Регулаторната комисија за енергетика (РКЕ) за 3,64% го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година. За истиот период за 2,63% е намален надоместокот за пренос на електрична енергија, односно за користење на преносниот систем од МЕПСО, а за 3,4% е намалена цената на операторот на пазарот на електрична енергија МЕМО.

Со одлуката што е донесена денеска, како што информира претседателот на РКЕ Марко Бислимоски, влијанието на крајната цена на електричната енергија што ќе ја плаќаат потрошувачите на регулираниот пазар во просек ќе биде од 1 до 1,2%. Влијанието, пак, на крајната цена за пренос на електрична енерија е 4%, за дистрибуција на електрична енергија е 33%, а влијанието на операторот за пазар на електрична енергија е 0,19%.

Со тоа вкупно во делот каде што има влијание РКЕ на цената на електричната енергија има намалување од 37% врз крајната цена.

– Овие одлуки обезбедуваат компаниите да си ги покријат своите трошоци, да ги реализираат одобрените инвестиции и да си ги покријат трошоците за набавка на загуби на електрична енергија во соодветната мрежа. При носењето на овие одлуки за пренос на електрична енергија преку факторот за корекција одземени се 7,1 милион евра кои компанијата ги остварила во 2024 година повеќе од тоа што било одобрено од РКЕ, а во Електродистрибуција одземени се 16,3 милиони евра – рече Бислимоски.

Намалувањата што ги донесе РКЕ ќе бидат пресметани при определувањето на цената на универзалниот снабдувач ЕВН Хоум за домаќинствата и за малите потрошувачи.

Бислимоски очекува во текот на наредната недела ЕВН Хоум да достави пресметки до РКЕ, кои РКЕ ќе треба да ги провери дали е имплементирана тарифниот систем и врз основа на тоа ЕВН Хоум да донесе одлука за цената на електричната енергија од 1 јануари 2026 година на регулираниот пазар.

-Со денешната одлука на РКЕ, сите елементи кои ја сочинуваат крајната цена се познати: цена и количина по која е набавена електричната енергија, услугите на мрежните оператори, затворени се и набавките за загуби. Сега останува универзалниот снабдувач ЕВН Хоум, под наш надзор да направи пресметка и да се објават финалните цени по блокови. Делот што РКЕ го регулира во крајната цена има влијание од околу 36% – потенцира Бислимоски.

Тој додаде дека не може да каже колкава ќе биде крајната цена на електричната енергија што ќе ја плаќаат потрошувачите по 1 јануари, бидејќи треба да се направат пресметките од ЕВН Хоум во делот на снабдувањето и додаде дека покрај количините на електрична енергија кои универзалниот снабдувач ги обезбедува од ЕСМ според Законот за енергетика треба да откупи и соодветен процент и од повластените производители на електрична  енергија кои вообичаено на годишно ниво се од 250 до 260 милиони киловат часови. За тоа, посочи, само ЕВН Хоум ги има податоците. Плус треба да се примени маржата на сите пресметковни елементи.

-Во моментот кога ЕВН Хоум ќе ги достави пресметки ќе дадеме точни и прецизни информации, а сега не би сакале да шпекулираме, бидејќи има фактори на кои ние не им ги знаеме цените, особено во делот на повластените производители -рече Бислимоски.

ЕСМ на годишниот тендер на ЕВН за снабдување со струја понуди цена од 65 евра, а оваа цена зафаќа најголем дел во формирањето на крајната цена на струјата за домаќинствата и малите бизниси.

Прашан дали од 1 јануари ќе има зголемување на периодот на евтина тарифа на струја во текот на денот, рече дека може, но ќе треба од 22 часот да се помести во 00 часот почетокот на евтината тарифа во текот на ноќта.

-Нашите анализи се завршени и се покажува дека може да се воведе евтина тарифа во текот на денот кога се и најниски цените на електричната енергија на пазарот, но по 22 часот има екстремно високи цени. Затоа доколку нешто се воведе во текот на денот евтината тарифа во текот на ноќта не би започнувала во 22 часот, туку во 00 часот. Станува збор за навики кај домаќинствата што се стекнати со години поради што во наредниот период ќе видиме што ќе преземеме по ова прашање – рече Бислимоски.

