Ја сакам инфлацијата, изјави Доналд Трамп откако новите податоци покажаа дека растот на цените во САД повторно забрзал и во мај достигнал 4,2 отсто. Американскиот претседател не само што не покажа загриженост, туку порача дека бројките биле добри и дека последиците од конфликтот со Иран вреди да се издржат.

Инфлацијата повторно стана една од главните политички и економски теми во САД. Трамп делумно ја доби довербата од гласачите со ветувања дека ќе го намали притисокот врз семејните буџети, но најновите податоци покажуваат спротивен тренд.

Годишната инфлација изнесувала 2,4 отсто во февруари, пред почетокот на конфликтот со Иран. Во март се искачила на 3,3 отсто, во април достигнала 3,8 отсто, а во мај пораснала на 4,2 проценти.

„Ја сакам инфлацијата“

Одговарајќи на прашање за новите бројки, Трамп не остави простор за дилеми околу својот став.

– Не, не, ја сакам. Бројките беа одлични – рече Трамп пред новинарите во Белата куќа.

Американскиот претседател тврдеше дека Вашингтон продолжува да извлекува значителни количини нафта преку Ормускиот Теснец и покрај кризата во регионот. Според него, американските власти успевале да организираат транспорт без знаење на Техеран.

Трамп изјави дека само пред неколку дена биле изнесени 22 брода во текот на ноќта и без вклучени светла.

– Затоа нафтата е 85 долари за барел – рече тој.

„Мора да одиме и да нападнеме“

Трамп не криеше дека бил подготвен воените операции против Иран да предизвикаат потреси на пазарите и раст на цените на енергијата.

– Мразам што морам да ви го кажам ова, но Иран многу скоро ќе има нуклеарно оружје. Мора да одиме и да нападнеме – изјави американскиот претседател.

Според податоците на американското Биро за статистика на трудот, цените на енергијата во последните 12 месеци пораснале за 23,5 проценти. Бензинот поскапел за дури 40,5 проценти, што дополнително го зголемило товарот врз домаќинствата.

Растот на цените се очекува да биде една од клучните теми пред ноемвриските избори за Конгресот, кои ќе имаат големо влијание врз политичката сцена во САД.

„Знаете кој не ја сака инфлацијата?“

На изјавите на Трамп реагираше и сенаторот Берни Сандерс, кој го обвини претседателот дека е оддалечен од секојдневните проблеми на граѓаните.

„Знаете кој не ја сака инфлацијата, господине претседателе? Работничките семејства кои се мачат да платат бензин, храна и други основни потреби поради вашите катастрофални постапки“, напиша Сандерс на социјалните мрежи.

The post ИНФЛАЦИЈАТА? ЈА САКАМ Трамп убеден дека цените ќе се вратат на место по војната во Иран appeared first on plusinfo.mk.

Буџетот е во исклучително квалитетна состојба, а државава и покрај враќањето на ДДВ за горивата на 18 проценти е натаму е со најевтини цени на горивата, вели премиерот Христијан Мицкоски.

– Буџетот е во одлична кондиција, ги натфрламе проекциите кои што ги имавме на почетокот на годината и покрај сите оние, би рекол, душегрижници кои мислеа дека оваа енергетска криза за нив е политичка можност, а ќе предизвика последици во работењето и во тековните трошења од страна на Владата. Но, за нив имам лоша вест. Буџетот е во исклучително квалитетна состојба – изјави Мицкоски по учеството на регионалниот форум за клима, енергетска транзиција и одржлив развој во Западен Балкан – МЕФ 2026.

Мицкоси повтори дека постапката за ребаланс на Буџетот ќе биде во текот на месецов.

– Одлучивме за горивата, односно за безоловниот бензин ДДВ да го вратиме на 18 проценти, а притоа да ја задржиме мерката намалени акцизи, бидејќи цената на дизелот и на безоловниот бензин во втората половина на мај на светските берзи се движеше меѓу 1.000 и 1.200 долари за барел.  Така што, денес имаме два денара по литар намалена акциза и за дизелот и за бензините и истовремено имаме одобрен дополнителен попуст од страна на ОКТА за нејзините коминтенти од два денара по литар за безоловно гориво. Денеска одлуката на Регулаторната комисија беше дека имаме големо поевтинување на дизел горивото за 6,5 денари по литар и половина денар поскапување за безоловните горива. Кога на тоа ќе се додадат овие два денара по литар попуст од страна на ОКТА тогаш добиваме реално и де факто намалување и на безоловниот бензин од 1,5 денари по литар и покрај тоа што данокот на додадена вредност има ставка од 18 проценти. Со ова остануваме убедливо земја со најевтина цена на горивата – рече Мицкоски.

