Евролигата сака да ја преземе контролата врз АБА лигата преку купување мнозински сопственички удел, а во разговорите за иднината на регионалното натпреварување се вклучени и претставници на Дубаи и на романски Клуж.

Иницијативата доаѓа во период кога европската кошарка се соочува со големи промени, а НБА подготвува ново натпреварување на Стариот Континент.

Според информациите на „Спорт клуб“, намерата за преземање била претставена на состанок со клубовите што се сопственици на АБА лигата.

Разговорите засега се во почетна фаза, а конкретните услови за евентуална купопродажба сè уште не се утврдени. Не е познато ниту колкав износ Евролигата би била подготвена да плати за мнозинскиот удел.

Особено интересен е деталот дека на состанокот присуствувале и претставници на Дубаи и на Клуж, иако нивните клубови немаат сопственички удел во регионалното натпреварување.

Тие биле поканети на инсистирање на Евролигата, која во двата клуба гледа потенцијални долгорочни партнери.

Токму присуството на Дубаи отвора дополнителни прашања за идната организација на регионалната кошарка и за влијанието што би го имале клубовите доколку дојде до промена на сопственичката структура.

Евролигата веќе со години соработува со АБА лигата, но евентуалното преземање би претставувало значително продлабочување на таа врска.

Според „Спорт клуб“, една од целите е посилно поврзување на клубовите со традиција и голема навивачка база со системот на Евролигата.

Во таа приказна посебно место имаат Партизан и Црвена звезда, кои располагаат со голема навивачка поддршка и имаат значајно место во европската кошарка.

Сепак, промената на сопственоста на АБА лигата не би значела автоматско обезбедување место во Евролигата за нејзиниот шампион.

Уште во јули, раководството на Евролигата појасни дека разговорите за гарантирано место за АБА се однесувале на Еврокупот, а не на најсилното европско клупско натпреварување.

Поширокиот контекст на можната зделка е сè поизразената конкуренција меѓу Евролигата и американската НБА.

На 6 октомври клубовите акционери на Евролигата ја одбија понудата за соработка со НБА, но оставија можност разговорите да продолжат, објави Ројтерс.

Истовремено, тие го поддржаа преминот кон модел на франшизи, кој би им овозможил на клубовите потрајно сопственичко учество во натпреварувањето.

НБА и Меѓународната кошаркарска федерација (ФИБА), пак, потврдија дека продолжуваат со планот за создавање нова европска лига во 2027 година.

Предвидено е новото натпреварување да започне со 16 екипи, што би отворило директна конкуренција со Евролигата доколку двете страни не постигнат договор.

Во такви околности, евентуалното преземање на АБА би ѝ овозможило на Евролигата да го зацврсти своето влијание во регион каде што веќе има силни клубови, традиција и голема навивачка база.

The post ЕВРОЛИГАТА САКА ДА ЈА ПРЕЗЕМЕ АБА ЛИГАТА Дубаи во игра за влијание во регионалната кошарка appeared first on plusinfo.mk.

Кошаркарите на Олимпијакос се нови европски шампиони, откако во финалето на Евролига го совладаа Реал Мадрид со 92:85.

Ова е четврта титула европски првак за Олимпијакос, а претходната ја освоија во 2013 година.

Финалниот натпревар беше израмнет во првото полувреме, кое заврши со минимална предност на грчкиот тим од 46:44. По третата четвртина, Реал Мадрид успеа да направи пресврт и поведе со 65:61.

Сепак, одлучувачка беше последната четвртина, која Олимпијакос ја доби со 31:20 и со тоа стигна до титулата. Најголема неизвесност имаше при резултат 80:80, по што грчкиот тим го презеде водството до самиот крај.

Најефикасен во победничкиот состав беше Еван Фурние со 20 поени, додека најдобар поединец во финалето беше Алек Питерс со 16 поени и индекс 26.

Кај Реал Мадрид најрасположен беше Марио Хезоња со 19 поени, но во завршницата промаши неколку клучни обиди за три поени.

The post 📽️ ОЛИМПИЈАКОС Е НОВ ЕВРОПСКИ ШАМПИОН Грците го соборија Реал Мадрид во драматично финале appeared first on plusinfo.mk.

