Апелациониот суд Скопје ја укина првостепената пресуда против Лидија Димова и предметот го врати на повторно судење пред Основниот кривичен суд Скопје.

Како што информираат од судот, по одржаната јавна седница на 11 март годинава, уважени се жалбите и на одбраната и на обвинителството, по што пресудата е укината поради суштествени повреди на кривичната постапка. Предметот со сите списи е вратен на првостепениот суд на 30 март 2026 година, каде ќе треба повторно да се разгледа.

Според Апелација, во пресудата не било јасно утврдено за кои конкретни дејствија обвинетата е прогласена виновна, а за кои е ослободена, што претставува сериозен пропуст во постапката.

Основниот кривичен суд ја осуди Димова на две години затвор за злоупотреба на службената положба и овластување, како и обврска да надомести штета од 22,7 милиони денари на Националната агенција за европски образовни програми и мобилност.

The post АПЕЛАЦИЈА ЈА УКИНА ЗАТВОРСКАТА КАЗНА ЗА ЛИДИЈА ДИМОВА Предметот е вратен на повторно судење appeared first on plusinfo.mk.

Грантот од 270 илјади евра од програмата Еразмус + на фамозната фризерница првенствено бил одбиен, па Лидија Димова од СДСМ ургирала и го преиначиле во одобрен, тврди Валентин Манасиевски од ВМРО-ДПМНЕ.

На прес-конференција Манасиевски обвини и дека за грантот лично интервернирала Маја Колеќњска, вработена од страна на Димова.

Во продолжение ја пренесуваме изјавата на Манасиевски.

„Преку свиркачи, добивме информација за која СДСМ и Димова треба да одговорат, а тоа дека еден од проектите на фризерницата која има добиено 270 илјади евра преку Еразмус +, бил првенствено одбиен, па потоа одобрен.

Дали е точна информацијата, дека раководителката на одделението за буџетска контрола во Еразмус +, Маја Колеќеска, вработена од страна на Лидија Димова, лично интервенирала за овој проект?

Ако е точна оваа теза, треба да се постави и прашањето, зошто фирмата на Златковски В.Е.З. Трејд била одбиена, па потоа прифатена? Дали блискоста на триото Колеќеска-Димова-Златковски довело до злоупотребување на службената положба, и грантот од одбиен, станал одобрен.

Исто така, дали овој проект бил пониско рангиран од останатите кои имале повеќе бодови, меѓутоа бил одобрен поради блискоста на Димова и Златковски, која можеме да ја видиме на оваа фотографија?

Лицемерно е СДСМ да зборува за криминал и корупција, кога тие се предвесници на криминалот и корупцијата. За СДСМ никогаш нема одговорност, затоа што тие купуваат судии, потплаќаат обвинители, даваат грантови на професори и нивни активисти.

Затоа, народот кога ќе ја слушне кратеницата СДСМ, првата асоцијација им е криминал и корупција“.

The post ГРАНТОТ ЗА ФРИЗЕРНИЦАТА ПРВИЧНО БИЛ ОДБИЕН, ПА ДИМОВА ЛИЧНО УРГИРАЛА? Тројката Колеќеска-Димова-Златковски правела фати-пушти пред конечната одлука appeared first on plusinfo.mk.

Фризерница во време на Зоран Заев, добива проекти за медиумска писменост преку Еразмус +, вредни над 270.000 евра, обвини Валентин Манасиевски од ВМРО-ДПМНЕ.

– Продолжуваме и денес со сомнителните проекти од Еразмус +, да потсетиме дека Заев и Димова, доделија неколку грантови вредни над 270.000 евра за медиумска писменост, на фризерско студио, во период од 3 години. Фризерското студио со две столчиња, добива неколку години по неколку грантови од Еразмус +, односно Заев и Димова, вредни вкупно над 270.000 евра. Секако, погодувате и за овој проект, сопственикот на фризерницата е близок пријател токму на Лидија Димова, односно поранешен граѓански и партиски активист на СДСМ – рече Манасиевски.

Ниту имаше, ниту моментално има одговорност за сомнителните случаи, каде што лица блиски до СДСМ, или пак членови на партијата, судии, професори, се наполнија со проекти вредни стотици илјади евра.

– Во СДСМ владее паника и страв дека на виделина излегува вистината за нивното криминално и коруптивно владеење во Агенцијата Еразмус+. Нивните судии и обвинители треба малку да се позанимаваат со овие работи. Одговорност мора да има – вели Мннасиевски.

