Еурофарм, еден од најпрепознатливите фармацевтски брендови во државата, оваа година одбележува значаен јубилеј – 25 години од започнувањето на развојниот пат од една аптека до национална мрежа која ја сочинуваат 123 современи аптеки, и препознатлива улога во македонскиот фармацевтски сектор и заедницата. Целата приказна за досегашниот развој на Еурофарм е претставена во ова ВИДЕО.

Основана во 2000 година како семеен бизнис, компанијата денес вработува околу 620 лица – дипломирани фармацевти, фармацевтски техничари, како и економисти, правници и друг персонал. Во изминатите 25 години компанијата ја градела својата позиција преку систематска работа, вложување во човечки ресурси и создавање мрежа од современи аптеки со отворен пристап, професионална грижа и континуирана едукација на фармацевтите. Во последните пет години, Еурофарм редовно се наоѓа помеѓу 100-те најголеми компании во Македонија, што го потврдува континуираниот раст, стабилност и квалитетен развоен модел.

– Горда сум што она што почна како мала, семејна и искрена идеја, денес е национален бренд на кого му го доверуваат здравјето илјадници граѓани. Нашиот раст никогаш не бил случаен, туку резултат на јасна визија, долгогодишна работа и посветеност на тимот составен  од исклучителни професионалци – изјави м-р спец. фарм. Татјана Стерјева, сопственичка и генерален менаџер на Еурофарм ДООЕЛ и една од првите основачи на ланецот аптеки Еурофарм.

Во изминатите години компанијата вложи значителни средства во развој на продажната мрежа, модернизација на капацитетите за складирање, унапредување на дистрибуцијата, како и во континуирана едукација и професионален развој на фармацевтите и останатиот кадар.

– Нашата најголема инвестиција секогаш биле луѓето – фармацевтите, фармацевтските техничари и сите професионалци кои го создаваат Еурофарм. Верувам дека квалитетна услуга може да се понуди само ако континуирано се вложува во знаење, стандарди и во услови за работа – додава Стерјева.

Паралелно со одбележувањето на јубилејот, Еурофарм најавува нов значаен проект: изградба на нова, современа веледрогерија, дизајнирана по највисоките светски стандарди во логистика, автоматизација и безбедност при дистрибуција на лекови. Новиот објект ќе претставува клучен чекор во следната фаза од развојот на компанијата, со цел подигнување на ефикасноста, проширување на капацитетите и обезбедување уште повисок квалитет и достапност на лекови и фармацевтски производи.

– Иднината ја гледам како продолжување на успешната приказна на Еурофарм, но со нова енергија. Ќе инвестираме во дигитални услуги, во модерни фармацевтски решенија, во образование на фармацевтите, во уште попристапни аптеки. Но најважно, ќе продолжиме да бидеме човечки бренд. Свесна сум дека здравството се менува, технологијата се менува, но довербата останува најважна. Нашата мисија за следните 10 години е многу едноставна: секој пациент да се чувствува сигурно, разбрано и поддржано – посочува Стерјева.

Тргнувајќи од тоа дека успехот што го остварува компанијата има вистинско значење само ако е споделен со заедницата, Еурофарм во континуитет во изминатите две и пол децении реализира бројни општествено одговорни иницијативи и проекти за поддршка на заедницата, од донации во образовни и здравствени институции, до поддршка на спортски, едукативни и културни програми. Во 2023 година, компанијата ја доби и Националната награда за општествено одговорна практика за проектот „Семејно здравје“.

The post ЕУРОФАРМ СЛАВИ 25 ГОДИНИ Од една аптека до национален фармацевтски синџир со повеќе од 620 вработени appeared first on plusinfo.mk.

Во рамки на ЕХФ неделата Македонија ќе игра квалификациски натпревари против Естонија и со Литванија.

