„Четиричасовната музичка програма е приспособена за сите генерации и за сите музички вкусови. Вечерта со свој настап ќе ја отворат легендарните Игор Џамбазор и Гуру Харе со нивните безвременски музички дела. Потоа публиката ќе ја раздвижи Тони Зен, кој е една од најголемите рап ѕвезди во Македонија и во регионов, а по него ќе настапат Пајак и Лара, чии хитови помладата генерација секогаш ги пее во еден глас. Ѕвезда на вечерта ќе биде неверојатната и единствена Каролина Гочева, која со својот прекрасен вокал ќе внесе посебна магија на предноводишното шоу“, се вели во соопштението на Општина Аеродром.

Покрај настапите на овие врвни музички имиња, ќе има голем број изненадувања за присутните, а целиот настан ќе заврши со величествен огномет, со што ќе се одбележи успешната 2024, со надеж дека доаѓа уште подобра 2025 година за сите граѓани.

„Ве очекуваме сите заедно да пееме, да се дружиме и да пулсираме во ритамот на квалитетната македонска музика со што ќе создадеме незборавни мигови вредни за паметење“, наведено е во поканата.

The post СПЕКТАКУЛАРНА ПРЕДНОВОГОДИШНА ЗАБАВА СО КАРОЛИНА ГОЧЕВА „Аеродром пулсира vol.3“ appeared first on plusinfo.mk.

Тешка сообраќајка кај кулите „Џевахир“ во Аеродром се случи синоќа. Од фотографиите може да се видат разлетани делови од двете возила.

Дел од медиумите објавија дека возачите биле однесени во болница бидејќи се жалеле на повреди.

Се очекува МВР да излезе со детали за случајот.

The post 📷 СТРАШНА СООБРАЌАЈКА СЕ СЛУЧИЛА СИНОЌА КАЈ „ЏЕВАХИР“ Парчиња од возилата излетале на патот appeared first on plusinfo.mk.

– ЕВН Хоме секогаш го користи исклучувањето на корисниците само како крајна мерка. Во врска со исклучувањето на заедничката потрошувачка во кулата Б од Џевахир, до сопственикот на броилото навремено било испратено опомена пред исклучување. Законска обрска на управителите на зградите, а особено на такви висококатници, е да имаат обезбедено агрегат за лифтовите, бидејќи прекини во снабдувањето може да настанат од повеќе причини. ЕВН жали за настанатата ситуација, но компанијата е надлежна само во делот на мрежата до броилото. ЕВН не e во позиција да се вмеша во внатрешното менаџирање на висококатниците – соопштија од ЕВН.

Центарот за управување со кризи денеск објави дека во една од кулите во комплексот Џевахир која останала без електрична енергија имало бремена жена и ги повика менаџментот на комплексот и ЕВН да го решат поскоро проблемот.

– Денес околу 9.45 часот снемало струја во кулата Б во високите 40-катници во Џевахир. Стапено е во контакт со ЕВН од каде што одговориле дека поради технички проблеми дошло до прекин на електричната енергија. Подоцна ЦУК бил известен од ЕВН дека исклучувањњето се случило поради неплатени сметки. Имаме непотврдена информација дека во една од кулите имало бремена жена, односно во лифтот во кој што снемало струја. Апелираме и до ЕВН и до управителите да се надмине оваа ситуација. Не треба да чекаме некој да настрада и некој да биде умрен за да навремено се реагира. Го повикуваме управителот на кулата кој е должен да има агрегати за напојување – рече Стојанче Ангелов, директор на ЦУК.

ЈА ИСКЛУЧИЛЕ СТРУЈАТА ВО „ЏЕВАХИР“, А БРЕМЕНА ЖЕНА ОСТАНАЛА ЗАГЛАВЕНА ВО ЛИФТ Стојанче бара да не се повтори вакво нешто!