The post ФРИЗЕРНИЦА ВО ВРЕМЕ НА ЗАЕВ СЕ ОФАЈДИЛА СО 270.000 ЕВРА ОД ЕРАЗМУС Берберот бил партиски активист на СДСМ, обвини ВМРО-ДПМНЕ appeared first on plusinfo.mk.

Брат на пратеник од СДСМ добил вкупно 205.000 евра преку европската програма Еразмус+, обвинува Валентин Манасиевски од ВМРО-ДПМНЕ. Манасиевски вели дека парите биле наменети за дресура на магариња и за правење сирење.

„СДСМ и Заев преку Димова и Еразмус + доделија неверојатни 83 илјади евра за дресура на магариња. Нешто невидено и невообичаено, но сепак за СДСМ и нивното владеење, ништо ново. Проектот беше доделен на брат на пратеникот на СДСM, Диме Велковски.

СДСМ не запреа тука. Покрај дресурата на магариња, доделија и дополнителни 125 илјади евра од Агенцијата Еразмус +, токму на братот на пратеникот Диме Велковски за проектот „Избери сирење’’.

Заев и СДСМ преку Димова се изживуваа и го цедеа Буџетот на Агенцијата Еразмус +. Проекти се делеа на ним блиски луѓе, на судии, професори, браќа на пратеници.

Ниту еден проект не помина незабележителен од страна на Европската заедница и од јавноста. Тоа говори дека СДСМ, Димова и Заев, не си ја вршеле чесно работата. Затоа е тука и обвинителството кое воедно повторно го повикуваме наместо да ги штити нивните платеници, да ја донесе конечно правдата во државата“, вели Манасиевски од партиската говорница.

The post 205.000 ЕВРА ОД ЕРАЗМУС+ ЗАВРШИЛЕ КАЈ БРАТ НА ПРАТЕНИК ОД СДСМ? Биле наменети за дресирање магариња и за правење сирење appeared first on plusinfo.mk.

СДСМ си го плаќал идеологот Љубомир Фрчкоски, со 200 илјади евра преку Еразмус +, обвинува ВМРО-ДПМНЕ. Валентин Манасиевски, член на ЦК на ВМРО-ДПМНЕ денеска праша дали Фрчкоски уште одработува за овие пари.

„Еразмус + на Лидија Димова и Зоран Заев дале 200 илјади евра на проект на кој конкурирал Фрчкоски. Каде е сега тој? Фрчкоски со години е најгласен протеже на СДСМ, тој ги изнесува на површина работите кои СДСМ ги мисли, а не сака јавно да ги каже.

Секогаш кога треба некој да се навреди, да се нападне или да се шиканира, тука е Фрчкоски. Ова е начинот на кој СДСМ ја користел Еразмус +. Плаќани биле судии, професори, и квази експерти. Во СДСМ владее страв и паника, бидејќи излегуваат на виделина сите работи кои ги правеле СДС, Заев и Димова“, тврди Манасиевски.

The post СДСМ ГО ПЛАЌАЛ ФРЧКОСКИ ПРЕКУ ЕРАЗМУС+? Заев и Димова му дале 200.000 евра преку проект, обвинува Манасиевски appeared first on plusinfo.mk.

Коалицијата Вреди излезе со свој став за, како што велат, провокациите на новиот директор на програмата Еразмус, Петар Богојески.

Оттаму велат дека тој неретко лавира во ставовите во зависност од личните очекувања.

„Јавноста го памети од поддржувач на СЈО, реформатор на ВМРО-ДПМНЕ до македонски националист, ама на батерии. Затоа, уште едно потценување на Албанците е кога ДУИ се обидува да пласира теза дека ЕУ интеграциите на Македонија наводно зависат од ваков лик. Прашањето е зошто ДУИ пред вака да се срами не го прашала Талат Џафери како Богојески бил државен советник во Министерството за одбрана? Зошто на ДУИ не му пречеа неговите антиалбански ставови кога беа во официјална коалиција со Груевски и со Мијалков? За разлика од ова изгубено опозициско раководство на ДУИ, ние не кукаме кога е тешко, туку се бориме системски да ги исправаме грешките. Со сите пречки со кои се соочуваме и со последиците од криминалниот режим на Ахмети, Груби, Османи и нивните послушници кои ги наследивме, ние ќе го реформираме системот и ќе изградиме одржливи решенија за Албанците“, порачаа од Вреди преку соопштение.

Ова следува откако прво ДУИ реагираше на назначувањето на Богојески. Од партијата на Али Ахмети велат дека назначувањето на личност која, како што истакнуваат, целата своја јавна и политичка кариера ја изгради на навреди и омаловажувања на Албанците, претставува директна провокација не само за Албанците во Македонија, туку и за самата европска идеја во земјата.