На списокот на Лазаров се наоѓаат:

Голмани:

1. МАРКО КИЗИЌ РК АЛКАЛОИД
2. МАРТИН ТОМОВСКИ GER 1. VFL POTSDAM
3. ИВАН ГАЛЕВСКИ РК АЛКАЛОИД

Леви крила:

4. ПЕТАР АТАНАСИЈЕВИЌ РК ЕУРОФАРМ ПЕЛИСТЕР
5. ЦВЕТАН КУЗМАНОСКИ РК ЕУРОФАРМ ПЕЛИСТЕР

Леви бекови:

6. ФИЛИП КУЗМАНОВСКИ РК ЕУРОФАРМ ПЕЛИСТЕР
7. ПАВЛЕ АТАНАСИЈЕВИЌ РК ЕУРОФАРМ ПЕЛИСТЕР
8. МИХАЈЛО МЛАДЕНОВИЌ РК АЛКАЛОИД

Средни бекови:

9. МАРКО МИТЕВ РК АЛКАЛОИД
10. ИГОР ЃОРГИЕВ РК АЛКАЛОИД
11. ИВАН ЏОНОВ РК АЛКАЛОИД

Десни бекови:

12. МАРТИН СЕРАФИМОВ РК АЛКАЛОИД
13. МАРТИН ВЕЛКОВСКИ РК АЛКАЛОИД
14. ТОМИСЛАВ ЈАГУРИНОСКИ РК ВАРДАР 1961

Десни крила:

15. АЛЕКСАНДАР ПЕТКОВСКИ РК АЛКАЛОИД

Пикери:

16. ЖАРКО ПЕШЕВСКИ РК ЕУРОФАМ ПЕЛИСТЕР
17. МИЛАН ЛАЗАРЕВСКИ РК ВАРДАР 1961
18. МАРКО СТОЈКОВИЌ РК АЛКАЛОИД
19. ВАЛЕНТИН КАРАСМАНАКИС РК АЛКАЛОИД

Дефанзивци:

20. МИХАИЛ АЛАРОВ РК ВАРДАР 1961

Средбата со Естонија е закажана за 6 ноември во СЦ „Борис Трајковски“ во Скопје, а на 10 ноември нашите ракометари ќе играат на гостински терен против селекцијата на Литванија.

The post ЕДЕН ИНТЕРНАЦИОНАЛЕЦ И 19 ДОМАШНИ ИГРАЧИ Лазаров повика 20 ракометари за натпреварите со Естонија и со Литванија appeared first on plusinfo.mk.

Во текот на целиот меч во Битола меѓу Еурофарм Пелистер и Вардар на една од трибините група неодговорни навивачи имаа истакнато недоличен транспарент на кој пишуваше „Југо К. Вагино скопска“.

Спортските новинари при ЗНМ искажува револт кон навивачите, но и кон домаќинот на големото ракометно дерби РК Еурофарм Пелистер бидејќи раководството и луѓето задолжени за организација на мечот имаа вовед, две полувремиња, пауза и цели два часа да реагираат и да го отстранат транспарентот или тие што го промовираа на видно место, а тоа не го сторија.

„Валканите пресметки на навивачите со новинарите и непостапувањето кон истите не се непознати во нашиот спорт, но сигурно не се начин на кој се градат големите европски спортски колективи. Со самиот факт што Еурофарм Пелистер е наш машки ракометен првак и учесник во групната фаза од Лигата на шампионите тоа ги става битолчани во ситуација да имаат обврска тоа да биде нивна траекторијата на развој што, пак, дефинитивно значи и коректен однос кон известувачите од натпреварите и на домашната и на меѓународна сцена“ – се вели во соопштението на ЗНМ.

Пред првенствениот ракометен натпревар меѓу екипите на РК Еурофарм Пелистер и РК Вардар 1961, управата на клубот апелираше сите кои ќе бидат во спортската сала „Боро Чурлевски“, со своето фер и коректно спортско навивање да придонесат натпреварот да се одигра во спортска и фер атмосфера.

Инаку, тимот на РК Вардар 1961 вечерва во спортската сала „Боро Чурлевски“ беше поразен од РК Еурофарм Пелистер со 29:25, но сепак, поради подобрата гол разлика ќе го освои првото место во групата со битолчани. Гостинските ракометари на првата средба со Еурофарм-Пелистер победија со 30:25, па во продолжение на првенството ќе имаат подобра стартна позиција.

The post ЗНМ РЕВОЛТИРАНО ОД ВУЛГАРЕН ТРАНСПАРЕНТ ЗА КОМЕНТАТОР НА МТВ Домаќинот Еурофарм Пелистер не го тргна во текот на целиот меч appeared first on plusinfo.mk.

Домашниот тим поттикнат од петилјадна публика во најголем дел од средбата беше рамноправен противник со фаворитот, до 49 минута резултатот беше израмнет 16:16 и 19:19, но на крајот Кил успеа да победи.

