Во последните соопштенија на СДСМ, се коментираат ставовите на премиерот Христијан Мицкоски и на македонската дипломатија за акцијата на Доналд Трамп, но не се соопштува јасен став на опозициската партија за апсењето на диктаторот Мадуро.

Зошто молчи СДСМ, предводен од Венко Филипче, за темата што деновиве ја окупира светската политичка јавност?

Во 2019 година, во Еуростандард банка, пристигнале 110 милиони евра од Венецуела, на сметки во банката, а таа ги пласирала во кредити во струмички фирми.

Редица фирми во Скопје со директори и управители од Венецуела биле основани пролетта 2019 година, на две локации во главниот град, откри во 2022 година екипата на КОД од телевизија Телма. Фирмите од тој таканаречен Мал Каракас во Скопје учествувале во операцијата за префрлање на 110 милиони евра од јужна Америка преку сметки во Еуростандард банка.

Објаснувајќи го пропаѓањето на банката, сопственикот Трифун Костовски тогаш изјави дека најголем дел од тие пари завршиле како кредити без покритие, во струмички фирми, пред сè во фирмите на Ристо Крмзов, против кого неодамна е покренато обвинение за финансиски малверзации.

„Сè уште ни ми е јасно како Крмзов стана најсилен партнер на Еуростандард банка“, изјави тогаш Костовски.

Во таа 2022 година беше отворена и истрага за ова скандалозно перење пари, но случајот заврши во фиока. Прв човек на финансиското разузнавање тогаш беше Блажо Трендафилов, човек близок со Ден Дончев и со Зоран Заев по муртинска линија.

Добро упатени извори велат дека испраните крвави венецуелски пари завршиле голема работа во Кланот Дубаи и тоа е клучната причина поради која СДСМ денес не може да ја поддржи акцијата на Доналд Трамп, а не смее ни да ја осуди.

– Тоа е тој божем нов СДСМ, со нова енергија и победнички дух. Раководството не смее да писне, бидејќи има тон путер на главата. Наместо да се занимава со политика, ги гони членовите и симпатизерите на СДСМ за кои претпоставува дека на конгресот на 24 јануари ќе настапат со критички тонови – вели извор од партијата за Плусинфо.

The post „ВЕНЕЦУЕЛСКАТА ВРСКА“ Е ПРИЧИНАТА ПОРАДИ КОЈА СДСМ НЕМА СТАВ ЗА АПСЕЊЕТО НА МАДУРО Тежок е товарот на испраните 110 милиони евра од Мал Каракас преку Еуростандард банка во струмички фирми блиски до Заеви appeared first on plusinfo.mk.

– На последното собрание на доверители на Еуростандард банка одржано на 15.09.2023 по повод третата јавна лицитација, 88,1% доверителите биле eдногласни дека е потребна брза продажба на деловната зграда на Еуростандард банка. На тој став бил и Фондот за осигурување депозити како најголем доверител на Еуростандард банка и институција која има право на средствата од нејзината стечајна маса, како и Стопанската комора, како и останатите 20 најголеми доверители – изјави правниот застапник на еден од доверителите.

Мнозинството доверители со соопштение деновиве се изјаснија дека последната понуда од 5,4 милиони евра е прифатлива и дека е дојдено конечно време да се затвори ова прашање. Ова очекување е реално, а се поткрепува и со одлуката на Апелациониот суд да ја прифати жалбата на еден од доверителите, поврзана со одлуката на стечајната судијка за поништување на лицитацијата, а по добиената препорака од стечајниот управник за повторна процена на вредноста на зградата, а со тоа и за одолговлекување на целиот процес. Апелациониот суд донесе одлука дека стечајната судијка постапила спротивно на мнозинските интереси, и на деловникот за работа, и дека гласањето треба да се спроведе.

Стечајниот судија, и стечајниот управник овојпат треба да го поддржат мнозинството, одлуките на институциите и да ја потврдат продажбата, за да по 3 години, конечно доверителите да бидат обесштетени.

Пантелеон Г.С. победи на наддавањето на третата по ред електронска аукција за овој деловен простор, со понудени 5,4 милиони евра. Сега понудата треба да биде прифатена од собранието на доверители, а од прибраните пари да се обесштетат доверителите на пропадната банка.