The post ЕВН ХОУМ МОЖЕ ДА ЈА ПРЕСМЕТА ЦЕНАТА НА СТРУЈАТА ЗА СЛЕДНАТА ГОДИНА Регулаторна ja објави висината на надоместоците за преносот и за дистрибуцијата appeared first on plusinfo.mk.

ЕВН Хоме соопшти дека на тендерот за набавка на струја за целата 2026 година стигнала само една понуда, таа на државната компанија ЕСМ. Според информациите, понудената цена изнесува 65 евра за мегаватчас, што е за речиси 5% повисоко од цената добиена на последниот тендер за периодот јуни–декември 2025.

Од компанијата објаснуваат дека единствената понуда го покрива целиот планиран обем на потреби за домаќинствата.

– Добивме една понуда од ЕСМ за сто проценти од количините. Не е вообичаено да нема други понудувачи, но ова е реалноста на пазарот во моментов – велат од ЕВН Хоме.

Поконкретни пресметки за евентуалната промена на цената на струјата ќе бидат познати во наредниот период, кога компанијата ќе ја утврдува крајната цена според методологијата пропишана од Регулаторната комисија за енергетика.

– Секоја компонента што ја формира крајната цена мора да биде пресметана точно и транспарентно, од цената на ЕСМ, до трошоците на МЕПСО, МЕМО и Електродистрибуција – појаснуваат од компанијата.

Иако засега не се најавува конкретно поскапување, растот на набавната цена од ЕСМ отвора прашања дали сметките за струја од јануари 2026 ќе бидат повисоки. Од ЕВН Хоме нагласуваат дека конечната одлука ќе биде донесена под надзор на РКЕ.

The post САМО ЕДЕН ПОНУДУВАЧ ЗА СТРУЈА ЗА 2026 Цената на ЕСМ е за 5% повисока од лани, ЕВН со нови пресметки appeared first on plusinfo.mk.

Ова го изјави претседателот на Регулаторната комисија за енергетика, Марко Бислимовски, во интервју за Фактор мк.

Бислимовски очекува новиот повик за универзален снабдувач од следната година да донесе помала профитна маржа, а со тоа и можност за поевтинување на струјата на регулираниот пазар.

– Сите компании ги поднесоа барањата – МЕПСО, Електродистрибуција, МЕМО, а ЕВН Хоме тоа ќе го направи дополнително, откако ќе ја добиjат цената за мрежарината. Прва работа што ја гледаме и што ја знаеме е дека ЕСМ на тендерот на ЕВН Хоме понуди цена од 57 евра, а претходно беше 53 евра, и следната година во првите шест месеци ќе обезбедува 95 отсто од потребите, а 5 отсто ќе се набавуваат по цени на слободен пазар кои се околу 140-150 евра по мегаватчас. Сето тоа има влијание на крајната цена за околу 10%. Да се надеваме дека ќе се одржува оваа цена и дека ќе имаме ценовна стабилност, а она што радува како факт е тоа дека горе-доле и на берзите се стабилизираше цената – околу 120-130 евра за мегаватчас. Цената во 2024 ќе зависи и од влијанието на фотоволтаиците и тоа не само во Македонија, туку секаде во Европа. Се очекува од март-април поради голем број на инсталирани фотоволтаици тоа да влијае позитивно, да се зголеми понудата- вели Бислимоски.

Тој информира дека кај  МЕПСО и Електродистрибуција не може да се каже кои се  бидејќи нивните тендери за трошоци не се завршени.

Бислимоски вели дека загубите, зголемена цената на бакарот и трошоци за зголемени плати ќе влијаат на тоа што ќе го бараат овие компании и на крајната цена.

Иако очекува дека мрежарината ќе биде пониска, вели дека попрецизни податоци ќе има деновиве. ЕВН Хоме барањето е за зголемување од 10 до 11 отсто.

Граѓаните од следната година ќе треба да плаќаат и нова давачка „ пристап до мрежа“ што најверојатно дополнително ќе влијае на нивните сметки

The post ЕВН ХОМЕ БАРА СТРУЈАТА ДА ПОСКАПИ ЗА 10% ОД ЈАНУАРИ Бислимоски вели конечната цена ќе се утврди до крајот на годината appeared first on plusinfo.mk.

Изборот  на компанијата или компаниите коишто ќе ги  обезбедат потребните количини на електрична енергија ќе се врши на 24 овој месец.

