Советот на Европска Унија денеска одобри проширување на санкциите кон Русија поради војната во Украина.

Европска комисија минатата недела го презентираше предлогот за нови санкции кон Русија.

„Со новите санкции дополнително ќе се ограничи воено-индустрискиот комплекс на Русија и приходите од енергенсите, хибридните закани и ширењето на руската државна пропаганда што ја оправдува војната“, се наведува во соопштението на Советот на ЕУ.

Се воведуваат рестриктивни мерки против седум лица и 21 организација што го поддржуваат руското воено производство.

Со новите санкции се опфатени и две лица и 24 субјекти вклучени во транспортот и извозот на сурова нафта од Русија, вклучително и преку руската „флота во сенка“.

ЕУ санкционира и 10 поединци и еден субјект поради ширење непријателски и манипулативни изјави против Украина. Меѓу нив се Анатолиј Кузичев, Кирил Федоров, Роман Антоновски, Марија Волконскаја, Александра Јост и епископот на Руската православна црква Георги Шевкунов.

Санкции се воведени и против една организација и 15 лица, меѓу кои имаа и судии и обвинители, како и службеници за спроведување на законот, Федералната служба за безбедност и лекари, за нивна вмешаност во прогонот, труењето и смртта на рускиот опозиционер Алексеј Навални.

ЕУ, исто така, воведува санкции и поради незаконското заземање на Крим и Севастопол од страна на Русија.

The post НОВ УДАР ЗА МОСКВА ОД БРИСЕЛ Под удар руската „флота во сенка“, но и лица поврзани со случајот Навални appeared first on plusinfo.mk.

Унгарија го блокираше 20-тиот пакет санкции против Русија и заемот од 90 милијарди евра за Украина, барајќи Киев да го врати транзитот на нафта преку нафтоводот „Дружба“. Одлуката ја закочи европската дипломатија во пресрет на четвртата годишнина од руската агресија.

Шефицата на европската дипломатија, Каја Калас, не очекуваше договор.

– Ќе разговараме за 20-тиот пакет санкции, но не мислам дека денес ќе има некаков напредок. Сепак, ќе направиме сè за да се случи тоа – рече таа пред состанокот на министрите за надворешни работи.

Нафтоводот „Дружба“ беше оштетен во руски напад на 27 јануари. Унгарија ја обвинува Украина дека го отежнува поправањето.

Калас коментираше:

– Не треба да поврзуваме работи што воопшто не се поврзани – изјави таа, оценувајќи дека транзитот на евтина руска нафта нема врска со санкцискиот пакет.

Германскиот министер за надворешни работи Јохан Вадефул најави дипломатска офанзива.

– Не верувам дека е исправно Унгарија да ја предаде сопствената борба за слобода и европски суверенитет. Ќе ги повикаме да ја преиспитаат својата позиција – рече тој.

Претседателот на Европскиот совет, Антонио Коштa, и претседателката на Европската комисија, Урсула Фон дер лајен, заминаа во Киев по повод четиригодишнината од војната. Очекуваа договорен пакет и финансиска поддршка.

Калас не го дели оптимизмот на американскиот преговарач Стив Виткоф за можен брз напредок во разговорите за мир меѓу Русија и Украина.

– Не го делам тој оптимизам. Видовме притисок врз Украина да се откаже од она од што не сака да се откаже. Тоа не носи траен мир – рече таа.

The post ВЕТО ВО БРИСЕЛ НА ЧЕТИРИГОДИШНИНА ОД ВОЈНАТА Орбан бара Зеленски да ја одврти славината на „Дружба“ appeared first on plusinfo.mk.

Европската унија подготвува нов пакет засилени санкции против Русија поради војната во Украина, со фокус на енергетиката, финансискиот сектор и трговијата. Предлог-мерките денеска ги соопшти претседателката на Европската комисија, Урсула фон дер Лајен, нагласувајќи дека целта е дополнително да се ограничи способноста на Москва да ја финансира војната.

