Патрола на ЕУФОР, составена од припадници на армиите на Македонија и Турција, спаси маж и жена заглавени во „голф“ кај Тузла, соопшти АРМ.

Парот излетал со „голф 5“ во канал кај магистралниот пат во четвртокот, 7 мај, се вели во објавата.  Несреќата се случила меѓу 24 и 25 километар од патот. Автомобилот удрил во дрвја и останал заглавен во каналот.

Мажот и жена биле делумно потопени во вода. Единицата веднаш притрчала на помош.

Во спасувањето се вклучиле и луѓе што се нашле во близина. Војниците стравувале дека возилото може дополнително да потоне или да се преврти.

Поради сомнежи за скршеници кај жената, спасувачите реагирале внимателно. Со помош на скали, кои послужиле како импровизирани носила, ја извлекле од каналот без дополнителни повреди.

„ЕУФОР останува посветен на безбедноста на сите учесници во сообраќајот во БиХ“, соопштија од АРМ.

The post ПРИПАДНИЦИ НА АРМ СПАСИЛЕ МАЖ И ЖЕНА Парот излетал со „голф 5“ во канал кај Тузла appeared first on plusinfo.mk.

Од ГСС Прењ информираат дека планинарот загинал откако паднал во кањонот на реката Ракитница. За несреќата биле известени од Оперативниот центар на Полициската управа Коњиц, по што веднаш била покрената сложена и исклучително тешка спасувачка и евакуациска акција.

Во моментот на несреќата со загинатиот бил и негов пријател, кој се спуштил до него, но поради исклучително непристапниот терен и целосна исцрпеност не можел сам да се врати, па било неопходно и негово извлекување.

На терен веднаш тргнала петчлена екипа на ГСС Прењ, на која ѝ се приклучиле уште пет спасувачи од ГСС Јабланица. За време на пристигнувањето, помош понудиле и спасувачи од ГСС Кантонот Сараево, кои се наоѓале во близина, па во акцијата биле вклучени дополнителни десет лица. Со здружени сили тие излегле на гребенот, до местото од каде што настраданиот паднал во бездната.

Од ГСС наведуваат дека преку надлежните државни институции се обиделе да обезбедат хеликоптерска поддршка од ЕУФОР, но согласност за ангажман не била добиена, иако два хеликоптери на ЕУФОР кружеле над нивната позиција.

– Наместо решение, се соочивме со префрлање на одговорноста и целосна немоќ на системот. Поради тоа беше донесена тешка, но единствено возможна одлука – телото на загинатиот да се транспортира рачно, иако бевме свесни колку е теренот тежок и колку техника, сила и издржливост бара таков зафат. Исклучително напорниот транспорт од кањонот на Ракитница до врвот на гребенот траеше шест часа, по што следеше спуштање на другата страна. Во оваа фаза беа совладани околу 600 метри висинска разлика, поставени 12 сидришни точки и изведени шест тимски потези, по што продолжи спустот до возилата – се вели во соопштението.

Во најтешките моменти од акцијата, кога силата и енергијата на спасувачите биле при крај, ГСС Кантонот Сараево повикал дополнителни 15 спасувачи, кои пристигнале како неопходна поддршка.

– Тој момент на солидарност и заедништво не се заборава. Таму каде што државниот апарат потфрли, не потфрли срцето на луѓето – нагласуваат од ГСС Прењ.

По завршувањето на акцијата, телото на загинатиот било предадено на службениците од Полициската управа Коњиц, по што бил одржан брифинг. Сите спасувачи безбедно го напуштиле теренот и се вратиле во своите домови доцна по полноќ.

The post 🎥 ДРАМА ВО БОСНА, СПАСУВАЧИ ШЕСТ ЧАСА НА РАЦЕ НОСЕЛЕ ТЕЛО НА ЗАГИНАТ ПЛАНИНАР Хеликоптерот на ЕУФОР не полетал поради бирократски причини appeared first on plusinfo.mk.