ЕСМ според Законот за енергетика треба да обезбеди 65 отсто од потребите на ЕВН Хоме, но се очекува да се обврзе дека ќе обезбеди 100 отсто од потребните количини како што бара Регулаторната комисија за енергетика.

Пред последното зголемување на цената на струјата во јануари, ЕВН Хоме беше принудена да распишува два огласи бидејќи ЕСМ подолг период калкулираше која цена да ја понуди за универзалниот снабдувач. На вториот тендер во декември лани ЕСМ  успеа  да понуди 100 отсто од струјата за потребите на Универзалниот снабдувач,  по цена од 41 евро за мегават час.

Според методологијата од цената која ќе биде постигната на овој тендер најмногу ќе зависи, колку ќе плаќаат граѓаните до крајот на годината бидејќи таа учествува со 33 отсто во крајната цената на струјата која ќе ја плаќаат домаќинствата.

Одлука за новата цена на струјата Регулаторната комисија за енергетика треба да донесе до крајот на месецов, со важност од 1 јули до 31 декември.

The post РАСПИШАН ТЕНДЕРОТ ЗА СТРУЈА НА ЕВН ХОМЕ Која цена ќе понуди ЕСМ на оваа набавка? appeared first on plusinfo.mk.

ЕВН Хоме распиша два тендери за набавка на струја во износ од 60 и 40 отсто од вкупните потреби за период од шест месеци.

На двата тендера ЕСМ понуди електрична енергија по цена од 41 евро за мегаватчас.

АД ЕСМ како најповолен понудувач ќе ги покрие вкупните планирани потребни количини на електрична енергија за корисниците кои се снабдувани од страна на Универзалниот снабдувач за првата половина од 2022 година.

Добиената купопродажна цена е за 13,6 отсто повисока од претходната која беше добиена на последниот тендер на Универзалниот снабдувач за набавка на електрична енергија за периодот јули-декември 2021 година, кога АД ЕСМ понуди купопродажна цена на електрична енергија од 36,1 евро за мегаватчас за вкупните планирани потреби на ЕВН Хоуме како Универзален Снабдувач.

The post СТРУЈА ЗА ДОМАЌИНСТВАТА ЌЕ ИМА ЕСМ достави понуда на два тендера на ЕВН Хоме со цена од 41 евро мегават appeared first on plusinfo.mk.

– Одлуката од Владата  во однос на препорачаната цена и количини на електрична енергија со кои АД ЕСМ треба да се јави на тендерот на ЕВН Хоум за 2022 година се однесуваат на период од 6 месеци, додека актуелниот тендер на ЕВН Хоум е распишан за 12 месеци. Од тие причини АД ЕСМ денеска не поднесе понуда. АД ЕСМ ќе се јави на следниот повик на Универзалниот снабдувач кој треба да се однесува на периодот јануари-јуни 2022 година – појаснија од ЕСМ.

Според последните информации кои ги  соопшти министерот за економија, Владата побарала од ЕСМ и во 2022 година да обезбеди 100 отсто од потребната електрична енергија за домаќинствата, иако според Законот за енергетија ЕСМ е обврзана да обезбеди 60 отсто од потребната струја. Бектеши рече и дека според утврдената цена на струјата која треба да ја понуди ЕСМ на тендерот таа за домачинствата ќе посками само 9 отсто.

ЕСМ не се јави со понуда ниту на претходните три последователни тендери на ЕВН Хоме со образложение дека не била изготвена пресметка за предлог цената.

The post ЕСМ НЕ СЕ ЈАВИ И НА НОВИОТ ТЕНДЕР НА ЕВН ХОМЕ Се барале количини на струја за 12, а пресметките на компанијата биле за 6 месеци appeared first on plusinfo.mk.

Неофицијално се шпекулира за повисока цена на струјата од 9 до 20 отсто. Меѓутоа, факт е дека зголемувањето ќе зависи од тоа колкава цена ЕСМ ќе понуди за струјата која треба да ја обезбеди за ЕВН Хоме која ги снабдува домаќинствата и какви трошоци и загуби ќе покажат МЕПСО и Електродистрибуција кои учествуваат во формирањето на цената за крајните потрошувачи. Дополнително влијание ќе има и цена на енергенсот која ќе треба ЕВН Хоме да ја плати за 40 отсто од потребната струјата за домаќинствата која ќе треба да ја купи на слободниот пазар.

