Напнати разговори меѓу Киев и европските престолнини се одвиваат зад затворени врати во Кипар, пишува „Фајненшл Тајмс“. Притисокот на украинскиот претседател Володимир Зеленски за брз влез во Европската Унија наидува на отпор.

Според дипломатски извори, реториката од украинска страна создава дополнителни тензии во момент кога поддршката од САД станува неизвесна.

На самитот на Кипар, според текстот на „Фајненшл Тајмс“, европските лидери се обиделе да ги намалат очекувањата.

– Тој мораше да чуе некои сурови вистини – рекол еден од учесниците.

Еден од најострите коментари доаѓа од европски функционер:

– Ние сме негови единствени пријатели, па можеби е подобро да молчи.

Ништо од ставот „ни должите“

Европските лидери јасно сигнализираат дека пристапувањето нема да биде забрзано. Дел од нив сметаат дека Киев има нереални очекувања.

– Членството не е подарок – рекол еден од европските функционери. Друг додава дека ставот „ни должите“ не помага во процесот.

Зеленски постави цел Украина да стане членка до 2027 година, но клучните европски земји ја отфрлаат таа идеја, се вели во анализата.

Германскиот канцелар Фридрих Мерц оцени дека таквите надежи не се реални. Според Мерц, цената на евентуален мировен договор може да биде и територијална загуба.

Во меѓувреме, ЕУ одобри заем од 90 милијарди евра за Киев. Средствата се наменети за стабилизација на економијата и за одбрана. И покрај финансиската поддршка, разликите остануваат длабоки. Франција и Германија предлагаат постепен пристап кон членството.

Најмалку деценија до членство?

Земјите во последните недели предложија постепен процес во кој Украина би добила „симболични“ бенефиции и постепен пристап до механизмите на ЕУ во замена за исполнување на реформи. Официјалните лица изјавија дека тоа би значело дека полноправното членство би било оддалечено најмалку една деценија.

Зеленски го отфрла тој пристап.

– На Украина не ѝ треба симболично членство во ЕУ – изјавил тој.

„Не разговараме за тоа“

Украинскиот лидер нагласува дека Украина ја брани Европа и дека заслужува полноправно членство. Според извори од Киев, дипломатите добиле јасни инструкции да не разговараат за компромисни модели.

– Ние дури и нема да разговараме за тоа – рекол украински функционер.

Покрај политичките разлики, ЕУ изразува загриженост и за реформите во Украина. Посебно во делот на владеење на правото и борбата против корупцијата.

Дипломатите посочуваат и на пропуштени рокови за законски реформи. Тие предупредуваат дека процесот мора да остане базиран на заслуги.

The post ЗЕЛЕНСКИ МОРАШЕ ДА ЧУЕ СУРОВИ ВИСТИНИ Европа го лади Киев, членство за 10 години? appeared first on plusinfo.mk.

Украинскиот претседател Володимир Зеленски најави дека нафтоводот „Дружба“ ќе биде поправен и повторно ставен во функција до крајот на април, иако не во целосен капацитет.

– Како што ветивме, нафтоводот ќе биде поправен до крајот на април. Не целосно, но доволно за да функционира – изјави Зеленски во Берлин.

Тој појасни дека дел од резервоарите нема да бидат обновени веднаш, бидејќи станува збор за долг процес.

Шефот на Украина порача дека односите со новата унгарска влада треба да се темелат на прагматизам и меѓусебна почит. Ова следува по изборната победа на десноцентристичката партија Тиса.

Притисок од Унгарија

Зеленски изрази уверување дека обновувањето ќе се совпадне со обврските на земјите од Европската Унија, особено на Унгарија.

Будимпешта претходно блокираше заем од 90 милијарди евра за Украина. Исто така го запре усвојувањето на нов пакет санкции и отворањето на преговорите со ЕУ.

Причината е барањето за обновување на испораките преку „Дружба“.

Нова соработка со Германија

За време на посетата во Берлин, Зеленски разговараше со германскиот канцелар Фридрих Мерц. Двете страни дискутирале за европска програма за противракетна одбрана и договор за дронови.

– Овој договор може да стане најголем од ваков вид во Европа – изјави Зеленски.

Мерц најави засилена соработка во областа на дроновите и технологијата. Тој истакна дека членството на Украина во ЕУ е стратешки важно, но не и краткорочно остварливо.

Дополнително нагласи дека нема да има договор за Украина без учество на Европа.

The post ЌЕ ПРОРАБОТИ НАФТОВОДОТ ШТО ГИ СКАРА БУДИМПЕШТА И КИЕВ Зеленски најави новости по падот на Орбан appeared first on plusinfo.mk.