Се бележи поголем интензитет на сообраќај на граничните премини Богородица и Табановце, а на останатите гранични премини од македонска страна, нема подолги задржувања за влез и излез од државата, информираа од АМСМ.

Инаку, сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –
Делчево.

The post ГУЖВА НА ТАБАНОВЦЕ И НА БОГОРОДИЦА Колони возила за влез и излез од Македонија appeared first on plusinfo.mk.

Најголемиот граничен премин за влез во Грција од Македонија „Евзони“, од денеска ќе работи 24 часам јавуваат грчките медиуми. До сега овој граничен премин работеше од 7 наутро до 23 часот навечер.

Исто така од денеска почнуваат со 24 часовна работа и другите два премини со нашиот јужен сосед, „Меџитлија“ и преминот „Ники“, како и „Дојрани“ кај „Дојран“.

Од 1 јули 24 часа ќе работат другите премини во Грција од другите земји: „Помахонас“, „Кастаниес“, „Кипои“, „Нимфаја“, „Орменејо“, „Кристалопиги“, „Какавија“, а од утре 24 часа ќе работи и преминот „Ексохи“.

Инаку утрово вистински хаос се случува на граничниот премин „Богородица“ од македонска страна за влез во соседна Грција.

Според видео снимките се гледа како буквално има целосен застој за премин на македонската граница.

Инаку оваа гужва доаѓа и од самиот факт што нашите соседи ги олабавија правилата за влез во земјата неодамна.

Денеска границата за македонските граѓани ја отвори и соседна Бугарија, но засега таму нема гужва.

The post „Евзони“ ќе работи 24 часа, со работа почнуваат премините „Дојран“ и „Меџитлија“ appeared first on plusinfo.mk.