Дека цената на струјата ќе биде повисока од јануари официјално кажаа и надлежните, но не кажаа колкав би бил тој раст. Регулаторната комисија чека официјални податоци од енергетските компании па да ја направи конечната пресметка, а владата сè уште се обидува да го зголеми домашното производство кое ќе треба да обезбеди најголем дел од струјата за домаќинствата и малите компании. ЕСМ, пак, најавува дека во текот на декември ќе го проанализира производството, па ќе може да понуди цена на струјата.

Деновиве се шпекулира дека цената на струјата за домаќинствата би можела да се зголеми и до 20 отсто, со оглед дека на светските берзи цената вртоглаво порасна на 230 евра за мегават час.

Очекувањата за процентот на згоелмување на цената на струјата зовреа откако пропадна тендерот на ЕВН Хоме за набавка на струја бидејќи на него не се јави ниту еден продавач на струја, па ниту ЕСМ. Сега е распишан и втор тендер кој ќе трае до 25 ноември, но не се знае дали и на овој ќе се јави ЕСМ , кој според Законот за енергетика, во 2022 година задолжително треба да обезбеди 60 отсто од потребната струја наменета за домаќинствата. Остатокот ЕВН Хоме ќе треба да го набави на слободниот пазар каде што цените се движат и до 230 евра за мегават час.

Ако ЕСМ не се јави на овој или некој нареден тендер за набавка на струја од страна на ЕВН Хоме, тогаш струјата би поскапела и за многу повеќе со оглед дека ЕВН Хоме ќе треба да ја набави струјата од слободниот пазар.

Вообичаена практика е ЕВН Хоме да објави јавен повик за набавка на струја за домаќинствата два пати годишно во декември за првите 6 месеци од годината и во јуни за вториот дел од годината, но годинава порани и ја затекна неподготвена ЕСМ.

Од ЕСМ, не кажуваат што ќе се случува со цената на струјата и дали компанијата ќе учествува на актуелниот тендерот на ЕВН Хоме, но информираат дека утре во Регулаторната комисија за енергетика ќе се одржи состанок на енергетските субјекти на кој ќе се дискутира за актуелната состојба и за  планот за 2022 година.

– ЕСМ го подготвува планот за производство за 2022 година. Планот потоа ќе се достави на разгледување во Владата каде што на затворена седница треба да се донесе одлука за процентот на електрична енергија кој ЕСМ треба да го обезбеди  кон ЕВН Хоме и цената по која истата ќе се понуди – велат од ЕСМ.

Претходно директорот на компанијата Васко Ковачевски изјави дека во декември ќе се прави анализа на производството, и дека очекува на тендерот да се учествува со најниска производна цена.

– Во декември треба да направиме план, програма за производство за следната година. Ќе се ориентираме според трошоците зголемени во однос на зголемената енергија на ресурси, репроматеријали и ќе формираме цена која ќе ја доставиме до Владата. Владата ќе ни даде задолжение. Цената на електричната енергија ја одредува регулаторна комисија за енергетика, а ние учествуваме во цената само со 33 отсто. Ние ќе гледаме да одиме со најниска производна цена, но да бидеме свесни дека нема да одиме со истата цена од оваа година. Ќе има покачување на цената но не можам ни јас да кажам, ниту некој друг колку проценти ќе биде – рече Ковачевски.

Моменталната цена на електричната енергија која ја плаќа ЕВН Хоме за 70 отсто од струјата што ја набавува за домаќинствата од ЕСМ е 36,1 евра за мегават час, а другите 30 отсто кои ги купува исто така од ЕСМ се по просечна цена од 50 евра за мегават.

Во крајната цена на ЕВН Хоме, пак, не влегува само цената на струјата што ќе ја понуди ЕСМ. Таа учествува со 33 отсто во крајната црена. Во неа се пресметуваат и трошоците за загубите на МЕПСО кои учествува со 3,5 отсто во цената, како и трошоците на загубите на Електродистрибуција кој учествува со 36 отсто во цената.

Во крајната сметка, пак на домаќинствата, ќе влезе и намалениот ДДВ за струјата кој за првите 6 месеци од годината ќе биде 5 отсто, а потоа од 30 јули 2022 година до 30 јуни 2023 година ќе се применува со повластена даночна стапка од 10 отсто.

