Петер Маѓар, 45-годишен адвокат и поранешен дел од владејачките структури, е човекот што успеа да го порази Виктор Орбан, откако за кратко време изгради силно опозициско движење и ја освои довербата на гласачите разочарани од економската стагнација и корупцијата.

Маѓар до неодамна бил блиску до власта и работел на позиции поврзани со државните институции. Во јавноста бил најпознат како сопруг на поранешната министерка за правда Јудит Варга, членка на Фидес.

Пресвртот се случил во 2024 година, кога избувнал скандал со претседателско помилување поврзано со прикривање педофилија. Тогаш Маѓар објавил снимка од разговор со Варга, во која се споменува вмешаност на високи владини функционери во обвинителски предмети.

Со тоа, тој направил драматичен раскин со елитата и започнал брз политички подем.

Од анонимец до лидер на Тиса

Маѓар претходно ја презел непознатата партија Тиса и за кратко време ја трансформирал во силна опозициска сила. Тиса е централнодесничарска партија декларирана како про-ЕУ и про-НАТО.

Аналитичарите оценуваат дека ваков подем ретко се гледа.

– Никогаш не сме виделе партија да се издигне толку брзо – изјавил аналитичар од Будимпешта.

Тој ветил враќање на демократските механизми и подобрување на односите со Европската унија, со цел деблокада на замрзнатите средства.

Оружје за Украина? Пак не

И покрај критиките кон Орбан, Маѓар во некои прашања има слични ставови со него. Тој најави построга политика за миграцијата и спротивставување на дел од европските договори.

Во однос на Украина, Маѓар не поддржува испраќање оружје и брз влез во ЕУ. Исто така Маѓар најави построг пристап кон миграцијата.

Аналитичарите оценуваат дека и двајцата доаѓаат од слично идеолошко семејство, иако Маѓар отворено ја критикува корупцијата и начинот на владеење на Орбан.

Национални интереси или ЕУ?

Неговата победа се смета за историски пресврт по години доминација на Орбан.

Во исто време, останува отворено прашањето како ќе ја води земјата и дали ќе направи вистински пресврт во односите со Европската Унија.

The post КРИТИЧАР НА ОРБАН, НО СО СЛИЧНА ИДЕОЛОГИЈА Кој е десничарот што го победи унгарскиот премиер? appeared first on plusinfo.mk.

Опозициската партија Тиса води на парламентарните избори во Унгарија по преброени над 45% од гласовите, додека владејачката Фидес на Виктор Орбан бележи значителен пад и првите честитки веќе пристигнуваат од нејзините редови.

Според првичните резултати, Тиса има 135 мандати, додека Фидес–КДНП освоила 57, а Ми Хазанк 7.

„Ти благодарам Унгарија!“, напиша лидерот на Тиса, Петер Маѓар.

Претходно, пратеник на Фидес од Веспрем јавно му ја честиташе победата на својот противник.

„Со почит му честитам на д-р Левенте Гаспар за постигнатите резултати“, објави тој.

Излезноста достигна 77,8%, што е рекордно високо ниво. Најголема излезност е забележана во Будимпешта, каде над 85% од гласачите излегле на избори. Претседателот Тамаш Суљок оцени дека изборите се одвивале уредно и дека високата излезност потврдува силна демократија.

Повеќе детали се очекуваат по целосното пребројување, кое ќе го потврди конечниот распоред на мандатите и идната политичка насока на земјата.

The post ОРБАН ГУБИ, ПРЕДНОСТА НА МАЃАР Е ОГРОМНА По преброени 45% гласови Тиса веќе има 135 мандати appeared first on plusinfo.mk.

Лидерот на унгарската опозиција и партијата „Тиса“, Петер Маѓар, изјави дека „никој не се подготвува за насилни дејствија или окупација на згради по затворањето на гласачките места“.

Порано денес, Унгарецот и неговата партија „Тиса“ беа обвинети од министерот за градежништво и транспорт Јанош Лазаро за планирање граѓанска војна, односно „Евромајдан“ револуција како во Украина.

Маѓар на својот фесјбук-профил објави дека „ги живееме последните часови од владеењето на Орбан: да ги испратиме мирно и достоинствено“.

Гласачките места во Унгарија се затворија во 19 часот. Првите резултати од изборите во Унгарија се очекуваат вечерва од 20 часот. Излезноста на изборите во Унгарија продолжува сруши рекорди. Во 15 часот таа достигна 66 проценти, бројка која во претходни изборни циклуси се гледала дури на крајот на денот.

– Рекордна излезност на изборите. Уште два часа до крај. Сега мора да притиснеме до крај. Гласајте и повикајте ги сите да гласаат, секој глас може да биде решавачки – порача претходно Маѓар.

Анкетите му даваат предност на Маѓар. Западните медиуми пишуваат дека владата на Виктор Орбан може да биде симната по 16 години стабилно владеење.

Орбан, пак, претходно коментирајќи ја излезноста упати повик до граѓаните да продолжат да гласаат затоа што „мирот и безбедноста на Унгарија може да зависат од еден глас“.

Про-опозициските медиуми укажуваат дека изборните места со највисока излезност се во урбаните области на земјата што, според нив, е показател дека партијата Тиса има предност.

Порталот 444 посочува дека излезноста е ниска во северо-источна Унгарија, која е најмалку развиен дел на земјата. Партијата Фидес на Орбан ужива висока поддршка во оваа област. Највисока излезност, пак, се бележи во пошироките предградија на Будимпешта – која е наклонета кон опозицијата.

Од друга страна, унгарскиот про-владин медиум Индекс денеска го цитираше американскиот политички стратег Џон Меклафлин, кој работи на кампањите на Трамп и на Орбан.

Според Меклафлин, Фидес на Орбан има предност од 4 проценти пред Тиса и високата излезност и одговара на владејачката партија.

Американскиот експерт додава дека високата излезност е доказ дека изборната трка во нејзината целина била изедначена и дека граѓаните го чувствуваат тоа – за разлика од повеќемесечното инсистирање на опозицијата дека тие имаат недостижна предност над Орбан.

The post НИКОЈ НЕ ПЛАНИРА НАСИЛНИ ДЕЈСТВА ВО УНГАРИЈА Ривалот на Орбан ја смирува топката, излезноста сруши рекорди appeared first on plusinfo.mk.