На 88-годишна возраст, кога зад себе има повеќе од шест децении филмска кариера, два „Оскари“ и десетици незаборавни улоги, Сер Ентони Хопкинс отвора сосема ново поглавје. Легендарниот британски актер го објави својот прв официјален сингл „Бракен Роуд“ и најави дека на 21 август ќе го издаде албумот „Life Is a Dream“, со што практично започнува нова кариера – како композитор на класична музика.

Хопкинс открива дека музиката, а не актерството, била неговата прва животна љубов. „Музиката беше мојата прва желба, мојот прв сон. Компонирам цел живот“, изјави славниот актер, додавајќи дека некои од композициите на новиот албум ги носи со себе со децении и постојано им се навраќа. Албумот ќе содржи оркестарски дела создадени во текот на последните шест децении, а ќе ги изведуваат престижниот Филхармонија оркестар од Лондон под диригентската палка на прославениот маестро Густаво Дудамел.

Во снимањето учествуваат и виолончелистот Грегорио Нието и пијанистот Серхио Тиемпо, што дополнително му дава тежина на проектот. Првиот сингл „Бракен Роуд“ е инспириран од детството на Хопкинс во Јужен Велс. Композицијата претставува музички омаж на улиците, ливадите, полињата и планините меѓу кои пораснал, додека други дела на албумот се инспирирани од неговото семејство, родната земја и богатата филмска кариера.

Иако јавноста го доживува пред сѐ како еден од најголемите актери на својата генерација, Хопкинс одамна негува и други уметнички страсти. Свири пијано уште од четиригодишна возраст, компонира од младоста, а покрај тоа е и признат сликар. Дел од неговите композиции биле изведувани и претходно, но „Life Is a Dream“ е неговиот најголем и најличен музички проект досега.

The post ЕНТОНИ ХОПКИНС НА 88 ГОДИНИ САКА ДА СТАНЕ МУЗИЧКА ЅВЕЗДА Холивудската легенда ќе се посвети на својата голема љубов – класичната музика appeared first on plusinfo.mk.

Ентони Хопкинс (87), се присети на настанот што го навел да си признае дека има проблем со пиењето.

Хопкинс во подкастот „Интервју“ за „Њујорк тајмс“ изјави дека возел автомобил додека бил во Калифорнија под дејство на алкохол и сфатил дека може да повреди или убие некого.

– Можев да убијам некого или себеси, за што не ми беше грижа во тој момент – рече тој. Додаде дека можел да го загрози и целото семејство во автомобилот.

Оскаровецот рече дека тогаш сфатил дека е алкохоличар и се освестил. Се присетил и на моментот кога ѝ пристапил на својата поранешна агентка на забава во Беверли Хилс и ѝ рекол: „Ми треба помош“.

Хопкинс, исто така, опиша како, откако присуствувал на програма од 12 чекори во Лос Анџелес, почувствувал внатрешен глас што му помогнал да престане да пие.

– Погледнав на часовникот. Беше точно 11 часот. И тогаш слушнав длабок глас, кој рече: „Сè е завршено. Сега можеш да почнеш да живееш. Сè имаше цел, затоа не заборавај ниту еден момент.“

Актерот го опиша гласот како машки, „како радио глас“ и рече дека му ја отстранил желбата за алкохол.
Хопкинс е трезен неколку децении. Зборувајќи за своето искуство, тој рече дека нема друго објаснување освен сила што ја нарекува божествена или моќ што постои во секој од нас од раѓање.

Хопкинс, исто така, ја спомена поддршката од неговото семејство за време на неговите години трезвеност. Тој вели дека неговата сопруга му била значајна помош во одржувањето на стабилен живот, но не навлегуваше во личните детали од нивниот приватен живот.

Актерот, исто така, рече дека неговото искуство со алкохолот влијаело на неговите односи со најблиските, но дека долгорочната поддршка од неговото семејство била клучна за неговото одржување на трезвеноста и професионалниот ангажман.