The post ЕВН ЗА СИТУАЦИЈАТА ВО ЏЕВАХИР Жалиме, но беше испратена опомена пред исклучување appeared first on plusinfo.mk.

Ангелов посочи дека откако снемало струја во оваа кула, неофицијално бремена жена останала заглавена во лифт.

Тој порача да се изнајде решение за да не се дојде повторно во ваква ситуација, бидејќи постои можност некој да се повреди.

– Денеска околу 9.45 часот снемало струја во кулата Б на Џевахир скај сити, една од високите 40-катници во Скопје. Од страна на неколку граѓани дојде информацијата до Центарот за управување со кризи, по што од Секторот за операции и координации, конкретно РЦУК Скопје, е стапено во контакт со ЕВН. Најпрво им било одговорено дека поради техничка неисправност на нисконапонската мрежа дошло до прекин на електричната енергија во висококатницата Б – појасни Ангелов.

Нешто подоцна, како што рече, биле известени дека исклучувањето се случило поради неплатени сметки во кулата Б од Џевахир скај сити.

– Со ЕВН е стапено усно во комуникација. Џевахир скај сити кулите, вклучително и кулата Б, се високи 40 ката. Без да навлегуваме во имотно-правните побарувања и обврски меѓу ЕВН и кулата Б од Џевахир скај сити, конкретно управителите кои ја стопанистуваат оваа кула, апелираме до ЕВН и до управителите да не дозволат да се повтори ваква состојба, бидејќи хипотетички во оваа четириесеткатница, во некои од лифтовите, може некој да остане заглавен. Не треба да чекаме некој да настрада, да биде повреден, за навремено да се реагира – рече Ангелов.

The post ЈА ИСКЛУЧИЛЕ СТРУЈАТА ВО „ЏЕВАХИР“, А БРЕМЕНА ЖЕНА ОСТАНАЛА ЗАГЛАВЕНА ВО ЛИФТ Стојанче бара да не се повтори вакво нешто! appeared first on plusinfo.mk.

Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите, се додава во соопштението.

The post ДОЈАВИ ЗА БОМБИ ВО УЧИЛИШТА, МОЛОВИ, МРТВ, „ЏЕВАХИР“… Евакуирани сите објекти appeared first on plusinfo.mk.

– Имате ли памет, бре! Девет средни училишта, трговски центар, Џевахир сити. Три месеци не’ малтретирате со вашата неспособност, дојави за бомби. Вие сте ненормални. Побарајте помош од странски служби, од било каде и дадете си оставки. Аман! Ова е ненормална работа што вие сѐ правите. Колку сте вие неодговорни, неписмени и недоветни. Луѓе се во прашање, деца. Секое дете оди под стрес на училиште, поради дојавите за бомби. Три згради се симнавме долу, не знаете колку е тоа одвратно и страшно, со сирени, стари луѓе кои не можат да одат, не можат да се симнат. Не смеете лифт да употребите. Важно секој ден има дојава за бомба, а вие ништо не правите. Можеби и правите, не знам, ама не ве гледам дека правите. И дајте си оставки нека дојдат некои кои повеќе знаат – порача Петрушевска во видеото.

The post ВЕСНА БЕЈБИ „ЕКСПЛОДИРАШЕ“ ПРЕД БОМБИТЕ Или најдете кој е виновен за лажните дојави или сите до еден дајте си оставки! ВИДЕО appeared first on plusinfo.mk.

„Денеска (12.12.2022) околу 08.20 часот во Полициска станица Кавадарци било пријавено дека на електронска адреса на едно основно училиште во Кавадарци е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштето и во тек се антитерористички проверки и се преземаат мерки за расчистување на случајот.
Денеска околу 09.30 часот во СВР Скопје било пријавено дека на електронските адреси на девет училишта, како и на Министерството за надворешни работи, ГТЦ, Џевахир сити, ТЦ Ист гејт е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“ – се вели во информацијата од МВР.