Тој соопшти дека потрошувачката на нашите бензински станици од граѓаните од соседите земји е зголемена за 15 до 25 проценти, за разлика од претходниот период, кога во одредени денови беше и до 50 проценти.

Потенцираше и дека ќе има и други мерки, зависно од состојбата со кризата.

– Ја следиме внимателно кризата. Не брзаме, па во зависност од интензитетот на кризата, така и ние ќе постапиме – рече Мицкоски.

The post БУЏЕТОТ Е ВО ОДЛИЧНА КОНДИЦИЈА Остануваме држава со најевтини горива appeared first on plusinfo.mk.

The post КУБА ВО МРАК, ПРОТЕСТИ НА УЛИЦИТЕ Хавана е без гориво по блокадата на Трамп appeared first on plusinfo.mk.

Иран постигнал договор со Кина за правилата околу Ормускиот Tеснец и веќе почнал да пушта дел од кинеските танкери низ стратешкиот воден пат, објави полуофицијалната иранска агенција Фарс, повикувајќи се на информирани извори.

Според извештајот, одлуката била донесена по барање на кинескиот министер за надворешни работи и кинескиот амбасадор во Техеран. Иран се согласил да го олесни преминот на одреден број кинески бродови во рамки на стратешкото партнерство меѓу двете држави.

Веста доаѓа во момент кога претседателот на САД Доналд Трамп престојува во Кина, каде со Си Џинпинг разговарал за безбедноста на Ормускиот Теснец и за глобалниот енергетски транспорт.

Тивко попуштање на Техеран?

Иран претходно сигнализираше дека неутрални бродови, особено кинески, би можеле да минуваат доколку има координација со иранските вооружени сили. Но, новиот договор се толкува како прв посериозен знак за можно олеснување на кризата во регионот.

Засега не е јасно колку широко ќе се применува договорот и дали ќе важи и за други држави. Но аналитичарите оценуваат дека потегот покажува колку силно Пекинг влијае врз Техеран во момент кога енергетските рути се под огромен геополитички притисок.

Една петтина од светската нафта

По нападите на САД и Израел на 28 февруари, Иран значително го ограничи поморскиот сообраќај низ Ормускиот Теснец. Дополнителен удар беше и американската блокада на иранските пристаништа по примирјето на почетокот на април.

Низ Теснецот минува околу една петтина од светската нафта и природен гас, поради што секоја промена во режимот на пловидба веднаш влијае врз глобалните пазари и цените на енергенсите.

Податоците за следење бродови покажале дека кинески супертанкер со околу два милиони барели ирачка сурова нафта успеал да помине низ Ормускиот Теснец откако повеќе од два месеци бил блокиран во Персискиот Залив.

The post ТИВОК ДОГОВОР ЗА ОРМУЗ ДОДЕКА ТРАМП Е ВО ПЕКИНГ Кина доби „виза“ за премин низ Теснецот appeared first on plusinfo.mk.

Над 50 илјади евра досега се потрошени за истражната постапка за набавките на мазут за ТЕЦ Неготино, информираше обвинителката Катерина Коларевиќ на денешен брифинг.

Шефот на Основното јавно обвинителство за гонење организиран криминал и корупција, Ислам Абази, изјави дека ниту како јавен обвинител, ниту како раководител, не вршел притисок или влијание врз обвинителите во предметите по кои постапуваат.

– Јас ни како обвинител, ни како виш, на ниеден обвинител не сум му сугерирал, ниту пак сум ја загрозил неговата самостојност. На ниеден јавен обвинител не сум вршел притисок или влијание да донесе каква било одлука – изјави Абази на брифинг со новинари, одговарајќи на обвинувањата што претходно ги упати ВМРО-ДПМНЕ.

Обвинувањата од Милошоски

Реакцијата на Абази следува по прес-конференцијата на Антонио Милошоски, кој обвини дека раководителот на ОЈО ГОКК донел, како што рече, „контроверзна наредба“ за запирање на постапката за набавките на мазут за ТЕЦ Неготино, вредна 167 милиони евра.

Милошоски тврдеше дека Абази постапувал под политичко влијание и дека со одлуката од одговорност биле ослободени лица блиски до партии од поранешната власт.

Според него, без обвинение останале поранешниот директор на ЕСМ, Васко Ковачевски, кој е во бегство, како и бизнисмените Асмир Јахоски и Ратко Капушевски.

Тој ја доведе во прашање и одлуката обвинителството да не го третира бегството на Ковачевски како дополнителна индиција во предметот, оценувајќи дека со тоа била нарушена довербата во правосудството.

