Во вонредно телевизиско обраќање синоќа американскиот претседател Доналд Трамп изјави дека американската војска речиси ги остварила своите цели во Иран, но не понуди јасен рок за завршување на едномесечната војна и вети дека ќе ја бомбардира земјата и ќе ја врати во „камено доба“.

Трамп рече дека САД ги уништиле иранската морнарица и воздухопловство и сериозно ги ослабнале балистичката ракетна и нуклеарната програма на земјата. Но, тој одби да изложи конкретен план за намалување на интензитетот на војната, која сега е во петтата недела, освен што рече дека САД ќе ја завршат работата „многу брзо“.

– Ние ги имаме сите карти. Тие немаат ништо – рече Трамп од Белата куќа во своето прво обраќање во ударен вечерен термин откако САД и Израел ја започнаа војната на 28 февруари.

Трамп само кратко се осврна на некои од клучните нерешени прашања, меѓу кои и статусот на иранскиот збогатен ураниум и пристапот низ Ормутскиот Теснец, еден од најважните премини за глобалното снабдување со нафта, кој Иран практично го затвори. Според него, теснецот ќе се отвори „природно“ по завршувањето на војната.

Претседателот и неговите советници понудија менливи објаснувања и рокови за конфликтот, како и за тоа што ќе бараат од Иран за тој да заврши. Додека го прикажуваше Иран како воено онеспособен, Трамп изјави и дека САД ќе ја напаѓаат земјата силно уште две до три недели.

– Ако новите лидери на земјата не преговараат на задоволителен начин, САД ќе почнат да ги напаѓаат електроенергетските капацитети и нафтената инфраструктура на земјата. Ќе ги погодиме исклучително силно во следните две до три недели. Ќе ги вратиме во камено доба, таму каде што им е местото – рече Трамп.

Неговото деветнаесетминутно обраќање, сепак, не донесе многу нови информации, ниту пак понуди поголемо уверување за американската јавност и сојузниците на САД, кои сè повеќе ги чувствуваат последиците од растот на цените на горивата и пролонгирањето на конфликтот. Веднаш по говорот, акциите паднаа, доларот зајакна, а цената на нафтата порасна, што дополнително го засили впечатокот дека војната би можела да потрае уште некое време.

Иако претседателот накратко ги призна растечките грижи кај Американците дека војната го прави горивото недостапно, тој инсистираше дека цените наскоро ќе паднат и дека за поскапувањата главно е виновен Иран.

Тој додаде дека земјите кои најмногу зависат од снабдување со нафта од Заливот треба да ја преземат водечката улога во отворањето на теснецот. Велика Британија, Франција и други американски сојузници изјавија дека се подготвени да помогнат за теснецот да остане отворен, но дури откако ќе престанат непријателствата.

– Тие можат лесно да го направат тоа. Ние ќе помогнеме, но тие треба да ја преземат водечката улога во заштитата на нафтата од која толку очајно зависат – рече Трамп.

The post „ЌЕ ГО ВРАТИМЕ ИРАН ВО КАМЕНО ДОБА“ Трамп се закани со бомбардирање на иранските електрани appeared first on plusinfo.mk.

Премиер на Унгарија Виктор Орбан испрати војска на 75 локации за да ја заштити енергетската инфраструктура на земјата од можна украинска саботажа поради тензиите околу руските енергетски резерви и од терористички акции поради војната на Блискиот Исток.

Во видео објавено на мрежата Икс , Орбан вели дека поради конфликтот на Блискиот Исток, терористичката закана во Европа е зголемена и дека е одлучено да се зголеми присуството на полицијата и војската на јавни места.

–  Во ваква ситуација, мирот и безбедноста на Унгарија се најважни, затоа  и Советот за одбрана постојано е на седница – вели тој.

Според него, причината за ова е најавата на украинскиот претседател Володимир Зеленски дека ќе го спречи доаѓањето на руска енергија во Европа.

– Секој енергетски објект што користи руска енергија може да стане цел на украинска саботажа – вели Орбан.

At today’s meeting of the Defence Council, we made the following decisions:

We will take the toughest possible action against extremist Islamist groups.
The army has been deployed at 75 locations to protect critical energy infrastructure. What happened to Nord Stream… pic.twitter.com/A4MCEnVUxm

— Orbán Viktor (@PM_ViktorOrban) March 4, 2026

Тој е сигурен дека нема да дозволи на Унгарија да ѝ се случи Северен тек.

