Извештајот на Државниот завод за ревизија за 2023 година е директно ‘обвинение’ против ДУИ и поранешниот министер за образование Јетон Шаќири. Овој извештај јасно го разоткрива нивото на корупција, некомпетентност и криминална неодговорност што владееше во Министерството за образование под раководство на ДУИ, обвини коалицијата Вреди преку соопштение.

„За студентски дом во Тетово кој не функционира се потрошени 3,4 милиони евра, без вентилација, без храна, без минимални услови за студентите. 18 милиони евра неплатени студентски кредити од 1998 година, без никаков напор за нивно решавање. 13 милиони евра за научни книги кои ниту се дистрибуирани ниту регистрирани, едноставно скапале во магацини. 2,9 милиони евра за студенти во странство, без стратегија за нивно враќање и нивно ангажирање во земјата. Парите беа фрлени, младите беа напуштени. Напуштени градежни проекти од 2016 година, за кои се потребни уште 22 милиони евра за да се завршат, црна дупка за државниот буџет. Ова не се само административни пропусти. Ова е систематска кражба и организиран криминал против образованието! ДУИ ја уништи иднината на помладите генерации и го турна образованието во целосен колапс. Но, ова не е единствениот неодамнешен скандал. За кратко време, два негативни извештаи од Заводот за ревизија ги разоткрија злоупотребите на функционерите на ДУИ: Овој извештај за Министерството за образование и Јетон Шаќири, и Извештајот за злоупотребите во организацијата на самитот на ОБСЕ во Скопјe, во времето кога Бујар Османи беше министер за надворешни работи, уште еден доказ за неодговорност и недостаток на транспарентност во управувањето со јавните пари“, се вели во соопштението.

Вреди бара итна истрага и кривична одговорност за сите оние кои злоупотребиле јавни средства.

„Никој не е над законот. Времето на кражба во образованието и институциите е завршено. Вреди носи крај на неказнивоста на ДУИ и почеток на вистинска одговорност“, посочено е во соопштението.

The post „ДУИ И ЈЕТОН ШАЌИРИ ГО УНИШТИЈА ОБРАЗОВАНИЕТО“ Вреди бара итна истрага за сите што злоупотребиле јавни средства appeared first on plusinfo.mk.

„Дали се согласувате вашето дете утре да го започне часот со оваа корица? Слугите веројатно ќе го прават тоа, но родителите кои сакаат фер образование за своите деца треба добро да размислат. Потсетуваме дека оваа книга доаѓа откако како министер ја отстранив од употреба претходната книга поради навредлива содржина. Што се однесува до содржината на книгата и за тоа ќе пишуваме Влен никој не ги прашува… очекувано прифаќаат сѐ што им сервираат господарите на наша штета. Бесрамно вакво нешто ставаат во програмата“, реагираше Шаќири на соцвијалните мрежи.

Коментирајќи ја објавата на поранешниот министер, министерката за образование и наука, Весна Јаневска, истакна дека тоа претставува ширење на етничка и верска нетрпеливост.

– Едноставно не знам што да одговорам на ова прашање. Всушност, знам – очај и преголем срам. Не можам да сфатам како претходен министер за образование, интелектуалец, професор на факултет, може да си дозволи да искаже такво нешто. Малку беше етничка, сега ни треба и верска нетрпеливост и раздвојување на народот. Кирил и Методиј со своето грандиозно дело ги прифатиле цел свет. Значи, тие се копатрони на Европа, тие се основоположници на описменувањето на една третина од светот, тие се учители во суштинското значење на зборот. Секој ученик, секој жител на оваа држава треба да знае кои се Кирил и Методиј. Но, како одговор на она што го напишал министерот на сликата се и Мурат Втори, Скендербег и други значајни личности од тоа време кои живееле во периодот на Византија. Верската основа не може да биде причина за да се намали грандиозното дело на двајца светски познати луѓе. Се надевам дека министерот ќе размисли уште еднаш и ќе го повлече она што го направи оти она што вчера го објави претставува ширење на етничка и верска нетрпеливост. Напротив, оваа Влада се труди да направи заедништво и меѓу учениците и меѓу целото население и ние ќе продолжиме во тој правец – рече министерката.

The post 🎥📷 СВ. КИРИЛ И МЕТОДИЈ НА КОРИЦАТА НА УЧЕБНИЦИТЕ ПО ИСТОРИЈА ГО НАЛУТИЈА ЕКСМИНИСТЕРОТ ШАЌИРИ Со вакви срамни реакции се шири верска нетрпеливост, одговори Јаневска appeared first on plusinfo.mk.

Во решението за почеток со работа на факултетот е наведено дека на 3 јуни од универзитетот испратиле барање до Министерството за образование за утрдување на исполнетоста на условите за работа.

