Зад обидот за опожарување на објектот на Еврејска заедница во Скопје стои дел од радикална групација активна во земјава, идеолошки поврзани на глобалната мрежа на Исламска држава, констатирала Агенцијата за национална безбедност по спроведената истрага.

„Агенцијата за национална безбедност согласно своите надлежности презеде оперативно-технички и аналитички мерки и активности со цел идентификување на мотивите и непосредните извршители на обидот за опожарување на објектот на Еврејска заедница во Скопје.

Во таа насока од страна на Агенцијата се прибраа информации и беа идентификувани лица – најверојатни извршители и нивна логистичка мрежа, како и повеќе објекти во Скопје, кои според нашите индиции, како дел од радикална групација идеолошки надоврзани на глобалната мрежа на Исламска држава, непосредно по повикот на споменатата терористичка организација од почетокот на април, презедоа насилни активности.

Во соработка со ОЈО за ГОКК и МВР на 30.04.2026 г. беше спроведена акција за лишување од слобода на лица и претреси на објекти со цел ефектуирање на кривичен прогон и елиминирање на идни активности на терористичката групација.

АНБ останува посветена на планот на превентивно делување и попречување на ризици и закани по националната безбедност преку навремено обезбедување на информации и преземање на активности во соработка со други надлежни институции од земјава“ – се вели во соопштението.

The post ОТКРИЕНА ТЕРОРИСТИЧКА ЌЕЛИЈА НА ИСЛАМСКА ДРЖАВА ВО МАКЕДОНИЈА! Што покажа истрагата на АНБ за опожарувањето на еврејската заедница appeared first on plusinfo.mk.

Министерството за внатрешни работи соопшти дека го расчистило случајот со обидот за опожарување на верскиот објект на Еврејската заедница во Скопје на 12.04.2026 околу 04:50 часот.

„Веднаш по добиената пријава, преземени се соодветни мерки и активности од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал во координација со СВР Скопје и Агенцијата за национална безбедност, при што во изминатиот период беа преземени повеќе оперативно- тактички мерки на подрачје на град Скопје.

На 30.04.2026, по претходно обезбедени наредби за вршење претрес на дом и други простории, извршени се претреси на 13 локации на територија на Скопје, при што приведени се седум лица и одземени се предмети и електронски уреди поврзани со кривичното дело.

По наредба на јавен обвинител, лицата се задржани за понатамошна постапка, по што од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал е поднесена кривична пријава против А.Љ (21) од Скопје поради основи на сомневање за сторено кривично дело „тероризам” по член 394-б и А.Р. (38) од Скопје поради основи на сомневање за сторено кривично дело „тероризам” по член 394-б од КЗ во врска со член 24 од КЗ, а од страна на судија на претходна постапка одредена им е мерка притвор“ – соопшти МВР.

The post ПРИВЕДЕНИ 7 ЛИЦА ЗА ПАЛЕЊЕ ОБЈЕКТ НА ЕВРЕЈСКАТА ЗАЕДНИЦА Двајца од уапсените се гонат за тероризам appeared first on plusinfo.mk.

Израелската амбасадорка во земјава Вивиан Аисен ги поздрави „решителните акции на македонските власти за истрага и повикување на одговорност на одговорните“ за обидот за опожарувањето на зградата на Еврејската заедница и синагогата во Скопјe.

Аисен, на мрежата Х ја респодели пораката на министерот за надворешни работи и надворешна трговија Тимчо Муцунски со која тој го осудува обидот за опожарување.

„Ви благодарам, министре. Брзите и решителни акции на македонските власти за истрага и повикување на одговорност на одговорните за овој гнасен антисемитски чин се од суштинско значење за спречување на потенцијални идни инциденти“, напиша Аисен на Х.

Thank you, Minister. The swift and decisive actions of the Macedonian authorities to investigate and hold accountable those responsible for this despicable antisemitic act are essential to preventing potential future incidents. https://t.co/WSwTrDr9IU

— Vivian Aisen (@VivianAisen) April 13, 2026

Министерот за надворешни работи и надворешна трговија Тимчо Муцунски го осуди обидот за опожарување на зградата на Еврејската заедница и синагогата во Скопјe, порачувајќи дека „нашето општество цврсто стои на ставовите за толеранција и мултиетнички соживот“.