„Посебно е иронично и трагично што овој поединец е предмет на кривична пријава токму од Вреди, а денес со нивна поддршка е награден со лидерска функција. Овој чин е јасен сигнал: навредите кон Албанците не само што не се санкционираат, туку се наградуваат и со државни функции. Ова е опасна порака дека секој што сака да гради политичка кариера треба само да го понижи албанскиот народ“, наведоа меѓу другото од партијата на Али Ахмети.

The post ПРАШАЈТЕ СИ ГО ТАЛАТ КАКО ПЕТАР СТАНА СОВЕТНИК ВО МИНИСТЕРСТВОТО ЗА ОДБРАНА „Богојески е националист на батерии“, возврати Вреди на нападите од ДУИ appeared first on plusinfo.mk.

Петар Богојески, лидерот на „Македонски концепт“, коалиционен партнер во власта предводена од ВМРО-ДПМНЕ е поставен за нов директор на Националната агенција за европски образовни програми и мобилност „Еразмус“.

Тој соопшти дека бил избран на Јавен повик на позицијата директор на оваа национална институција.

Официјалното примопредавање на обврските во рамки на ЕУ, во присуство на претставници на Европската комисија, ќе се одржи на 15 мај 2025 година во Варшава, Полска, соопшти Богојески.

Најголем дел од фондот на пари со кои располага агенцијата доаѓа од програмата на Европската Унија „Еразмус+“ наменета да го поддржи образованието, обуката, младите и спортот во земјите во Европа, меѓу кои и Македонија.

Богојески доаѓа на местото на Марко Ѓоргиевски, кој ја водеше оваа институција од ноември 2020 година.

Во 2018 година Богојески како „реформатор и фракционер“ беше разрешен од функцијата заменик генерален секретар во ВМРО-ДПМНЕ.

The post ПЕТАР БОГОЈЕСКИ СТАНА ДИРЕКТОР НА „ЕРАЗМУС“ На 15 мај во Варшава официјално ќе ја преземе функцијата appeared first on plusinfo.mk.

Генералниот директорат за образование млади, спорт и култура на Европската комисија, согласно извештајот на ОЛАФ, на 30 ноември 2023 по е-пошта пратил известување до Националната агенција за европски образовни програми и мобилност со барање за поврат на средствата, а овој месец Агенцијата примила известување и за конечност на одлуката.

Директорот на Националната агенција Марко Ѓоргиевски на прес-конференција соопшти дека предметот е кај Основното јавно обвинителство за гонење организиран криминал и корупција, но поради предистражната постапка не може да соопшти повеќе детали.

– Во известувањето бевме информирани дека постојат одредени наоди за неправилности во врска со проектни досиеја на 22 корисници на грант од програмата Еразмус+ финансирани од Европската комисија. Согласно ова известување, се бара поврат на средства 2.276.212 евра кои биле доделени како грантови во периодот од 2016 до 2018 година – рече Ѓоргиевски.

Кога било добиено известувањето, на крајот на минатата година имале состаноци со МОН, Секретаријатот за европски прашања и Делегацијата на ЕУ во Скопје, а седница имала и Владата. Потоа Агенцијата го контактирала Генералниот директорат за образование млади, спорт и култура на Европската комисија и побарала дополнителни информации поврзани со извештајот на ОЛАФ со цел, како што рече Ѓоргиевски, „да ги дефинира следните чекори и сѐ што е потребно да се преземе како институција во однос на нивните наоди, но и да побара насоки како ќе се спроведува повратот на средствата доколку барањето се финализира“.

Во меѓувреме, Националната агенција пратила барање и до Управата за финансиска полиција при Министерството за финансии за информации во врска со извршените проверки на ОЛАФ.

– Од таму нѐ информираа дека до Управата за финансиска полиција е пристигнат извештај од ОЛАФ и дека тој е доставен до надлежен обвинител од Основното јавно обвинителство за гонење организиран криминал и корупција. Во март Националната агенцијата доби известување за конечноста на одлуката за поврат на средства од имот за борба против измами од Генералниот директорат за образование млади, спорт и култура согласно извештајот на ОЛАФ… Откако сме информирани за случајот, заедно со Владата се обидуваме преку интензивна комуникација и координација со релевантни европски институции да се најде најсоодветно решение како да се реализира овој поврат и како да не се повторуваат вакви случаи во иднина – истакна директорот на Агенцијата.

Со оглед дека е во тек предистражна постапка што ја спроведува Основното јавно обвинителство за гонење организиран криминал и корупција, тој замоли за разбирање дека не може да сподели повеќе детали во однос на овој предмет.

