЗАЕВ ЗАМЕШАН ВО ПРОНЕВЕРАТА НА 2,2 МИЛИОНИ ЕВРА ЕВРОПСКИ ПАРИ? Лидија Димова директно го посочува поранешниот премиер appeared first on plusinfo.mk.

Како што рече денеска вицепремиерот за економски прашања Фатмир Битиќи, тоа што е увидено како евентуална злоупотреба не е ништо спектакуларно и е под пет отсто од средствата што се користат.

– Тоа што е увидено како евентуални злоупотреби е во рамки на просекот на тоа што се увидува во секоја земја-членка на ЕУ и во земјите потенцијални кандидати за членство во ЕУ, ништо спектакуларно морам да признам. Тоа е дури под пет отсто од средствата што се користат. Тоа што беше најавено минатиот период е на ниво на информации и покренати постапки, сѐ уште нема исход од ниту една од нив, дали ќе треба да се враќаат средства. Во ЕУ постои механизам, т.н. офсетинг, според кој, ако се увиди дека има неискористеност или искористеност на средства на ниво на непланирани и непризнаени трошоци, тие или се намалуваат од други програми или се бараат од крајниот корисник. Во овој случај, тоа се јавни институции и веројатно, штом добиеме одлука за која било од нив, ќе им се намалат од редовните програми и ќе се бара лична одговорност од луѓето кои ги воделе институциите во тој временски период. Се знаат институтциите, но бидејќи има предистражни постапки, не би сакале да ги обзнаниме. Кога ќе има конечен исход, ќе бидат соопштени – истакна Битиќи по панелот „Економските придобивки од интеграцијата во ЕУ за компаниите и граѓаните во Северна Македонија“, во рамки на кампањата на Владата на Република Северна Македонија „Европска иднина, поблиску од кога било“.

The post „НИШТО СПЕКТАКУЛАРНО ВО ЗЛОУПОТРЕБИТЕ НА ЕВРОПСКИТЕ ПАРИ“ Битиќи вели дека злоупотребите во Македонија се во рамки на просекот во ЕУ appeared first on plusinfo.mk.

Ова го изјави српскиот министерот за градежништво, транспорт и инфраструктура Горан Весиќ за српските медиуми.

Весиќ изјави дека утре со македонскиот колега Благој Бочварски ќе потпише Меморандум за изградба на брза пруга од Ниш до Скопје.

– Ќе потпишеме Меморандум со Северна Македонија и јас сум особено горд на тоа – рече Весиќ.

Тој информира дека е во тек  проектирањето на делницата Ниш – Прешево, долга 135 километри, а македонската страна ќе ги проектираат „своите“ 50 километри од границата до Скопје.

The post БРЗАТА ПРУГА ЌЕ СТИГНЕ И ВО МАКЕДОНИЈА Заедно со Србија ќе се бараат пари од ЕУ за изградба на делот Ниш – Скопје appeared first on plusinfo.mk.