Кошаркарскиот натпревар меѓу Панатинаикос и Фенербахче, кој заврши со победа на грчкиот гигант (81:77), остави горчлив вкус поради навредливата атмосфера на трибините. Тренерот на гостите, Ергин Атаман, кој е и селектор на турската репрезентација, по мечот експлозивно реагирал на песната што десет илјади домашни навивачи ја пееле навредувајќи ја неговата мајка.

– Многу сум лут! Тие луѓе, десет илјади од нив, пееја песна за мојата мајка, која има 87 години. Тоа не е во ред. Горд сум што сум селектор на Турција – изјави Атаман.

Неколку часа подоцна, познатиот турски новинар Мурат Муратаноглу јавно возврати со жестока критика.

– Жал ми е што Атаман не го кажуваше истото кога беше тренер на Галатасарај. Тогаш не реагираше кога некои луѓе ја пцуеја мајка ми, која го носеше дресот на истиот клуб. Неговата мајка е мајка, а мојата не е? – рече Муратаноглу.

Тој потсети дека непристојностите на трибините не се нов феномен во турската кошарка, туку резултат на долготрајни лични и спортски пресметки. Муратаноглу и Атаман одамна имаат медиумска „војна“ од времето кога Ергин работеше во Турција. Двајцата често се судираа преку изјави и јавни коментари.

Муратаноглу додал дека мајките и татковците се свети личности и дека ваквите напади ги деградираат спортските вредности.

– Мајките се нешто свето. Никој родител не заслужува вакви навреди. Наместо тоа, Атаман можеше да зборува и за судењето, кое беше контроверзно – заврши новинарот.

The post „ЛУТ СУМ, 10.000 ЛУЃЕ ЈА ПЦУЕЈА МАЈКА МИ“ Турските трибини отворија стара рана меѓу Атаман и Муратаноглу appeared first on plusinfo.mk.

Новиот сопственик на ПАОК, грчкиот милијардер Аристотелис Мистакидис, ја отвора најамбициозната ера во модерната историја на клубот. Со инвестиција од 12 милиони евра и јасен план за враќање на славата, тој сака Солун повторно да стане центар на европската кошарка, и тоа под водство на легендарниот тренер Жељко Обрадовиќ.

Обрадовиќ кој неодамна си замина од српски Партизан, и покрај негодувањата на фановите и на српската спортска јавноста, се чини дека влегува во нова етапа од кариерата.

Мистакидис со капитал и визија

Бизнисменот Мистакидис, кој поседува 60,8 % од акциите на ПАОК, започна сериозна реконструкција на клубот, од управата и инфраструктурата до создавање тим способен за настап во Евролигата. Тој веќе го зголеми акционерскиот капитал со највисока поединечна инвестиција во историјата на клубот.

Желбата на Мистакидис е Обрадовиќ да седне на клупата на ПАОК, потег што грчките медиуми го опишуваат како „сон што може да го промени лицето на грчката кошарка“.

Кој е човекот зад проектот?

Роден во Рим во 1962 година, со солунско потекло, Мистакидис е втор најбогат Грк по Филипос Ниархос и тежи повеќе од 3 милијарди долари. Богатството го стекнал преку компаниите „Cargill“, „Marc Rich & Co“ и особено „Glencore“, каде во 2011 година стана милијардер по излегувањето на компанијата на берза.

Познат по својата дискретност, живее во швајцарскиот град Бар, поседува имоти во Лондон и Париз и луксузна еко-вила на Халкидики. Сепак, неговата најголема страст отсекогаш била ПАОК — клубот кој сега сака да го врати на врвот на Европа.

Новата ера на црно-белите

Со јасна стратегија и силен финансиски импулс, Мистакидис создава атмосфера на надеж во Солун. Навивачите веруваат дека овој пат проектот не е празно ветување, туку почеток на долгорочен препород. ПАОК, кој во последните години беше во сенка на Панатинаикос и Олимпијакос, повторно гледа кон европската сцена.

The post ОБРАДОВИЌ Е СОН KOJ ЌЕ ГО ПРЕОБРАТИ ПАОК? Солун подготвува кошаркарско будење под водство на познат милијардер appeared first on plusinfo.mk.

