Министерот за надворешни работи и надворешна трговија, Тимчо Муцунски денеска, во рамки на дводневната работна посета на Брисел, оствари средба со еврокомесарката за проширување на Европската Унија, Марта Кос.

Како што информира Министерство за надворешни работи и надворешна трговија, Муцунски и Кос ја нагласиle силната поддршка за проширувањето на Унијата, и од страна на земјите членки и од страна на граѓаните на Северна Македонија, за што се потврда и наодите од последниот „Евробарометар“.

„На средбата беше поздравен реформскиот пристап на Владата, особено исполнувањето на обврските од реформскиот процес и имплементацијата на Планот за раст. Министерот Муцунски нагласи дека реформите поврзани со евроинтеграциите остануваат високо на домашната политичка агенда, со силен фокус на владеењето на правото и борбата против корупцијата.

Министерот изрази благодарност за личниот ангажман на еврокомесарката Кос во пристапниот процес, особено во контекст на нејзиното учество и поддршка на Самитот за Планот за раст, што неодамна се одржа во Скопје.

Соговорниците разменија мислења и за неодамнешното приклучување на државата кон СЕПА, како и за иницијативата за постепено укинување на роаминг трошоците помеѓу земјите од Западен Балкан и Европската Унија. Одлуката за оваа иницијатива се очекува на почетокот на 2026 година, како дел од бенефитите на постепената интеграција во Унијата.

На средбата се дискутираше и за актуелните регионални и глобални случувања, при што беше потврдена заедничката поддршка за Украина и заложбата за што побрзо постигнување на праведен и одржлив мир“, соопшти Министерството за надворешни работи и надворешна трговија(МНРнТ).

The post МАРТА КОС ГО ПОФАЛИ РЕФОРМСКИОТ ПРИСТАП НА ВЛАДАТА Муцунски во Брисел ѝ заблагодари за поддршката за Планот за раст appeared first on plusinfo.mk.

Министерот за надворешни работи и надворешна трговија Тимчо Муцунски  со букет цвеќе срдечно ја пречека еврокомесарката Марта Кос на скопскиот аеродром. На профилот на министерот беа објавени слики од доаѓањето на Кос која утре ќе присуствува на Самит на лидерите од Западен Балкан.

„Евроинтеграциите не се само декларативна заложба, туку и јасна стратешка определба на Владата. Пред нас е исполнета агенда – денеска, заедно со претседателот на Владата, Христијан Мицкоски, ќе оствариме средба со еврокомесарката. Утре, на состанокот на лидерите од ЕУ и Западен Балкан, фокусот ќе биде ставен на Планот за раст, реформската агенда, како и на предизвиците со кои се соочуваат нашата држава и регионот на патот кон полноправно членство во Европската унија“, објави министерот заедно со фотографии од топлото добредојде.

The post 📷 ТОПЛО ДОБРЕДОЈДЕ ОД МУЦУНСКИ ЗА МАРТА КОС Евроинтеграциите се јасна стратешка определба на владата appeared first on plusinfo.mk.

Ова го рече денеска премиерот Христијан Мицкоски во врска со изјавата на еврокомесарката Марта Кос, според која земјава треба да ги спроведе уставните измени.

• ЕК ЌЕ ПОМАГА ДА СЕ НАДМИНЕ СПОРОТ МЕЃУ БУГАРИЈА И МАКЕДОНИЈА Новата еврокомесарка Кос вели дека ќе се фокусира на тоа

Одговорајќи на новинарски прашања, Мицкоски порача дека „мора да нѐ биде и ќе нѐ биде“, а ваквиот оптимизам го темели, како што напомена, на сите досегашни средби со релевантните светски лидери, реализирани во изминатите речиси пет месеци.

• МИЦКОСКИ ОСТВАРИ СРЕДБА СО МАКРОН Разговарале за одблокирање на патот на Македонија кон ЕУ

Разговорите со францускиот претседател Макрон, премиерот ги квалификува како суштински дијалог. На средбата во Будимпешта, информира, со Макрон разговарале не само за македонските евроинтеграции, туку и за многу заеднички проекти во областа на економијата, инфраструктурата, здравството…

– Кога би заокружил сѐ за помалку од пет месеци, можам да им порачам на граѓаните дека мора да нѐ биде и ќе нѐ биде. Да бидеме оптмисти. Успеавме да се сретнеме со сите релватни светски лидери за толку кратко време, нешто што порано не беше возможно ниту во едне мандат. Видов одредени написи, на одредени портали, кои ја поддржуваат работата на опозицијата, видов како моите средби ги споредуваат со средбите на некои други лидери во околината, но кога би ја објавувал секоја слика со секого со кого ќе се поздравам, би изгледало тривијално. Мислам дека е покорисно да се објавуваат вистински и суштински средби во кои има суштински дијалог. Таква беше средбата со францускиот претседател. Покрај прашањата поврзани со ЕУ интеграцијата на нашата земја, зборувавме и за соработката во економијата, имаме многу проекти во инфраструктурата, здравството, кои ни се важни и кои како влада со влада може да ги реализираме, комуникацијата продолжува, дента имавме можности честопати да бидеме заедно и да разговараме за многу отворени теми – истакна Мицкоски по увидот во градежните работи на три делници кај Велес.

