Планот на амстердамската градоначалничка Фемке Халсема предвидува дислоцирање на „црвените фенери“ од централното градско подрачје со цел, како што најави, да „го ослободи“ Амстердам од имиџот на „град на гревот“, но и како реакција на поплаките на локалните жители за пораст на ситниот криминал и за „бучните“ туристи.

Според планот, јавните куќи од сегашната локација во квартот Де Вален треба да се преселат на булеварот Европа, на околу 800 метри од седиштето на Европската агенција за лекови (ЕМА).

На ваквата најава ЕМА соопшти дека е „крајно загрижена од влијанието на оваа одлука врз нејзиното опкружување“.

– Агенцијата ќе продолжи многу внимателно да го следи процесот на донесувањето на одлуката, соопшти ЕМА.

ЕМА, чие седиште по истапувањето на Велика Британија од ЕУ беше преместено од Лондон во Амстердам, смета дека „црвените фенери“ може да влијаат врз безбедноста на нејзините вработени „кои до доцна работат во своите канцеларии“.

На идејата на градските власти на Амстердам се спротивставија и локалните жители, кое не сакаат „пред својот праг“ да ги имаат сексуалните работнички, за кои велат дека се „жртви на криминалците“, како и „толпата што ги опкружуваат нивните застаклени кабини со неонски светла“.

Против идејата за дислокација на „црвените фенери“ веќе се покренати неколку петиции со кои се бара од властите на Амстердам да се откажат од планот и наместо тоа да го зголемат полицискиот надзор и да ја засилат контролата во квартот Де Вален, особено ноќе.

The post ЈАВНИТЕ КУЌИ ВО АМСТЕРДАМ СЕ СЕЛАТ НА БУЛЕВАРОТ ЕВРОПА Европската агенција за лекови не сака сексуални работнички во комшилук appeared first on plusinfo.mk.

Ивановска и извршната директорка на АмЧам, Јелена Арсовска, презентираа заклучоци од истражување за пристапот до лекови на македонските граѓани и споделија повеќе информации за тековните и идните активности на Комитетот за здравство при АмЧам.

Тема на годинашната конференција, која ќе се одржи на 8 ноември во Скопје е „Поглед во иднината на здравствените системи“, со фокус на пристапот до лекови како основен елемент од правото на лекување. Во врска со темата, изработена е студија со поддршка од Американската стопанска комора со осврт на моменталната состојба со лековите и она што може државата да го направи во овој поглед.

– Првата опсервација покажува дека од вкупно 1.028 регистрирани со централна постапка во ЕМА, во Македонија се регистрирани само 278 или 27 проценти од лековите. Регистрацијата на лекови е првата постапка за лекот да стане достапен за пациентите. А, втората опсервација кажува дека само 199 молекули се достапни за пациентите во нашата држава, односно дека само толку обезбедуваат Фондот за здравство и Министерството за здравство – нагласи Ивановска.

Во споредба со референтните земји во правилникот за позитивна листа, Бугарија, Словенија, Хрватска и Србија, нашата држава е од 17 до 24 отсто од просекот на референтните земји, односно најдалеку од Бугарија а најблиску до Србија, или имаме 80 отсто помалку лекови од земјите во регионот.

– Има неколку начини на финансирање на лековите во нашата држава. Првиот начин е официјалната Позитивна листа, вториот начин се програмите на Министерството за здравство (како што се ретките болести, вакцините и инсулините – средства коишто директно се слеваат во буџетот на Министерството за здравство на различни начини, средства одвоени од Фондот за здравствено осигурување) и третиот начин се условните буџети кои наменски Фондот ги дава на клиниките за да можат да набават лекови за пациентите. Од трите механизми имаме 199 молекули, од кои на Позитивната листа се 66 молекули – достапни за сите граѓани на државата, од програмите на Министерството 43 молекули и од условните буџети 93 молекули – појасни Иванова.

Арсовска истакна дека првиот приоритет на АмЧам е пристапот до лекови и до нови медицински помагала и поттикнување севкупни иновации во овој сектор.

На брифингот потенцираа дека последна сериозна обнова на позитивната листа е направена во 2009 година, потоа во 2012 година со една молекула и во 2015 со уште една молекула, односно дека веќе 14 години нема сериозна обнова на позитивната листа.

– Долго време се разговара исто така и за донесување на нов закон за лекови којшто е во рамките на ЕУ регулативата. Ние моментално имаме закон за лекови и медицински средства, тоа се два закони кои што согласно европската регулатива треба да бидат разделени. Се отпочна со процесот за законот за лекови кој застана, исто така се започна со процесот за утврдување на правилникот за позитивна листа на лекови и застана и тоа беше се така до минатата година од кога почна тој процес полека да се отклучува – појасни Арсовска.

Таа истакна дека на крајот од минатата година се донесе правилникот за лекови и се направија измени во постоечкиот закон за лекови за да се дозволи целиот овај процес да профункционира.

– Процесот е отпочинат. Има компании коишто веќе почнаа да аплицираат за да се внесат нови лекови во позитивната листа. Министерството за здравство формираше комисија која почна со разгледување на сите предмети и согласно тој правилник во којшто е предвидена некаква динамика очекуваме дека ќе почнат полека да се дефинираат сите тие работи – рече Арсовска.