По состанокот со генерал-полковник Брис Худет, оперативен командант на мисијата ЕУФОР Алтеа во БиХ, Додик на Твитер напиша дека разговорот бил отворен и директен.

„Дополнително ја разбрав улогата на мисијата Алтеа и нејзината улога во БиХ ја има мојата поддршка сега и во иднина“, напиша Додик. „Доколку дојде до застој во одлучувањето во Советот за безбедност, сметам дека Претседателството на БиХ треба да побара од ЕУ Алтеа да ја продолжи својата мисија во БиХ“.

Мандатот на ЕУФОР во БиХ последен пат беше продолжен во ноември минатата година.

На почетокот на годинава Додик во неколку наврати изјави дека ќе биде против ново продолжување на мандатот.

Ставот на Додик е различен од оној што го искажа на крајот на април, кога рече дека повеќе нема да го поддржува продолжувањето на мандатот на ЕУФОР, чии војници, како што рече тогаш, патролираат по градови, „доаѓаат со оклопни возила пред училишта, градинки и институции“.

Додик денеска разговараше и со шефот на Делегацијата на ЕУ во БиХ Јохан Сатлер, за, како што наведе, „модалитетите што би можеле да го забрзаат“ пристапувањето на БиХ во ЕУ.

„Република Српска и БиХ имаат намера да станат членки на Европската унија. Го запознав Сатлер за модалитетите што би можеле да го забрзаат тоа“, напиша Додик.

The post ДОДИК СЕ ПРЕМИСЛИ Ја разбрав улогата на ЕУФОР, тие ја имаат мојата поддршка appeared first on plusinfo.mk.

Руско вето за Западот во четврток

Зошто е неизвесна мисијата на Еуфор и НАТО? Токму неделава, кога нивниот мандат треба да биде продолжен во Обединетите нации(ОН), Русија бара да бидe изземен Кристијан Шмит – високиот претставник за Босна и човекот кој треба да ја надгледува ситуацијата и исполнувањето на Дејтонскиот договор. Дали Шмит заедно со неговите вработени ќе треба да заминат од земјата до јули следната година ќе одлучат гласовите од Британија, Франција, САД и Кина во безбедносниот Совет на ОН, а Кина веќе е на страната на Русија.

Американците излегоа од Авганистан, ќе излезат ли од Босна?

Ќе се исполни ли нон-пејперот за поделби на Балканот кој неодамна протече, а кој им е добро познат и на Брисел и на Вашингтон? Овојпат не е баш сигурно дека новиот американски претседател, Џо Бајден, ќе го сопре распадот на Босна – ние бевме сведоци како Американците веќе се повлекоа од Авганистан. Според самиот Кристијан Шмит, иако Французите, Британците и Американците веќе се согласиле да му ги одземат неговите титули, како што бара Русија, за да спласне драмата, ниедна западна земја не е подготвена да го засили своето присуство во Босна.

Рецептот за мир, Дејтонскиот договор, може да биде каписла за нов конфликт – или нов меѓународен договор. Но, според Алида Врачиќ од невладината „Популари“, сето оваа приказна за распад е замачкување на очите на јавноста во земјата за луѓето да се одвратат од реалните проблеми: Босна катастрофално се справува со пандемијата, во која политичарите проневерија огромни пари, а жртвите од коронавирусот се побројни од тие од војната. Заканата на Додик дека ќе ја отцепи Република Српска, не е помалку важна од фактот што Сараево, исто како и Скопје, секојдневно се гуши во смог и во сиромаштија.

Додик ќе ја принуди војската да се повлече од Република Српска?

Водачот на босанските Срби, Милорад Додик, се заканува дека ќе се повлече од институциите на државно ниво, вклучително и од националната армија изградена со меѓународна помош во изминатиот четврт век и ќе ги реконституира српските сили.

На 14 октомври, Додик рече дека ќе ја принуди босанската армија да се повлече од Република Српска (српската половина на Босна) опкружувајќи ги нејзините касарни и дека доколку Западот се обиде воено да интервенира, тој има „пријатели“ кои ветиле дека ќе ја поддржат „српската кауза“. Под „пријатели“ Додик веројатно мисли на Србија и Русија.