Владата во меѓувреме се обидува да го зголеми производството на електрична енергија за да го ублажи ценовниот шок. Во декември, според најавите, треба да почне производството на струја од ТЕЦ Осломеј и ТЕЦ Неготино, а е најавено и дека ќе биде пуштен и блокот 3 во РЕК Битола. Од ова производство сепак ќе зависи и цената која ќе биде понудена на тендерот на ЕВН Хоме.

За големите фирми и институциите да добијат струја по пониски цени, АД ЕСМ распиша тендер за увоз на јаглен за термоелектраната РЕК Битола, за таа да може да произведува струја во полн капацитет во трите блока. Но набавката сè уште не е реализирана.

МЕПСО веќе направи милионски долгови за приклучување на европската енергетска мрежа, бидејќи го покрива недостатокот што го прават фирмите кои тргуваат на слободниот пазар. Колку ова ќе влијае на трошоците што ќе ги прикаже до Регулаторната комисија за енергетика ќе се види наскоро.

Засега нема информации со какви барања ќе настапи и Електродистрибуција која има удел во вкупната цена на струјата од 36 отсто.

МЕПСО и Електродистрибуција пред да побараат покривање на трошоците за загубите ќе треба да објават тендер за набавка за загубите а ЕВН Хом ќе требас да објави тендер за набавка на струја.

Регулаторната комисија, пак, ќе одлучи за цената на струјата откако ќе ги добие точните параметри од компаниите. Моментално оттаму не сакаат да излегуваат со никакви најави за висината на цената на струјата. Но, на располагање на регулаторот е мерката намалување на висината на профитите на енергетските компании.

– ЕСМ треба да има цена по која што ќе си ги покрива своите трошоци и врз основа на тоа да си го планира производството, а ЕВН хоум набавката. Доколку трошоците на компаниите за набавка на електрична енергија се превисоки, тогаш РКЕ ќе ја разгледа опцијата за намалување или целосно укинување на профитите на енергетските компании што ги регулира, со цел да се избегнат ценовни шокови – вели претседателот на Регулаторната комисија за енергетика Марко Бислимовски.

Според него, Регулаторната комисија, при крајот на декември ќе одлучи дали и какво зголемување на цената на струјата ќе има за домаќинствата. До тогаш компаниите ќе треба да завршат со постапките за набавки за покривање на загубите и барањата за прифаќање на трошоците и загубите до Регулаторната комисија.

– Компаниите веќе  можат да ги доставуваат барањата, а нашата конечна одлука за цената на струјата ќе ја донесеме при кај на декември со важност од јануари – вели Бислимоски.

Засега само експертите излегоа со конкретни бројки за колку ќе биде поскапувањето на струјата. Според нив, по Нова година се очекува да поскапи за повеќе од 20 отсто, бидејќи цената на светските берзи е зголемена за повеќе од 10 пати.

Земјава во моментов се соочува со енергетска криза, главно од зголемените цени на берзите во Европа, поради што фирмите кои тргуваат со струја на слободниот пазар не се во можност да ја достават количината на струја која ја договориле со други фирми и државни институции.

The post ЗА ДОМАЌИНСТВАТА СЕ ПОДГОТВУВА СТРУЕН ШОК Неизвесно е колкаво ќе биде зголемувањето на цената на струјата appeared first on plusinfo.mk.

Ковачевски за ТВ24 вели дека досега на ЕВН Хоме ѝ испорачувале 94 отсто од потребната енергија. Според законот за енергетика годинава ЕСМ треба да обезбедува 70 отсто од потребите на ЕВН Хоме по договорена цена која е пониска од онаа на светските берзи.

– Тоа значи дека од денеска ќе биде 100 отсто, а понатаму ќе имаме и вишок кој ќе го продаваме на отворениот пазар – рече Ковачевски.

Тој додаде дека производството е стабилно и дека во моментов нема место за паника.

Ковечевски информира дека неделава очекува да биде потпишан договор за набавка на јаглен за РЕК Осломеј.

– Ние неколкупати кажавме дека праввиме обид да се обезбеди јаглен за да се произведи повеќе енергија за да се задоволи отворениот пазар. Постапката е во тек, очекуваме во текот на оваа недела да потпишеме договор за 300.000 тони за РЕК Осломеј и веќе од 1 ноември да започне испораката на јаглен. РЕК Осломеј треба да се вклучи од 15 до 20 ноември. Понудите за РЕК Осломеј се од Косово и тој е најоптимално за испорака – рече Ковачевски.