АмЧам е платформа за застапување, вмрежување, размена на знаења и споделување на најдобрите практики, која стои како глас и хармонизирач на интересите на компаниите-членки кои се стремат кон просперитет на бизнисот преку обединување на глобалните и перспективите на иднината. Комитетот за здравство при АмЧам е карактеристичен по тоа што има членови од различни области во здравството и тоа што го прави различен од другите организации е тоа што во него покрај фармацевстки компании членуваат и  веледрогерии, и ИТ сектор, членуваат и консултанти кои што работат на темата на здравство како и компании кои се занимаваат со комуникации.

The post НИ ТРЕТИНА ОД ЛЕКОВИТЕ РЕГИСТРИРАНИ ВО ЕУ ГИ НЕМА НА НАШАТА ПОЗИТИВНА ЛИСТА Веќе 14 години нема сериозна обнова на листата appeared first on plusinfo.mk.

Потврдата за квалитет на производите на „Реплек“ е уште еден силен адут за зајакнување на растот на извозот и освојување на нови пазари. Како резултат на новата извозна стратегија, компанијата во првата половина од годинава веќе оствари раст на продажбата на странски пазари од над 40%, а продажбата порасна и на домашниот пазар. Растот на странските пазари продолжува и во втората половина на годината.

– Огромно задоволство за нас претставува сертификатот – EUGMP, бидејќи тоа е гаранција за квалитетот на нашите производи и нашата конкурентност. Како извозна компанија која над 80% од продажбата ја остварува на странски пазари, овој сертификат е „пасош“ за нашите производи. Стратегија на компанијата не е само зајакнување на позициите, туку и унапредување на нашето портфолио, со што ќе креираме дополнителна вредност. Ги имаме сите услови за тоа, а резултатите што ги остваруваме покажуваат дека се движиме во вистинска насока – изјави Душан Пецовски, генерален директор на „Реплек“.

EUGMP – Good manufacturing practice е фармацевтски стандард воспоставен од Европската агенција за лекови кој ги дефинира производните процедури за фармацевтски производи, со што сите лекови што се продаваат на пазарите во ЕУ задолжително мора да ги исполнуваат  критериумите пропишани со стандардот.

– Добивањето на овој висок стандард по четврти пат е потврда за нашиот посветен пристап и континуирано вложување во производниот процес. Ова е потврда дека нашето производство испорачува квалитетен производ со исти перформанси како во било која друга компанија во ЕУ. Ова е еден од највисоките и најстроги стандарди, а процесот на негово добивање е детален и многу строг. Ние успешно ги поминавме сите скалила, што е потврда за високата стручност на целиот тим на компанијата. Продолжуваме и понатаму да работиме посветено – изјави Марјан Велковски, оперативен директор на „Реплек“.

Согласно својата стратегија компанијата продолжува да инвестира во имплементација на иновации, модернизација и трансформација, со што се пресретнуваат најновите трендови во фармацијата. „Реплек“ е присутна на пазарите во Европската Унија, регионот Адриа, како и на пазарите во Централна и Југоисточна Азија, а дел од производите од фармацевтската програма се едни од најпродаваните на одделни пазари, што е директна потврда за препознавање на нивниот висок квалитет.

The post РАСТ НА ПРОДАЖБАТА ВО СТРАНСТВО ЗА 40% „Реплек“ по четврти пат доби сертификат за највисоки стандарди на ЕУ appeared first on plusinfo.mk.

– Прелиминарните докази покажуваат дека и двете дози на вакцините против ковид-19 се потребни за да се обезбеди соодветна заштита од делта сојот – се вели во соопштението од ЕМА пренесено од „Еуроњус“.

ЕМА исто така соопшти дека е од суштинско значење земјите да ја забрзаат кампањата за вакцинација и да доставуваат други дози на вакцина со цел да се спречи појавата на нови видови, колку е тоа можно повеќе.

Европската агенција исто така изјави дека постојат добри научни докази дека комбинирањето на две дози на различни вакцини е „безбедно и ефикасно“ во борбата против короната.

– Оваа стратегија може да овозможи побрзо да се заштити населението и подобро да се користат достапните вакцини – велат од ЕМА, додавајќи дека сè уште е „прерано“ да се каже дали ќе биде потребна дополнителна доза во иднина.

– Сè уште нема доволно податоци од кампањите за вакцинација и студиите за тоа колку долго ќе трае заштитата на вакцините – наведува агенцијата.

ЕМА повторува дека сите вакцини дозволени во ЕУ – „Фајзер“, „Модерна“, „АстраЗенека“ обезбедуваат „висока заштита“ од сите видови што моментално циркулираат во Европа, особено кога станува збор за тешки симптоми и хоспитализации.

Во исто време, се препорачува да се користат две дози во „најкраткото препорачано време“.

Покрај промовирањето на вакцините, европското регулаторно тело ги повика граѓаните да продолжат да се придржуваат кон епидемиолошките мерки на физичко растојание и носење маски.

The post ЕМА откри колку дози од вакцините се потребни за заштита од делта сојот appeared first on plusinfo.mk.