ЕСМ добива грант од 1,5 милиони евра од Европската Унија, наменета за зајакнување на внатрешните капацитети и забрзување на клучните активности за енергетска транзиција на компанијата. Помошта ќе се реализира преку Германската развојна банка КфВ.

Лазо Узунчев, генерален директор на АД ЕСМ рече дека грантот од Европската Унија, овозможен преку КфВ, претставува стратешки камен-темелник за институционална трансформација на ЕСМ кон сеопфатна, зелена и пазарно-ориентирана компанија.

-За ЕСМ ова е повеќе од премин кон обновливи извори на енергија, туку сериозна посветеност да станеме модерна и комерцијално конкурентна сила на европскиот енергетски пазар. Финансирањето ќе биде алатка за зајакнување на нашите внатрешни капацитети и корпоративно управување, преку финансирање на критични иницијативи за моделирање и стратешко планирање. Овој институционален фокус ја осигурува нашата оперативна одржливост, ја зајакнува енергетската безбедност на земјата и значително ги забрзува нашите напори за намалување на јаглеродниот отпечаток – рече Узунчев.

Штефан Худолин, Раководител на Одделот за соработка во Делегацијата на ЕУ во земјава рече дека забрзувањето на зелената транзиција никогаш не било толку блиску и толку возможно.

-Со поддршката од Европската Унија и гаранциите на ЕФСР+  земјата ќе добие финансиски средства и технички насоки од нашите партнери во КфВ за да ја забрза трансформацијата и декарбонизацијата на енергетскиот сектор во Северна Македонија. Оваа заедничка акција има трансформативен ефект за преминување од јаглен на зелена енергија, но истовремено придонесува за создавање на стабилен енергетски сектор во многу нестабилен климатски и геополитички свет – рече тој.

На потпишувањето на Договоротприсуствуваше и амбасадорката на Сојузна Република Германија, Петра Дрекслер според која последните  20 години Германија ја поддржува енергетската транзиција на јавните енергетски објекти во Северна Македонија.

-Покрај финансискиот ангажман, развојната германска банка КфВ става на располагање и експертиза со техничко водство и управување. Декарбонизацијата е прашање на тимска работа, а Германија и КфВ се посветени на постојаната поддршка за Северна Македонија на овој пат – рече Дрекслер.

The post ЕВРОПСКАТА УНИЈА ЈА ПОТТИКНУВА ЗЕЛЕНАТА ТРАНЗИЦИЈА НА ЕСМ Доделен е грант од 1,5 милиони евра appeared first on plusinfo.mk.

– До февруари следната година ќе бидат завршени уште 23 километри пруга јужно од Ниш до Брестовац. Имаме уште 135 километри во Србија и 50 километри во Северна Македонија да ги поврземе Скопје, Ниш, Белград, Нови Сад и Будимпешта. Тоа го договоривме со Владата на Северна Македонија. Заеднички ќе бараме финансии за нашите 135 километри и нивните 50 километри – изјави Весиќ .

Изградбата на таа пруга започна свечено, во септември 2021 година, во Долно Меѓурово, во присуство на претседателот на Србија Александар Вучиќ и бројни функционери.

Според планот, оваа пруга требаше да се изгради до јуни 2023 година. Изведувач на работите е конзорциум на бугарските компании Trace Group Holding PLC и Balkantel, вредноста на договорот е околу 60 милиони евра и станува збор за работи на модернизирање на пругата на меѓународниот Коридор 10 преку Србија, меѓу Ниш и Брестовац.

Кога станува збор за брзата пруга Белград – Ниш, Весиќ кажа дека таму ќе возат возови со брзина од 200 километри на час и дека работите ќе почнат следната година.

Весиќ рече и дека Европската комисија донела директива според која земјите кои не се членки на Европската унија, а низ кои минува коридорот можат да добиваат пари за железницата.

The post МАКЕДОНИЈА И СРБИЈА ЗАЕДНО ЌЕ БАРААТ ПАРИ ЗА БРЗАТА ПРУГА НИШ – СКОПЈЕ Ќе треба да се модернизираат уште 185 километри appeared first on plusinfo.mk.