Бројот имигранти кои живеат во Европската Унија достигнал рекордни 64,2 милиони во 2025 година, што претставува зголемување од околу 2,1 милион во однос на претходната година, покажува извештај на германскиот Центар за истражување и анализа на миграции.

Податоците базирани врз статистичките анализи на „Еуростат“ и на Агенцијата за бегалци на Обединетите нации за бегалци укажуваат на значителен долгорочен раст, споредено со 2010 година кога во ЕУ имало околу 40 милиони имигранти.

Според извештајот, Германија останува земја со најголем број лица родени во странство – околу 18 милиони луѓе, од кои околу 72 проценти се на работоспособна возраст.

Најбрз раст во последниот период е забележан во Шпанија, каде бројот на жители родени во странство се зголемил за околу 700 илјади, достигнувајќи 9,5 милиони.

– Германија и понатаму е главна дестинација за миграција во Европа, и апсолутно и релативно во однос на вкупното население – изјави Томасо Фратини, еден од авторите на извештајот.

Податоците покажуваат и нерамномерна распределба на миграцијата во рамки на ЕУ. Малите држави како Луксембург, Малта и Кипар се со највисок удел имигранти споредбено со вкупното население.

Азилантските барања исто така се концентрирани во неколку земји – Шпанија, Италија, Франција и Германија учествуваат со речиси три четвртини од сите барања. Германија воедно има и најголем број бегалци, околу 2,7 милиони.

The post ВО ЕУ ЖИВЕАТ РЕКОРДНИ 64,2 МИЛИОНИ ИМИГРАНТИ Само во 2025 нивниот број се зголемил за 2,1 милиони appeared first on plusinfo.mk.

По избувнувањето на пандемијата ковид-19, овој индикатор се намалил на 80,4 во 2020 година и на 80,1 година во 2021 година. Во 2022 година, очекуваниот животен век во ЕУ се зголемил, но сѐ уште не ја достигна вредноста од 2019.

Регион во ЕУ со најдолг животен век е Мадрид во Шпанија со просек од 85,2 години, потоа Тренто во Италија со 84,4, Ил во Франција 84,1 и Стокхолм во Шведска со 84,0 години.

Најкраток очекуван животен век, пак, имаат жителите на неколку региони во Бугарија 72,3 години и во Унгарија 74,1 година.

Жените во ЕУ живеат подолго од мажите и нивниот очекуван животен век е 83,3 години, што е за над пет години повеќе од мажите чиј просек е 77,9 години.

Еуростат нема податоци за проценка на животниот век на населението во Македонија за 2022 година. Според податоците од 2021, Македонците во просек живеат 73,2 години. Животниот век на жените е 75,5, а на мажите 71,1 година.

Во 2021 е заблежан пад на очекуваниот животен век во земјава за три години и пет месеци во споредба со 2018 кога изнесувал 76,7 години.

The post СРЕЌЕН Е ТОЈ ШТО ЌЕ ДОЖИВЕЕ 73 ГОДИНИ ВО МАКЕДОНИЈА Очекуваниот животен век во ЕУ е 80,6 години appeared first on plusinfo.mk.

Како што е наведено, според податоците, граѓаните на Украина претставуваат 98 отсто од корисниците на некој вид привремена заштита односно азил, од кои 46,3 отсто се жени и 33,3 отсто деца, додека мажите сочинуваат 20,4 отсто.

Најголем број од избеганите пристигнале во Германија, околу 1,2 милиони, потоа во Полска – 955.110, а прибежиште во Чешка побарале 369.330 луѓе.

Во Бугарија има 169.845 Украинци, во Романија 144.295, во Унгарија 33.720, Грција 26.675, Хрватска 22.900 и во Словенија – 8.710.

Руската агресија започна во 2022 година, како продолжение на руско-украинскиот конфликт од 2014 година. Нападот на Русија претставува најголемиот напад врз една држава во Европа по Втората светска војна.