Станува збор за реномирана и респектабилна брзо растечка македонска аутсорсинг компанија која работи за компании на американскиот пазар. Компанија која има амбициозни планови за раст и развој, и која во најскоро време сака и да го удвои бројот на вработени кој во моментов брои над 110 талентирани професионалци од различни области.

Предходно реномираната и интернационална ревизорската куќа РСМ Македонија објектот го процени на 5,3 милиони евра. Канцеларискиот простор е 1.977 м2, додека 1.512 м2 се под земја наменети за трезор, архива, помошни простории и 20 паркинг места. Објектот има вкупна површина од 3.489 квадратни метри, не се продава парцијално туку целосно.

Доброупатените во случајов велат дека ова е последена шанса за продажба на зградата, бидејќи ако не се изгласа сега, ќе следи распределба на зградата на удели на преку 3.000 доверители, физички и правни лица, што автоматски значи дека идната продажба на зградата ќе биде практично невозможна. Управната зграда ќе продолжи да ја намалува својата вредност и ќе пропаѓа. Во таков случај, освен доверителите, во загуба ќе биде и државата.

The post ЗГРАДАТА НА ЕУРОСТАНДАРД БАНКА ЌЕ СЕ ПРОДАДЕ ЗА 5,4 МИЛИОНИ ЕВРА? За доверителите понудата е прифатлива, останува да се изјасни судот appeared first on plusinfo.mk.

Стечајниот управник заедно со судијата предложиле повторно да се прави проценка на вредноста на зградата, на што се спротивставиле доверителите, истакнувајќи дека со повторната проценка само се одолговлекува процесот и од тоа никој ништо не добива.

„Законот е јасен, ако и третата лицитација не е успешна, се прави прераспределба на имотот, што значи дека доверителите добиваат на хартија потврда дека поседуваат процентуален дел од деловната зграда на Еуростандард банка, која може да ја уновчат само од идна продажба, која е прашање дали ќе се случи во блиска иднина, и по која цена. Објектот не може да се продава парцијално туку само интегрално. И имајќи го во предвид фактор дека станува збор за голем износ на средства кои треба да се издвојат, сосем е логично зошто доверителите се за побрза продажба.

Од непродавањето на деловната зграда на Еуростандард банка губат штедачите, доверителите, граѓаните и државата. Поминува време, а објектот губи од својата вредност! Повеќе од две години зградата нема сопственик и истиот не се одржува.

Носителите на овој процес (стечајниот управник и стечајниот судија) треба да дадат одговор на прашањето дали е добро и понатаму да се одолговлекува продажбата? Дали со ваквото однесување се поттикнува единствениот понудувач да се откаже, и во некоја блиска иднина да се појави некој нов кој за багателна цена ќе ја купи зградата, а доверителите реално да добијат многу малку. Дали самиот чин на распределба е добар?

Работите се очигледни! Потребна е реакција од надлежните институции, и поголема одговорност. А на лицитации очигледно е дека нема голем интерес“ – се вели во соопштение на доверителите на Еуростандард банка.

The post ДОВЕРИТЕЛИТЕ БАРААТ БРЗА ПРОДАЖБА НА ЗГРАДАТА НА ЕУРОСТАНДАРД БАНКА Тие прашуваат зошто стечајните судија и управник одолговлекуваат appeared first on plusinfo.mk.

„Во повеќе наврати до Левица пристигнаа поплаки од страна на работници, вработени во скопската компанија „Зои Пер Компани”, каде како управител се јавува извесна Зорица Пероска. Работниците алармираат дека не се почитуваат нивните законски права – односно компанијата не исплаќа К-15, како и прекувремена работа за празници. Дополнително, последната исплатена плата на оваа фирма изнесува 18.000 денари, што е под законски определената минимална плата.

Дека се работи за бизнис заштитен од олигархијата на власт, потврдува фактот дека, иако „Зои пер компани“ била пријавена во Трудов иснпекторат, одговорот бил дека не можеле да ја лоцираат компанијата! Токму оваа компанија, минатата година добила тендер за обезбедување на ТИР зоните во вредност од 36 милиони денари.

