Американскиот претседател, Доналд Трамп, денеска го напушти Пекинг и е на пат кон САД по дводневните серија средби со кинескиот претседател Си Џинпинг, насочени кон решавање на отворените несогласувања меѓу двете најголеми економии во светот.

Авионот „Ер Форс Уан“ на американскиот претседател полета од меѓународниот аеродром во Пекинг, по церемонијата на испраќање на пистата, објави Си-ен-ен.

За време на тридневната посета на Кина, Трамп учествуваше на државен банкет, посети неколку историски места, имаше билатерална чајанка и работен ручек со кинеското раководство.

Американскиот претседател по денешната последна билатерална средба со неговиот домаќин, го пофали кинескиот претседател Си Џинпинг, нарекувајќи ги Кинезите голем народ и најавувајќи ја неговата посета на САД во септември.

Трамп го заврши своето обраќање на состанокот со кинескиот претседател со констатацијата дека зад себе имале „неколку навистина одлични денови“.

Тој изрази надеж дека и кинескиот претседател во септември ќе си замине од САД „многу импресиониран како што е тој многу импресиониран од Кина“.

Денешната последна средба двајцата лидери ја имаа во комплексот Џонгнанхаи, местото каде што работат и живеат лидерите на кинеската централна влада, вклучувајќи го и претседателот Си.

Тој објасни дека комплексот некогаш бил дел од царската градина и дека е проткаен со историја, а за време на прошетката на Трамп му покажа и дрво старо 490 години.

Како подарок, тој вети дека ќе му испрати семки од кинески рози што Трамп ги видел во градината.

The post ТРАМП ОДЛЕТА ОД ПЕКИНГ СО „ЕР ФОРС УАН“ Ја заврши тридневната посета на Кина appeared first on plusinfo.mk.

Претседателскиот авион на Доналд Трамп полета кон Пекинг со необична делегација во која доминираат технолошки милијардери, шефови на Волстрит и директори на американски индустриски гиганти.

На летот кон Кина се качиле Илон Маск, Тим Кук и Јенсен Хуанг, човекот што ја претвори „Енвидија“ во симбол на глобалната AI револуција.

Во авионот се и директори на „Блекрок“, „Блекстоун“, „Голдман Сакс“, „Мастеркард“, „Квалком“, „Микрон“, „Боинг“, „Виза“ и „GE Aerospace“.

Самата слика од „Ер Форс Уан“ повеќе потсетува на летечки економски самит отколку на класична државна посета.

– Имаме многу теми за разговор (со претседателот на Кина). Искрено, не би рекол дека Иран е една од нив, бидејќи во голема мера го имаме Иран под контрола – изјави Трамп подоцна за новинарите.

Team CHYYYYYNA pic.twitter.com/UxGprTTWMV

— Lara Trump (@LaraLeaTrump) May 12, 2026

Изјавата доаѓа во чувствителен момент, бидејќи Кина останува еден од најголемите купувачи на иранска нафта и важен дипломатски партнер на Техеран.

Посетата е и прва на Трамп во Кина од 2017 година во време кога Вашингтон и Пекинг водат трговска војна и се тркаат во технологија и во енергетика.

Технологија, чипови и нова геополитика

Присуството на шефовите на технолошките компании не е случајно. Вашингтон и Пекинг со месеци водат тивка војна околу чиповите, вештачката интелигенција, ретките минерали и контролата врз идните технологии.

Токму Јенсен Хуанг и „Енвидија“ станаа центар на глобалната борба за АИ доминација, бидејќи американските чипови се клучни за развојот на кинеската технолошка индустрија.

Hi from the Alaska refuel. Navida CEO Jensen Huang boarding Air Force One here to join President Trump on China trip. Elon Musk is also on the plane pic.twitter.com/KKp9TaJTS8

— Emily Goodin (@Emilylgoodin) May 13, 2026

Истовремено, Илон Маск има огромни деловни интереси во Кина преку фабриките на „Тесла“, додека „Епл“ со години зависи од кинеските производствени синџири.

Тим Кук, кој наскоро ќе се повлече од челната позиција во „Епл“, практично ја претставува генерацијата директори што ја врза американската технологија за кинеските фабрики.

Трамп испрати порака и за Иран

Додека летал кон Пекинг, Трамп повторно зборуваше за Иран.

– Не мислам дека ни е потребна никаква помош со Иран. Ќе победиме на еден или друг начин, мирно или на друг начин – им рече тој на новинарите.

Подоцна додаде дека Вашингтон „во голема мера го има Иран под контрола“.

Пекинг станува центар на новиот светски баланс

Трамп и кинескиот претседател Си Џинпинг ќе имаат први директни разговори по повеќе од шест месеци.

Средбата се случува во време кога трговските спорови повторно растат, војната со Иран ја тресе глобалната енергетика, а технолошката трка меѓу САД и Кина станува сè поагресивна.

The post 📷 ДУЗИНА ТЕХНОМИЛИЈАРДЕРИ НА ЧЕЛО СО МАСК ЛЕТААТ ЗА КИНА Трамп ветува дека Иран нема да биде тема appeared first on plusinfo.mk.

Поранешната американска прва дама и екс-држаен секретар Хилари Клинтон ја обвини администрацијата на претседателот Доналд Трамп за „прикривање“ во постапувањето со досиејата поврзани со сексуалниот престапник Џефри Епстин.

Во интервју за Би-Би-Си во Берлин, таа порача дека објавувањето оди „бавно“ и повика на целосна транспарентност.