Четири дена подоцна на 7-ми јуни откако Агенцијата за квалитет во високото образование донела решение за акредитација на проектот за основање на факултетот, истиот ден Министерството за образование формирало комисија која на 10-ти јуни извршила увид во Струга, а на 11-ти веќе донела решение дека факултетот за здравствени науки ги исполнува сите услови за работа.

И покрај наведеното во решението, од Агенцијата за акредитација негираат дека факултетот ќе почне со работа, иако за тоа дале зелено светло.

Преку Фејсбук се огласи ресорниот Јетон Шаќири кој меѓудругото напиша дека министер не може да основа високообразовна установа.

„Тоа е цела постапка во која се инволвирани повеќе надлежни институции, а меѓу нив и Министерството за образование кое во суштина, има најмалку надлежности. Ништо противзаконски и ништо самоволно“, напиша министерот.

The post А СЕДМИОТ ДЕН БЕШЕ СОЗДАДЕН ФАКУЛТЕТОТ НА МЕРКО Постапката започнала на 3 јуни, а веќе на 11 јуни било сѐ готово appeared first on plusinfo.mk.

Ниту нешто посебно ми значи тоа што тој е на црната листа на САД.

Не ме интересираат ни деталите за постапката што е водена со цел на неговите медицински студии во основање да им се одобри акредитација.

Уште помалку ми значи објаснувањето зошто министерот во заминување Јетон Шаќири го потпишал решението за новиот Мерков погон за штанцање дипломи.

Едноставно, има причини поради кои некои нешта се нарекуваат – јавни тајни.

Една од таквите јавни тајни е дека Мерковиот универзитет е место каде што, како што се вели во реакцијата на коалицијата Влен, „низ годините, половина функционери на ДУИ, како и многу членови на нивните семејства, дипломирале преку ноќ, за да добијат државна работа“.

Влен најавува дека новата влада ќе ги преиспита сите дипломи што ги издал овој универзитет. И треба. Влен е во право кога вели дека со „бизнисите“ како овој на Рамиз Мерко, „Албанците се претставени со незнаење кое ги осиромашува и ги протерува од татковината“.

Но, граѓаните кои на изборите во април и во јуни гласаа за ВМРО-ДПМНЕ, за Влен и за ЗНАМ, нема да имаат трпение да сочекаат како ќе заврши тоа преиспитување и што ќе значи тоа за одобрените медицински студии во Струга.

На избирачите кои гласаа за партиите кои ќе ја состават новата влада им беше ветено дека конечно ќе престане праксата на упропастување на државните институции и на општеството во целина, со производство на некомпетенција, со форсирање на неспособните и партиски подобните, со клиентилизам и со корупција.

Ова е тоа!

На избирачите им беше ветено дека ова е тоа што ќе запре и што веќе нема да се повтори.

Како граѓаните ќе ѝ веруваат на новата влада, како ќе веруваат дека во иднина шанси ќе добијат способните и дека така ќе запре иселувањето на младите од Македонија, ако таа беневолентно ги прифати шверцуваните медицински студии на Мерко како завршена работа?

Внимавајте, за почеток тие студии ќе штанцаат дипломи за медицински сестри, а подоцна сигурно и за лекари. Тој медицински кадар ќе ги полни амбулантите и болниците на јавното здравство, а ние после ќе се чудиме зошто имаме најлошо јавно здравство во регионот и веројатно во цела Европа.

Може ли тоа да го дозволи новата влада, која треба да се озваничи во следните неколку дена?

Јас мислам дека не може.

Овој скандал, кој на новата влада ѝ е подметнат како кукавичко јајце, едноставно, ќе доведе до сериозно поткопување на довербата во неа на самиот почеток. Ако не сторат ништо во врска со ова, уште неседнати во своите фотелји, премиерот и министрите ќе добијат голем минус од граѓаните.

Затоа, очекувам новата влада да не му дозволи на Рамиз Мерко да отвори медицински студии. Без оглед какви комисии одлучувале за ова прашање и кој оценил дека неговиот универзитет има кадар, наставно-научна база и капацитети да произведува медицински кадар, никој не може да ги убеди граѓаните дека тоа не е уште една шарена лага, уште една корупциска зделка, уште една компромитација и понижување на македонската наука и на македонското здравство.

Не знам како точно може да се спречи овој, се надевам последен последен скандал на власта на ДУИ и на СДСМ, но сигурен сум дека мора да постои начин решението на министерот Јетон Шаќири да се стави вон сила.

Ете, иако непланирано, тоа ќе биде првата задача на новата влада.

Првата равенка.

Првиот тест на кредибилитетот.

Очекувам тестот да биде положен со чиста десетка.

Ништо помалку од тоа!

The post Прва задача за идната влада на Мицкоски – на Мерко не смее да му се дадат медицински студии! appeared first on plusinfo.mk.