Дополнително, „Зои Пер Компани” се јавува и во скандалот со пропаѓањето на Еуростандард банка, како дел од компаниите кои добиле кредити без покритие. Јасно е дека оваа анти-работничка власт е во целосна заштита на бруталната експлоатација на работниците, со цел бизнисите блиски до нив да можат максимално да остваруваат профит од неплатениот труд на работниците“ – се вели во соопштението на Левица.

The post ФИРМА КРШИ РАБОТНИЧКИ ПРАВА, ИНСПЕКТОРИ НЕ МОЖАТ ДА ЈА НАЈДАТ!? Левица тврди дека „Зои Пер Компани“ е под заштита од моќници appeared first on plusinfo.mk.

Порталот Фактор.мк пишуваше дека голем дел од она што било вредно од стечајната маса на оваа банка веќе е отуѓено и е останато малку за поделба. Главната деловна зграда на Еуростандард банка е можеби еден од малкуте вредни имоти за обештетување на депонентите.

– Kој губи од непродавањето на зградата на Еуростандард банка? Губат сите! Штедачи, доверители, граѓаните, државата. Губи од вредност и самиот објект, кој веќе две години не се одржува и кој е во опасност да пропадне и да загуби уште повеќе од својата сегашна вредност. Дали повторно ќе треба да чекаме уште 2, уште 4 години за да оваа зграда конечно има сопственик? Дали треба да дозволиме објекти кои се функционални да пропаѓаат! – прашуваат заинтересираните штедачи и акционери.

Тие не знаат колку всушност вреди оваа зграда. Се прашуваат дали утврдувањето на реалната вредност на еден недвижен имот треба да се базира на лична перцепција или пак на реална методологија за процена на вредноста на еден објект спроведена од реномирана и интернационална ревизорска куќа и дали пазарните услови треба да се земат предвид.

– Останува да видиме дали ќе влеземе во институционален вртлог кој ќе го обезвредни и она малку вредно што остана од оваа Банка. Работите треба брзо да се решаваат зашто има заинтересиран купувач. Останува да видиме дали во оваа зграда ќе работат млади луѓе кои од Македонија ќе го живеат својот американски сон, или пак зградата ќе пропадне и никој нема да биде обештетен – додаваат оштетените штедачи.

The post ИМА КУПЕЦ ЗА ЗГРАДАТА НА ЕУРОСТАНДАРД БАНКА Ако не се продаде наскоро, ќе почне да пропаѓа appeared first on plusinfo.mk.

Пантелеон ГС, со цел да понуди реална цена, ја ангажираше независната интернационална ревизорска куќа РСМ Македонија. Ревизорската процена беше направена во декември 2022 година во присуство на претставник од стечајниот управник, а по стандардизирана методологија за евалуација на недвижен имот, соглано законски усвоена методологија, професионално и непристрасно почитувајќи го кодексот на етика.

Објектот вклучува 1.977 м2 канцелариски простор, 1.512 м2 под земја наменети за трезор, архива, помошни простории и 20 паркинг места, или вкупна површина од 3.489 квадратни метри. Објектот ревизорската куќа РСМ Македонија го процени на 5,3 милиони евра, додека износот кој Пантелеон ГС го понуди изнесува 330 милиони денари (или 5.360.624 евра).

На оваа аукција ѝ претходеа две неуспешни. Од продажбата на објектот треба да се обесштетат штедачите на пропаднатата Еуростандард банка.

ПО ДВЕ НЕУСПЕШНИ АУКЦИИ, НА РЕД Е ТРЕТА Колку реално вреди зградата на Еуростандард банка?

The post ПАНТЕЛЕОН ГС ПОНУДИ 5.36 МИЛИОНИ ЕВРА ЗА ЗГРАДАТА НА ЕУРОСТАНДАРД БАНКА Дали ќе биде успешна третата аукција? appeared first on plusinfo.mk.

Неуспешните досегашни аукции, според експертите за проценка на недвижен имот, водат кон заклучок дека можеби вредноста на овој објект е преценета, а следствено на тоа и индиректно да се претпостави дека некој намерно го кочи процесот на обештетување на депонентите.

