– Денеска овде со нас се само дел од жителите на Струмичката котлина, претежно од најблиските села кои гравитираат околу проект Иловица-Штука, кои веруваат дека во 21 век е реално и остварливо да се експлоатира бакар со целосно безбедна технологија за здравјето, животната средина и земјоделието. Знаеме дека со зголемувањето на извесноста од реализацијата на инвестицијата, уште повеќе жители ќе ја дадаат поддршката, имајќи ги во предвид неспорните огромни придобивки од работењето на идниот рудник во Иловица и Штука. Сакаме и во оваа прилика да им се заблагодариме на локалните жители и да им честитаме на доследноста и отвореноста да слушнат што навистина планираме да изградиме. Им благодариме што не потпаднаа на невистините и манипулациите со кои некој упорно се обидува да го исплаши локалното население – истакна извршниот директор на „Еуромакс Ресоурцес“, Дамиан Петровски.

Гаранција дека нашите заложби се искрени е формирањето на Независно мониторинг тело во кое ќе членуваат претставници на локалните жители, експерти, претставници на релевантните граѓански организации кои непосредно ќе ги набљудуваат сите процеси во рударскиот комплекс, велат од компанијата.

„Станува збор за граѓанска контрола како највисок степен на осигурување дека се што ќе биде ставено во анексот на Студијата за влијание врз животната средина ќе биде до последен сегмент исполнето. Дополнителна гаранција е и нашата одлучност за целосна примена на стандардот „Initiative for Responsible Mining Assurance“ од 2025 година, кој наложува одговорна екстракција на металите и минералите преку строга примена на сите еколошки и социјални стандарди, како услов за да може да се продаваат металите на меѓународните берзи“, се вели во соопштението.

„Изминатите години во континуитет инвестиравме во поддршка на локалните земјоделци со современа механизација и други материјали, бидејќи силно веруваме дека рударството и земјоделието може заедно да коегзистираат со користење на најсовремни технологии во 21 век.

И во новата 2024 година ќе продолжиме да се бориме за вистината. Македонската економија може да се развива со долгорочни и стабилни инвестиции кои ќе овозможат сигурност и иднина. Веруваме дека конечно ќе ги расчистиме сите наметнати заблуди и ќе ги отстраниме сите административни пречки за да почнеме со реализација на најголемата инвестиција од независноста до денес“, велат од компанијата.

The post 📸 СОРАБОТКАТА СО ЛОКАЛНАТА ЗАЕДНИЦА Е КЛУЧНА „Еуромакс Ресоурцес“ оствари средба со граѓани во Струмица во врска со користењето на бенефициите од мега-инвестицискиот проект Иловица Штука appeared first on plusinfo.mk.

Предметот со концесијата за рудникот Иловица веќе две години се развлекува на релација Управен – Виш управен суд, при што со најновата одлука, Вишиот Управен суд го врати на одлучување во Управниот суд. Овој суд во октомври годинава донесе одлука со која ја отфрли тужбата на компанијата „Еуромакс Ресорсис“ и ја потврди одлуката на Владата да им се одземе концесијата Иловица за рудникот за бакар и злато „Иловица-Штука“. Против оваа одлука на Управниот суд, во ноември компанијата „Еуромакс Ресорсис“ поднела жалба во својство на тужител, па случајот продолжува повторно во Вишиот Управен суд.

– Откако ги промаши сите рокови, во кои Еуромакс можеше да отпочне со работа, по нашата долготрајна борба, Владата конечно го одби нивното барање за работа и им ја одзеде концесијата. Тогаш (компанијата) Еуромакс вложи жалби и во меѓувреме започна обемна пиар кампања во медиумите, а се сомневаме и за друг вид кампања кај клучните функционери. Управниот суд и Вишиот управен суд почнаа да си играат пинг-понг со предметите и само го одолговлекуваат процесот-велат од еколошкото здружение „Зелена Котлина“ од Струмица, кое стои зад овој, како и зад многубројните претходни протести на локалното население против отворање на рудникот.

– Поранешниот претседател на Владата одамна кажа дека од девет обврски, концесионерот исполнил само две и дека никој нормален не може да им даде дозвола за работа. Сакавме на судиите да им порачаме дека знаеме каков притисок се врши врз нив, но дека бараме да се престане со префрлањето топка од еден суд во друг и да се донесе одлука врз база на правните аргументи и доказите, а со тоа конечно да заврши и нашата агонија – изјави за „Слободен печат“ еден од организаторите, Костадин Ристоманов, екологист од „Здрава Котлина“.

Тој додава дека фирмите како „Еуромакс Ресорсис“ во други земји успевале, со помош на корупција, во намерата да отворат рудници онаму каде немало отпор од месното население, а потоа ги продавале на вистински рударски компании за многу поголеми пари.

– Онаму каде таков отпор се јавува, се закануваат со меѓународни судови и исплата на отштета, што значи дека за нив ваквите проекти секогаш се вин-вин ситуација – вели Ристоманов.

The post ДОСТА БЕШЕ ПИНГ-ПОНГ СО РУДНИКОТ ВО ИЛОВИЦА Денес во Скопје пак протестираа струмичките здруженија appeared first on plusinfo.mk.

Главниот берзански индекс во Хонг Конг, Ханг Сенг, скокна за 2,41 проценти до попладневното тргување по локално време, поттикнат од растот на цените на акциите на кинеските технолошки гиганти „Тенцент“ и „Алибаба“ за 3,45 проценти, односно 5,54 проценти, јави Си-Ен-Би-Си.