-Гасоводот Северен тек беше дигнат во воздух од Украинците, затоа решивме дополнително да ја зајакнеме заштитата на унгарските енергетски објекти на 75 локации – рече тој.

Унгарската влада, исто така, одлучи да формира посебна истражна комисија што ќе ја провери состојбата на нафтоводот Дружба, кој носи руска нафта во Централна Европа. Тој , како што рече,  Унгарија го моли украинскиот претседател Зеленски да им дозволи на унгарските инспектори да влезат во Украина за да ја проверат ситуацијата на терен.

– Унгарија нема да дозволи да биде уценувана. Ќе се спротивставиме на украинската уцена, ќе ја пробиеме нафтената блокада – рече тој и додаде дека „додека не се реши спорот, Унгарија ќе ги блокира сите одлуки на Европската Унија што се важни за Украина“.

Спорот меѓу Будимпешта и Киев се засили по прекинот на испораките на руска нафта преку нафтоводот Дружба, кој поминува низ Украина и ги снабдува Унгарија и Словачка.

The post 🎥 НЕМА ДА ДОЗВОЛAМ ДА СЕ СЛУЧИ НОВ СЕВЕРЕН ТЕК Орбан испрати војска да ги чува клучните енергетски објекти на Унгарија appeared first on plusinfo.mk.

Повеќе од половина од расположливите енергетски капацитети во државава се од обновливи извори (55,72%) – покажуваат податоците од Годишниот извештај за 2024 година на Регулаторната комисија за енергетика (РКЕ).

Во извештајот се регистрира прв пат поголема инсталирана моќност на фотоволтаичните електроцентрали (28,40%) во споредба со инсталираната моќност на хидроцентралите (24,13%).

– Со цел зајакнување на енергетската стабилност и независност, во услови на доминација на капацитетите од обновливи извори, неопходно е во претстојниот период да се поттикнат инвестиции што ќе обезбедат балансна енергија – вели Марко Бислимоски, претседател на РКЕ

The post РАСТЕ БРОЈОТ НА ЕНЕРГЕТСКИ КАПАЦИТЕТИ ОД ОБНОВЛИВИ ИЗВОРИ Но, на земјата ѝ треба голем балансен енергетски капацитет appeared first on plusinfo.mk.

Воениот оддел посочи дека Украина ги нападнала енергетските капацитети во областа Курск со беспилотни летала и со артилерија и дека нападите довеле до прекин на електричната енергија.

Украина и Русија минатиот месец се договорија да ги прекинат нападите врз енергетската инфраструктура во рок од 30 дена, но двете страни продолжуваат да се обвинуваат меѓусебно за прекршување на договорот.

Претседателот на Украина, Володимир Зеленски, денеска изјави дека Русија ги уништила украинските енергетски капацитети во регионите Суми и Дњепропетровск.

РУСИЈА ГРАНАТИРАШЕ УКРАИНСКИ ЕНЕРГЕТСКИ КАПАЦИТЕТИ Околу 4.000 луѓе останале без струја

The post КРЕМЉ ГО ВПЕРИ ПРСТОТ КОН КИЕВ Украина нападнала руски енергетски објекти двапати за 24 часа appeared first on plusinfo.mk.

„Непријателот продолжува со својот терор. Уште еднаш, енергетскиот сектор низ Украина е под масовен напад“, објави министерот за енергетика Херман Халушченко.

ПВО е активна во Киевската област, соопшти регионалната администрација. Експлозии се регистррирани и во областите Одеса, Виница, Лавов, Ивано-Франковск и Черкаси.

Последиците од нападот се утврдуваат бидејќи нападите уште траат.  Руските сили пукаат со крстосувачки ракети, балистички ракети и балистички ракети Кинжал, лансирани од воздух, објави украинското Военото воздухопловство.

The post ГОЛЕМ РУСКИ НАПАД ВО УКРАИНА На удар се енергетските капацитети appeared first on plusinfo.mk.

„Истрелаа 32 проектили кон енергетските постројки. 16 проектили беа соборени од одбранбените сили“, напиша Гончаренко на социјалните мрежи.

