Средствата за сервисирање на оваа обврска беа обезбедени преку заем од унгарската Експорт-импорт банка со камата од 3,25%, рок на отплата 15 години, со вклучен грејс период од 3 години.

– Со цел да се обезбедат средства по најниски трошоци за  исплата на оваа Еврообврзница, беше потпишан Договор за заем со унгарската Експорт-импорт банка. Условите под кои ги добивме средствата направија заштеди на буџетот по основ на камати и по основ на провизии. Ќе продолжиме со политиките на редовно и навремено сервисирање на обврските и обезбедување средства по најповолни услови – изјави министерката за финансии Гордана Димитриеска-Кочоска, посочувајќи дека 2025 година ја почнуваме со ликвидни и стабилни јавни финансии кои ќе овозможат редовно и навремено сервисирање на обврските.

Земјата досега има издадено 9 еврообврзници, од кои 6 се веќе исплатени, а во наредните години доспеваат за отплата уште 3 еврообврзници издадени во 2020, 2021 и 2023 година во вкупен износ од 1,9 милијарди евра.

The post ИСПЛАТЕНА Е ЕВРООБВРЗНИЦАТА ОД 500 МИЛИОНИ ЕВРА ОД 2018 ГОДИНА Наредните години ќе треба да платиме уште 1,9 милијарди евра за други три appeared first on plusinfo.mk.