Припадниците на армијата на Етиопија, полицијата во Еритреја, специјалните полициски паравоени сили во регионот Амхара и полицијата на Амхарик Фано користеле сурово сексуално насилство како оружје во воените конфликти, се наведува во извештајот составен по интервјуа со 63 жртви.

Жените и девојчињата биле жртви на индивидуално и групно силување, сексуално ропство, генитално осакатување и други форми на тортура. Жртвите постојано биле понижувани и во некои случаи биле силувани пред членовите на нивните семејства.

Според извештајот на Амнести интернешнл, здравствените центри во Тигреј регистрирале 1.288 случаи на насилство врз жени само во периодот од февруари до април 2021 година, а лекарите проценуваат дека многу жртви и не доаѓале да побараат помош.

– Јасно е дека силувањето и сексуалното насилство се користеа како оружје за да предизвикаат трајна физичка и психолошка штета врз жените и девојчињата во Тиграј. Стотици од нив беа подложени на брутален третман со цел да ги понижат и дехуманизираат, изјави главната секретарка на Амнести, Агнес Каламард.

„Со оглед на контекстот, обемот и сериозноста на сексуалното насилство извршено врз жените и девојчиња во Тиграј, овие злосторства може да се сметаат за воени злосторства, а, исто така, може да се сметаат и за злосторства против човештвото“, додаде Каламард.

Етиопските власти почнаа истрага и досега најмалку тројца војници се осудени за силување, а 25 од нив се кривично гонети за „сексуално насилство и силување“.

Борбите во северниот регион Тиграј почнаа во ноември 2020 година, откако премиерот Абиј Ахмед ја испрати федералната армија да се бори против Народниот ослободителен фронт на Тиграј (ТПЛФ), што во оовј регион од Етиопија доминираше повеќе од 25 години, до 2018 година, кога Абиј Ахмед стана премиер.

Во јуни, централната влада изненадувачки прогласи прекин на огнот, но борбите продолжија со драматични последици за локалното население. Според ОН, околу 400.000 луѓе во Тиграј гладуваат, а стотици илјади луѓе избегаа во соседните земји.

The post МАСОВНИ СИЛУВАЊА ВО ЕТИОПИЈА Жени и девојчиња силувани пред членовите на семејствата appeared first on plusinfo.mk.

Ова не е ни толку изненадуцачка информација со оглед на тоа што се работи за еднопартиска држава во која владее претседателот Исајас Афеверки. Својата независност од Етиопија, Еритреја официјално ја стекна во 1993 година.

Владата ги укинала сите противнички партии и локалните приватни медиуми, а на младите им ја наметна воената обврска. Токму од таа причина, голем број од жителите на оваа земја се одлучуваат да ја побараат среќата во некоја друга држава. За жал, многумина починаа во обидот да ја преминат Сахара и Средоземното Море за да пристигнат во Европа.

Единствената телефонска мрежа е „ЕриТел“, и таа е во сопственот на државата. Сервисот е значително лош и строго контролиран. Сите оние кои сакаат да набават своја картичка, најпрво треба да се обратат директно во Владата. Добивањето картичка е ретко, а оние на кои ќе им се посреќи немаат добар сигнал и пристап до интернет. Поради тоа луѓето најмногу ги користат телефонските говорници.

Жителите на Еритреја ретко користат интернет преку ви-фи конекција, бидејќи сигналот е многу слаб и бавен. За да ги користат социјалните мрежи, тие мораат да се вклучат во приватната виртуелна мрежа „VPN“ за да ја заобиколат цензурата што ја поставила Владата.

Владата ги ограничила и парите што луѓето можат да ги подигнат од своите сметки. Дури и да имаат милиони евра на сметките, месечно можат да подигнат максимум 330 долари. Сите трансакци со пари се вршат во банките, бидејќи во земјата нема ниту еден банкомат.

Ако сакате да купите нов автомобил, потребно е во текот на секој месец да подигате одредена скромна сума пари од својата сметка за да можете со текот на времето да ја соберете посакуваната сума која ви е потребна за нов автомобил. Единствена ситуација која се смета за вонредна е одобрување за подигнување пари за венчавка. Во тој случај, треба да напишете молба до банката, а Владата да одобри подигнување поголеми средства кои би биле доволни за да се плати венчавката.

Во Еритреја постои само една ТВ станица, а тоа е државната телевизија ЕриТВ. Но, ако успеете да набавите антена, тогаш можно е да фатите сигнал од други ТВ станици акко што се Асена, Ерисат и Би-Би-Си.

Државата има само една пиварница која е отворена во 1993 година и сè уште нема конкуренција. Таму можете да испиете само едно пиво, а кој сака повеќе мора да поведе некој од своите пријатели.

Младите во Еритреја очајнички посакуваат да ја напуштат татковината, но таа желба не им се остварува на сите. Исправни и валидни пасоши се добиваат дури кога ќе отслужите воен рок. Потоа ви е потребно и писмо со препорака, а тој процес може да трае со години.

За излез од земјата потребна е виза која тешко се добива, бидејќи државата се плаши дека луѓето никогаш повеќе нема да се вратат дома. Поради тоа, стапката на илегално иселенштво во земјата е многу висока и младите постојано бараат начини како да ја напуштат државата.

The post Северна Кореја има конкуренција – во оваа земја не постојат банкомати, тешко се доаѓа до пасош, а можете да испиете само едно пиво на ден appeared first on plusinfo.mk.