„Отцепување без прогласување“ на Јахорина

Полицијата на босанските Срби изведе „контратерористички“ вежби минатиот месец на планината Јахорина, од каде што српските сили го бомбардираа Сараево во текот на опсадата од 1992 до 1995 година.

„Ова е еднакво на отцепување без негово прогласување“, напиша Шмит во извештајот доставен до генералниот секретар на ОН, Антонио Гутереш, во петокот. Тој рече дека дејствијата на Додик „го загрозуваат не само мирот и стабилноста на земјата и регионот, туку – доколку меѓународната заедница не одговори – може да доведе до поништување на самиот (Дејтонски) договор“.

Три армии и реална шанса за поделба

Високиот претставник рече дека е можно да има судири меѓу босанските национални агенции за спроведување на законот и полицијата на босанските Срби.

– Доколку вооружените сили на БиХ (Босна и Херцеговина) се поделат на две или повеќе армии, нивото на меѓународно воено присуство би барало преоценување – предупреди Шмит.

– Недостигот од одговор на сегашната ситуација би го загрозил (Дејтонскиот договор), додека нестабилноста во БиХ би имала пошироки регионални импликации. Изгледите за понатамошна поделба и конфликт се многу реални – вели тој.

Западот тргна раце од Босна и нема да носи нови трупи

– Звучи како Американците, Британците и Французите ефективно се согласија навистина да ги одземат референците за Кристијан Шмит што беа базичен, стандарден јазик во сите претходни резолуции – рече Курт Басуенер, ко-основач и висок соработник на Советот за политика за демократизација, невладина организација од Берлин.

– Иако тоа правно не го поткопува високиот претставник (Шмит) и те како го поткопува политички – додаде Басуенер.

Дури и ако мандатот на Еуфор се обнови, во ЕУ нема апетит да се зголеми малата сила што остана во Босна. Некои земји-членки, особено Унгарија, му даваат поддршка на Додик.

– Мислам дека (Додик) е подготвен да се коцка на можноста дека, колку и да е неверојатно, тој може да се извлече со тоа што суштински ќе создаде нови факти на теренот брзо и ќе се потпре на идејата дека конфузијата и одложувањето ќе ги зафатат и Сараево и меѓународната заедница. А, на крајот нема да има значајни меѓународни последици – рече Јасмин Мујановиќ, босански политиколог.

Американскиот заменик-помошник државен секретар Габриел Ескобар му рече на Конгресот минатата недела дека САД соработуваат со ЕУ за „да се уверат дека (ќе) има последици за какви било незаконски или какви било дестабилизирачки дејства“ во Босна. Но, не е јасно дали администрацијата на Бајден ќе поддржи враќање на мировните сили на НАТО.

Распадот на Босна, одличен начин да се дефокусираме од реалните проблеми

Алида Врачиќ, шеф на босанскиот тинк-тенк, „Популари“, рече дека постојаното и сè полошо чувство на криза им дозволува на лидерите во земјата да го прикријат својот неуспех да владеат.

– Додик стана милитаристички агресивен, но колективно политичарите се надеваат дека ќе освојат поени за оваа криза и граѓаните се единствените губитници како што се очекуваше – рече Врачиќ.

Според нејзе поделбата на Босна е одлична тема за да се дефокусира јавноста од главните економски проблеми, загадувањето и ковид-кризата:

– Оваа дискусија е корисна, бидејќи ги исфрла од колосек сите значајни дискусии, како што е фактот дека Сараево се гуши во смог, дека [регионалните влади] проневерија пари во кризата со ковид-19, дека бројот на загинати во Сараево е полош отколку за време на војната. Тоа што половина земја живее во сиромаштија, што завршивме точно нула реформи, што со месеци не се расправаше за закони во парламентот – додаде таа.

The post БОСНА И ХЕРЦЕГОВИНА ПРЕД РАСПАД? Руско вето за Западот, Додик вежба на Јахорина appeared first on plusinfo.mk.