Јапонскиот индекс Никеи 225 порасна за 0,93 проценти, а Топикс порасна за 0,22 проценти. Јужнокорејскиот Коспи напредуваше за 1,73 проценти, а тајванскиот Тајекс за 1,83 проценти.

Акциите во Австралија исто така пораснаа, при што индексот S&P/ASX 200 порасна за 0,63 проценти.

Најширокиот берзански индекс на азиско-пацифичките акции MSCI, без јапонските, забележа раст од 1,52 проценти.

Берзите во континентална Кина и денеска се затворени поради празници.

На берзата во Њујорк, индустрискиот индекс Дау Џонс се зголеми за 102,32 поени на 34.416,99 поени во текот на ноќта, а S&P 500 зајакна за 0,41 проценти, на 4.363,55 поени. Технолошкиот Насдак Композит забележа раст од 0,47 отсто на 14,501,91 поени.

Закрепнувањето на акциите на Волстрит е резултат на зголемениот оптимизам во однос на договорот за зголемување на плафонот на американскиот долг. Тргувањето на глобалните берзи е разнишано од почетокот на октомври поради стравот на инвеститорите од зголемените каматни стапки и инфлација.

На валутните пазари, индексот на доларот, кој ја следи вредноста на американската валута во однос на кошницата на ривалите, изнесуваше 94.226 поени, откако неодамна порасна од нивото под 94.2 поени.

Јапонскиот јен се тргуваше по 111,41 јени за долар, зајакнувајќи малку од вчерашното ниво од над 111,6 јени.

Цените на нафтата ослабнаа во попладневното тргување во Азија, при што фјучерсите на нафтата од типот Брент паднаа за 0,52 проценти на 80,66 долари за барел, додека американските фјучерси на нафтата WTI паднаа за 0,97 проценти на 76,68 долари за барел.

The post ПРЕСВРТ НА БЕРЗИТЕ Нафтата поевтини, акциите на компаниите пораснаа appeared first on plusinfo.mk.

Живееме во свет во кој вишокот килограми оправдано се третира како здравствен проблем, а недостигот или недостаточната употреба на мозокот – Не! Чинам имаме некое синдромално пореметување во нашиот ментален склоп, па како всушност и да не сакаме да успеваме и победуваме како колективитет. Излегува дека сме подготвени да направиме сè за никако да не се одлепиме од вековната себе-перцепција на професионални жртви и страдалници. Постојано со полна уста изјавуваме дека сите сме за економски и социјален развој, за напредок, за подобра сегашност и иднина – но, некако перверзно и во мазохистички манир како да уживаме токму во самоповредување и себепонизување стимулирајќи го така вкоравениот имиџ на судбински „лузери“.

Со години наназад сите без исклучок, констатираме и се жалиме на девастирачките последици од „белата чума“ или континуираното иселување на нашите граѓани кон економски поразвиените земји во нивната легитимна потрага по среќа и подобри услови за живот. Со години сите мудро зборуваме и промовираме програми за привлекување на домашни и кредибилни странски инвеститори кои со одржливи капитални проекти брзо и ефикасно ќе ја подигнат националната економија. Но, за жал, без задоволителни резултати!

Најчесто сме индиферентни и не реагираме на еклатантните примери кога со брутално неподнослива леснотија неаргументирано се сатанизираат некои (од инаку ретките!) постојни инвестициски проекти, правејќи сè „клетите профитери“ да се откажат и конечно да ги истераме од нашата земја… Да, звучи парадоксално, но за жал вистинито!

Конкретен таков пример е беспоштедниот и манипулативен атак кон мега-инвестицискиот Проект на „Еуромакс ресорсис“ за рударскиот комплекс „Иловица-Штука“. Самодекларирани „сè-експерти“ кои под закрила и со злоупотреба на легитимниот граѓански активизам запенавено повикуваат „во име на народот(?) на бунт и радикални активности против странскиот инвеститор, корумпираното судство и корумпираните политичари…“. Преку социјалните мрежи агресивно користат говор на омраза и поттикнуваат следбеници дури и за физичко линчување на менаџментот и вработените во „Еуромакс ресорсис“??? Френетично ги повторуваат сите трогателни пароли за „рудник на смртта“ или „еко-геноцид“ без притоа да понудат и презентираат барем минимум научно фундирани ставови со кои би се овозможила транспарентна и аргументирана дебата во која би се зборувало за – високи стандарди, најсовремени технологии, прецизна регулатива и нејзина стриктна примена. Фрапантно е што дури и во ова актуелно време на глобална здравствена, економска и социјална криза од епски пропорции и со разорни последици, ние упорно одбиваме да се ресетираме и искрено да се обидеме со конструктивен и позитивен пристап, овој веќе постоен мега-проект на капитална инвестиција да го поддржиме како уникатна win-win можност од заемен интерес, за брзо и ефикасно заздравување и прогрес на националната економија преку долгорочно, извозно ориентирана дејност, атрактивни и квалитетно платени директни и индиректни работни позиции во процесот на еколошки безбедно и одржливо рударство на 21. век!!!

Ми требаше време за да сфатам дека најгласните и „најзагрижените“ активисти всушност и не се свесни колку тоа не знаат за вистинските вредности на овој современ рударски комплекс, а што е уште поразочарувачки, очигледно е дека тие и не сакаат да дознаат!

Сепак, позитивната енергија и конструктивниот оптимизам се извонрено важни работи затоа што само тие ги движат работите напред кон посакуваниот исход… Оптимизмот е клучната енергија за ПРОГРЕС!

The post До кога со овој колективен економски и социјален „мазохизам“? appeared first on plusinfo.mk.