Обвинителството ја запре истрагата

Во меѓувреме, Основно јавно обвинителство за гонење организиран криминал и корупција официјално соопшти дека по едногодишна истражна постапка е донесена наредба за запирање на истрагата за набавките на мазут за ТЕЦ Неготино.

Од обвинителството наведуваат дека од прибраните докази не било утврдено дека осомничените ги сториле кривичните дела што им се ставале на товар, ниту дека постои друго кривично дело што се гони по службена должност.

– Од прибраните докази не се утврди дека осомничените ги сториле кривичните дела што им се ставаа на товар, ниту е утврдено постоење друго кривично дело што се гони по службена должност – се наведува во соопштението.

Што покажала истрагата

Според ОЈО ГОКК, во текот на постапката биле анализирани обемна документација, финансиски и договорни документи, вештачења и искази на сведоци од АД ЕСМ, ТЕЦ Неготино и економски оператори со лиценца за трговија со мазут.

Обвинителството оценило дека набавките биле спроведувани во услови на прогласена енергетска криза и согласно законските исклучоци од Законот за јавни набавки, со цел да се обезбеди непречено производство на електрична енергија.

– Истрагата утврди дека постапките биле спроведувани транспарентно. ЕСМ имало цел да ги вклучи сите оператори што поседувале лиценци за трговија со мазут, во интерес на побрза испорака – наведуваат од обвинителството.

Од таму додаваат дека дел од компаниите не учествувале во постапките поради деловни и економски проценки, високите количини, потребните банкарски гаранции и ризиците на тогашниот енергетски пазар.

Нема утврдена штета

Во образложението се наведува дека мазутот бил навремено и континуирано испорачуван и дека во критичниот период немало рестрикции во снабдувањето со електрична енергија.

Обвинителството тврди дека не е утврдена штета ниту за АД ЕСМ, ниту за државниот буџет.

– Напротив, од доказите произлезе дека измените на годишниот план за јавни набавки и склучувањето на анексите биле спроведени со одлуки на надлежните органи на АД ЕСМ, со цел обезбедување доволни количини мазут за непречено функционирање на ТЕЦ Неготино – посочуваат од ОЈО ГОКК.

Во однос на сомнежите за перење пари, обвинителството заклучува дека исплатените средства не претставуваат противправно стекната имотна корист и дека трансакциите не можат да се третираат како перење пари или прикривање незаконски стекнати средства.

Осомничените остануваат на слобода

Со запирањето на истрагата, без обвинение останаа Јахоски, сопственик на Пуцко Петрол, и Капушевски, сопственик на РКМ, кои беа меѓу главните осомничени во предметот вреден 167 милиони евра.

Јахоски во текот на постапката беше во притвор, а подоцна се бранеше од слобода со гаранција од над два милиони евра, додека Капушевски цело време се бранеше од слобода.

Истрагата опфати вкупно 13 лица, меѓу кои и Ковачевски, како и повеќе поранешни функционери и службени лица од енергетскиот сектор.

По донесената наредба за запирање на постапката, сите осомничени остануваат на слобода, а оштетеното правно лице има право на приговор до Вишото јавно обвинителство во Скопје во рок од осум дена.

The post НЕ СУМ ВЛИЈАЕЛ НА НИТУ ЕДЕН НАЧИН ВРЗ СЛУЧАЈОТ „МАЗУТ ЗА ТЕЦ НЕГОТИНО“ Абази ги отфрла обвинувањата од Милошоски appeared first on plusinfo.mk.

Премиерот на Индија Нарендра Моди ги повика граѓаните да штедат гориво, да користат метро и јавен превоз, да работат од дома и да избегнуваат свадби и одмори во странство поради растот на цените на енергенсите и кризата предизвикана од војната со Иран.

Моди порача дека Индија мора да ја намали потрошувачката на бензин и дизел за да ги зачува девизните резерви и да избегне дополнителен удар врз економијата.

– Треба да ја ограничиме потрошувачката на бензин и дизел. Ако навистина мора да користиме автомобил, тогаш треба да го делиме транспортот со другите – рече Моди на јавен митинг.

Тој ги повика граѓаните и да избегнуваат купување злато и непотребни патувања надвор од земјата.

Моди посебно ја критикуваше растечката практика богатите Индјци да организираат луксузни свадби и одмори во странство.

– Меѓу средната класа постои растечка култура на одржување свадби и одење на одмори во странство. Треба да ги одложиме ваквите патувања за најмалку една година – порача индискиот премиер.

Во последните години, свадбите во Тајланд и во други азиски туристички центри станале сè попопуларни меѓу индиската средна и богата класа.

