По шестдневна блокада повторно е воспоставен сообраќајот преку Суецкиот канал и првите бродови запловеа од езерото меѓу северниот и јужниот крак на каналот, каде беа блокирани 45 бродови.

Еден од најголемите светски товарни бродови со контејнери „Ever Given“ го блокираше Суецкиот канал речиси една недела, откако се насука, а денеска е преместен во пловниот дел од каналот и „ослободен“ без да биде оштетен, потврди претседателот на Управата на Суецкиот Канал, Осама Раби.

По деблокирањето на 400-метарскиот брод „Ever Given“, утрово се очекува да поминат 113 бродови преку Суецкиот Канал, изјави шефот на египетската служба за управување со водни патишта, Осама Раби. Тој посочи дека 422 брода чекаат да преминат.

Штетата предизвикана од оваа блокада на Суецкиот Канал, низ кој минува и до 20 отсто од светската трговија меѓу Истокот и Западот, се проценува милијарди долари.

The post Над 400 бродови чекаат да преминат преку Суецкиот канал appeared first on plusinfo.mk.

Бродот „Евер Гивен“ (Ever Given), кој со денови го блокираше Суецкиот Канал, повторно плови и се движи низ каналот, соопштија египетските власти.

Сопственикот на бродот рано изутринава рече дека „Евер Гивен“ конечно се помрднал откако се заглави минатата недела од вторникот го блокираше Суецкиот Канал, генерирајќи загуба од една милијарда долари поради застојот во сообраќајот од 425 брода кои чекаат да се ослободи најкратката трговска рута меѓу Азија и Европа.

It’s moving!

The Ever Given ship stuck in the Suez Canal was finally pulled free. The ship is moving north from where it was grounded https://t.co/v9WprWuKbS pic.twitter.com/iX9kt8A9m8

— Bloomberg Quicktake (@Quicktake) March 29, 2021

Не е точно познато кога сообраќајот по Суецкиот Канал ќе се стабилизира, но некои проценки сугерираат дека ќе трае три дена.

Суецкиот Канал е долг 190 километри и по него минуваат 10 проценти од меѓународниот комерцијален поморски сообраќај, а блокадата создаде огромни загуби. Повеќе од 400 бродови беа блокирани утрово од двете страни на каналот што го поврзува Црвеното Море со Медитеранот.

Осигурителната компанија „Алијанц“ процени во петокот дека секој ден од блокадата може да носи загуба од шест до 10 милијарди долари.

Вкупната вредност на товарот блокиран поради закрченоста на каналот или товар испратен во алтернативна насока осцилира помеѓу три и 9,6 милијарди долари.

Цената на нафтата нагло падна по блокадата на Суецкиот Канал.

Египетските власти соопштија дека земјата губи од 12 до 14 милиони долари на ден поради блокадата.

Речиси 19.000 бродови поминале низ каналот во 2020 година, според СЦА.

The post „Евер Гивен“ конечно се движи! Суецкиот канал ослободен (ВИДЕО) appeared first on plusinfo.mk.

„Ever Given“ е успешно вратен во соодветна положба изутринава во 04.30 часот и моментно е безбеден, напиша компанијата на својот твитер-налог.

Но иако спасувачките екипи успеале да го ослободат бродот, се уште не е познато кога Суецкиот Канал ќе биде отворен за сообраќај.

Бродот на компанијата „Japans Shoei Kisen“, кој пловеше под знамето на Панама, се заглави минатата недела дијагонално преку јужниот дел на Суецкиот Канал, поради што целосно беше блокиран сообраќајот во еден од најфреквентните водни патишта во светот.

Големиот товарен брод со должина од 400 метри и широчина 59 метри, по ненадејниот налет на песочен ветер кој го наруши неговиот курс, се насука дијагонално во Каналот, на место широко помалку од 300 метри.

Најмалку 369 пловни објекти чекаат транзит низ Каналот, вклучително и десетици бродови за превоз на контејнери, танкери за нафта и бродови кои носат течен природен гас (ЛНГ) и течен нафтен гас (ЛПГ).

Штетата која е причинета со блокирањето на бродот се проценува на милијарди долари.

The post Ослободен товарниот брод кој го блокираше Суецкиот канал appeared first on plusinfo.mk.