Украинската армија потврди дека во текот на ноќта и рано утрово соборила 16 руски ракети.

Гончаренко додаде дека 22 проектили сепак стигнале до целта.

– Немаме оружје да ги собориме – нагласи тој.

Утрово е погодена и важна инфраструктура во Лавов, соопшти регионалниот воен претставник Максим Козицки. Повредени нема, а пожарот кој избувнал веќе е изгаснат.

The post РУСИЈА ГИ НАПАДНА ЕНЕРГЕТСКИТЕ ПОСТРОЈКИ ВО УКРАИНА Утрово е погодена и важна инфраструктура во Лавов appeared first on plusinfo.mk.

Ковачевски најави дека во понеделник ќе биде пуштен во употреба уште еден енергетски капацитет.

-Во понеделник ќе има пуштање во употреба на уште едне производствен енергетски капацитет. Верувам дека во мојот досегашен мандат од девет – десет месеци ќе имаме скоро еднакво инсталирана моќност на нови производствени капацитети на електрична енергија колку што биле инсталирани во последните 30 години – рече Ковачевски.

Тој повтори и дека ова е време на солидарност, кога мора сите да помогнат за полесно пребродување на кризата.

Ковачевски уште еднаш кажа дека парно за Скопјани ќе има, а ако енормно се зголеми цената гасот, тогаш државата е подготвена, како што рече, со алтернативно гориво да ги загрева домовите на граѓаните.

The post КОВАЧЕВСКИ СЕ ПОФАЛИ СО НОВ ЕНЕРГЕТСКИ КАПАЦИТЕТ Новите електрани изградени за 9 месеци имаат моќ еднакава на градените во последните 30 години appeared first on plusinfo.mk.

Спасот за големото стопанство, односно за големите капацитети чие производство во голема мера зависи од електричната енергија, Анѓушев го гледа во работењето со максимален капацитет на сите енергетски капацитети во државата, за што е потребна навремена набавка на мазут, јаглен, нафта, гас, по што пониски цени, со цел домашната струја да биде поевтина од таа на берзите.

– Оние компании каде учеството на електрична енергија во вкупните трошоци е над 20%-30%, а кои се на слободен пазар, реално нема да можат да ги издржат високите цени на енергенсите. Ако овие компании почнат со затворање, а имаат голем број вработени, тие луѓе ќе немаат на кој начин да ги платат ни сметките – рече Анѓушев, коментирајќи ја состојбата со најголемите стопански субјекти, кои во основа ја сочинуваат македонската економија.

Анѓушев вели дека досега изградените електрани од обновливи извори во значајна мера помагаат во кризата, додека тоа што сега се гради ќе помогне во следниот период, кога и натаму струјата ќе биде скапа и барана.

– Сите кои беа против изградбата на малите хидроелектрани, кои насекаде во светот се еколошки и обновливи извори, денес не се бунат против мазут и јаглен кои се многу штетни, затоа што едноставно нема електрична енергија. Факт е дека ние мораме да го зголемиме сопственото производство на електрична енергија. Имаме уште малку јаглен, а воопшто немаме мазут, нафта, гас, односно сето тоа треба да се увезе. Ни остануваат обновливите извори. Се отвори голем фронт за изградба на фотоволтаици, се градат 120 мегавата во Кичево, 32 мегавата во Свети Николе, 10 мегавата во Македонски Брод, лично јас инвестирам во 8 мегавати во Кочани, се градат два ветерни парка, како и други електрани на обновливи извори. Но, потенцирам дека и во таа експанзија на електрани, треба да се оди со план, односно да не се инвестира стихијно во одредени извори – рече Анѓушев.

Со Законот за енергетика донесен во 2018 година се овозможи зголемување на производството на електрична енергија од обновливи извори, односно се овозможи изградба на дополнителни мали хидроелектрани, фотоволтаични електрани, ветерници, електрани на био-маса и био-гас, со што ќе се зголеми домашното производство на електрична енергија.

The post ДОМАШНИТЕ ЕНЕРГЕТСКИ КАПАЦИТЕТИ ДА РАБОТАТ СО ПОЛНА ПАРЕА Анѓушев вели дека опстанокот на фирмите е во рацете на државата (ВИДЕО) appeared first on plusinfo.mk.