Новата Мис на светот е 24-годишната Џохеири Мола од Доминиканската Република, која победи на 73. издание на престижниот избор Miss World, одржан во Н`ха Транг, Виетнам.

Мола ја презеде круната од минатогодишната победничка, Тајланѓанката Сучата Чуангсри. За прва придружничка беше прогласена Шпанката Елизабет Рејнес, додека второто место ѝ припадна на претставничката на Малезија, Танусија Чети.

Македонија на овогодишниот избор ја претставуваше 20-годишната Ева Величковска. Таа е студентка по психологија и модел, а на натпреварот настапи како Miss World North Macedonia 2026.

Величковска имаше забележителен пласман во една од предизборните дисциплини. Таа се најде меѓу најдобрите 24 натпреварувачки во европскиот дел од Sports Challenge, со што обезбеди место во конкуренција за директен пласман во Топ 40.

Сепак, во конечниот избор не успеа да се пласира меѓу 40-те полуфиналистки. Од регионот меѓу избраните се најдоа претставнички од Шпанија, Малезија, Црна Гора и други земји, додека Македонија не продолжи во завршната фаза.

За Величковска ова беше прв настап на светскиот избор, откако во 2026 година ја освои титулата Мис Македонија и ја презеде улогата од Чарна Невзати, која ја претставуваше земјава на Miss World 2025.

The post НОВАТА МИС НА СВЕТОТ Е ОД ДОМИНИКАНСКАТА РЕПУБЛИКА Македонија ја претставуваше Ева Величковска, но не се пласираше во Топ 40 најубави appeared first on plusinfo.mk.