Од СДСМ признаа дека прислушувале и следеле преку АНБ и АР, и сега наместо да се извинат, пред сè, лажат и манипулираат.

– СДСМ најпрвин треба да се извини за 5 години следење на претседателот Христјан Мицкоски, новинари и на бизнисмени, кои заедно со нивните семејства биле под константна присмотра на службите. Откако ќе се извинат, треба да ги повикаат Виктор Димовски, Еролд Муслиу и Љупчо Коцевски на одговорност. Наместо тоа, гледаме како СДСМ од петни жили ги штити сите кои ги злоупотребувале институциите, затоа што очигледно работеле по партиска задача – рече пратеникот на ВМРО-ДПМНЕ, Бране Петрушевски.

Јавното обвинителство не смее со денови да молчи и да не презема никаква акција, додаде тој.

– Загрозена била приватноста на голем број луѓе цели 5 години. Службите влегле во нивните животи, со цел да го забават падот на СДСМ од власт и нивно што подолго одржување, а со цел распродажба на државните интереси и правење криминал. Доколку ЈО и обвинителот Коцевски останат нем набљудувач, треба да знаат дека тоа нема долго да трае и дека и тие ќе одговараат – рече Петрушевски.

The post И КОЦЕВСКИ ЌЕ ОДГОВАРА АКО ОСТАНЕ НЕМ НАБЉУДУВАЧ НА ПРИСЛУШУВАЊЕТО Од СДСМ прво да се извинат, па да ги повикаат Димовски и Муслиу на одговорност, порача Петрушевски appeared first on plusinfo.mk.

„Изминатите 7 години на власт, СДСМ во клучните Агенции за национална безбедност (АНБ) и за разознавање (АР), од суштинска важност за безбедноста на Македонија, постави некомпетентни и партиски кадри.

Таков е случајот со партискиот функционер, Виктор Димовски, кого СДСМ го постави на чело на АНБ. Димовски беше член на ИО на СДСМ, кое е највисоко тело во опозициската партија, а беше и член на нивните комисии.

Додека, пак, Еролд Муслиу, кој раководеше со Агенцијата за разузнавање (АР), злоупотребувајќи ја позицијата, активно следеше функционери на ВМРО-ДПМНЕ, а од агенцијата направи партиски штаб на СДСМ.

Исто така, потсетуваме дека СДСМ изврши партизација и во УБК, кога за директор го постави Миле Зечевиќ кој своевремено беше висок партиски функционер, а потоа стана и генерален секретар“, се вели во соопштението на партијата.

Но, се наведува во соопштението, за разлика од партиските назначувања на СДСМ, за ВМРО-ДПМНЕ приоритет е стручноста, професионализмот и компетентноста на кадрите.

„Изборот на Бојан Христовски за директор на АНБ е чекор кон враќање на професионализмот и интегритетот во безбедносните служби кои ќе работат за заштита на државните интереси и за независноста на службите. На сите им е јасно дека ВМРО-ДПМНЕ ја прекинува практиката на партиска контрола над безбедносните служби. Стручноста, професионализмот и интегритетот ќе бидат водечки принципи. Безбедносните служби мора да функционираат во интерес на народот и на државата, а не како што досега служеа како инструмент за партизација“, се додава во соопштението.

The post СДСМ НАЗНАЧИЛ ПАРТИСКИ ВОЈНИЦИ ВО БЕЗБЕДНОСНИТЕ СЛУЖБИ Еролд Муслиу активно следел функционери на ВМРО-ДПМНЕ, обвини партијата appeared first on plusinfo.mk.