Алвес се оперирала во Турција, а сега ѝ останало само 20 отсто од обемот на желудникот, така што повеќе не чувствува глад. Операцијата се изведува со отсекување на поголем дел од желудникот, при што неговиот капацитет е драстично намален.

Долго време се борела со вишокот килограми, за кои смета дека ги предизвикала хормонската терапија.

– Хормоните што ги земам поради транзицијата задржуваат многу течност во организмот, па само затоа сум постојано гладна – објаснила таа за „Мејл онлајн“.

Како што вели, сега консумира само пијалаци за детоксикација, а за во иднина планира уште една операција на носот и операција за феминизација на гласот.

Потрошила повеќе од 650.000 долари на пластична операција, a своевремено признала дека ѝ е жал што порано не започнала со трансформацијата во жена.

Додека била сè уште маж, ѝ биле вградени вештачки плочи во стомакот и оперирано лице. Таа сега го надградила својот изглед со операција на градите и колковите, а извадила и дел од ребрата.

Инфлуенсерката често е мета на критичарите поради количината на пластичните операции коишто потенцијално ѝ го загрозуваат животот. Иако во еден момент ветила дека ќе престане, сепак, продолжила со операциите.

ФОТО: Инстаграм

The post Поранешниот „човечки Кен“ остави само 20 отсто од желудникот: Повеќе не чувствувам глад! (ФОТО) appeared first on plusinfo.mk.