„Опожарувањето на зградата на Еврејската заедница и синагогата во Скопјe – на Велигден – е крајно неприфатлив и силно осуден. Нема место за вакви дела во Македонија. Истрагата е во тек, а одговорните ќе бидат повикани на одговорност. Нашето општество цврсто стои на ставовите за толеранција и мултиетнички соживот“, напиша Муцунски.

МВР соопшти дека се преземаат мерки за расчистување на случајот.

– Во СВР Скопје, вчера изутрина во 07.22 часот, Ј.Ј. пријавил дека на улицата Апостол Гусларот во двор од верски објект забележал канистар за гориво и траги од горење, информираа од Министерството за внатрешни работи откако Еврејската заедница во Македонија синоќа извести за обид за опожарување на објект на Заедницата и на синагогата во Скопје.

– Веднаш по добиената пријава од страна на полициски службеници излезено е на местото на настанот и се преземаат мерки за расчистување на случајот – дополнуваат од МВР.

Еврејската заедница во Македонија синоќа соопшти дека бил извршен обид за опожарување на нејзиниот објект и синагогата, а амбасадорката на Израел Аисен во објава на социјалните мержи сподели видео од инцидентот и ги повика надлежните да го расветлат случајот.

Од Еврејската заедница во Македонија го осудија овој чин и упатија апел до надлежните органи за целосно расветлување на случајот и доследна примена на законите, како и за гласна и обединета осуда од сите верски лидери, институции и граѓани. И амбасадорката Аисен ги повика властите да ги изведат одговорните пред лицето на правдата.

– На 12 април, првпат во поновата историја, беше извршен обид за опожарување на објектот на Еврејската заедница и синагогата. Овој чин не е само напад врз еден верски објект, туку длабоко вознемирувачки удар врз темелните вредности на цивилизираното општество – соживотот, достоинството и заемната почит. Еврејската заедница како најмалубројна, но историски длабоко вкоренета заедница на овие простори уште од времето на Антиката отсекогаш го градела својот опстанок и придонес врз принципите на мир, солидарност и заедништво. Ние сме живееле посебно во нашите верски традиции, но заедно во секојдневието – рамо до рамо со сите наши сограѓани, споделувајќи ги и радостите и премрежјата на ова општество – се наведува во соопштението до медиумите потпишано од претседателот на Еврејската заедница во Македонија, Пепо Леви.

Со особена загриженост, стои во известувањето, констатираат дека во последниве години се засилуваат појавите на говор на омраза, нетолеранција и опасно поистоветување на Евреите со сложените геополитички случувања на Блискиот Исток. Таквите тенденции, се посочува, не се само погрешни, туку и длабоко неправедни, и тие го отвораат патот за оживување на антисемитизмот – појава која човештвото одамна требаше да ја остави зад себе. 

The post АМБАСАДОРКАТА НА ИЗРАЕЛ ГИ ПОЗДРАВИ НАПОРИТЕ ЗА ОТКРИВАЊЕ НА СТОРИТЕЛИТЕ Брзата акција е важна за спречување идни инциденти appeared first on plusinfo.mk.

Министерот за надворешни работи и надворешна трговија Тимчо Муцунски го осуди обидот за опожарување на зградата на Еврејската заедница и синагогата во Скопјe, порачувајќи дека „нашето општество цврсто стои на ставовите за толеранција и мултиетнички соживот“.

– Опожарувањето на зградата на Еврејската заедница и синагогата во Скопјe на Велигден е крајно неприфатливо и силно осудено. Нема место за вакви дела во Македонија. Истрагата е во тек, а одговорните ќе бидат повикани на одговорност. Нашето општество цврсто стои на ставовите за толеранција и мултиетнички соживот – се вели во објавата на Х на Муцунски.

Еврејската заедница во Македонија синоќа соопшти дека бил извршен обид за опожарување на нејзиниот објект и синагогата.

The post МУЦУНСКИ ГО ОСУДИ ПАЛЕЊЕТО НА ЕВРЕЈСКАТА ЗАЕДНИЦА „Нема место за вакви дела во Македонија“ appeared first on plusinfo.mk.