„Би сакал да појаснам дека министер не може да основа високообразовна установа. Тоа е цела постапка во која се инволвирани повеќе надлежни институции и органи, а меѓу нив и Министерството за образование и наука кое во суштина, има најмалку надлежности. Основањето на една високообразовна установа, во случајов факултет во состав на веќе постоечки универзитет започнува со иницијатива на самиот универзитет, која најпрво треба да добие позитивно мислење, односно согласност од Владата. Потоа, Одборот за акредитација при Агенцијата за квалитет на високото образование го акредитира проектот доставен од универзитетот. Понатаму, следи носење на акти за основање и работа на факултетот од страна на матична комисија при универзитетот и дури потоа, по завршување на овие фази, врз основа на мислење на комисија за увид во исполнетост на условите за работа, во рамки на МОН, министерот за образование и наука носи одлука за исполнетост на условите и дозвола за почеток со работа. Во меѓувреме, Одборот за акредитација спроведува постапка за акредитирање на студиските програми, до чие завршување факултетот не може да запишува студенти. Оваа постапка е во тек“, пишува Шаќири во демантот.

Инаку, како и за повеќе други факултети, така и за овој, додава тој, Факултет за здравствени науки каде ќе има тригодишни студиски програми за медицински сестри, а не студии за доктори, по доставениот извештај од страна на комисијата во МОН, потпишав Решение за исполнетост на условите за почеток со работа на високообразовната установа.

„Ништо противзаконски и ништо самоволно“, тврди министерот.

НОВАТА ВЛАДА ЌЕ ГИ ПРЕИСПИТА СИТЕ ДИПЛОМИ ОД УНИВЕРЗИТЕТОТ НА МЕРКО Голем скандал на ДУИ пред заминување во опозиција, реагира Вреди

The post ВО СТРУГА ЌЕ ИМА ТРИГОДИШНИ СТУДИСКИ ПРОГРАМИ ЗА МЕДИЦИНСКИ СЕСТРИ Шаќири тврди дека не сторил ништо противзаконски appeared first on plusinfo.mk.

– Има нов колективен договор, нови одлуки на Министерството за финансии и нов начин на зголемување на платите. Од јануари директорката на ДИЦ ќе има простор да ги зголеми платите за 30 отсто. Мислам дека со тоа проблемот ќе се реши. Јас никогаш не велам дека не треба повисоки плати. Но, кога некој во јавноста сака да стане популарен и да блокира 500 наставници, тоа не е во ред – изјави Шаќири за ТВ24.

На ова реагираше Синдикатот на Државен испитен центар.

„Вие и Вашиот колега од Министерството за финансии би требало сериозно да си ја сфатите функцијата и да не ја доведувате во заблуда јавноста дека ќе го решите проблемот на почетокот на следната година. Имено, се повикувате на непостоечка уредба со која би добиле додаток на плата – не бараме додатоци, туку бараме достоинствена плата како што ја имате и Вие. Се повикувате и на Општ колективен договор кој би важел од јули 2025 година. Објаснете ѝ на јавноста за какво решение зборувате кога се повикувате во моментов на непостоечки документи – прашува во своето соопштение Синдикатот на Државен испитен центар.

Во соопштението се додава дека „сериозен политичар не смее да си дозволи да ја исмева борбата на вработените за достоинствена плата и за егзистенција нарекувајќи ја „желба за популарност“.

The post ПО НОВА ГОДИНА ПОГОЛЕМИ ПЛАТИ ВО ДРЖАВЕН ИСПИТЕН ЦЕНТАР? Министерот најавува, синдикалците не му веруваат appeared first on plusinfo.mk.

– Што се однесува за таа забелешка за предметот математика за шесто одделение, почитуваните автори имаат техничка грешка, без разлика што ако се гледа целосно задачата има и неколку решенија странично од задачата. Јас официјално побарав забелешки, зошто се работи за универзитетски професори, тие кои се вклучени. Кога тие ќе достават објаснување зошто е направена таа техничка грешка или решение на тие проблематики, веднаш ќе доставиме и до јавноста и исто така до наставниците или просветните работници“, рече министерот Шаќири, одговарајќи на новинарски прашања.

ЗБИРОТ НА АГЛИТЕ ВО ЗАТВОРЕН ТРИАГОЛНИК Е 190?! На професорка по математика ѝ се плаче, ѝ се урла

The post ТРИАГОЛНИКОТ СО АГЛИ ЧИЈ ЗБИР Е 190 СТЕПЕНИ ЌЕ ОДИ НА ПОПРАВКА Министерот вели дека тоа е техничка грешка во учебникот appeared first on plusinfo.mk.

Сè поочигледно е дека министерот Јетон Шаќири го инструментализира МОН ставајќи го функција на исполнување агенда која ни малку не е поврзана со образованието и подобрувањето на системот за образование во Македонија – реагира партијата Левица во соопштение.