The post СФАТИВ ДЕКА МОЖАМ ДА УБИЈАМ НЕКОГО! Ентони Хопкинс го открива моментот што го натерал да се откаже од алкохол appeared first on plusinfo.mk.

Легендарниор актер Ентони Хопкинс (87), се потсмеваше на новиот производ на брендот „СКИМС“, чиј сопственик е старлетата Ким Кардашијан.

Новиот производ од линијата на долна облека за обликување на телото, кој е наменет за лице наречен „Ултимативно лице“ (Ultimate Face) на Кардашијан ги остави обожавателите во шок бидејќи го споредија со маската против каснување на негативецот Лектор од култниот филм „Кога јагнињата ќе замолчат“ што ја носеше Хопкинс во филмот од 1991 година.

 

View this post on Instagram

 

A post shared by Anthony Hopkins (@anthonyhopkins)

Хопкинс, кој освои Оскар за улогата на канибал во филмот „Кога јагнињата ќе замолчат“, стави маска на лицето и се пошегува: „Ти благодарам, Ким. Не плаши се да дојдеш на вечера“. „Здраво Ким, се чувствувам веќе 10 години помлад. Довидување“.

Коментарите беа полни со смеа и воодушевување од фановите и публиката.

„Ова е причината зошто постои интернетот, многу смешно“, „Не очекував Ентони Хопкинс да се потсмева на Ким“, „Брилијантно, те обожавам“, „Никогаш нема да го избришам Инстаграм поради тебе“ – напишаа фановите.

Ким Кардашијан продава маска за обликување на лице како дел од нејзиниот бренд „СКИМС“. Со овој потег, таа докажа дека на жените ширум светот им се наметнуваат нереални стандарди за убавина.
Оваа маска за лицето, Seamless Sculpt Face Wrap, чини 48 долари, а нејзината намена е да ви ги вовлече образите и да ја обликува линијата на вашата вилица додека спиете. Се закопчува на врвот од главата и позади, на вратот.

 

View this post on Instagram

 

A post shared by SKIMS (@skims)

The post 📽️ ХАНИБАЛ ЛЕКТОР ЈА ПОКАНИ КИМ КАРДАШИЈАН НА ВЕЧЕРА Ентони Хопкинс се потсмева со новата маска за лице на старлетата appeared first on plusinfo.mk.

• АНЏЕЛИНА ЏОЛИ И НЕЈЗИНИОТ СИН НОКС ИМ ПОМАГААТ НА ПОГОДЕНИТЕ ОД ПОЖАРИТЕ ВО ЛОС АНЏЕЛЕС Актерката ќе донира пари за пожарникарите

По трагичната загуба на својата куќа во пожар, Хопкинс се огласи на својот профил на Инстаграм со потресна порака.

„Додека сите ние се бориме да закпрепнеме од уништувањето на овие пожари, важно е да запомниме дека единственото нешто, што секогаш можеме да го земеме со себе, е љубовта што ја даваме“, напиша актерот.

 

View this post on Instagram

 

A post shared by Anthony Hopkins (@anthonyhopkins)

Куќата на Хопкинс се наоѓаше во Пацифик Палисадес.

Тој не е единствената позната личност чијашто куќа изгоре, меѓу нив се Парис Хилтон, Мел Гибсон, Кенди Спелинг и многу други.

ПОЖАРОТ ВО ЛОС АНЏЕЛЕС ЈА ГОЛТНА КУЌАТА НА МЕЛ ГИБСОН Актерот за тоа време гостувал на поткаст кај Џо Роган

The post КУЌАТА НА ЕНТОНИ ХОПКИНС ИЗГОРЕ ВО СТРАШНИТЕ ПОЖАРИ ВО ЛОС АНЏЕЛЕС Актерот напиша потресна порака на својот профил на Инстаграм appeared first on plusinfo.mk.

