– Откако оваа година беше завршена „домашната задача“ со освоената последователна 12-та шампионска титула на државното екипно првенство (по 26-ти пат во последните 32 години), фокусот на клубот е свртен кон меѓународните настапи. Нови засилувања во составот на „Алкалоид“ се: Арјун Еригаиси, Аравинд Читамбарам Веераппан и Нараианан С.Л. (Индија); Ји Веи и Јангјуи Ју (Кина); Александар Инѓиќ и Велимир Ивиќ (Србија); Филип Панчевски, нашиот домашен многукратен шампион – објави ШК „Алкалоид“.

Капитен на екипата е велемајсторот Влатко Богдановски, повеќекратен државен шампион и долгогодишен член на државната репрезентација.

Од 84 пријавени екипи на Европски клупски куп 2024, „Алкалоид“ се наоѓа иницијално (според просечен рејтинг на екипата) на второто место. Овој турнир, кој често го нарекуваат и шаховска „лига на шампионите“ годинава ќе се одржи во периодот од 20 до 26 октомври во Врњачка Бања, Србија.

„Алкалоид“ најголемиот успех во историјата и европската шампионска титула ја има освоено токму во Србија пред осум години.

The post ШАХИСТИТЕ ОД „АЛКАЛОИД“ СПРЕМНИ ЗА ЕВРОПСКИОТ КЛУПСКИ КУП Нови засилувања во составот на клубот appeared first on plusinfo.mk.