Арената во Белград синоќа вриеше од емоции по завршувањето на мечот меѓу Партизан и Баерн (92:85). Наместо славје, атмосферата се претвори во пресметка меѓу публиката и сопствените кошаркари.

Кога судиите го означија крајот, од трибините почнаа да одекнуваат скандирања „Обрадовиќ Жељко“. Навивачите го повикаа името на легендарниот тренер, деветкратен европски првак, кој минатата сезона го напушти клубот по бурен крај.

Играчите, наместо да се поклонат пред аплаузот, тивко се повлекоа. Двејн Вашингтон буквално потрча кон тунелот. Бонга продолжи да аплаудира, а само Вања Маринковиќ возврати со подигнат палец.

pic.twitter.com/ULHuZQAyHM

— Dečak iz kraja (@Virim_iz_coska) December 4, 2025

Тој потег на играчите предизвика лавина од свирежи. Публиката го сфати како непочит кон човекот што им донесе најсјајни европски моменти. На социјалните мрежи веќе се појавија стотици видеа со коментар дека „Партизан никогаш не би бил тоа што е без Жељко“.

– Не е важно кој е на клупата, важно е што го заборавија човекот кој ги направи шампиони – стои во еден од коментарите под објавата на фан-профилот „Дечак из краја“ на платформата Икс.

Клубот засега нема официјална реакција, но неофицијално, тренерскиот штаб е незадоволен од „несоодветното однесување на публиката“.

Сцената, снимена веднаш по изгаснувањето на камерите, стана вирална и покажа дека љубовта кон Обрадовиќ сè уште не згаснала — напротив, дел од навивачите сметаат дека токму неговото отсуство ја разнишало хемијата во тимот.

The post 📽️ ПАРТИЗАН ГО НАПУШТИ ПАРКЕТОТ, ТРИБИНИТЕ ГОРЕА ЗА ЖЕЉКО Мечот со Баерн ги откри емоциите appeared first on plusinfo.mk.

Српскиот кошаркарски клуб Партизан објави дека не ја прифаќа оставката на тренерот Жељко Обрадовиќ, која самиот стратег ја поднесе по поразот од Панатинаикос во Евролигата. Иако Обрадовиќ ја дефинираше оставката како „неотповиклива“, Извршниот одбор на клубот едногласно одлучил да му даде безрезервна поддршка и да го задржи на клупата, јави порталот Нова.

Клубот соопштил дека се одржала итна седница на која претседателот Остоја Мијајловиќ предложил да се одбие оставката и да се даде нова шанса на Обрадовиќ да го промени резултатскиот курс, jaвува Б92.

„Се чини дека претседателот на клубот Мијаиловиќ и другите членови на Управниот одбор се согласуваат со добар дел од ваквите констатации, па ‘апсолутната доверба’ нема да биде само фраза, туку на Обрадовиќ ќе му се каже дека, доколку ја повлече оставката, ќе има одврзани раце и целосна поддршка (во секоја смисла) да му се заблагодари за соработката на секој за кого смета дека не ја оправдал довербата со своите претходни игри и напори, па дури и да го замени целиот тим, доколку е потребно“, објавува „Моцарт Спорт“.

Меѓутоа, и покрај оваа декларативна поддршка, правно и симболички останува дилемата. Дали оставката што самиот тренер ја означил како „неотповиклива“ може да биде поништена од управата, или решението зависи исклучиво од неговата лична одлука?

Според белградските медиуми, Обрадовиќ засега не се изјаснил дали ќе ја повлече одлуката, но извори блиски до клубот велат дека се очекува конечниот збор во наредните часови.

The post ПАРТИЗАН НЕ МУ ДАВА НА ОБРАДОВИЌ ДА ЗАМИНЕ! „Смени го целиот тим ако сакаш, имаш одврзани раце“ appeared first on plusinfo.mk.

Италијанската кошаркарска легенда Еторе Месина неочекувано поднесе оставка од позицијата главен тренер на Олимпија Милано. Одлуката дојде по серија слаби резултати и три последователни порази во Евролигата и домашното првенство, јави „Газета“.