Според реномираната интернационална ревизорска куќа РСМ Македонија која направи процена на вредноста на оваа зграда (по официјални методологии за процена на недвижен имот), реалната вредност не кореспондира со онаа што неофицијално се бара од 8,4 милиони евра.

Објектот има вкупна површина од 3.489 квадратни метри, во кои влегуваат 1.512 м2 под земја, наменети за трезор, архива, помошни простории и 20 паркинг места. Канцеларискиот простор е само 1.977 м2. Ревизорската куќа РСМ Македонија го проценува објектот на 5,3 милиони евра.

Објектот не се продава парцијално туку целосно, и навистина станува збор за голем износ на средства за македонски услови кои треба да се издвојат за овој деловен објект.

Деловната зграда на Еуростандард банка е лоцирана во строгото централно подрачје на град Скопје, надворешно изгледа атрактивно и секако е штета да не се користи од некого. Особено што со текот на времето ако не се одржува, ќе се обезвреднува и може да ја „прегази времето”!

Вредноста на деловната зграда на Еуростандард банка треба реално да се процени и да се продаде според пазарни услови, а од добиените средства сите доверители штедачите, Фондот за осигурување депозити, државата да ги добијат своите средства, велат оштетени штедачи на оваа пропадната банка. Тие поставуваат прашање ако овој атрактивен имот не се продаде, каков ќе биде интересот за другиот, не толку атрактивен имот на Еуростандард банка.

The post ПО ДВЕ НЕУСПЕШНИ АУКЦИИ, НА РЕД Е ТРЕТА Колку реално вреди зградата на Еуростандард банка? appeared first on plusinfo.mk.

Животот отсекогаш ми бил полн со предизвици, од најраната младост до денешен ден предизвикот е дел од моето секојдневие.

Сѐ уште не можам да  разберам нешто, за кое можеби многумина би рекле дека е судбина, а некои, пак, умеат да кажат дека така требало да биде.

Јас роден на оваа грутка земја Македонија, школуван и образуван во неа, со стекнати животни вештини и несомнено докажан успех во полето на бизнисот, каде кон крајот на 80-те години од минатиот век заминав во белиот свет да си ја пробам среќата и да спечалам за мене, моето семејство и моите најблиски, судбината ме дотурка до врвот на кариерата и голем успех во бизнисот.

Ова се случува во период на 90-те години на минатиот век, а во првата половина на првата декада на овој милениум бев најсилниот добавувач на железна руда на полските железари, со годишни количини меѓу 3,5-4,5 милиони тони.  Но, глобализацијата се појави и утврди нов систем на функционирање на светскиот бизнис.

Имав можност да останам и работам во Полска на полето на енергетиката, имав можности да инвестирам во Австралија, во рудници од сите можни номенклатури, почнувајќи од железна руда, бакар, алуминиум, племенити метали сребро и злато, па и дијаманти.

Токму во тие моменти преовлада мојата љубов кон Македонија и со сиот спечален капитал се вратив во Македонија. Искуството во последниве две децении од моите инвестиции во Македонија е трагично.

Денес ја водам мојата битка поврзана со налудничавиот извршен стечај на Еуростандард банка. Се познавам себеси, меѓутоа дури во овие моменти разбирам дека не сосема сум го разбрал менталитетот на мојот сограѓанин. Бијам битка а-ла Дон Кихот, но за разлика од него моите непријатели се видливи.

Врз плеќите го имам организираниот криминал кој е навлезен во сите пори од нашето секојдневие,
политика, државни институции и личности со лукративни интереси на позиции во банкарскиот систем. Со носењето на Еуростандард банка во стечај се нанесе штета и на останатите правни субјекти во кои имам инвестирано.

Штетата на овие правни субјекти надвор од Еуростандард банка е скоро два пати поголема од самата штета во Еуростандард банка.

Заклучокот е: спечалив надвор, а спечаленото го изгубив во Македонија.