– Добро утро! Јас сум тука, во мојата родна земја Велс и на 83-годишна возраст не очекував да ја добијам оваа награда. Јас навистина не го очекував тоа – вели Хопкинс на видеоврската.

По заблагодарувањето кон Академијата, тoj рече:

– Сакам да го споменам и Чедвик Бозман, кој нѐ напушти прерано. Се чувствувам крајно поласкан од оваа награда!

По објавувањето на Хопкинс за победник, некои на интернет коментираа и дека Академијата му ја одзела последната награда на Бозман.

Ентони Хопкинс е најстариот актер кој добил Оскар за машка главна улога. Статуеткава е втора во неговата кариера по 1991 година, кога го доби одличјето за ликот на психопатот Ханибал Лектор во филмот „Кога јагнињата ќе стивнат“.

The post Ентони Хопкинс изненаден од новиот Оскар appeared first on plusinfo.mk.

Социјалната драма „Земја на номадите“ (Nomadland), за животот во време на рецесија на американскиот запад, е прогласена за најдобар филм на синоќешната церемонија во Лос Анџелес. Кинескињата Клои Жао, за која ова е само трет филм, е втората жена наградена за режија. Кандидати за највисоката награда на Американската филмска академија годинава беа и „The Trial of the Chicago 7“, „Mank“, „Promising Young Woman“, „Minari“, „Judas and the Black Messiah“, „The Father“ и „Sound of Metal“.

Soul на комапнијата Пиксар (Pixar) го освои Оскарот за најдобар анимиран филм. Тој е 11-ти Оскар за Пискар во последните 20 години од доделувањето на наградата во таа категорија.

Британскиот актер Даниел Калуја го освои Оскарот за најдобра споредна улога, за улогата во филмот „Judas and the Black Messiah“.  Актерот, роден во Лондон во семејство на имигранти од Уганда, за улогата на млад активист за Црниот Пантер, Фред Хамптон, кој беше убиен во 1969 година во Чикаго, претходно ги освои Златниот глобус, Наградата на Здружението на актери и британската БАФТА. Други номинирани беа Пол Рејси (Sound of Metal), Лесли Одом Џуниор (Night in Miami) и Саша Барон Коен (Trial of he Chicago 7).

Јужнокорејската актерка Јун Ју-јунг е добитничка на Оскар за најдобра споредна улога за улогата во филмот MInari.
„ My Octopus Teacher “ од режисерот од Јужна Африка, Крег Фостер е прогласен за најдобар документарец на Американската академија за филмски уметности и науки во Лос Анџелес. За наградата беа номинирани и „Collective“, „Crip Camp“, „The Mole Agent“ и „Time“.

Список на главните добитници на 93. Оскари, награда од Американската академија за филмска уметност и наука, што се одржа во Долби театарот и на други локации во Лос Анџелес.

– Најдобар филм: „Nomadland“

– Најдобра режија: Клои Жао, „Nomadland“

– Најдобра машка улога: Ентони Хопкинс (Тhe Father)

– Најдобра актерка: Франсис Мекдорманд (Nomadland)

– Најдобра споредна машка улога: Даниел Калуја

– Најдобра споредна женска улога: Ју Јунг-јун

– Најдобар странски филм: „Drunk“, Томас Винтерберг, Данска

– Најдобар документарен филм: „ Мy Octopus Teacher“

– Најдобар анимиран филм: Soul – Студио Пиксар

– Најдобро оригинално сценарио: „Promising Young Woman“

– Најдобро адаптирано сценарио: „The Father“.

The post Добитници на Оскар: „Земја на номади“ најдобар филм, Ентони Хопкинс најдобар актер appeared first on plusinfo.mk.

Следат 10 психопати од филмовите за кои тие сметаат дека се најубедливи.

