Во позадина, густ црн чад и остатоци, сцената е катастрофална, а потоа одеднаш, со навидум само површни повреди, се појави Вишвашкумар Рамеш, единствениот преживеан од несреќата на Боинг 787 што се случи кратко по полетувањето.

Во фаталната несреќа на авионот на Ер Индија што требаше да превезува патници од индискиот град Ахмедабад до Лондон на 12 јуни, загинаа 241 лице. Сите освен Рамеш.

Unbelievable! New video of lone survivor, Viswashkumar Ramesh has emerged, showing him walking out from the crash site.

He is seen wearing a white t-shirt and holding his phone in left hand.#AirIndia #AhmedabadPlaneCrash pic.twitter.com/xV83t2yjGX

— Ishani K (@IshaniKrishnaa) June 16, 2025

Тој седеше на седиштето 11а, кое беше веднаш до вратата за итен излез, а денес, кога се сеќава на настанот, вели дека е чудо што ја измамил смртта, но и дека изгубил сè тој ден, бидејќи неговиот помлад брат Аџај бил само неколку седишта подалеку. Откако се вратил во својот дом во Лестер, Рамеш се бори со посттрауматско стресно растројство (ПТСН), но, како што вели, денес се чувствува како „најсреќниот човек на светот“, иако признава дека траумата го скршила, бидејќи страда физички и психички.

– Јас сум единствениот преживеан. Сè уште не верувам. Вистинско чудо е. Но, го загубив брат ми кој ми беше голема поддршка. Сега сум оставен сам. Седам сам во мојата соба, не разговарам со сопругата и синот. Сега ми се допаѓа само да бидам сам во мојата куќа – рече тој во интервју за Би-Би-Си.

UPDATE – Ramesh Viswashkumar, a British national, is the lone survivor of the Air India plane crash. He reportedly jumped out of the emergency exit.

So many questions about this AI 17i flight prominent passengers etc…so many questions pic.twitter.com/tPk9HueQeZ

— Jack Straw (@JackStr42679640) June 12, 2025

Тој не сакаше да зборува за денот кога се случи големата трагедија, велејќи дека е премногу болно да се сети на таа катастрофа, а за време на делови од интервјуто се распадна.

– За мене, периодот по оваа несреќа… беше многу тежок. Физички и психички. Тешко е и за моето семејство. Мајка ми седи пред вратата секој ден во последните четири месеци и не кажува ништо. Не разговарам со други. Не сакам да зборувам, не можам многу да зборувам и мислам цела ноќ и страдам психички. Секој ден е болен за целото семејство – додаде тој.

Кога зборуваше за своите физички повреди, рече дека сè уште чувствува болка во ногата, рамото и грбот.

– Кога одам, не одам како што треба, одам бавно, а сопругата ми помага – рече тој.

Неговите советници го опишуваат како изгубен и скршен и велат дека има долг пат до закрепнување. Тие исто така велат дека бараат средба со раководителите на Ер Индија, тврдејќи дека авиокомпанијата се однесувала лошо кон него од денот на несреќата. Исто така, се споменува дека Ер Индија му понудила привремена отштета од 21.500 фунти, која била прифатена, но неговите советници веруваат дека тоа не е доволно. Имено, семејниот бизнис за риболов што го водел со својот брат до несреќата оттогаш пропаднал.

As far as Vishwashkumar Ramesh is concerned, the intermin payment of £21,500 offered to him and his family from Air India is nowhere near enough given the dire straits they have been left in.https://t.co/dhMwLfGF7a pic.twitter.com/y47ZUZD3mv

— Naomi Canton (@naomi2009) November 3, 2025

Портпаролот на неговото семејство вели дека претставниците на Ер Индија биле поканети на состанок три пати и дека сите три пати биле „игнорирани или одбиени“, додека авиокомпанијата, која е во сопственост на групацијата TATA, тврди дека високи претставници на компанијата ги посетуваат семејствата за да изразат најдлабоко сочувство и дека на претставниците на Рамеш им е понудено да организираат таков состанок.

The post 📷📽️ ЈА ИЗМАМИ СМРТТА, НО ИЗГУБИ СЀ Потресна исповед на единствениот преживеан од авионска несреќа appeared first on plusinfo.mk.

Прелиминарниот извештај за несреќата на авионот на компанијата „Ер Индија“, во која минатиот месец загинаа 260 лица, покажа дека три секунди по полетувањето, прекинувачите за гориво на моторите се префрлиле од позиција „вклучено“ во позиција „исклучено“, со што моторите останале без гориво.