Човекот што со голи раце ги разоружа напаѓачите на плажата Бонди и стана симбол на човечноста, проговори за медиумите. Ахмед ал Ахмед, сирискиот мигрант и татко на две деца од Сиднеј, се опорави откако прележа 3 операции во болница.

Ахмед не размислувал долго кога го здогледал вооружениот Саџид Акрам како пука кон луѓето што ја славеле Ханука на плажата.

– Го држев со десната рака и му велев да го фрли оружјето, да престане – изјави тој за „Си-Би-Ес њуз“.

Неколку секунди подоцна му ја одзел пушката и му го спречил понатамошното убивање.

Крв на песокот, човечност во воздухот

Нападот што австралиската полиција го оцени како терористички чин против еврејската заедница заврши со 15 мртви и 40 повредени. Тоа е најсмртоносното масовно пукање во Австралија по 1996 година.

Напаѓачот Акрам бил убиен на лице место, а неговиот син Навид обвинет за 59 прекршоци, меѓу кои и 15 за убиство.

Bondi hero Ahmed al Ahmed has described for the first time, the frightening moment he tackled the older terrorist and wrestled the gun from him.

In his first TV interview, the 44-year-old says his heart and soul compelled him to do it to end the killing. pic.twitter.com/Nt9hykodO4

— 7NEWS Sydney (@7NewsSydney) December 29, 2025

„Не сакам да гледам луѓе како врескаат“

Ахмед зборуваше со треперлив глас за моментот кога, како што вели, „душата му заповедала“ да делува.

– Не можев да стојам. Не сакам да гледам крв, не сакам да слушам пиштол. Сакав само да спречам убивање невини луѓе – рече тој.

„Најдобриот од нашата земја“

Додека се борел со напаѓачот, другиот терорист го застрелал неколку пати во рамото. Помина низ 3 операции, а граѓаните за него доброболно собраа 2,5 милиони австралиски долари додека лежел во болница.

Премиерот Ентони Албанезе го нарече „најдобриот од нашата земја“, а премиерот на Нов Јужен Велс, Крис Минс, го опиша како „херој од вистинскиот живот“.

Неговите родители за Би-Би-Си изјавиле дека „совеста и човечноста на нивниот син го победиле стравот“.

The post 📽️ „НЕ САКАВ ДА ГЛЕДАМ ЛУЃЕ КАКО ВРЕСКААТ“ Проговори Ахмед од Сиднеј кој ги спаси Евреите во Бонди appeared first on plusinfo.mk.

Неколку лица биле избодени пред синагога во Крампсол, Манчестер – и тоа токму во најсветиот ден од еврејскиот календар, Јом Кипур. Инцидентот го нарушил мирот на денот кога илјадници верници традиционално постат и се собираат во храмови, јави Би-Би-Си.

Се смета дека најмалку 4 луѓе се повредени.

– Се работи за сериозен инцидент – изјави градоначалникот на Манчестер, Енди Брнхам, додавајќи дека непосредната опасност е веќе помината, но ги повика граѓаните „да го избегнуваат подрачјето“.

Полицијата во Манчестер потврди дека осомничениот за нападот врз синагогата во Крампсал е застрелан.

„Полицијата беше повикана во синагогата на хебрејската конгрегација Хитон Парк, на Мидлтон Роуд, Крампсал, во 9:31 часот наутро од страна на граѓанин, кој рекол дека бил сведок на автомобил кој се возел кон него, додека еден човек бил избоден со нож. Главниот полициски службеник прогласи голем инцидент во 9:37 часот наутро. Полицајците од полицијата на Манчестер испукале истрели во 9:38 часот наутро. Еден човек е застрелан, за кој се верува дека е сторителот“.

– BREAKING: Multiple people have been stabbed at a synagogue on Middleton Road in Manchester, Greater Manchester Police confirmed, describing it as a serious incident.

Officers responded early this morning, closing the road between Wilton Road and Crumpsall Lane, with… pic.twitter.com/skKPDa8EjT

— The Informant (@theinformant_x) October 2, 2025

The police have shot terrorists attacking a synagogue here in Manchester. Graphic footage. I hope everyone inside is okay, it appears there is at least one victim outside. pic.twitter.com/nPTACvc0Z3

— Hayden Hewitt (@HaydenHewitt) October 2, 2025

SUSPECTED TERROR ATTACK IN MANCHESTER

Early reports suggest an Islamist has gone on a mass stabbing rampage at a synagogue on Middleton Road, Heaton Park.

