Триумфот на Шкендија и го донесе најмладиот стрелец во историјата на ПМФЛ, 16-годишниот Дашмир Елези, со својот трет гол сезонава.

Во пресрет на последното есенско коло, кое е на програмата в среда, Шкендија има недостижни шест бодови предност пред Шкупи, на второто и Македонија ЃП, на третото место.

Актуелниот првак Вардар испушти предност од два гола за само бод на крајот во градското дерби против Македонија ЃП, додека Пелистер конечно ја прекина серијата од 11. натпревари без победа, со триумфот во Битола над Беласица.

ПМФЛ-17. Коло

Академија Пандев – Шкендија 0:1 (Елези 53)

Борец – Силекс 2:0 (Прелчец (п) 7, Ристовски 13)

Пелистер – Беласица 1:0 (Талевски 81)

Струга Трим – Работнички 2:1 (Османи 6, Абдул 81 – Ѓурѓевиќ (п) 21)

Вардар – Македонија ЃП 2:2 (Мирчевски 19, Цветановски 52 – Калид 57, Божиновски 67,

Ренова – Шкупи 0:0 (одиграно во сабота)

Табела: Шкендија 39, Шкупи 33, Македонија ЃП 33, Струга Трим 25, Борец 25, Силекс 22, Вардар 22, Работнички 21, Ренова 16, Пелистер 15, Академија Пандев 14, Беласица 9.

The post Шкендија е есенски првак appeared first on plusinfo.mk.

Белгија го помина врвот на есенскиот бран на пандемијата на коронавирусот и се симна од врвот на списокот на земјите на ЕУ со најтешка епидемиолошка состојба, односно најголем број на заразени лица по глава на жител.

Белгија со 1.333 заразени на 100.000 жители, сега е зад Чешка (1.551) и Луксембург (1.459).

Зад Белгија се Словенија и Лихтенштајн со над 1.000 заразени на 100.000 жители, додека последна во ЕУ според бројот на заразени со ковид-19 е Финска со 53 заразени на 100.000 жители.

Белгиските здравствени власти истакнаа дека по воведувањето на вонредните мерки за затворање, бројот на новозаболени и хоспитализирани во Белгија полека почна да се намалува, но притисокот врз единиците за интензивна нега продолжува и бројот на смртни случаи „значително се зголемува“.

Белгија бележеше просечно по 10.500 новозаразени секој ден во текот на изминатата недела, што е намалување за 35 проценти во споредба со претходната недела. Од 29 октомври до 4 ноември, во просек имало 165,3 смртни случаи дневно, што е зголемување за 66,4 проценти во споредба со седмицата од 22 до 28 октомври.

Во последните 24 часа во земјата починале 199 лица, со што вкупната бројка на смртни случаи од почетокот на пандемијата достигна 12.907.

The post Во Белгија помина врвот на новиот бран на коронавирусот appeared first on plusinfo.mk.