Според предлогот на Комисијата, се предвидува целосна забрана за поморски услуги поврзани со руската сурова нафта, мерка што би се спроведувала во координација со земјите од Г7. Воедно, се предлагаат и построги услови за набавка на танкери за т.н. „флота во сенка“, како и забрана за обезбедување услуги за одржување на танкери и мразокршачи за течен природен гас.

Во финансискиот сектор, на списокот со санкции се додаваат уште 20 руски регионални банки, а предвидени се и нови ограничувања поврзани со криптовалутите, со цел да се спречи заобиколување на постојните мерки.

Комисијата предлага и нови ограничувања за извоз во Русија на стоки и услуги – од гума и трактори до услуги за сајбер безбедност – во вкупна вредност од над 360 милиони евра, објасни фон дер Лајен.

Кога станува збор за увозот, се предлага забрана за метали, хемикалии и есенцијални минерали во вредност од повеќе од 570 милиони евра, како и воведување квота за амонијак.

За прв пат, Европската унија планира да ја активира и алатката против заобиколување на санкциите, со која би се забранил извозот на сите дигитални контролни машини и радио-уреди за кои постои висок ризик да завршат на рускиот пазар.

Дополнително, Комисијата предлага посилни правни заштитни мерки за компаниите од ЕУ, со цел да се заштитат од кршење на правата на интелектуална сопственост и од неправедна експропријација во Русија преку злоупотреба на судски одлуки поврзани со санкциите.

Предлог-пакетот треба да биде разгледан од земјите членки, по што ќе следи одлука за негово усвојување.

The post НОВ УДАР ЗА МОСКВА Предложени засилени санкции против Русија appeared first on plusinfo.mk.

Европската Унија се подготвува за нов, 19 пакет санкции против Русија, најави високата претставничка за надворешни работи и безбедносна политика, Каја Калас. Таа порача дека е време да се стави крај на отстапките кон Москва, бидејќи, според неа, Русија и понатаму одбива целосен и безусловен прекин на огнот во Украина.

Во објава на платформата Х, Калас истакна дека министрите за надворешни работи на ЕУ денеска изразиле поддршка за чекорите на САД, кои имаат за цел постигнување праведен мир.

– Со оглед на тоа што во оваа фаза Русија не се согласи на целосен и безусловен прекин на огнот, не треба ни да разговараме за никакви отстапки – напиша Калас, додавајќи дека редоследот на потезите е клучен – прво прекин на огнот, засилен систем за следење и цврсти безбедносни гаранции, а потоа останатите чекори.

Таа потврди дека ЕУ веќе работи на подготовките за 19 пакет санкции. Последниот, осумнаесетти пакет, беше усвоен на 18 јули, откако повеќенеделната блокада од Словачка конечно беше надмината.

The post ЕУ ПОДГОТВУВА НОВ УДАР ВРЗ РУСИЈА Калас без милост кон Москва, на повидок 19 пакет санкции appeared first on plusinfo.mk.

Руската економија се соочува со една од најтешките кризи од распадот на Советскиот Сојуз во 1991 година откако Запад воведе санкции против целиот руски финансиски и корпоративен систем.

Претседателот на Руската Федерација, Владимир Путин, вели дека „посебната воена операција“ е клучна по гаранциите за руската безбедност откако САД го проширија НАТО до самата руска граница и го поддржаа прозападното украинско раководство.

Некои од олигарсите кои се обогатија во транзицискиот хаос во 90-те, изминатите денови јавно повикува на мир, меѓу кои и Фридман кој е родум од западноукраинскиот град Лавов.

Но, ЕУ во понеделникот воведе санкции за Фридман и Авен, долгогодишните партнери кои заработија милијарди од нафта, банкарски услуги и трговија.

И двајцата сметаат дека сите обвинувања против нив се лажни, клеветнички најавувајќи дека и правно ќе ги оспорат.