10. Норман Бејтс, во филмот „Психо“

Аналитичарите, сепак, не го сметаат Норман за комплетен психопат, туку го ставаат на средина на скалата. Тие веруваат дека Бејтс (толкуван од глумецот Ентони Перкинс) покажува само класични симптоми на повеќекратно растројство на личноста, отколку психопатија.

9. Ханибал Лектор, „Кога јагнињата ќе стивнат“

Познавачите велат дека разговорот на детективката Кларис Старлинг (Џоди Фостер, а потоа и Џулијан Мур) со Лектор (Ентони Хопкинс) е точен приказ за разговор со еден психопат. Тоа прецизно објаснува како психопатот во разговорот ја презема моќта и контролата и, се поставува како „грабливец“ кој го гледа својот соговорник како плен.

8. Имитаторот Леон Ковалски, „Блејд ранер“

Начинот на кој се тестираат имитаторите во филмот се заснова на вистинска проверка за проценка на психопати, но начинот на утврдување на емпатијата е различен од тестовите што ги користи ФБИ. Како и во реалните истражувања, филмот се обидува да ја одреди човечката реакција на емпатија што ја имаат 99 отсто од луѓето. Ковалски не успеа на тој тест.

7. Гордон Геко, „Вол Стрит“

Во филмот, овој лик постојано истакнува дека „алчноста е добра“, така што до крајот на филмот скоро и ќе поверувате во тоа. Мајкл Даглас е одличен глумец, па неговиот начин на проповедање е речиси совршен приказ на моќта на психопатите. Тука гледаме комбинација на манипулација, грандиозна слика за себе и површен шарм што се покажува смртоносен.

6. Џејмс Бонд во изведба на Шон Конери

Ова е, можеби, едно од изненадувањата на списокот. Но, некој што му ја отсекува главата на противникот со моторна турбина и потоа се шегува за тоа сигурно не е најнормален. Иако сѐ тоа е насочено против криминалци, сепак се очекува одредено човечко сочувство, кое Бонд не го покажува.

5. Том Рипли, во филмот „Талентираниот г-н Рипли“

Многу подробности од списокот на една психопатска личност може да се опишат како девијантни – а тоа е совршен опис на г-н Рипли. Тој е доста шармантен, но зад она прибрано и педантно лице на Мет Дејмон и испегланата облека, се крие злобен ум.

4. Алекс, „Пеколен портокал“

Адаптацијата на романот на Ентони Бурџис од страна на режисерот Стенли Кјубрик се сметаше за вознемирувачка по излегувањето, а некои дури бараа и забрана за прикажување на филмот. Психотичкото однесување на Алекс како водач на банда се манифестира преку недостаток на емпатија и постојана потреба за возбуда. Помалку реална е терапијата со која се обидуваат да го излечат.

3. Кевин, во филмот „Треба да разговараме за Кевин“

Психопатија е потешко да се докаже кај деца, но во некој облик, може да се забележи. Во делот од филмот што се однесува на младоста на Кевин, гледаме дека тој не покажува никаква блискост со другите луѓе и нема ни трошка каење, што се две клучни карактеристики на психопатите.

2. Џед, „Злоба“

Во филмов, Алек Болдвин глуми хирург со комплекс на бог, што е, повторно, една од клучните одлики на психопатите. Дрскиот и злобен доктор е совршен приказ за тоа колку лесно може да се скрие психопатот. А, Џед покажува и голем површен шарм.

1. Џокер, во филмот „Темниот витез“

Според стручњаците на ФБИ, најреално портретиран психопат во историјата на филмот е Џокер. Веќе во првата сцена на овој филм, глумецот Хит Леџер покажува еден куп одлики од списокот за проценка на психопати. Во грабежот што го врши, тој ја покажува токму таа возбуда што познавачите ја очекуваат, иако сосем непотребна за извршување на грабежот. Џокер не се плаши од ништо, не му пречи да убива луѓе и е желен за возбуда.