Во изминатите две години се појавив на социјалните мрежи со цел јавно да ги искажам моите гледишта и моите сограѓани подобро да ме запознаат, бидејќи за себе мислам дека сум човек со доблесни и хумани особини. Политиката и политиканството во Македонија се длабоко навлезени во сите пори од нашето секојдневие. Честопати водени од политички побуди добивам навреди без никакви поводи и
аргументи, меѓутоа убеден сум дека стекнав и многу пријатели меѓу граѓаните во Република Македонија.

Токму од нив ја црпам силата да издржам на овој Дон Кохотовски пат, како и од моите другари кои ме поддржуваат да истраам.

Ја користам денешнава колумна да им се заблагодарам на подршката најнапред на моите другари, на моите новостекнати пријатели на социјалните мрежи и сакам да им упатам една порака на таканаречените „непријатели” кои ги ставам под наводници бидејќи не чувствувам аргументирано непријателство, туку  неразбирање, дека и во Македонија може да си богат и достоинствен на чесен начин.

Искуството во Македонија е жално, бидејќи транзицијата ги изнесе на виделина валканите алишта на едно криминогено и корумпирано општество каде поединци сакаат нечесно да се збогатат.

Не судам ниту осудувам, барам разбирање и дистинкција. Јас не сум транзициски профитер!

The post Спечалив надвор, а спечаленото го изгубив дома appeared first on plusinfo.mk.

А како што гледам, никој друг не го разбира…

Го познавам со години. Не сме баш другари, но го знам човекот. Не мислам дека е лош, дури и напротив. Освен тоа, не е дозволено за човек со онакво бизнис портфолио и онакви заработени пари да мислиме дека е глупав или наивен. Без оглед што многу луѓе велат дека фамата за неговото богатство веќе е минато свршено време.

Знам дека е егзибиционист по природа. Малку и позер. Не е тоа ништо страшно, сите сме по малку такви. Но, да бидам искрен, не ми беше позната оваа суицидна црта во неговиот карактер…

Со месеци ги објавуваме неговите колумни, во кои се обидува да освои некакви нови симпатии од јавноста, да создаде впечаток за себе дека е жртва на системот и на една мафијашка структура, која демек ја уништува неговата банка, го остава да „скита и прича“, а тој, волкот што има дебел врат зашто сам си ја врши работа, подготвува заседа и одмазда.

Кога ја видов неговата пи-ар најава за откривањето на „вистината“, неговата објава за спектакуларниот амбуш кога кој јавно ќе се пресмета со сите мафии што му згрешиле, помислив дека нешто не е во ред, дека некои жички во главата Трифунова во случајов сепак се погрешно поврзани.

После големиот „спектакл“,уследи и големото разочарување.

Сите бевме спремни да му поверуваме дека најголемите лоши пласмани на неговата Еуростандард банка завршиле во фирмите од струмичкиот клан, но не и приказната дека банкарските службеници, дури и оние највисоко рангираните, можеле тоа да го сторат на своја рака, без да го прашаат газда Трифун. Тоа кај нас, едноставно, не оди така.

Сите сакаме да веруваме дека во нашите банки има и практики кои се на работ на законот, но тешко е да се проголта Трифуновата приказна за заговорот на седум најголеми комерцијални банки во земјава, со намера да ги ограбат народот и стопанството. При што, од некои од тие банкари, Трифун, сосема случајно нели, барал спас за својата банка пред пропаст.

А најчудно е што сега сите се прашуваат дали Трифун Костовски воопшто го прочитал долгиот извештај на приватните ревизори што самиот ги ангажирал и дебело ги платил. Од тој извештај, како што слушам, сега можат да се стокмат три нови кривични пријави против нарачателот, против организаторот на заседата, против нашиот неуморен трагач по „вистината“, газда Трифун.

Ако го прочитал извештајот, не можел, межу другото, да не го види делот вој во кој се тврди дека во почетокот на 2019 година безмалку 110 милиони евра пристигнале од Венецуела во Македонија и легнале на нерезидентни сметки во Еуростандард банка. Од овие пари, 10 милиони евра наводно биле дадени во форма на заеми на најекспонираните клиенти на банката, чии имиња не се спомнуваат.