The post МВР ПОТВРДИ, ДОЈАВИ ЗА БОМБИ И ВО ЏЕВАХИР СИТИ И ИСТ ГЕЈТ МОЛ! Инвазија од вознемирувачки пораки appeared first on plusinfo.mk.

Станарите во реакцијата велат дека постои проблем со неплатени сметки и со покачена цена на струјата меѓу компанијата која го сервисира комплексот, „Се Клуб“, а која станарите сами ја избрале да го одржува комплексот од 2019 година. (Компанијата „Се Клуб“ претходно излезе со свој демант исто така до медиумите, велејќи дека лифтовите биле исклучени само 10 минути и тоа поради технички проблем, а не поради неплатени сметки).

Станарите уверуваат дека нерасчистените прашања меѓу компанијата и нив ќе бидат разрешени, а во меѓувреме да не се лиферува со паушални информации бидејќи тие му штетат на угледот на Џевахир, но им штети и ним и нивната инвестиција вложена при купувањето на становите.

Во продолжение го пренесуваме целиот проглас на станарите:

„Во изминатиот период во медиумите беше објавена информација за исклучени лифтови во кулата А и кулата Б во Џевахир Скај Сити, поради неплатени сметки за електрична енергија, при што комплексот Џевахир Скај Сити и компанијата Џевахир како носител на проектот беа наведени во негативна конотација и на тој начин изложени на ризик за својата репутација, а ние како станари изложени на ризик за нашата инвестиција вложена при купувањето на становите.

Потенцираме дека снабдувањето со електрична енергија за лифтовите во зградите не беше исклучено. Дополнително, укажуваме дека во зградите постојат нерасчистени односи помеѓу станарите и компанијата „Се Клуб“ која управува со зградите (а која нема никаква поврзаност со Џевахир) поради нередовна наплата и нередовно плаќање на месечните трошоци за одржување и сметки за електрична енергија, како и поради покачувањето на цената на електричната енергија сметано од јули 2022 година. Инаку, интензивно се работи на решавање на сите прашања и извесно е дека функционирањето со зградите ќе биде доведено во најдобар ред.

Од друга страна, Џевахир со изградата на кулата А заврши во 2017 година, а со изградбата на кулата Б заврши во 2018 година, кога и зградите како конечни објекти уредно беа примени од станарите, врз основа на валидно потпишани договори за уредување на заемни односи меѓу станарите и подготвени договори за управување со заедничките простории, што значи со целосно уреден систем на одржување на истите. Потоа Џевахир учествуваше во управувањето со зградите до крајот на 2019 година, до кога одржувањето на зградите функционираше речиси беспрекорно.

Кон крајот на 2019 година, управувањето на зградите беше предадено на посебна компанија за управување која немаше никаква поврзаност со Џевахир, врз основа на претходно спроведено интерно гласање на станарите. Сегашниот управител на зградите – компанијата „Се Клуб Скопје“ која управува со зградите од февруари 2021 година е, исто така, компанија која е избрана од станарите во зградите и со работењето на оваа компанија Џевахир нема никаква врска.

Без оглед на ова, Џевахир постојано – сметано од денот на предавањето на зградите до денес, го помага функционирањето на зградите, и тоа како со техничка подршка преку своите вработени и опрема при адресирање на одредени технички прашања кои фирмите управители на зградите, поради комплексноста на истите, не можат самостојно да ги решат, така и со финансиска подршка на управителите на зградите за намирување на долгови на зградите креирани поради нередовна наплата и нередовно плаќање на сметките.

Со жал констатираме дека со изнесување во медиумите на паушални констатации извадени од контекс неправедно се причинува голема штета по целиот комплекс, на Џевахир како носител на проектот, и секако на нас станарите кои живееме во зградите и на нашите инвестиции во становите, што попречува овој уникатен проект да го покаже својот максимален капацитет со сите свои специфики“, се вели во мејлот потпишан од група станари од Кула А и Кула Б во Џевахир Скај Сити.