Авионот „Боинг 787- Дримлајнер“ веднаш почнал да ја губи висината, покажува извештајот објавен од индиските истражители на воздухопловни несреќи.

На снимката од пилотската кабина може да се слушне како еден од пилотите го прашува другиот зошто го исклучил горивото. Вториот пилот одговорил дека не го сторил тоа, се наведува во извештајот. Не е наведено кој го упатил повикот за помош непосредно пред несреќата, пилотот или копилотот.

На местото на несреќата, двата прекинувачи за гориво биле пронајдени во позиција „вклучено“, а во извештајот се наведува дека постојат индикации дека е направен обид за рестартирање на двата мотори кратко пред ударот.

И двајцата пилоти биле искусни, со вкупно околу 19.000 часа лет, вклучувајќи повеќе од 9.000 часа во „Боинг 787“.

Прелиминарниот извештај, исто така, не објаснува како прекинувачите можеле да бидат префрлени во позиција „исклучено“ на летот од 12 јуни од индискиот град Ахмедабад до Лондон.

Префрлањето на прекинувачот во позиција „исклучено“ ги запира моторите речиси веднаш. Оваа акција најчесто се користи за исклучување на моторот откако авионот ќе пристигне на излезната порта на аеродромот или во одредени итни ситуации, како што е пожар во моторот.

Во извештајот не се наведува дека имало некаков вонреден настан што би барал исклучување на моторот.

A plane crash is reported in India. According to media sources, from 240 to 290 people were on board.

There is no information on injured or dead yet. The plane crashed in the residential area.

What a tragedy. pic.twitter.com/upI7jB4w4W

— Anton Gerashchenko (@Gerashchenko_en) June 12, 2025

The post 🎥 АВИОНОТ НА „ЕР ИНДИЈА“ СЕ УРНА ПОРАДИ ИСКЛУЧЕН ДОТОК НА ГОРИВО ВО МОТОРИТЕ Првичниот извештај за несреќата е вознемирувачки appeared first on plusinfo.mk.

Авион на „Ер Индија“ од типот „Боинг 787-8 Дримлајнер“, кој летал кон Њу Делхи, бил принуден да се врати назад во понеделникот, откако пилотот соопштил дека леталото се соочува со технички проблеми во воздух, објави Индепендент.

Летот на „Ер Индија“, со број AI 315, полетал од Хонг Конг кон Њу Делхи во 11:59 часот по локално време, со крајна дестинација во главниот град на Индија.

Според официјални лица, авионот безбедно слетал назад во Хонг Конг околу 15:20 часот по локално време.

Природата на техничкиот проблем засега не е позната.

The post АВИОН „БОИНГ“ НА „ЕР ИНДИЈА“ СЕ СООЧИЛ СО МИСТЕРИОЗЕН ТЕХНИЧКИ ДЕФЕКТ СРЕД ЛЕТ Леталото се вратило во Хонг Конг од каде што полетало appeared first on plusinfo.mk.

Британецот Вишваш Кумар Рамеш (40), единствениот преживеан од уривањето на авион на „Ер Индија“ во Ахмадабад, контактирал со семејството и им соопштил дека е „во ред“, изјави неговиот братучед Ајеј Валги за Би-Би-Си њуз.

Според весникот „Хиндустан Тајмс“, Рамеш преживеал, а Валги додаде дека тој бил сместен до својот брат на летот и дека има сопруга и мал син дома.

На прашањето дали Рамеш е единствениот преживеан, Валги потврдил дека добил таква информација, но дека не е сигурен.

– Да, чувме така, но не можеме да потврдиме сè додека не добиеме официјална информација – рекол тој.

Тој истакна дека семејството е среќно што Рамеш е жив, но длабоко тажно поради судбината на неговиот брат.

– Не ни е добро, сите сме вознемирени. Многу сум вознемирен, тој не ми е само братучед, туку и брат и најдобар пријател – рече Валги, додавајќи дека семејството чека информации за она што се случило со братот на Рамеш.

ИМА ЕДЕН ПРЕЖИВЕАН ОД АВИОНСКАТА НЕСРЕЌА ВО ИНДИЈА Еве како Рамеш го опишал своето грозоморно искуство

The post ЕДИНСТВЕНИОТ ПРЕЖИВЕАН ОД АВИОНСКАТА НЕСРЕЌА ВО ИНДИЈА ИМ СЕ ЈАВИЛ НА БЛИСКИТЕ Неговиот седел до него во авионот, семејството е скршено appeared first on plusinfo.mk.