ARMED POLICE ARE ON THE SCENE

This is a developing story pic.twitter.com/6EdEkd7H7p

— Basil the Great (@Basil_TGMD) October 2, 2025

Полицијата потврди дека реагирала на дојава за напад со нож пред синагогата, а првичните информации укажуваат дека има повеќе повредени. Северозападната амбулантна служба прогласила „голем инцидент“ и испратила екипи на терен.

„Во моментов ја проценуваме состојбата и координираме со другите служби. Примарна цел ни е брзо да им се помогне на повредените“, соопштија од службата.

Истрагата е во тек, а полицијата останува на теренот.

The post 📽️ ХОРОР ПРЕД СИНАГОГА ВО МАНЧЕСТЕР НА ЈОМ КИПУР Напад со нож го нарушил мирот на илјадници верници appeared first on plusinfo.mk.

Еврејската зедница и Фондот на холокаустот на Евреите од Македонија реагираа и, како што велат во соопштение, со индиганција ја отфрлија како лажна, инсинуирачка и неточна изјавата на рофесорот на Универзитетот во Синсинати САД, Иван Динев Иванов, кој воедно е државјанин на САД и Бугарија, дадена во емисијата „На кавга со Иван“ која се емитуваше на Канал 5 телевизија.

Од Еврејската заедница велат дека се лажни тврдењата и инсинуациите дека наводно во постојаната поставка во Меморијалниот центар на холокаустот на Евреите од Македонија се користат монитирани фотографии, документи и филмови и дека Меморијалниот центар на холокаустот е место од каде се врши искривена пропаганда, за улогата на Бугарија во депортацијата на Евреите од Македонија.

„Меморијалниот центар на холокаустот на Евреите од Македонија, го чува споменот и е посветен на 7.144 Евреи од Македонија кои беа брутално прогонувани, понижувани, етикетирани, ограбени и депортирани во смрт од страна на тогашните бугарски фашистички власти.

Би сакале да напоменеме дека во креирање и изградба на постојаната изложбена поставка во Меморијалниот центар учествуваа реномирани светски историчари од ерата на холокаустот кои своите истражувања, превземање и откуп на архивски материјал ги правеа во архивите на Меморијалјиот музеј на холокаустот во Вашингтон, САД, Јад Вашем во Израел и други архиви.

Обидите на проф. д-р Иванов за искривување на историската вистина и улогата на Царска Бугарија во холокаустот на Евреите од Македонија се скандалозни, пред сè за еден професор кој треба на своите студенти да им ја пренесе вистината за историските настани, а не да се става на страната на официјалното искривување на историската вистина за холокаустот од одредени бугарските политичари и историчари, кои се одвиваат во континуитет.

Ние, Евреите од Македонија, нема да дозволиме никакво искривување на историјата во дневно политички цели. Нема да дозволиме да се заборави каде и како завршија 7.144 Евреи од Македонија, само затоа што се поинакви по вера и традиција од ариевската раса, само затоа што некој сака да ја стави под килим својата негативна историска улога.

Фактот дека Бугарија беше соучесник во едно од најголемите злосторства во историјата на човештвото не може да се избрише, па тоа да е и обидот на проф. Иван Динев Иванов“, реагираат Еврејската зедница и Фондот на холокаустот на Евреите од Македонија.

The post „НЕМА МОНТИРАНИ ФОТОГРАФИИ, БУГАРИЈА БЕШЕ СОУЧЕСНИК ВО ЗЛОСТОРОТ“ Еврејската заедница остро реагира на изјавите на професорот Динев Иванов appeared first on plusinfo.mk.

Владите на фашистичка Бугарија и нацистичка Германија го организирале овој настан од Втората светска војна, со цел систематска елиминација на еврејското население.

Сите македонски Евреи биле депортирани во германскиот нацистички логор Треблинка на територијата на окупирана Полска, каде што биле задушени во гасни комори. Никој не се вратил од Треблинка. Не останал ниеден сведок да прераскаже за ужасите на геноцидот на македонското еврејско население. Само документите сведочат за ужасната судбина на Евреите во Македонија.