– Овие санкции се невтемелени и неправедни. Не знам дали ќе ме санкционираат и Велика Британија и САД, се надевам оти тоа нема да се случи – изјави Фридман.

Фридман кој е британски даночен обрзник ја оцени војната во Украина како трагедија што треба час поскоро да биде завршенба. Меѓутоа, застана на тоа, истакнувајќи оти е чувствително да се коментира руската политика.

Притоа тој не појасни како планираат со Авен да ги оспорат санкциите на ЕУ. Во заедничкото соопштение порачаа дека тоа ќе го направат „со сите средства што им се на располагање“.

Западните лидери сметаат дека санционирањето на најбогатите луѓе во Русија претставува притисок врз Путин, иако многу од олигарсите велат оти е наивно да се очекува рускиот претседател да ги слуша руските деловни луѓе, особено кога е во прашање националната безбедност.

Европската унија соопшти дека Авен е еден од олигарсите „најблиски до Путин“, додека за Фридман се вели дека е еден од најдарежливите финансиери и соработник на најблиските луѓе до рускиот претседател.

И двајцата негираат какви било „финансиски или политички односи со рускиот претседател или Кремљ“.

The post РУСКИ ОЛИГАРСИ ЌЕ СЕ ЖАЛАТ ЗА САНКЦИИТЕ НА ЕУ Не го помагале Путин appeared first on plusinfo.mk.

– Овие санкции ќе бидат многу болни за Русија – рече Борел по вонредниот состанок на министрите за надворешни работи на ЕУ во Париз.

Според него, санкциите немаат чудесен ефект, но се економски болни, а исто така се болни и за луѓето против кои се насочени.

– Постигнавме едногласен договор за првиот пакет санкции – изјави францускиот министер за надворешни работи Жан-Ив Ле Дриан.

Политичкиот договор за санкции, кој допрва треба да биде формално ратификуван за да стане закон, е одговор на ЕУ на руското признавање на сепаратистичките украински територии Доњецк и Луганск, чија независност беше прогласена од руските сепаратисти.

Се воведуваат санкции против 351 член на руската Дума и 27 физички и правни лица кои придонеле за загрозување на територијалниот интегритет, суверенитет и независност на Украина, вклучувајќи ги и руски банки кои финансирале руска војска и други операции на тие територии.

– Ова е јасен одговор на (руските) прекршувања на меѓународното право. Санкциите се директно насочени кон поединците и компаниите вклучени во овие акции. Целта се банките кои го финансираат рускиот воен апарат и придонесуваат за дестабилизација на Украина. Ние, исто така, ја забрануваме трговијата меѓу двата отцепени региони и ЕУ – како што направивме по нелегалната анексија на Крим во 2014 година. И конечно, ја ограничуваме способноста на руската Влада да собира капитал на финансиските пазари на ЕУ. Ќе му отежниме на Кремљ да води агресивна политика – изјави претседателката на Комисијата Урсула фон дер Лејен.

Таа ја оцени како правилна одлуката на германската Влада да ја замрзне процедурата за издавање дозвола за работа на гасоводот Северен тек 2, кој директно ја поврзува Русија со Германија под Балтичкото Море.

– Северен тек 2I треба да се оценува во светлината на безбедноста на снабдувањето со енергија за цела Европа, бидејќи оваа криза покажува дека Европа сè уште е премногу зависна од рускиот гас – додаде фон дер Лајен.

Ова е првиот пакет санкции, а Западот држи во резерва посилни санкции доколку кризата дополнително ескалира, коментираат познавачите на состојбите.

Пет руски банки се на списокот со санкции кои сега се договорени, но само една од нив е од системска важност.

The post САНКЦИИ ЗА 351 ЧЛЕН НА ДУМАТА И 27 КОМПАНИИ И ПОЕДИНЦИ Европската унија одговори на руското однесување во Украина appeared first on plusinfo.mk.