Тој нагласи дека Агенцијата е отворена за соработка и со сите нивни ресурси и документација им стои на располагање на Обвинителството што го истражува предметот и на Управата за финансиска полиција.

The post МАКЕДОНИЈА ТРЕБА ДА ВРАТИ 2,2 МИЛИОНИ ЕВРА ЗЛОУПОТРЕБЕНИ ПРЕКУ ЕРАЗМУС+ Спорни се 22 грантисти од 2016 до 2018 година appeared first on plusinfo.mk.

Професорот Шуклев е осуден на затворска казна од четири ипол години за примање поткуп, а професорот Ристевски за две кривични дела примање поткуп, доби казна затвор од четири години.

На Денковски за три кривични дела давање поткуп, судот му изрече алтернативна мерка условна осуда и му утврди единствена казна затвор од 2 години која нема да се изврши ако не стори ново кривично дело во наредните пет години.

Судот на Шуклев и Ристевски им изрече забрана за вршење професија од дејност или должност во образовниот процес во траење од 5 години.

Оваа е второ судење за предметот „Еразмус“, затоа што во јуни 2021 година, предметот падна на Апелација, која го врати предметот на повторно судење и не ги потврди затворските казни за професорите од Економскиот факултет кои претходно ги изрече Кривичниот суд.

При изрекување на пресудата, за професорите Шуклев и Јанев, судијата дополнително кажа дека е утврдено оти барале и сексуални услуги од студентки.

Според обвинението, во текот на 2016 година, обвинетот Шуклев побарал 1.000 евра од една студентка за да положи 2 испита, иако студентката на еден испит не покажала знаење, а другиот предмет не го пријавила, ниту го полагала. Побарал од студентка и секс, да дојде во 7 наутро, кога никој немало на факултет, или ѝ предложил на студентката да размисли дали сака во кола или во стан. Ѝ кажал дека вкупно ќе помогне за 6 предмети. Побарал и секс услуга и 700 евра во индексот.

Професорот Ристевски добил од двајца студенти 1000 евра и им напишал оценка 6 иако листовите на испитот ги дале празни. Откако сведокот Дејан Трајковиќ ги зел двата индекса со по 500 евра, побарал и бланко пријави за испит. Во текот на 2015 и 2016, обвинетиот Драган Денковски им помагал на професорите.

Пресудата ја донесе судијката Фанка Јанчулева Михаилоска.

The post БАРАЛЕ ПАРИ И СЕКС УСЛУГИ ОД СТУДЕНТКИ По 4 години затвор за професорите Шуклев и Ристевски appeared first on plusinfo.mk.

Во југоисточна Туркије каде утринава беше регистриран силен земјотрес се наоѓаат вкупно девет македонски државјани, осум ученици и нивниот ментор кои преку програмата „Еразмус плус“ престојуваат во Турција и не се во животна опасност,

„Нашите претставништва обезбедија информации и стапија во контакт со деветте наши државјани кои се наоѓаат во загрозениот регион. Се работи за осум ученици и нивен ментор/наставник, кои преку програмата „Еразмус плус“ престојуваат во Република Туркије. Како последица од земјотресот, двајца од учениците се здобиле со телесни повреди: едниот ученик е со потешки повреди – скршеница на која во моментов работат медицински лица и е во фаза на санирање – додека вториот ученик е со полесни повреди. Ниту еден од учениците и менторот не е во животна опасност, соопшти МНР.

Оттаму посочуваат дека досега нема информација за други наши државјани кои се наоѓаат во загрозена состојба, или на кои им е потребна асистенција.

„Нашите претставништва остануваат континуирана комуникација како со надлежните институции на Туркије, така и со наши граѓани кои се информираат и кои информираат за состојбите на терен. По инструкција на МНР, дипломат од Амбасадата во Анкара е веќе упатен во регионот за да помогне во евакуацијата на учениците од градот Кахраман Мараш, како и да обезбеди информација и присуство директно на терен во најзагрозените делови за евентуални дополнителни интервенции. Ја користиме приликата уште еднаш да посочиме дека нашите дипломатски претставништва во Туркије се на 24-часовно располагање за сите евентуални прашања, на телефонските броеви: +905394569710 во Анкара, +905456149777 во Истанбул, и + СОС телефонот на МНР во Скопје 38975273732“, стои во информацијата од МНР.

The post ДВАЈЦА УЧЕНИЦИ ОД МАКЕДОНИЈА ПОВРЕДЕНИ ВО ЗЕМЈОТРЕСОТ Вкупно 8 ученици oд земјава и нивниот ментор престојуваат во Туркије appeared first on plusinfo.mk.