Фашистите и нацистите иселиле околу 11.400 Евреи од Вардарска Македонија, Егејска Македонија и Тракија. Според податоци од октомври 1945 година, на територијата на денешна Македонија останале само 419 лица чијашто заедница денес брои околу 200 лица.

Антисемитизмот во фашистичка Бугарија

Во периодот меѓу 1899-1939 година, антисемитизмот растел во Бугарија, но ситуацијата се влошувала со влошувањето на економската состојба во државата.

Бугарија во јули 1940 година почнува да носи антисемитски закони. Во јануари 1941 година го донесува „Законот за заштита на нацијата. Во 1 март 1941 година, Бугарија станува сојузник на Силите на оската.

Бугарија особено обрнувала внимание на четвртата глава на Законот која се однесувала на имотот на лица со еврејско потекло, како и на петтата глава „За професионалната и економската активност на лицата со еврејско потекло“. Таму се наведувале сите забранети занимања за Евреите, па тие немале можнос да заработат за пристоен живот.

Одземањето на основните граѓански права всушност ја почнало бездушната и систематска ликвидација на Евреите во границата на тогашното Трето Бугарско Царство. Фашистите во Битола ги обележале сите еврејски куќи, трговски и занаетчиски дуќани на 9 април 1941 година. Комисијата на фашистичка Бугарија одговорна за пописот на имотот на македонските Евреи ги конфискувала имотот и други вредности на Евреите. Бугарите и Германците ги уценувале Евреите барајќи им пари или други вредности за да не им ја впишат вистинската вредност на предметите.

Фашистите ги известиле Евреите пачалбари кои биле надвор од родното место дека мора да ѝ платат одредена казна на државата. Печалбарите платиле вкупно 34.000.000 лева казна. Властите ги притвориле и им го конфискувале имотот на оние кои не ја платиле паричната казна.

Притисокот врз Евреите во 1942 година пораснал кога во Битола допатувале тројца специјални инспектори за „еврејското прашање“. Всушност, дошле за да го започнат целосниот геноцид планиран со меѓусебен договор на бугарските и германски фашисти.

Планирање на депортацијата

Бугарската влада му дала налог на Комесарството за еврејски прашања за да направи списоци на целокупното македонско еврејско население. Рокот за доставување на главните списоци бил само неколку дена.

Станувало збор за вкупно 2.150 семејства со 7.762 члена.

Фашистичките влади на Бугарија и нацистичка Германија во тајност ги воделе преговорите за предавање на еврејското население од окупираните бугарски територии. На 22 февруари 1943 година во Софија потпишале спогодба за иселување на 20.000 Евреи од териториите под окупација на Бугарија, односно од Тракија и од Македонија. Иселувањето се реализирало во Полска. Спогодбата е донесена по одобрување на Министерскиот совет на Бугарија и во неа се утврдени појдовните железнички станици.

Апсење на Евреите во Македонија

Во ноќта меѓу 10 и 11 март 1943 година, фашистите ги блокирале градовите Битола, Штип и Скопје, а бугарската војска и полиција ги опколиле еврејските населби. Почнале да ги собираат Евреите во утрината на 11 март. По неколку вооружени полицајци, агенти и војници оделе од куќа до куќа и ги собирале Евреите. Ги товареле жените, децата и болните во камиони или во шпедитерски коли. Им го пљачкосувале на имотот уште на самите домови на Евреите додека ги собирале.

Нацистите и бугарските фашисти и наложиле на Главната дирекција на железниците со специјални возови да ги превезува Евреите до местата определени од страна на Комесарството за еврејски прашања.

Во Скопје, ги приспособиле зградите на скопскиот Државен монопол за логор. Иако бугарските фашисти и германските нацисти тајно и преку разни канали ги спроведувале подготовките, меѓу кои и преку активисти од Народноослободителното движење, се дознало дека се подготвува нешто против Евреите.

Не се знаело колкумина и каде ќе бидат интернирани (во Бугарија или на друго место). Не се знаело ништо за логорите на смртта . Фашистичкиот печат велел дека Евреите ќе бидат одведени на принудна работа.