ЛИФТОВИТЕ ВО „ЏЕВАХИР“ БИЛЕ ИСКЛУЧЕНИ САМО 10 МИНУТИ Фирмата управител демантира дека станарите пешачеле до 40. кат

The post СЕ ЈАВИЈА СТАНАРИТЕ ОД ЏЕВАХИР Лифтовите не беа исклучени, лажните информации му штетат на угледот на станбениот комплекс appeared first on plusinfo.mk.

Фирмата укажува дека лифтовите во кулите не биле во функција само околу 10 минути, поради проблем од техничка природа, кон чиешто решавање е постапено веднаш, повикан е овластен сервисер и лифтовите се повторно ставени во функција за накраток можен период. СЕ КЛУБ ФАСИЛИТИ МЕНАЏМЕНТ СЕРВИС ДОО Скопје најостро демантира дека   светлото во заедничките простории (влезови и ходници) било исклучено поради неподмирени обврски и сметки кон ЕВН.

Демантот го пренесуваме во целост:

Почитувани,

Друштво за трговија и услуги СЕ КЛУБ ФАСИЛИТИ МЕНАЏМЕНТ СЕРВИС ДОО Скопје, преку сопствениците и управителите, а се со цел точно, транспарентно и целосно информирање на јавноста Ви го испраќа следното соопштение во кое е вклучен демант кој се однесува на објавената вест на 15.11.2022 година, за кулите Џевахир кои останале без струја :

ДЕМАНТ

Друштво за трговија и услуги СЕ КЛУБ ФАСИЛИТИ МЕНАЏМЕНТ СЕРВИС ДОО Скопје  преку својот полномошник Адвокат Мери Васоска од Скопје, категорично и целосно го отфрла како невистинит насловот дека станарите на комплексот „Џевахир Скај Сити“ до 40 кат се качувале без лифт, како и дел од  содржината  на веста кој се однесува на начинот на работењето и одговорноста за исклучувањето на електричната енергија во  кула А и кула Б во комплексот „Џевхаир Скај Сити“.

СЕ КЛУБ ФАСИЛИТИ МЕНАЏМЕНТ СЕРВИС ДОО Скопје најнапред укажува дека лифтовите во кулите не биле во функција околу 10 минути, поради проблем од техничка природа, кон чиешто решавање е постапено веднаш, повикан е овластен сервисер и лифтовите се повторно ставени во функција за накраток можен период.  Понатаму, СЕ КЛУБ ФАСИЛИТИ МЕНАЏМЕНТ СЕРВИС ДОО Скопје, најостро демантира дека   светлото во заедничките простории (влезови и ходници) било исклучено поради неподмирени обврски и сметки кон ЕВН. Осветлување во заедничките простории имаше и има постојано, со оглед на тоа што  се подмирени сметките од страна на СЕ КЛУБ ФАСИЛИТИ МЕНАЏМЕНТ СЕРВИС ДОО Скопје за кои како управител, согласно чл. 19 ст.2 од Законот за домување, е задолжен истиот.

