Дури 65,7 отсто од македонските граѓани сметаат дека членство на Македонија во Европска Унија е најдобрата алтернатива, а помалку од една третина сметаат дека Македонија треба да бара сопствен модел за развој надвор од Унијата, покажува истражувањето „Еврометар 2026“ изработено од организацијата Еуротинк.

Истражувањето покажува закрепнување на еврооптимизмот во државата. Најголем дел од граѓаните (28,2) веруваат дека Македонија никогаш нема да стане дел од европското семејство. Од оние кои се оптимисти, пак, 23,3% сметаат дека тоа ќе се случи во наредните пет години, а околу 30% дека тоа ќе се случи во наредните 5 до 14 години. Бројот на раѓаните кои веруваат дека за пет години отсега ќе бидеме дел од Европска Унија за три години се зголемил од 10,2 на 23,3%.

Меѓутоа, истражувањето покажува и една контрадикторност. Иако голем дел од граѓаните се оптимисти дека Македонија би можела да стане дел од Унијата во следните пет години, сепак, расте перцепцијата дека односот на Европска Унија кон Македонија е нефер, надмен и уценувачки.

Во однос на демократијата – подобрено е мислењето на граѓаните. За само три години, бројот на граѓани кои сметаат дека во Македонија нема демократија паднал од 56% на 39%. Сепак, само мал дел сметаат дека работите во државата се движат во добра носока.

Анализата покажува и етнички јаз – поддршката за ЕУ е драстично поголема кај помалите етнички заедници, додека скептицизмот преовладува кај Македонците. На полето на информирањето, телевизијата останува силен медиум за политички теми , но на интернет доминираат социјалните мрежи со над 91 процент поддршка како примарен извор на политички и европски вести.

Истражувањето е спроведено од 22 мај до 8 јуни на репрезентативен примерок од 1001 испитаник.

The post ЕВРОПСКАТА УНИЈА СЀ УШТЕ ПОПУЛАРНА КАЈ МАКЕДОНЦИТЕ Дури 71,8% веруваат дека Македонија ќе влезе во ЕУ кога-тогаш appeared first on plusinfo.mk.

Премиерот на Албанија ја поддржува идејата за привремено ограничување на правото на вето во процесот на пристапување за идните членки. Веста доаѓа во време кога неколку членки предложија пристапување „чекор по чекор“ во Унијата со делумен пристап до пазарот и до институциите на Унијата.

– Нема да се колебаме, што и да е потребно за да влеземе – изјави Еди Рама велејќи дека Тирана отсекогаш била „100% усогласена“ со надворешната политика на ЕУ.

Рама ги отфрли загриженостите дека Албанија целосно ќе го изгуби правото на вето на патот кон ЕУ. Тој вели дека проширувањето на Унијата сега бара креативни и иновативни решенија бидејќи Европа има војна на своја територија со која треба да се справи.

The post „НЕ Е ПРОБЛЕМ АКО ПРИВРЕМЕНО НЕМАМЕ ПРАВО НА ВЕТО“ Рама ги поддржи новите идеи за проширување на ЕУ appeared first on plusinfo.mk.

Според анкетата, 86% од испитаниците го поддржуваат одржливото користење на природните ресурси, 82% иницијативите за заедничко купување гас од земјите членки на ЕУ, 81% се за градење партнерски односи на ЕУ со другите глобални актери како Велика Британија, САД, Јапонија и Австралија, а 80% се за намалување на „прекумерната комерцијална зависност“ од земји како Русија или Кина.

Иницијативата за зголемување на конкурентноста на европската индустрија за чиста технологија ја поддржуваат 80% од анкетираните, мерките на ЕУ за забрзување на дигиталната трансформација – 77%, а напорите за заштита потрошувачите и за зголемување на отпорноста на економијата се важни за 76% од испитаниците.

Кога станува збор за идните активности што треба да ги преземе ЕУ, 86% од анкетираните сметаат дека треба да се наполнат складиштата со гас во Унијата со цел да се избегне ризикот од недостиг на енергенсот, 85% мислат дека ЕУ треба да го поттикне производството на енергија од чисти технологии во земјите членки, а 79% дека се потребни мерки за намалување на потрошувачката на енергија.

Во делот на безбедност, 75% испитаници се на ставот дека ЕУ треба да финансира заеднички проекти насочени кон развој на стратешките одбранбени потенцијали и технологии, 85% мислат дека Унијата треба да ја засили својата енергетска и економска безбедност, а 75% се за зајакната воена соработка меѓу земјите членки.

Анкетата покажува и висока поддршка за продолжување на солидарноста со Украина и Украинците. Така, 86% од анкетираните се за тоа ЕУ да продолжи да обезбедува хуманитарна поддршка за луѓето погодени од војната, 77% се за прифаќање во Унијата на Украинците кои бегаат од војната, а 71% ги поддржуваат економските санкции против Русија. Вкупно 67% ја поддржуваат европската интеграција на Украина, а 65% се за интегрирање на земјата во единствениот пазар на ЕУ. Финансиска и економска поддршка од ЕУ за Украина одобруваат 65% од анкетираните, а 57% сметаат дека Унијата треба да продолжи со снабдувањето на Украина со воена опрема и со обука на припадниците на украинските Вооружени сили.

На прашањето кои вредности ЕУ најдобро ги претставува, 53% одговориле дека тоа е „почитувањето на основните права и вредности“, 50% – „социјалната еднаквост и благосостојба“, 49% – „толеранцијата и отвореноста кон другите“, 48% „мирот“, 46 проценти -„солидарноста со земјите во и надвор од ЕУ“, а 45% сметаат дека тоа е „заштитата на природата, климата и животната средина.

Анкетата е спроведена во сите 27 земји членки на ЕУ помеѓу 24 и 31 август 2023 година и со неа онлајн се интервјуирани 26.514 граѓани на Унијата.

Како што јави специјалниот известувач на МИА од Брисел, во реакција на истражувањето, Европската комисија оцени дека тоа покажува „огромна поддршка“ меѓу Европејците за мерките што ЕУ ги презеде во текот на минатата година за заштита на потрошувачите и компаниите од нестабилноста на цените на енергијата, како и за активностите за поттикнување на енергетската безбедност и зелената транзиција.

Таа, исто така, потврдува голем консензус меѓу граѓаните на ЕУ во корист на зајакнување на индустријата за чиста технологија, за поголема конкурентност, како и на активностите на ЕУ преземени како одговор на руската инвазија на Украина, наведува ЕК.

The post ЕНЕРГЕТСКА БЕЗБЕДНОСТ И ЗЕЛЕНА ТРАНЗИЦИЈА ВО ЕУ Дури 86% од Европејците се за одржливо користење на природните ресурси appeared first on plusinfo.mk.