„По шверцувањето ученици со несоодветен број бодови во економското училиште „Јовче Тесличков” – Велес, сега своите самоволија министерот Шаќири ги спроведува на територија на општина Чашка, во училиштето ООУ „Тодор Јанев” во населба Чашка. Најпрво, ги има одземено надлежностите од градоначалникот, за потоа да постави своја директорка. Училиштето работи без највисокиот орган за управување, Училишниот одбор, а директорката на своја рака кон средината од ноември формирала паралелка првооделенци на албански наставен јазик составена од шест ученици.

Освен што ваквото постапување е во спротивност со Статутот на училиштето истото се коси и со реонизацијата на ученици, бидејќи паралелката е формирана со ученици за кои ниту не е извршен упис во училиштето, односно не се запишани во главната книга на училиштето, а чии родители немаат место на живеење во Чашка.

На територија на општина Чашка веќе постои училиште во кое наставата во целост се одвива на албански јазик („Лирија” во с. Горно Јаболчиште). Шесте првачиња во н. Чашка кои не се жители на населбата Чашка се сместени во просторија која се наоѓа надвор од училишната зграда, во интернатот кој претходно е затворен.

Министерот Јетон Шаќири не успева да продуцира учебници, но затоа продуцира хаос креирајќи проблеми и провоцирајќи меѓуетнички несогласувања и нетрпеливост! Левица во целост ги поддржува протестите на родителите во Чашка и најостро го осудува самоволието што Шаќири го промовира“ – се вели во соопштението на Левица.

The post ЈЕТОН ШАЌИРИ СЕ ОБИДУВА НАСИЛНО ДА ФОРМИРА ПАРАЛЕЛКА НА АЛБАНСКИ ЈАЗИК ВО ЧАШКА! Левица силно ги поддржува протестите на родителите appeared first on plusinfo.mk.

Протестот ќе биде со блокирање на регионалниот пат на раскрсницата во населено место Јурумлери кон Драчево (кај бензинската пумпа).

Родителите велат дека ова е општ сенароден мирен протест, на кој секој може да даде поддршка на сите родители чии деца учат во ООУ „Његош“ и секој е поканет да им се приклучи.

Министерот за образование Шаќири ја започнал постапката за одземање на ингеренциите на Општина Гази Баба врз училиштето „Његош“, како и за разрешување на директорката, со образложение дека не организирале формирање на уште една паралелка на албански јазик.

Градоначалникот на Гази Баба, Бобан Стефковски, вели дека одлуките на Шаќири се без законска основа.

Родителите на децата Македонци и градоначалникот велат дека директорката одлично ја извршува својата работа, но дека училиштето има просторен проблем и дека нема услови за уште една паралелка. Градоначалникот вели дека токму поради просторниот проблем иницирал до Владата изградба на училишен објект во Идризово.

ПРВО БОЈКОТ НА НАСТАВАТА, ПОСЛЕ БЛОКАДА НА ПАТОТ, ПА СО ШАТОРИ ПРЕД ВЛАДА! Кулминира револтот во ОУ „Његош“ во Јурумлери

The post РОДИТЕЛИТЕ НА ДЕЦАТА ОД „ЊЕГОШ“ НА ПРОТЕСТ Патот кон Драчево в сабота 1 час ќе биде блокиран appeared first on plusinfo.mk.

Министерот за образование Јетон Шаќири неодамна изјави дека дел од учебниците доцнат поради графичко-техничката подготовка, поради неможноста да се најдат автори, но и рецензенти на ракописите. Шаќири најави дека учебниците по „Историја и општество“ за петто и за шесто одделение ќе доцни – нема кој да го рецензира.

Комисијата за спречување и заштита од дискриминација (КСЗД), донесе одлука да поднесе тужба за заштита од дискриминација од јавен интерес против МОН поради тоа што недостасуваат учебници во основното образование.

Весна Јаневска од ВМРО-ДПМНЕ во утринска емисија на Алфа телевизија рече дека во моментот „се случува хаос во образованието“.

– Родителите кажуваат дека мора да копираат книги, а образованието е бесплатно по закон, значи државата го крши законот. Наставниците се принудени да подготвуваат материјали кои треба веќе да им се подготвени и направени и би предупредила дека ако изборите бидат во мај, тоа значи дека уште сега треба да ги подготвуваат учебниците за да има готови учебници за на 1 септември следната година – изјави Јаневска која е претседателка на комисијата за образование во рамки на партијата.

The post УЧЕНИЦИТЕ УЧАТ СО ДИКТИРАЊЕ ЗАТОА ШТО НЕМААТ УЧЕБНИЦИ Ова им создава дополнителна тензија appeared first on plusinfo.mk.