Кога јас ја прочитав таа информација во медиумите, ми делуваше речиси нестварно. Познато е дека режимот во Венецуела со години е под финансиски санкции. Логично, банкар што ќе прифати да отвори нерезидентни сметки на субјекти од земја под санкции презема голем ризик. А овде станува збор за 110 милиони евра, големи пари за македонски прилики.

Плусинфо не ја објави веднаш таа информација, како повеќето други медиуми, без оглед што се чинеше дека таа е неспорна и дека произлегува од извештајот на тимот на „одбраната“ што Трифун самиот го составил. Им реков на колегите да ми дадат малку време да се подраспрашам, убеден дека дури ни Костовски во овој лош филм не можел да биде до толку недоветен за да си зададе ваков самоубиствен удар.

Се распрашав кај неколку добро информирани луѓе. Разбрав дека имало повеќе обиди од Венецуела да се уфрлат пари на нерезидентни сметки во нашите банки. Дознав и кои се главните македонски фирми преку кои требало да бидат уфрлени парите во Македонија. За најмалку четири банки со сигурност ме убедуваат дека одбиле да влезат во ваква ризична операција, а моите извори тврдат дека нема посериозна македонска банка која би сторила такво нешто. Од една страна, ризикот е огромен, а од друга страна, секој банкар има дискреционо право да одбие да отвори сметка на некој потенцијален клиент, без обврска да даде образложение.

Банката на Трифун Костовски била „дарежлива“. Санкции се санкции, но 110 милиони евра се 110 милиони евра. Провизиите за овие венецуелските пари биле многукратно повисоки од вообичаените. Нормално, станува збор за перење пари, да не се лажеме. Освен тоа, банката на Трифун се надевала и на венецуелски пари за себе. Тогашниот генерален директор на банката наводно отпатувал за Венецуела за да преговара за заем од 17 милиони евра за Трифуновата фирма „Гофи“, а парите би се искористиле за докапитализација на банката пред стечај. Биле, се прошетале, ама заем не добиле.

Можело ли сите тие комбинации да се прават без газда Трифун?

Тешко, многу тешко.

И пак нешто не разбирам… Вака или онака, некој ја одмолчал таа венецуелска приказна. Што му треба сега на Трифун да си ги кова нозете и да си навлече на врат нов скандал, овој пат од меѓународни размери?

Зарем навистина Костовски мисли дека сега може да се извлече со изјавата дека никогаш не дал согласност во банката да се работи „надвор од законот за банки и процедурите кои важат за Македонија“?

Па ве молам… Кој газда или директор им дава согласност на своите службеници да работат спротивно на законите? Има такви будали? Има некаде формулар или урнек за давање таква согласност?

Велам, не можам да го разберам ова Трифуново самоубиство од заседа…

Моите информации се дека после ова, Костовски ќе се соочи со нови, но сега многу сериозни проблеми со органите на кривичниот прогон. Таквиот расплет може привремено да го одложи само струмичкиот клан, кој изгледа се уште цврсто ја држи контролата во обвинителствата и во судовите.

Но, тоа е истиот клан за кој Трифун јавно кажа дека ги испумпал парите од Еуростандард банка. Зошто кланот сега би го спасувал? Зашто Костовски бил за промена на името? Оти нешто од него зависело…

Ете, така стојат работите со газда Трифун. Неговиот случај е директна потврда за онаа народната дека никој на човек не може да му нанесе толкаво зло колку што тоа може да го стори самиот тој.

The post Трифуновото самоубиство од заседа appeared first on plusinfo.mk.

1. Во Македонија вчера се одржа „интересна“ конференција за печат. Бившиот сопственик на бившата „Еуростандар банка“ промовираше извештај од „незвисни“ експерти за причините за пропаѓањето на неговата банка.

Ни соопшти дека од свои пари (што му преостанале) го финансирал извештајот, односно го платил „стручниот“ труд на „експертите“, некои од нив негови пријатели, кои сам ги изнајмил.