Германските и бугарските фашистички органи го организирале депортирањето на Евреите во 3 етапи. Првиот транспорт на скопските Евреи започнал на 22 март 1943 година. Вториот транспорт со дел од скопски, сите штипски и група битолски Евреи започнал на 25 март. Третиот транспорт започнал на 29 март со околу 2.500 лица.

Сите Евреи од Македонија биле депортирани во логорот Треблинка во Полска каде што биле задушени во гасни комори.

Еврејската заедница во Република Македонија (ЕЗРМ) и Фондот на холокаустот на Евреите од Македонија денеска одбележуваат 81 година од холокаустот.

The post БУГАРСКИТЕ ФАШИСТИ ДЕПОРТИРАЛЕ 7.144 МАКЕДОНСКИ ЕВРЕИ ВО ТРЕБЛИНКА, А ТАМУ ГИ ЗАДУШИЛЕ На денешен ден започнало „администрирањето“ appeared first on plusinfo.mk.

Премиерот во интервју за Телевизија 24 изјави дека Централниот регистар ја разгледува документацијата и поради намерата на граѓани да формираат такви здруженија што ги нарушуваат чувствата и односите со соседна држава, е формирано тело во Владата, односно во Министерството за правда, што треба да оцени дали одредено име може да биде користено или не.

Ковачевски вели дека македонското законодавство е многу либерално во однос на формирање здруженија и од таа причина му сугерирал до министерот за правда, како основа да се земе германското законодавство.

– Германија е држава што е една од носечките држави во Европската Унија во економијата, владеењето на право и по организирање на внатрешен систем и мислам дека тоа е законодавство што треба да го земеме. Сакам да ги заштитам чувствата на граѓаните и исто така повикав при изработка на тој закон да учествуваат не само сите политички партии, туку и еврејската заедница да биде вклучена во собраниската комисијата во којашто ќе се разгледува законот – додаде Ковачевски.

Идејата за овие здруженија, вели дека е да се предизвика провокација кај граѓаните, како и финансиски интерес и нетрпение помеѓу двете држави. Додаде дека ова се случува во изминатите години во односите помеѓу двете држави и треба да се стави крај. Порача дека сите граѓаните не треба да бидат заложници на одредени граѓани што сакаат да ги нарушат односите, пред сè внатре во општеството, а потоа надвор од државата.

The post ЕВРЕЈСКАТА ЗАЕДНИЦА ЌЕ БИДЕ ВКЛУЧЕНА ВО РАЗГЛЕДУВАЊЕ НА ЗАКОНОТ Премиерот вели дека тело во Владата ќе оценува кои имиња на здруженија ќе бидат дозволени appeared first on plusinfo.mk.

-Вчера многу јасно кажав дека го осудувам отворањето на клуб со такво име, меѓутоа мора да бидеме свесни дека тој клуб го имаат отворено македонски граѓани. Како премиер и партијата СДСМ на кој сум и претседател кажавме дека – прво, го осудуваме и, второ, дека тоа е само провокација од мала група луѓе кои не сакаат да видат добри односи со Република Бугарија – рече Ковачевски.

Во однос на правните аспекти нашата држава, рече премиерот, има премногу либерално законодавство во однос на формирање граѓански организации и здруженија и затоа пред извесен период Министерството за правда доби задача да направи нов закон за граѓански здруженија и организации.

-Тие тоа го работат, меѓутоа ги повикувам и сите пратенички групи да учествуваат во тоа. И не само пратеничките групи, туку и Еврејската заедница да учествува со оглед дека во тој најцрн период на европската историја, ако некој бил жртва во оваа наша држава, тогаш тоа била еврејската заедница која, практично, од една респектирана и многубројна заедница денес е сведена само на оние кои успеале да преживеат или нивните потомци. И затоа навистина треба да се има чувство кон сите нив за тоа што го имаат поминато низ историјата – истакна Ковачевски. 

The post ТРЕБА ДА ИМАМЕ ПОЧИТ КОН ЕВРЕЈСКАТА ЗАЕДНИЦА КОЈА НАСТРАДА ВО ЦРНИОТ ПЕРИОД НА ИСТОРИЈАТА Ковачевски оцени дека е провокација името на бугарскиот клуб во Охрид appeared first on plusinfo.mk.