The post ЗЕМЈИТЕ НА ЕУ ПРИМИЛЕ 4,3 МИЛИОНИ БЕГАЛЦИ ОД УКРАИНА Од сите одлуки за азил 98% се за Украинци appeared first on plusinfo.mk.

Според податоците на Европската статистичка агенција – Евростат, соопштени по повод Светскиот ден на детето – 20 Ноември, 12,1 отсто од домаќинствата во ЕУ биле со по едно дете, 9,3 проценти со по две деца и три отсто со три или повеќе деца.

Во однос на вкупниот број на домаќинства во ЕУ, тој лани се зголемил за 6,9 отсто во споредба со 2012 година, додека во истиот период процентот на семејствата со деца се намалил за 2,4 процентни поени.

Имено, нешто помалку од една четвртина од речиси 198,5-те милиони домаќинства во ЕУ или 24,3 отсто во 2022 година вклучувале и деца, при што најбројни се семејствата со по едно дете.

Повеќе за ова прочитајте на „Мајка и дете“.

The post ИЛИ ЕДНО, ИЛИ НИЕДНО Повеќето семејства во ЕУ се без деца, а од тие што имаат, најбројни се оние со едно дете appeared first on plusinfo.mk.

Ова во општина Василево го изјави претседателот на ВМРО-ДПМНЕ Христијан Мицкоски.

Мицоски потсети дека неодамна наместо да се почнуваат нови инвестиции, власта делеше пофалници за грејната сезона.

– Јас кога слушнав дека има некој настан во РЕК Битола помислив да не се отпочнува модернизација некој нов коп, Живојно, некоја нова технологија и така натаму, но тоа да било благодарници поради тоа што била завршена грејната сезона. Не можев помалку да се срамам од нивниот срам, еве бројките се немилосрдни, Еуростат ги објавува, за жал граѓаните во Македонија ова нивно незнаење го плаќаат многу скапо, односно граѓаните  плаќаат една од трите или четирите најскапи цени на електрична енергија кои што ги има во Европа и покрај тоа што нашиот стандард е пак на дното, помеѓу трите најсиромашни држави во Европа но плаќаме електрична енергија како трите најразвиени држави во Европа. Така што ќе дојде набргу време кога за сето ова ќе се поднесе сметка, јас тоа сум го кажал многу пати во минатото, за да не биде после тоа не сме кажале. Да не биде после тоа лелекање, да не биде после тоа плачење, еве да знаат дека за сето ова еден ден ќе дојде, а тој ден доаѓа, секој ден сме поблиску до тој ден, ќе се сведат сметките за да не биде после не кажавте – рече Мицкоски.

Тој додаде дека  и во следниот период треба да се следи работата на власта.

– Треба многу да се внимава како се однесуваат овие последни неколку месеци затоа што колку побргу заминат, колку побргу се случат тие парламентарни избори, толку побезболен ќе биде нивниот пат, колку повеќе одолговлекуваат толку поголема ќе биде казната на народот но и одговорноста пред законите. Ги предупредувам и вработените да не подлегнуваат на притисоци од оваа влада на ДУИ поддржана од помалиот партнер СДСМ, затоа што знам и слушам дека голем дел од луѓето што работат во државна администрација се под притисоци да го потпишуваат да го ратификуваат криминалот на оваа влада на ДУИ поддржана од помалиот партнер СДСМ, ги предупредувам да одбиваат таква работа затоа што секој изминат ден сме поблиску до падот на оваа влада а ќе повторам со падот доаѓа и одговорноста и таа одговорност е по вертикала, ги предупредувам и ги замолувам да не ги прифаќаат овие барања од страна на овие политички криминалци и насилници – рече Мицкоски.

The post БРОЈКИТЕ НА ЕУРОСТАТ ЗА ЕНЕРГЕТИКАТА СЕ НЕМИЛОСРДНИ Незнаењето на власта граѓаните го плаќаат со три пати поскапа струја, вели Мискоски appeared first on plusinfo.mk.

