Документите од досиејата на Џефри Епстин повторно ја вознемирија јавноста. Нови материјали, објавени од Министерството за правда на САД, покажаа години континуиран контакт меѓу Наоми Кемпбел и Џефри Епстин – пораки, повици, патувања и покани на елитни настани.

Контактите, според документите, опфатиле период од 2003 до 2016 година, и тоа и пред и по пресудата на Епштајн за сексуални престапи врз малолетник од 2008 година.

Покани, забави и „веднаш јавете се“

Во серија пораки од 2015 година се наведува барање до асистентката на Епстин:

„Ве молам, веднаш јавете се на Наоми. Таа вели дека навистина треба да разговара со вас“.

Во друга порака од истата година стои:

„Сакам да го видам Џефри. Дали оди во Мароко?“

Документите откриваат дека Кемпбел го поканувала Епстин на ексклузивни модни забави, меѓу кои и нејзината раскошна забава за 40-тиот роденден во Кан.

Спомнати се и покани за гала-настани во Париз, како и за хуманитарни модни ревии што самата ги организирала.

Бизнис разговори и фотографии

Дел од комуникацијата имала и деловен карактер. Во порака од 2005 година, Кембел барала совет во врска со својата линија костими за капење за „Викторијас Сикрет“.

„Здраво, јас сум Наоми. Би сакала да знам кога можам да разговарам со Џефри за мојата линија костими за капење за состанокот Викторијас Сикрет. Имам фотографии и неколку костими за капење со мене“, напишала таа.

Во 2010 година, асистентката на Епстин организирала средба меѓу Кемпбел, нејзиното тогашно момче и малопродажната магнатка Линда Вахнер во домот на финансиерот.

Приватниот авион како постојана тема

Записите од 2016 година прикажуваат низа барања за користење на приватниот авион на Епштајн.

Во една порака асистентката наведува дека Кемпбел „нема резервен план“ и дека веќе резервирала хотел, автомобил и возач, очекувајќи летот да се реализира.

Имиња што се појавуваат во сенка

Во досиејата се споменуваат и други познати личности. Меѓу нив е и Мик Џегер, за кого постојат пораки поврзани со можни вечери и контакти со Епстин. Во документите се појавува и името на Жилејн Максвел, осудена како негова соработничка, која, според записите, испраќала пакети и посредувала во комуникации.

Името на Кемпбел се споменува и во сведоштвата на две наводни жртви на Епстин. Едната тврди дека го запознала на забава во неговата вила во Њујорк каде присуствувала и манекенката. Другата наведува дека Епстин ѝ ветувал работа во „Викторијас Сикрет“, повикувајќи се на познанството со Кемпбел.

Јавна дистанца и предупредување

Наоми Кембел претходно јавно изјави дека однесувањето на Епстин било „неоправдано“.

– Кога слушнав што направил, бев згрозена до срж. Јас сум со жртвите – изјави таа.

Министерството за правда на САД, сепак, предупреди дека дел од објавените документи може да содржат неточни или фалсификувани материјали и дека нивното објавување не претставува доказ за злоупотреба.

The post „САКАМ ДА ГО ВИДАМ ЏЕФРИ“ Сенките на Епстин ја стигнаа Наоми Кемпбел appeared first on plusinfo.mk.

По долго очекување, Министерството за правда на САД објави повеќе од 3.000 досега недостапни фотографии и документи поврзани со истрагата против Џефри Епштајн, но со сериозни цензури и затемнувања, пишува „Гардијан“. Објавата веднаш предизвика лавина реакции.

На дел од објавените материјали може да се видат личности од светскиот јавен живот , меѓу нив Мајкл Џексон, Ричард Бренсон, Бил Клинтон, Дијана Рос, Крис Такер, Вуди Ален и Ноам Чомски, во друштво со Епштајн или во неговиот поширок круг на познанства. Сепак, во ниту еден од документите не се наведува сугестија за незаконско постапување на овие личности.