– Извадете ги досиејата. Објавувањето бавно им оди – изјави Клинтон.

Белата куќа возврати дека администрацијата направила „повеќе за жртвите отколку што направиле демократите“, нагласувајќи дека биле објавени илјадници страници документи.

На прашањето дали и принцот Ендру Маунтбатен-Виндзор треба да сведочи, Хилари одговори:

– Мислам дека секој што е замолен да сведочи треба да сведочи.

Комитетот нема овластување да го принуди принцот да се појави. Сепак, Комитетот врши притисок врз Клинтонови, кои се согласија да сведочат. Хилари ќе се појави на суд еден ден пред нејзиниот сопруг, екс-претседателот Бил Клинтон, кој треба да сведочи на 27 февруари.

Ова ќе биде првпат поранешен американски претседател да сведочи пред конгресен панел од 1983 година, кога тоа го стори Џералд Форд.

Клинтон побара сослушувањето да биде јавно.

– Ќе се појавиме, но мислиме дека би било подобро да биде јавно. Немаме што да криеме. Сончевата светлина е најдоброто средство за дезинфекција.

Министерството за правда на САД претходно објави милиони страници поврзани со истрагите за Епстин. Дел од околу 3 милиони страници не се објавени поради лични медицински досиеја, графички материјали и содржини што можат да ги загрозат истрагите.

Пратеници, меѓу нив и републиканецот Томас Маси, бараат објавување и на интерни меморандуми за одлуките околу евентуални обвиненија.

Актуелниот претседател на САД Доналд Трамп, кој исто така е споменат во досиејата, изјави дека нема што да крие.

– Ослободен сум од обвинението. Немав никаква врска со Џефри Епстин – рече Трамп на авионот „Ер Форс Уан“.

Министерството за правда претходно соопшти дека некои документи содржат „невистинити и сензационалистички тврдења“ против Трамп.

Епстин почина во затвор во Њујорк на 10 август 2019 година, додека чекаше судење за трговија со луѓе. Претходно беше осуден за барање проституција од малолетничка.

Ниту Хилари ниту Бил Клинтон не се обвинети од преживеаните жртви. И двајцата негираат дека знаеле за злоупотребите.

The post ХИЛАРИ КОНТРА ТРАМП, ВЕЛИ ДЕКА ФАЛАТ ДОСИЕЈА НА ЕПСТИН „Јас и Бил ќе сведочиме, секој треба да сведочи“ appeared first on plusinfo.mk.

Претседателот на САД вели дека модринката на левата дланка која ја забележаа новинарите му се појавила поради „големата дневна доза на аспирин“. Враќајќи се од самитот во Давос во авионот „Ер Форс Уан, Доналд Трамп изјави дека лекот му предизвикува полесно создавање на модринки.

– Велам, земете аспирин ако ви се допаѓа срцето, но не земајте ако не сакате да имате малку модринки. Јас земам многу аспирин.

Портпаролката на Трамп, Каролин Ливит, пак, објасни дека претседателот ја удрил раката од работ на масата за потпишување во Давос.

President Donald J. Trump was asked earlier on Air Force One about an unusually large bruise that was visible on his left hand during today’s events in Davos, to which he responded, “I’m very good. I clipped it on the table. So I put a little – what do they call it? – cream on… pic.twitter.com/JSeRTCmKHu

— OSINTdefender (@sentdefender) January 23, 2026

Четворица лекари, двајца хирурзи и двајца интернисти, за „Ројтерс“ потврдиле дека аспиринот навистина може да придонесе за полесно создавање модринки.

Во интервју за „Волстрит журнал“, Трамп рекол дека зема поголема доза од препорачаната – „сакам убава, тенка крв да ми тече низ срцето“. Минатото лето, портпаролката Ливит им кажала на новинарите дека модринките потекнуваат од „премногу ракувања“.

Трамп, 79, е вториот најстар претседател во историјата на САД, по Џо Бајден, кој ја напушти функцијата во 2025 година на 82-годишна возраст.

The post 📽️ TOA МИ Е ОД МНОГУ АСПИРИН, ГО ЗЕМАМ ЗА СРЦЕТО Трамп не успеа да ја сокрие модринката на дланката appeared first on plusinfo.mk.

Претседателскиот авион „Ер Форс Уан“, во кој патуваше американскиот претседател Доналд Трамп, мораше итно да се врати во базата во Мериленд кратко по полетувањето, откако екипажот забележал технички проблем.

Авионот бил на пат кон Давос, Швајцарија, каде што Трамп требаше да учествува на Светскиот економски форум. Како што соопштија од Белата куќа, станувало збор за „мал електричен проблем“, поради што, од безбедносни причини, било одлучено леталото да се врати назад.

„Ер Форс Уан“ полетал од заедничката база Ендрус, но по кратко време слетал повторно во базата во 23:07 часот по локално време.

Новинарите кои патувале со претседателот изјавиле дека кратко по полетувањето светлата во нивната кабина се изгаснале, без притоа да добијат официјално објаснување во тој момент.

Околу еден час подоцна, Трамп го продолжил патувањето со друг авион. Според „Асошиејтед прес“, станува збор за „Ер Форс Ц-32“, модифицирана верзија на „Боинг 757“, која американскиот претседател често ја користи за домашни летови и за слетување на помали аеродроми.

The post МРАК ВО „ЕР ФОРС УАН“, АВИОНОТ ПРИНУДНО ВРАТЕН Дефект го одложи летот на Трамп кон Давос appeared first on plusinfo.mk.