Денеска е распишан нов тендер за набавка на јаглен за РЕК Битола, а понудите ќе се отвораат на 2 ноември. ЕСМ бара 900.000 тони јаглен.

Потврда пристигна и од Владата, која соопшти дека од денеска во функција е ставен и вториот блок на РЕК Битола и дека тоа значи оти комбинатот работи со двата блока како што било предвидено.

„Граѓаните нема потреба да стравуваат бидејќи количините на електрична енергија за нив се обезбедени во целост од страна на АД ЕСМ и тоа по цена од 36 евра за мегават час. Во моментот цените се четири до пет пати повисоки од таа цена, и ова е само показател дека Владата направила добра проценка воведувајќи го Универзалниот снабдувач, кој ги штити домаќинствата и малите потрошувачи. АД ЕСМ моментално ги задоволува потребите на универзалниот снабдувач ЕВН Хоме за снабдување на домаќинствата. Дополнително, кај нас се веќе преземени голем дел од мерките што ги препорача Европската комисија за земјите членки за заштита од ценовните удари со електричната енергија. Донесена беше и мерка за намалување на ДДВ кај електричната енергија во јули годинава. Целта на оваа мерка беше токму заштита на стандардот на граѓаните, односно да се овозможи пониска цена и намалување на трошоците на домаќинствата. Ние како држава не можеме да влијаеме на случувањата на светските берзи, и токму затоа правиме напори преку АД ЕСМ и зголемувањето на производството да обезбедиме дополнителни количини на електрична енергија кои ќе го амортизираат ценовниот шок и на компаниите. Како резултат на соработката со Стопанската комора и Владата, договорено е да се преземат мерки да се обезбеди поевтина домашна електрична енергија преку АД ЕСМ, односно со зголемување на производството на државната енергетска компанија, со цел да се заштити стопанството и стопанските субјекти“, се вели во владиното соопштение.

Со новите насоки, наведено е во соопштението АД ЕСМ како гарант и стабилизатор на цената на електричната енергија, планира дополнително производство од декември 2021 до април 2022 година, за што беше и објавен меѓународен јавен повик за набавка на јаглен за работа на третиот блок во РЕК Битола и за продолжување на работењето на РЕК Осломеј.

„Со оваа произведена енергија треба да се зацврсти електро-енергетскиот систем, додека дополнителните количини, односно вишоци, АД ЕСМ ќе ги продаде на слободниот пазар за македонските компании и со тоа ќе оствари приход за компанијата и за државата. Количините на јаглен за Осломеј ќе се обезбедат, додека за количините на јаглен за Битола објавен е нов повик, и се прават сериозни напори преку соработка на политичко ниво со соседните земји да се обезбедат и овие количини на јаглен. Како дел од соработката со Стопанската комора, се анализираат и можностите за обезбедување на мазут во најкус можен рок, како би можело и ТЕЦ Неготино да се вклучи и да работи со целосниот капацитет. Во наредниот период од две недели очекуваме и ТЕЦ Неготино да започне со пробна работа, имајќи предвид дека последен пат работела во 2009 година. Во однос на повлекувањата на електрична енергија од регионалните системи, ве информираме дека постојат Правила за балансирање кои произлегуваат од Законот за енергетика. Во нив е јасно утврдено дека операторот на електропреносниот систем им фактурира на учесниците на пазарот на електрична енергија за настанатите отстапувања од најавените физички трансакции, по цени пресметани во согласност со методологијата за пресметка за надоместок за услугите на бaлансирање утврдени во правилата за балансирањето на електроенергетскиот систем. Ова значи дека тие потрошувачи што правеле дисбаланси испорачувајќи помалку струја, ќе треба да ги подмират трошоците за настанатата состојба“, наведено е во владиното соопштение.

Првиот тендер за купување на јаглен за РЕК Битола пропадна бидејќи фирмите кои се појавија не обезбедија доволни количини.

На тендерот беше обезбеден јаглен за ТЕЦ Осломеј, а конкурураа три македонски, како и рудници од Албанија, Косово, Русија, Турција и Босна и Херцеговина.

The post АКТИВИРАН ВТОРИОТ БЛОК ВО РЕК БИТОЛА Струјата ќе ја користи ЕВН Хоме за снабдување на домаќинствата appeared first on plusinfo.mk.