Споредено со европскиот просек, бруто-производот по глава на жител е за 161 отсто поголем во малиот Луксембург. Ова се објаснува со фактот што платите на многу работници од пограничните земји се вклучени во резултатот на Луксембург, наведува Евростат.

Следна на листата на богати е Ирска, која со своето поволно оданочување привлекува многу мултинационални компании, со бруто-производ по глава на жител за 134 отсто поголем од просекот на ЕУ. Трета е Данска, а потоа следат Холандија, Австрија и Белгија.

The post БУГАРИТЕ И СЛОВАЦИТЕ НАЈСИРОМАШНИ ВО ЕВРОПА Луксембург и Ирска со највисок стандард appeared first on plusinfo.mk.

Мицкоски посочи дека цените се однесуваат на второто полугодие од 2021 година, пред речиси една година од денеска.

– Тогаш бизнисот во Македонија плаќал просечна цена од 144,5 евра за мегават час, просечна цена со сите давачки вклучено. За разлика од македонските бизнисмени, црногорските плаќале да речеме 79,2 евра за мегават час односно македонските бизнисмени за 82% поскапа електрична енергија. Во однос со српските бизнисмени, македонските плаќале за 38%. А, во однос на турските бизнисмени, македонските плаќале за 66%. Во однос на босанско херцеговските 70% фантастични, а во однос со косовските речиси два пати односно 98% поскапа електрична енергија плаќале македонските бизнисмени. А, во однос на хрватските 12%, во однос на словенечките 18,5%“ –  нагласи Мицкоски.

Тој додаде дека државата има доволно пари да помогне на бизнисот и треба да му се помогне.

The post МИЦКОСКИ СЕ ПОВИКА НА ЕУРОСТАТ Македонските компании плаќаат најскапа струја во регионот appeared first on plusinfo.mk.

Како што јави дописникот на МИА од Белград, во Еуростат забележуваат дека сите лица не се починати како резултат на пандемијата на коронавирус, но дека податоците може да се користат за проценка на директните и индиректните ефекти на пандемијата.

Најголем број од 36.000 дополнително починати лица е регистриран во 14-та недела од оваа година, што го опфаќа крајот на март и почетокот на април.

Од 19-та недела на почетокот на мај, бројот на смртни случаи неделно се зголемувал за околу 5.000.

Сепак, во 25-та недела (почетокот на втората половина на јуни), регистрирани се 2.200 смртни случаи помалку.

Најлошо било во Шпанија, каде починаа дополнителни 48.000 луѓе и во Италија, каде беа регистрирани 46.000 смртни случаи повеќе од претходно, по што следуваат Франција (30.000) и Германија и Холандија (по околу 10.000).

Во преостанатите 21 земја-членка на ЕУ во тој период регистрирано е вкупно зголемување од 25.000 смртни случаи.

Пандемијата ги погоди земјите и регионите на ЕУ на различни начини и со различен интензитет, а најтешко беа погодени регионите во централна Шпанија и северна Италија.

Најголем број на дополнителни смртни случаи во однос на бројот на жители е забележан во Бергамо, Италија, каде што во 12-та недела од оваа година е регистрирано зголемување од 895 отсто починати и Сеговија во Шпанија со 634 проценти повеќе смртни случаи во 13-та недела.

Истражувањето на Еуростат покажа дека мажите повеќе умирале во март и кон крајот на мај, а жените во април, додека најранливи биле граѓаните со над 70-годишна возраст, кои сочинуваат 98 отсто од дополнителните 168.000 смртни случаи во вториот квартал од оваа година.

Во претходните години, оваа група жители претставуваше 76 проценти од вкупниот број смртни случаи. 

The post Еуростат: Зголемена смртност во ЕУ за време на пандемијата на ковид-19 appeared first on plusinfo.mk.