Во продолжение, би сакале да појасниме дека долгот во вредност од 6.000.000,00 денари кон ЕВН постои, меѓутоа, истиот се однесува на потрошена електрична енергија за греење, ладење и топла вода во посебните делови (становите) во кула А и кула Б односно за ВРВ системот, а не за заедничките простории. Во Кула А и Кула Б е инсталиран централизиран систем за греење и ладење, и топла вода до сите станови, чијашто потрошувачка се исчитува од само едно заедничко борило за секоја кула одделно. Поради ова, изрично ги отфрламе  невистините дека станарите уредно ги подмириле сметките, а проблемот и главниот виновник е управителот  СЕ КЛУБ ФАСИЛИТИ МЕНАЏМЕНТ СЕРВИС ДОО Скопје. Имено, огромен е бројот на станари кои нередовно ги подмируваат своите сметки, и редовно вложуваат приговори за сметките за потрошена електрична енергија, од 07.2022 година до ден денес, од кога и на сила стапи Одлуката за одобрување на регулираниот максимален приход и цени на пресметковните елементи за вршење на енергетската дејност снабдување со електрична енергија на потрошувачи кои ги снабдува универзалниот снабдувач ЕВН ХОМЕ ДОО Скопје, поради кои, за жал, во оваа ситуација се оштетени и дел од станарите кои редовно ги подмируваат своите сметки. Напротив, СЕ КЛУБ ФАСИЛИТИ МЕНАЏМЕНТ СЕРВИС ДОО Скопје, како управител и во интерес на станарите, ги вложи сите напори и одржа состаноци и преговори со надлежните институции и тоа со:  Регулаторна Комисија за енергетика и водни услуги на Република Северна Македонија со цел изнаоѓање на посебна тарифа за станарите во ваков комплекс на домување, кои за жал, се обременети со сметки повисоки за 140%, како и посебен состанок со ЕВН на кој што беше побарано инсталирање на посебни броила во секој од посебните делови. Меѓутоа, на ниту едно од овие барања, надлежните институции не излегоа во пресрет.

Исто така, најостро го отфрламе тврдењето дека вашиот портал се обидел да стапи во контакт со нас, но не успеал, како и изнесеното дека вработените во СЕ КЛУБ ФАСИЛИТИ МЕНАЏМЕНТ СЕРВИС ДОО Скопје не знаат да зборуваат македонски јазик. Напротив, до овој момент ниту еден од порталите не стапил во контакт со нас. Исто така, ја информираме јавноста дека нашите канцеларии се токму во зградите во комплексот Џевахир, со цел нашиот тим да биде постојано достапен и сервилен за станарите на комплексот. Поради тоа, ваквите наводи се паушални и невистинити.

Во насока на тоа, укажуваме дека изнесените наводи во веста се изнесени апсолутно паушално без докази кои упатуваат на наведеното, од што може да се заклучи дека единствената намера е да се наштети на честа и угледот на СЕ КЛУБ ФАСИЛИТИ МЕНАЏМЕНТ СЕРВИС ДОО Скопје, која напротив, е единствена фирма за управување во Република Северна Македонија која располага со експертски тим од Република Турција, за услуги од специфичен карактер во доменот на  менаџирање и сервисирање на секакви  станбени, деловни и други видови на комплекси.

Скопје, 16.11.2022 г.

Појаснување од Редакцијата:

Плусинфо објави куса вест преземена од друг медиум, со линк до изворниот текст. Точно е дека во насловот на нашата вест се спомнуваат наводи кои се негираат во демантот, но се демантираат и многу наводи од изворната вест што не се содржат во веста објавена на нашиот портал.

Како и да е, укажуваме дека целта на нашата вест е да се информира јавноста за сериозен проблем со кој се соочиле станарите, а не да се наштети на  угледот на СЕ КЛУБ ФАСИЛИТИ МЕНАЏМЕНТ СЕРВИС ДОО Скопје. Жалиме ако веста се доживува и на таков начин.

За да нема дилеми, еве ја и демантираната вест на Плусинфо:

СТАНАРИТЕ ВО ЏЕВАХИР ДОБИЈА СТРУЈА ПО 6 ЧАСА МРАК Пешки до 40 спрат без светло во влез!

The post ЛИФТОВИТЕ ВО „ЏЕВАХИР“ БИЛЕ ИСКЛУЧЕНИ САМО 10 МИНУТИ Фирмата управител демантира дека станарите пешачеле до 40. кат appeared first on plusinfo.mk.

Пред околу половина час, станарите за Прес24 информираат дека добиле струја.

The post СТАНАРИТЕ ВО ЏЕВАХИР ДОБИЈА СТРУЈА ПО 6 ЧАСА МРАК Пешки до 40 спрат без светло во влез! appeared first on plusinfo.mk.