– Прво сакам да се заблагодарам на нашата верна публика, која што нè бодреше во текот на целиот натпревар, а воедно да им го честитам роденденот на „Чкембари“, која е најдобрата ракометна навивачка група во целиот свет. Се покажавме во одлично светло и тоа против, според мене, најдобриот тим во Европа. Мислам дека париравме во текот на сите шеесет минути, ни се пружи шанса за бод или победа, но не успеавме. Тоа се должи на нашето неискуство. Имавме промашени зицери и технички грешки во финишот и тоа ѕвездиете на Кил го казнија. Од овој натпревар ќе добиеме поголема самодоверба и пак ќе нагласам дека нашиот пријател ќе биде времето. Ние сме нова екипа и на сите ни треба време за подобро да се запознаеме и да направиме нова прекрасна приказна во Битола – изјави по натпреварот, тренерот на Еурофарм Пелистер, Александар Јовиќ.

Во отсуство на првиот тренер Филип Јиха, кој го загубил гласот за време на натпреварот, на официјалната прес-конференција свое видување даде неговиот асистент Виктор Силаџи.

– Прво сакам да се заблагодарам за честитките. Извинете што Јиха не е тука, тој е болен и го загуби гласот за време на натпреварот. Одушевен сум, атмосферата беше фантастична, освоивме важни два бода кои беа наша цел уште пред да дојдеме тука. Тежок напревар уште од самиот почеток. Направивме многу грешки и дозволивме противикот да биде близу до нас речиси во текот на целиот натпревар. На крај пресуди нашето искуство. Драго ми е за голманот Самир Беласен, кој дојде пред десетина дена и одигра добар натпревар – рече Силаџи.

Хрватската ракометна ѕвезда Домагој Дувњак за првпат имаше шанса да игра во Битолa, а играчот беше импресиониран од атмосферата.

– Пред сѐ, честитки за Еурофарм Пелистер за феноменалната борба. Беа вистински, а и оваа публика е неверојатна, ги водеше и држеше играчите цели 60 минути. Јас првпат сум тука и уживав на теренот. Победи нашето искуство, можеби тука и нашата одбрана имаше удел, ама Пелистер е млада екипа и ваквите натпревари добро ќе дојдат за иднината. Им посакувам се најдобро – изјави Дувњак по натпреварот.

Најефикасни во тимот на битолчани вечерва беа Радивојевиќ со 5 и Цехте со 4 голови, но најдобар впечаток остави голманот Калифа Гедбане, додека кај гостите Екберг и Елефсен постигнаа по 5 голови за успех на гостувањето на како што рекоа „жешкиот терен“ во Битола.

Следен предизвик за „зелено-белите“ ќе биде гостување во Париз, кај моќниот ПСЖ. Овој натпревар се игра на 12 октомври.

The post ГЕРМАНЦИТЕ СЕ СПАСИЈА ОД БИТОЛСКИОТ ПЕКОЛ Искусните ракометари на Кил ја донесоа победата над Еурофарм Пелистер appeared first on plusinfo.mk.

Вардар следните два натпревара на домашен терен ќе ги игра без присуство на публика и ќе треба да плати парична каза во висина од 150.000 денари.

Исто таква парична казна ќе треба да плати и Еурофарм Пелистер.

Казните за двата македонски ракометни великана се поради прекинот на дербито одиграно на 26 март. Во 16 минута, по влегувањето на гостинските навивачи во салата „Јане Сандански“ почнаа со факели да фрлаат кон домашната публика, а навивачи на Вардар се симнаа на теренот и тргнаа да се пресметуваат со битолчаните при тоа фрлајќи кон нив тврди предмети. По петнаесетина минути ситуацијата се смири и натпреварот продолжи.

The post ТЕПАЧКАТА СКАПО ГИ ЧИНИ Вардар и Еурофарм Пелистер ги дознаа казните appeared first on plusinfo.mk.

На дуелот одигран во „Билјанини извори“ битолчани беа поснаодливи во финишот и со серија од 3:0 во последните три минути стигнаа до победата. Вардар пропушти напад за израмнување, односно шутот на Филип Талески го одбрани голмнаот на „зелено-белите“ Марко Кизиќ.