Објавените материјали, првиот дел од она што законот го нарече „Epstein Files Transparency Act“, дојдоа по повеќе години притисок од јавноста и Конгресот. Министерството најави дека ова е само почеток на процесот што ќе трае со месеци. Од канцеларијата на заменик-главниот обвинител Тод Бланш беше соопштено дека при прегледот на материјалите се идентификувани повеќе од 1.200 жртви и членови на нивните семејства.

Повеќе од 1.200 жртви

– Овој процес резултираше со идентификација на повеќе од 1.200 имиња на жртви или нивни роднини. Референците за овие имиња се редактирани. Покрај затемнувањето на имињата на жртвите, ние исто така не објавуваме материјал што би можел да доведе до нивна идентификација – изјави Бланш, нагласувајќи дека заштитата на жртвите останува апсолутен приоритет.

А Демократите да објаснат за нивните врски?

Од Белата куќа, пак, излегоа со сосема поинаков тон. Портпаролката Абигејл Џексон оцени дека администрацијата на Доналд Трамп е „најтранспарентната во историјата“ и дека со објавата на илјадници страници документи покажала дека стои зад ветувањата за отвореност. Според неа, Трамп направил повеќе за жртвите од сите негови претходници.

BREAKING: There are thousands of Epstein files out there.

Tons of photos show Bill Clinton with alleged victims and other women, plus Chris Tucker, Michael Jackson, Mick Jagger, Kevin Spacey, and plenty of other high-profile names.

Just sharing a few pics/vid for now. I’ll be… pic.twitter.com/hVqLGUdjhg

— Ape𝕏 (@CubanOnlyTrump) December 20, 2025

30 seconds of Bill Clinton in the newly released Epstein files. pic.twitter.com/EbPij7Fbpk

— Remarks (@remarks) December 19, 2025

– Со објавување на документите и со соработка со Конгресот, администрацијата на Трамп направи повеќе за жртвите отколку што некогаш направиле демократите. Додека претседателот Трамп ги исполнува своите ветувања, неговите противници сè уште не објасниле зошто имале средби со Епштајн по неговата осуда – изјави Џексон, со што го насочи вниманието кон политичката полемика која повторно го дели Вашингтон.

Гилејн Максвел пак е главна „ѕвезда“

Голем дел од материјалите прикажуваат фотографии од патувања на Епштајн и неговата партнерка Гилејн Максвел, но речиси сите се сериозно редактирани. Министерството за правда ја оправда оваа постапка со одредбите на Законот за транспарентност, кој дозволува отстранување на содржини што би можеле да ја откријат личноста на жртвите или да содржат материјал што упатува на сексуална злоупотреба на деца.

Во некои документи стои предупредување дека содржината може да биде вознемирувачка и „несоодветна за сите читатели“.

Многу прашања ќе останат без одговори?

Во јавноста повторно оживеа и прашањето со кои влијателни луѓе Епштајн се дружел пред да биде осуден во 2008 година, кога по пријава од родителите на 14-годишно девојче беше обвинет дека ја злоупотребил нивната ќерка во неговата вила во Палм Бич. Тогаш постигна спогодба со обвинителите, призна вина за подведување малолетник и доби релативно блага казна, избегнувајќи подолг затвор.

Досиејата се очекува да фрлат ново светло врз тоа колку длабоки биле неговите врски со бизнисмени, политичари и јавни личности пред неговото самоубиство во затворот во Менхетн во 2019 година, каде што го чекаше судењето за нови обвиненија за трговија со луѓе. Дел од експертите предупредуваат дека и по ова објавување, многу прашања за неговата мрежа и за потенцијалните соработници остануваат без одговор.

The post ИЛЈАДНИЦИ ДОКУМЕНТИ КОНЕЧНО ОБЈАВЕНИ, ИМИЊАТА НА 1.200 ЖРТВИ ЦЕНЗУРИРАНИ Епштајн сликан со Чомски, Вуди Ален, Мајкл Џексон… appeared first on plusinfo.mk.