The post МАРТА КОС ТРЕБАШЕ ДА ГО ПОМИНЕ СОСЛУШУВАЊЕТО НА КОЕ ГЛАСАА И ЕВРОПРАТЕНИЦИ ОД БУГАРИЈА Премиерот Мицкоски покажа разбирање за еврокомесарката appeared first on plusinfo.mk.

Северна Македонија не може да го финализира договорот за гранично управување со Европската Унија поради билатералниот спор со Бугарија. Европската Унија почна да ги склучува овие договори со земјите од западниот Балкан за да ги интегрира во граничното управување со цел спречување на „нерегуларна миграција“. Засега само Албанија го има финализирано, Црна Гора е на добар пат, а Северна Македонија би требало да го склучи штом се решат несогласувањата со Бугарија, според дипломатски извори за МИА.

Еврокомесарката Илва Јохансон потврди дека работи на случајот.

– Се надевам дека ќе го склучиме договорот за Фронтекс со Северна Македонија што е можно побрзо, го отворив ова прашање со премиерот на Бугарија за да можеме да напредуваме затоа што е многу важно – изјави Јохансон за МИА.

Еврокомесарката денеска брифираше неколку бриселски дописници во пресрет на министерскиот состанок помеѓу ЕУ и западен Балкан кој ќе се одржи во четврток преку видео конференција.

Ова е редовен годишен состанок помеѓу ЕУ и регионот, кој се смета за клучен за миграциските прашања, со оглед на важноста на балканската рута за барателите на азил.

Јохансон прв пат ќе учествува на оваа средба откако ја презема функцијата еврокомесарка за внатрешни работи.

Минатиот месец таа го презентираше новиот Пакт за азил и миграција на ЕУ со надеж да се надминат досегашните несогласувања помеѓу земјите членки на ЕУ за градење заедничка европска политика на азил и миграција.

Во овој контекст, вели Јохансон, соработката со земјите од западен Балкан е клучна не само поради тоа што се наоѓаат непосредно на надворешните граници на ЕУ туку и затоа што имаат перспектива на полноправно членство во заедницата.

На состанокот во четврток министрите за внатрешни работи ќе разговараат за менаџирање на миграцијата, договорите со Фронтекс за гранично управување, организираниот криминал и трговијата со луѓе.

За Европската Комисија спречувањето на криминалните мрежи на трговија со луѓе е едно од најважните прашања.

Запрашана дали Европската комисија е запознаена со фактот дека некои од лицата кои „превезуваат“ мигранти го прават тоа за мали пари и за опстанок, Јохансон порача дека е свесна дека некои од тие лица не се „крупните риби“, но дека борбата против трговија со луѓе преовладува.

– Дури и да се занимавате со криминални активности за преживување, тоа останува криминално, тоа не го исклучува фактот што се дел од големи мрежи, според извештајот на Европол многу луѓе работат за тие мрежи, можеби тие не се крупните риби, но се дел од нив, и дури ако не се свесни колкава е структурата, сметам дека треба борба против трговијата со луѓе дури и кога не се крупни риби – изјави Јохансон.

На средбата ќе се разговара исто така за „лажните“ баратели на азил од самите земји од западен Балкан кои во ЕУ поднесуваат барања кои имаат речиси непостоечки шанси да бидат прифатени.

Јохансон за МИА изјави дека бројот на овие „неоправдани“ барања за азил од западен Балкан не претставува веќе крупен проблем како што беше случај до пред неколку години и дека соработката со властите во регионот е добра.

– Го немам точниот број за секоја земја во овој момент, но наскоро ќе презентираме извештај кој ги разгледува состојбите по земја, мојот впечаток дека работите се добри, имаме добра соработка со земјите и не сме алармирани – рече еврокомесарката одговарајќи на новинарско прашање.

The post Еврокомесарка побарала од бугарскиот премиер да се деблокира договорот за Фронтекс со Скопје appeared first on plusinfo.mk.