Владата сега бара тие пари да останат во земјата за да се ублажи економскиот удар.

Индија е една од најпогодените држави од блокадата на Ормускиот теснец.

Земјата, во која живеат повеќе од 1,4 милијарди луѓе, силно зависи од увоз на нафта и гас од Блискиот Исток. Поради кризата, дел од енергенсите станале недостапни, а цените драстично пораснале.

Индиската влада веќе користела вонредни мерки за пренасочување на горивото од индустријата кон домаќинствата за да обезбеди основни резерви.

Апелот на Моди се толкува како обид да се избегне дополнителен удар врз енергетскиот систем додека конфликтот во Персискиот Залив продолжува.

The post НЕ СЕ МАЖЕТЕ ВО СТРАНСТВО, РАБОТЕТЕ ОД ДОМА Моди со необична порака откако поскапе нафтата appeared first on plusinfo.mk.

Големата променливост што во овој период постои на меѓународните енергетски пазари и невообичаено високите ценовни нивоа, имаа влијание и врз пријавените резултати на ОКТА за првото тромесечје, кои се подобрени во однос на истиот период мината година, како резултат на ефектите поврзани со вреднувањето на залихите, кои по својата природа се реверзибилни. Тоа значи дека, како што меѓународните цени ќе се нормализираат или ќе опаѓаат, се очекува да се појават негативни ефекти од вреднувањето на залихите, а имајќи ги предвид тековно зголемените нивоа на залихи, ваквите ефекти би можеле да бидат значителни. Како резултат на тоа, пријавените резултати на компанијата во следните квартали може да претрпат изразено негативно влијание предизвикано од ревалоризација на залихите, наместо од оперативните перформанси на компанијата.

Во текот на првиот квартал од 2026 година, меѓународните цени на суровата нафта бележеа нагорен тренд, со најизразена ескалација во месец март. Ценовните флуктуации произлегоа од зголемените геополитички тензии на Блискиот Исток, што доведе до зголемена загриженост околу безбедноста на снабдувањето, нарушувањето на клучните транспортни коридори и ограничување на глобалните текови на нафта и деривати. Овие притисоци на страната на понудата, во комбинација со зголемената неизвесност и претпазливото акумулирање залихи на пазарите, резултираа со зголемена нестабилност и значително повисоко ниво на меѓународните цени во споредба со истиот период од претходната година.

Во вакво пазарно опкружување, ОКТА остана фокусирана на својата основна улога – сигурен снабдувач на нафтени деривати на домашниот и соседните пазари, приоритизирајќи ги континуитетот и безбедноста на снабдувањето. Со цел дополнително унапредување на логистичката флексибилност и оперативната отпорност, компанијата ги прошири своите транспортни капацитети преку користење на продуктоводот за испораки на дизел.

Вкупниот обем на продажба во првиот квартал од 2026 година изнесуваше 334 илјади м³, што претставува зголемување од 35% споредено со истиот период лани, поттикнато од силната извозна активност, зголемената достапност на производите и подобрената логистичка флексибилност, вклучувајќи го тука и користењето на продуктоводот, во рамките на регионално пазарно опкружување кое се карактеризира со построги услови за снабдување.

Извозот сочинуваше приближно 25% од вкупниот обем на продажба, што ја одразува способноста на компанијата да ја искористи својата стабилност во снабдувањето и логистиката за ефикасно да одговори на побарувачката на соседните пазари.

Повисокиот обем на продажба ѝ одеше во прилог на бруто профитабилноста во првиот квартал од 2026 година, додека ефектите од вреднувањето на залихите што произлегоа од галопирањето на меѓународните цени на горивата во текот на периодот исто така влијаеја на објавените резултати. Оперативните трошоци се зголемија за 15% на годишно ниво, главно одразувајќи привремени фактори водени од активноста, додека компанијата продолжи строго да ја контролира основната трошковна база.

Имајќи ја предвид структуралната нестабилност на меѓународните енергетски пазари, идните промени во ценовните трендови може да имаат и спротивно влијание врз ефектите поврзани со залихите. Според тоа, прокнижените финансиски остварувања во следните периоди може и понатаму да ги одразуваат флуктуациите што произлегуваат од преовладувачките пазарни услови, а не воспоставените оперативни темели.

Одржливост, пазарна одговорност и општествен придонес

Во согласност со своите стратешки приоритети, ОКТА продолжи да ја зајакнува својата одржливост во текот на првиот квартал од 2026 година. Компанијата инвестираше 24 милиони денари во проекти за обновлива енергија, поддржувајќи го постепеното намалување на своите емисии на јаглерод диоксид и транзицијата кон почисти енергетски решенија, истовремено генерирајќи долгорочна економска вредност.

