Операторите на електрична енергија нема да можат да ги исклучат ранливите категории граѓани кои не плаќаат струја во зимскиот период, предвидува новиот Закон за енергетика кој веќе е на сила. Обемниот документ од 300 страници содржи регулативи за т.н. фискални и нефискални мерки со кои треба да се регулира нешто што се вика „енергетска сиромаштија“.

Новитетите на брифинг со новинарите ги најави министерката за енергетика Сања Божиновска заедно со челници од ЕВН, ЕСМ и од МЕПСО.

Амбициозниот закон треба да ја стави Македонија на рамниште со најсовремените европски директиви. Преку апликации и дигитализација е замислено вмрежување меѓу корисниците, дистрибутерите и произведувачите на струја, што треба да ја зголеми улогата на корисникот кој ќе добива прецизни информации за трошењето или производството на струја.

– Ќе има воведување батерии за складирање струја. Во зима нема да може да ги исклучите оние кои нема да плаќаат, а ќе има и нефискални мерки за енергетска сиромаштија. Ќе има повеќе полначи за батерии за електрични возила и регулатива за нивно поставување. Секој ќе може да го смени операторот за енергетика во рок од 48 часа. Законот е имплементација на ЕУ директивите, особено во делот на чистата енергија. До 80% од паметните, односно „смарт“ броила граѓаните ќе треба да ги набават до 2031 година. Ќе има формирање и на граѓански заедници – изјави министерката на брифинг со новинарите во Едукативниот центар во Матка.

Паметните броила треба самите далечински да ја отчитуваат потрошувачката и се еден од клучните новитети во закнот. Се предвидува и детален план за инвестиции во енергетиката за следните 10 години.

Со новиот закон МЕПСО ќе биде под капата на Министерството за енергетика, рударство и минерални суровини.

The post НЕМА ВЕЌЕ ИСКЛУЧУВАЊЕ ОД СТРУЈА ВО ЗИМА Новиот закон предвидува „енергетска сиромаштија“ appeared first on plusinfo.mk.

Според статистиките на Еуростат, во 2020 година една третина до една четвртина од луѓето во земјава можеле задоволително да го загрејат домот.

Како што истакна Ана Стојиловска од „Аналитика“ која е и автор на Прирачникот, се очекува оваа бројка да се зголеми за 2021, 2022 и за 2023 година.

– Енергетскатата сиромаштија треба да заземе централно место во агендата на државата. Тоа не е проблем што може да се реши со субвенции или со давање финансиска поддршка. Напротив, мора да се работи на подобрување на системот за социјална заштита, како и на подобро регулирање на енергетскиот сектор за граѓаните да учествуваат во енергетската транзиција. Тука би ја спомнала „праведната енергетска транзиција“ која подразбира да не одиме само со замена на фосилни гприва со обновливи извори, туку да се демократизира енергетскиот сектор – да се овозможи граѓани да произведуваат струја, да ја трошат и да ја продаваат, но и да бидат дел од енергетските задруги – рече Стојиловска.

Билјана Дуковска од Македонската платформа против сиромаштија истакна дека има постојана неконзистистеност и некоординираност на политиките во оваа област.

– Или ќе ја превенираме енергетската сиромаштија со правилни мерки и политики или нееднаквоста, односно разликата во домаќинствата ќе биде уште поголема – подвлече Дуковска.

Неопходни се, дополни таа, палета мерки кои не ги опфаќаат само оние кои се сега во енергетска сиромаштија, туку превенираат да не влезе дополнителен број семејства во тој круг. 

Според  Сања Трпковска од Цепросард, енергетската ефикасност влијае врз намалување на енергетската сиромаштија, но не е доволна.

– Мора да имаме енергетско ефикасни домови, но сиромашните луѓе тоа не можат да си го дозволат. Понудените мерки во облик на субвенции не се доволни за справување со овој проблем, посебно поради фактот што секогаш сиромашните граѓани заостануваат при ефикасно користење на овие мерки – рече Трпковска.

Владимир Стојановски од Здружението на граѓани за подршка на шумарството и животната средина ТРИФОР – Скопје укажа на итноста од подигнување на јавната свест за важноста на екосистемските услуги, нивно зачувување и унапредување. Тој истакна дека во моментов има нов закон за шуми, каде се дава посебен акцент на сиромашните.

Прирачникот го изработи „Аналитика“, а наменет е за широка група чинители кои работат на енергетски, социјални, еколошки, здравствени, родови, климатски и сродни прашања. Прирачникот илустрира повеќе аспекти на енергетската сиромаштија и нуди 28 препораки.

The post ЕДНА ТРЕТИНА ОД НАСЕЛЕНИЕТО Е ВО ЕНЕРГЕТСКА СИРОМАШТИЈА Не се доволни само субвенции, државата треба да спречи проблемот да се продлабочува appeared first on plusinfo.mk.

Николас Шмит за ДПА изјави дека во Унијата веќе има милиони кои страдаат од енергетска сиромаштија и додаде дека тој број може да продолжи да расте.

Европската комисија може да им помогне на земјите од ЕУ да го ограничат влијанието на сегашните високи цени на енергијата врз јавноста, но пред сè националните влади треба да преземат акција, рече Шмит.

Портпаролката на германската Влада Мартина Фиц во петокот рече дека е важно да се има координација ширум Европа и да се дејствува во рамките на сегашните правила за внатрешниот пазар на ЕУ.

За ова прашање ќе се разговара на самитот на ЕУ во Брисел во четврток и петок следната недела, рече Фиц.

Европската конфедерација на синдикати ETUC во септември предупреди дека податоците покажуваат оти повеќе од 2,7 милиони луѓе во Европа повеќе не можат да си дозволат соодветно да ги загреат своите домови, и покрај тоа што имаат постојана работа.

The post ДРАМАТИЧНО ПРЕДУПРЕДУВАЊЕ НА ЕВРОКОМЕСАР Цените растат, енергетската сиромаштија се зголемува appeared first on plusinfo.mk.