Од самиот акционер не чувме ништо ново од тоа што го слушаме скоро две години. Ни повтори дека некоја „сива еминенција“ која ги ставила „под свое“ институциите во државата (лично ги избирала и гувернерите на НБРМ) и заедно реализирале заговор против неговата бивша банка. Онака, од ќеиф и од личен интерес, зашто неговата бивша банка (со одвај 3-4 отсто пазарно учество) имала перспектива да стане најдобра банка во државата, а од порано пак знаеме дека во последните петнаесет години од постоењето не само што не исплаќала дивиденда туку и дека тој морал да вложува дополнителен капитал од повеќе десетици милиони евра зашто во текот на работењето, наместо да остварува добивка, губела од законски потребниот капитал кој, се разбира, морал да го надоместува според обврската од Законот за банки.

2. Според сопственото признание, главниот акционер на бившата „Еуростандард банка“ чувствувал одговорност за стечајот на Банката, но само затоа што „им верувал на луѓето“; зашто не се придржувал до принципот „верувај, но и проверувај“; зашто „дозволил целата администрација во банката да го држи настрана од дневните информации, или аномалии на банката“ и зашто дозволил тогашното раководство на банката „да им забрани на вработените во банката да комуницираат со него за евентуални проблеми во банката кои се косат со Законот за банки“, итн.

Тоа го вели, ни помалку ни повеќе, доминантниот сопственик на бившата банка, без чија согласност нема именување на работоводен орган и кој може во секое време да го замени. Тоа го вели (истиот тој) кој бил цела деценија и претседател на надзорниот одбор чија надлежност е да ги разгледува и одобрува сите годишни и периодични извештаи на банката, без чија согласност, односно потпис нема одобрување на ниту еден поголем кредит. Тоа го вели таткото (истиот тој акционер) чиј син близу две децении бил претседател на двата кредитни одбори на бившата банка – Одборот за кредитирање на физички лица и Одборот за кредитирање на правните лица. Тоа го вели „газдата на банката“ кој, наводно бил „развластен“ од оние на кои секој момент може да им даде отказ, разрешување, разместување итн., и да именува нови лица, во согласност со Законот за банки.

3. Од приватно изнајмените експерти (платени од имотот што не му бил заробен од државата) посебно од главниот од екипата, чувме дека постоела голема шема на незаконско кредитирање во банкарскиот сектор на Македонија, поради што страдале мали банки и повеќе фирми во Македонија; дека сите институции во државата затаиле во попречувањето на таа „голема и незаконска шема на кредитирање и позајмување пари; дека тоа ќе довело (наскоро) до дестабилизација на финансискиот сектор на државата, итн. Ваква оценка за скорешно заглавување на банкарскиот (и финасискиот) сектор, главниот експерт ја извлекува врз основа на „анализата“ за пропаѓањето на бившата „Еуростандард банка“, како и врз сé уште необјавената анализа/извештај за некои незаконски шеми за кредитирање и позајмување кои ги изведувале со децении, наводно седум банки во Македонија, кој пак наскоро ќе бил дополнително објавен. И покрај неспорниот факт дека во секој банкарски ситем има еден процент на лоши пласмани, па и нефер практики, па така и во македонскиот, неверојатно е како овие „експерти“ знаат подобро од експертите на НБРМ, на Светската банка, на ММФ, на Европската комисија, на најреномираните светски агенции за определување на кредитниот рејтинг на земјите во светот, во каква состојба е банкарскиот и вкупниот финансисики ситем на Македонија. А тие, веќе со години по ред запишуваат во своите извештаи дека банкарскиот сектор на Македонија е стабилен, добро капитализиран и со сé понизок процент на нефункционални (ненаплатливи) кредити.