За Еурофарм Пелистер ова е втор трофеј од почетокот на сезоната. Во август тие победија на Меѓународниот турнир во Струга.

Најефикасен во победничката екипа беше Усама Хосни со седум гола, а во редовите на „црвено-црните“ се истакна Талески со 10 погодоци.

Трофејот на победничката екипа го додели Филип Милошевски – генерален секретар на Ракометната федерација на Македонија.

The post ЕУРОФАРМ ГО ОСВОИ РАКОМЕТНИОТ СУПЕРКУП Го одбраниja трофејот со победа од 23:22 против Вардар appeared first on plusinfo.mk.

Скандирањето траеше одредено време, а престана откако делегатот ги опомена „Гробарите“. Но, по извесно време, тоа повторно продолжи.

Скандалозниот и срамен гест се јави неочекувано, на она што до тој момент личеше на мирен натпревар.

Ова се навивачите на Партизан или како што сами се нарекуваат Гробари. Денес ни испратија порака од трибините во Белград. Јужна Србија никогаш Македонија. Да си знаете што е следно кога ќе заврши епопејата со Гоце Делчев. pic.twitter.com/CSLAreZYnF

— Дете Лошо (@DeteLoso) February 7, 2022

Инаку, ракометарите на Еурофарм Пелистер успешно ја почнаа новата сезона во регионалната СЕХА-лига. Битолчани вечерва славеа победа на гостувањето во Белград против Партизан со 25:23.

По изедначениот старт на натпреварот, Пелистер со серија од 5:0 дојде до водство од пет гола (11:6). Предноста од три до пет голови пелистерци ја одржуваа до 36.минута кога водеа со 17:12. Од тој момент Партизан заигра подобро во одбрана и поефикасно во напад па за само 10 минути го изедначи резултатот (19:19). При резултат 20:20, белграѓани имаа напад за прво водство, но не успеаја да постигнат гол. Следуваа три врзани гола за македонскиот тим за мирен финиш до конечен триумф.

Најзаслужни за победата на Еурофарм Пелистер се голманот Секели со осум одбрани, десниот бек Мараш со седум и пивотот Граџан со пет погодоци, како и Периќ со три голови и осум асистенции.

Во А-групата се и екипите на ППД Загреб и татран Прешов кои својот меѓусебен дуел од првото коло ќе го имаат на 11 февруари.

The post ЈУЖНА СРБИЈА, НИКОГАШ МАКЕДОНИЈА „Гробарите“ ги провоцираа „Чкембарите“ (ВИДЕО) appeared first on plusinfo.mk.

Во „Би-Би-Си арената“ во Шафхаузен, битолчани одиграа лошо прво полувреме кое го завршија со негатива од 5 голови (16:11), и тоа се чини ги оневозможи да забележат победа во дуелот со Кадетен Шафхаузен.

Македонскиот претставник во второто по ранг ракометно натпреварување вечерва покажа две слики, односно слаба игра во првиот дел и ефикасна игра во вториот дел каде се истакна Периќ со 5 постигнати голови, додека во тимот на домаќините најефикасни беа Зендер со 8 и Марош со 7 постигнати голови.

Во рамки на оваа група, изненадување приреди грчки АЕК кој го совлада Ним во Франција со 27:26.

The post ВАЖНО РЕМИ ЗА ЕУРОФАРМ Битолчани го освоија првиот европски бод appeared first on plusinfo.mk.

Целата екипа, стручниот и медицинскиот тим се тестираа и се очекуваат резултатите. Во зависност од нив ќе се знаат следните чекори и продолжувањето на тренажниот процес.

Еурофарм Пелистер 2 одигра четири натпревари во Суперлигата, група Б и запиша две победи и два порази.

The post Двајца ракометари на Еурофарм се позитивни на ковид-19 appeared first on plusinfo.mk.

Тимот од Битола ќе се соочи со германски Рајн Некар Левен, а за противник ќе ги има и Татабања, Кадетен Шафхаузен, ГОГ од Данска како и Тримо Требње.

Првите натпревари во Европската лига се играат на 20 октомври, а првите четири тимови од секоја група се пласираат во осминафиналето.

Група Д:

Татабања
Кадетен
Еурофарм Пелистер
Рајн Некар
ГОГ Гудме
Тримо

The post „Група на смртта“ за Еурофарм во Лигата на Европа appeared first on plusinfo.mk.