Месина, кој има 66 години, реши да се повлече од клупата, но не и од клубот. Тој ќе остане во структурата на Олимпија како личен советник на претседателот Лео Дел’Ороко.

Функцијата на прв тренер ќе ја преземе Џузепе Пепе Поета, кој летово дојде од Бреша со тригодишен договор.

Според италијанските медиуми, Поета веќе бил предвиден како наследник на Месина, па клубот нема да бара ново решение за тренерската позиција.

The post МЕСИНА ПОДНЕСЕ ОСТАВКА, ПОЕТА ЈА ПРЕЗЕМА ПЕСНАТА Шок во Олимпија Милано appeared first on plusinfo.mk.

Две големи натпреварувања во двата најпопуларни спорта на Стариот континент изгледаат како небо и земја. Од организацијата, бројот на клубови, популарноста, па потоа и наградниот фонд кој е најважен во целата деловна структура.

Наградниот фонд на Лигата на шампионите изнесува точно две милијарди и 22 милиони евра. На секој клуб-учесник му е загарантирана сериозна заработка, дури и на оние тимови кои се појавуваат во квалификациите, што само по себе дава сериозност на натпреварувањето. Клубот кој ја освојува Лигата на шампионите може да заработи точно 88.140.000 евра! Плус уште милион евра, ако го освои Суперкупот на Европа.

Евролигата изгледа како смешно и аматерско натпреварување. Шампионот во Евролигата Панатинаикос доби од натпреварувањето – 1.750.000 евра! Тоа се повеќе од 50 пати помалку пари.

Бројките не лажат:

Лигата на шампиони

Награден фонд – 2.022.000.000

Победа – 2.800.000

Шампион на натпреварувањето – 88.140.000

Евролига

Награден фонд – 8.710.000

Победа – нула

Шампион на натпреварувањето – 1.750.000 евра

The post ДВАТА НАЈВАЖНИ ЕВРОПСКИ ПЕХАРИ, НО РАЗЛИКАТА Е ОГРОМНА Koшаркарската Евролига и фудбалската Лига на шампиони се како небо и земја во заработката appeared first on plusinfo.mk.

Во вистинска „драма“ мечот беше решен во последните секунди, па кошаркарите на Монако бурно ја прославуваа оваа важна победа за нив. Тоа не им се допадна на навивачите на Фенербахче кои беа разочарани и бесни до таа мера што влегоа на терен и физички ги нападнаа гостинските играчи.

Поради целокупниот хаос на крајот се извинуваше и тренерот на Фенербахче, Шарунас Јасикевичиус.

Fenerbahçe Beko – Monaco maçının sonunda saha karıştı.

pic.twitter.com/J8a70F46eX

— BBO Sports (@bbosports) May 3, 2024

Caos at the end of game 4 between Fenerbahçe Beko Istanbul and AS Monaco #basketball #Basketbol #Fenerbahce #Fenerbahçe #Istanbul #FenerbahceBeko #EuroLeague #Playoffs

pic.twitter.com/nNCdYb8MJ2

— Matteo Andreani (@matty_vanpersie) May 3, 2024

The post 📽️ ВИСТИНСКИ ХАОС ВО ИСТАНБУЛ Фановите на Фенербахче ги нападнаа кошаркарите на Монако appeared first on plusinfo.mk.

Имено, Болтаузер е снимен на него на аеродромот „Никола Тесла“ во Белград на 8 декември минатата година како краде парфем на Том Форд од „фри шоп“.

Станува збор за парфем кој чини 221 евро.

Болтхаузер тогаш се враќаше од натпреварот од Евролигата меѓу Монако и Партизан, кој го судеше во Франција.

Поради видеото кое се појави пет месеци подоцна, Евролигата покрена постапка против Болтаузер.

Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.

Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.

„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.

Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado

Los hechos sucedieron tras el partido entre Partizan y Mónacopic.twitter.com/brQUbuRYqa

— Eurohoops España (@EurohoopsES) April 26, 2024

The post 📽️ НА ТЕРЕНОТ ДЕЛИ ПРАВДА, АМА КРАДЕ ПО АЕРОДРОМИ! Познат кошаркарски судија фатен како става скап парфем во џеб appeared first on plusinfo.mk.