4. На одржаната презентација на извештаите, кон НБРМ „понастрвени“ беа самиот нарачател на „експертизата“ и неговите домашни помошници во претставата. Разбирливо, тие се засегнатите од нејзината одлука но, истовремено и многу „попосни“ во познавањето на доменот на работата и улогата на една Централна банка. Увезените експерти беа повоздржани, констатирајќи дека: „НБРМ имала законска основа да ја донесе одлуката за стечај“ на бившата „Еуростандард банка“; дека „од 2013 до 2020 година презела голем број мерки (да прецизираме, изрекла преку 30 правни акти на сметка на банката во кои биле содржани околу 120 различни мерки) за да прекине лошото управување со бившата банка од страна на раковдните лица и акционерите и подобри нејзината состојба. Но, под влијание на „инфорамциите“ од главниот акционер и Банката (нивниот единстден извор) тие ги поставуваа прашањата за кои се многу, многу понекомпетентни од супервизорите на НБРМ, како на пример: зошто мерката стечај не била изречена 2019. наместо 2020. година (демек тоа е нешто сомнително) зошто некои од другите мерки кои ѝ стоеле на располагање на НБРМ не биле применети пред, евентуално, да се примени ригорозната мерка за „стечај“ (а велат дека НБРМ имала основа за изеречната мерка); и зошто не му се овозможило на некој (познат) потенцијален инвеститор да ја купи банката пред донесувањето на одлуката за стечај – прашања кои добија исцрпни одговори од НБРМ во деновите веднаш по изречената мерка. Но и прашања за кои нарачаните експерти не се потрудиле, а можеле, во разговор со надлежните од НБРМ да им бидат објаснети, доколку навистина им биле нејасни или нелогични. Доколку се потруделе тоа да го сторат, сигурно немало да има потреба со нив да ги оптоваруваат ниту извештајот, ниту самата прес-конференција.

5. Се разбира, како што беше спомнато погоре и да повториме, никој не може да тврди дека нема нефер постапки помеѓу банките, од една страна, и нивните клиенти, од друга; дека некој некого не оштетил во меѓусебните деловни односи на релација банки-клиенти и дека дури и за едно многу посолидно судство од македонското, раздавањето право во предмети од оваа сфера е посложена задача. Тоа го имало, ќе го има и во иднина, исто како што го има (се рабира важни се димензиите на таквите практики) и во државите кои се сметаат дека се перјаници во примена на законите. Но, треба добро да се познава што е надлежност на НБРМ во таквата ситуација, што на судовите, на јавните обвинителства, на финансиската полиција и на другите државни институции за санкционирање на таквите практики.

6. Колку се „сигруни“ во своите „наоди“ приватно изнајмените експерти – вклештени помеѓу правдањето на дебелите хонорари од нарачателот на „стручниот памфлет“, кој со пари сака да си ја испере својата дамка пред жртвите од неговата неодговорност, од една страна, и можноста за евентуално покренување правна одговорност за нивните лесно напишани и изречени „обвиненија“ од друга страна, зборува тканаречената „Правна напомена“ што ја даваат на почетокот на извештајот (од 160-страници) за бившата „Еуростандард банка“. Во таа „Правна поука“, со која всушност самите се оградуваат од она што го изнеле во Извештајот, меѓу другото стои:

„Овој извештај се заснова на информациите, документите и помошта обезбедени исклучиво од страна на клиентот. Според тоа, истиот е даден исклучиво за информативни цели…. И покрај тоа што ние вложивме максимални напори за да обезбедиме точни и нвремени информации не може да се гарантира дека тие информации се точни на датумот на кој се примени или дека ќе продолжат да бидат точни во иднина. Никој не треба да постапува по таквите информации без соодветен стручен совет по темелно разгледување на конкретната ситуација. До степенот до кој е законски дозволено, компанијата Р.У.Р. нема да се смета за одговорна за какви било грешки, недостатоци или погрешни толкувања на информациите….“ Ете, ова, веројатно е доволно за секој потенцијален читател на Извештајот да размисли колку време да му посвети.

7. Сé на сé, вчера имавме уште една матна претства, со нов обид да се замати вистинското место и главните виновници за одговорноста за пропаднатата „Еуростандард банка“. Но тоа не е најголемиот проблем од вака режираните претстави за јавноста. Најголемиот проблем е во тоа што таа јавност (лаичка) може да поверува во „стручноста“ и „добрите намери“ на нарачаните „експерти“, од што најголема штета може да има токму таа поширока јавност. Затоа, како што НБРМ си го завршила својот дел од задачата, така треба да си го завршат својот и другите институции пред кои се наоѓа предметот за вистинските одговорни лица за банкротот на една банка, во согласност со одредбите на Законот за банки, кои не се нејасни. Како што вели самиот главен акционер, „треба да се оди до крај!“

The post Матна претстава за заматување на одговорноста appeared first on plusinfo.mk.