The post Стручњаци на ФБИ го избраа најреално прикажаниот филмски психопат досега ВИДЕО appeared first on plusinfo.mk.

Според неговите кажувања, тој пиел бидејќи „се чувствувал виновен и длабоко се срамел од својата среќа во глумата“. Сепак, минале над 45 години откако оскаровецот е трезен. Гледајќи наназад на почетоците на неговата кариера, Хопкинс се присети на едно време кога мислел дека пиењето е „прекрасен начин за одјава“ од денот и обврските за него.

– Затоа и пиев. Имав чудни судири во себе. Не се чувствував добро во мојата кожата. Се чувствував виновен и засрамен, мислев дека не сум достоен за среќата што ја имав како глумец, вели Ентони Хопкинс (83).

Оскаровецот и самиот признава дека често се опивал „до смрт“, но вели и дека не пробал ниту капка алкохол од 1975 година наваму.

– Кога побарав помош и сфатив дека не сум сам – дека има илјада луѓе како мене, сите мои стравови почнаа да исчезнуваат. Готово беше со пијанството. Оттогаш мојот живот се подобри… Решив дека сакам да живеам. Одеднаш дојде олеснувањето и мојот живот беше неверојатен!, рече актерот.

Многу филмски и театарски работници остро го напаѓаа за неговата слабост кон алкохолот во младоста. Тој продолжи да пие, а резултатот од неговата зависност беа скандали за време и по актерските изведби.

The post Ентони Хопкинс откри зошто некогаш бил зависник од алкохол appeared first on plusinfo.mk.

Заедно со снимката, тој во кус текст му се заблагодари на медицинскиот персонал и коментираше дека поминал една година во карантин.

– Ова е светлото на крајот од тунелот (по една година самонаметнат карантин) – напиша Хопкинс, најпознат по улогата на сериски убиец Ханибал Лектор во „Кога јагнињата ќе стивнат“.

Неговите обожаватели веднаш му испратија многу убави желби и му порачаа да биде внимателен.

Бидејќи на 1 јануари годинава тој наполни 83 години, актерот спаѓа во ризичната група.

 

View this post on Instagram

 

A post shared by Anthony Hopkins (@anthonyhopkins)

The post Славниот актер се вакцинираше по една година мината во карантин (ВИДЕО) appeared first on plusinfo.mk.

Сепак, не само како актер, туку и како човек, тој, како што вели, многу добро знае што значи да се бориш со своите демони во животот. Така, Ентони признава дека многу години од својот живот минал во друштво на неговиот страшен „пријател“ – алкохолот.

Но, на вчерашен ден, пред 45 години, Хопкинс решил да се оттргне од оваа негова лична слабост и ги прослави своите 45 години трезвеност. Тој го сподели овој важен податок преку својот Инстаграм, објавувајќи видео во кое вели: „Добро утро! Нова година доаѓа! Оваа година беше тешка и полна со тага за многу луѓе. Но, на денешен ден пред 45 години, јас чекорев кон вистинска катастрофа, опивајќи се до смрт. И, нешто ми светна, нешто во главата ми рече – ‘Или ќе живееш или ќе умреш!?’ Јас одлучив да живеам, а потоа дојде мирот и мојот живот стана неверојатен… Денеска е она ‘утре’ за коешто бев толку загрижен вчера! Затоа, сите вие ​​млади не се откажувајте, борете се и големи сили ќе ви дојдат напомош! Среќна Нова година! Таа ќе биде најдобра!“

Се верува дека, всушност, алкохолизмот ги уништил неговите први два брака – со Петронела Баркер и Џенифер Линтон. Сега е во брак со Стела Аројав. Големиот и трезен Ентони Хопкинс утре полни 83 години, а следните два филма каде што тој ќе глуми, се драмата „Елиса“ и трилерот „Виртуоз“.

The post Ентони Хопкинс одбележува 45 години трезвеност appeared first on plusinfo.mk.