Во услови на постојана нестабилност на меѓународните цени на горивата, ОКТА презеде таргетирани мерки за поддршка на стабилноста на пазарот и заштита на континуитетот на снабдувањето. Во март 2026 година, компанијата воведе доброволна привремена програма за попуст на дизел и бензин за трговци на големо и мало, која потоа беше продолжена до крајот на април. Иницијативата го одрази проактивниот пристап на ОКТА кон поддршка на пазарот во стресни времиња, истовремено зачувувајќи целосна автономија врз цените за трговците и овозможувајќи бенефит за крајните потрошувачи.

Покрај својата пазарна улога, ОКТА продолжи да инвестира во унапредувањето на општеството и развојот на човечки капитал. Во текот на кварталот, компанијата најави проширување на својата Програма за стипендии, вклучително и воведување на две нови стипендии за постдипломски студии во земјата и во странство, што придонесува за охрабрување на младите и развој на вештини.

Постојаната посветеност на компанијата кон одговорно управување и ангажман во заедницата беше дополнително признаена преку наградата „Најголем корпоративен донатор за 2025 година“ од СОС Детското село. Паралелно, позитивното влијание на неодамнешните иницијативи на ОКТА беше зајакнато со национална бренд кампања под мотото „Енергијата околу нас“, истакнувајќи ја улогата на компанијата во секојдневниот живот и нејзиниот долгорочен општествен придонес.

The post ОКТА УСПЕШНО ОДГОВОРИ НА КРИЗАТА Компанијата ги објави резултатите за првиот квартал appeared first on plusinfo.mk.

Светската банка во нов извештај предупредува дека војната на Блискиот Исток може значително да ги зголеми цените на енергенсите, со проектиран раст од 24 отсто во 2026 година, додека вкупните цени на стоките би можеле да пораснат за повеќе од 16 отсто. Ова, според институцијата, би ја засилило глобалната инфлација и би го забавило економскиот раст во светот.

Во извештајот се наведува дека конфликтот веќе предизвикал еден од најголемите шокови во снабдувањето со нафта, со почетен пад на глобалната понуда од околу 10 милиони барели дневно.

Дополнителен притисок врз пазарите создаваат нападите врз енергетската инфраструктура и нарушувањата во транспортот низ Ормутскиот Теснец, преку која поминува околу 35 отсто од светската поморска трговија со сурова нафта, што дополнително ја влошува состојбата, наведува Светската банка.

Цената на нафтата „Брент“ веќе во средината на април била за околу 50 отсто повисока во однос на почетокот на годината. За 2026 година се предвидува просечна цена од 86 долари за барел, наспроти 69 долари во 2025 година. Проекциите се базираат на претпоставка дека најтешките нарушувања ќе се стабилизираат до мај и дека транспортните рути постепено ќе се нормализираат до крајот на годината.

Главниот економист на Светска банка, Индермит Гил, предупредува дека војната има „брановиден ефект“ врз глобалната економија — почнувајќи од раст на цените на енергенсите, потоа храната, а потоа преку инфлација и повисоки каматни стапки, што го поскапува задолжувањето.

Според извештајот, цените на ѓубривата би можеле да пораснат за 31 отсто во 2026 година, што директно би ги намалило приходите на земјоделците и би ги загрозило приносите.

Истовремено, индустриските метали како алуминиум, бакар и калај би можеле да достигнат историски нивоа, поттикнати од побарувачката од сектори како центрите за податоци, електричните возила и обновливите извори на енергија. Скапоцените метали, исто така, бележат силен раст, со очекуван скок на просечните цени од 42 отсто, поради зголемената побарувачка за сигурни инвестиции во услови на геополитичка неизвесност.

Во економиите во развој, инфлацијата би можела да достигне 5,1 отсто во 2026 година, што е за еден процентен поен повеќе од претходните проценки, додека растот е ревидиран надолу на 3,6 отсто.

Во понегативно сценарио, доколку конфликтот се продлабочи или дојде до нови оштетувања на клучната инфраструктура, цената на нафтата би можела да порасне и до 115 долари за барел. Во тој случај, инфлацијата во земјите во развој би достигнала 5,8 отсто — ниво последен пат забележано за време на енергетската криза во 2022 година, се наведува во извештајот објавен на веб-страницата на Светската банка.

Заменик-главниот економист на институцијата, Ајхан Косе, предупредува дека владите имаат ограничен фискален простор за реакција и дека треба да избегнуваат широки, неселективни мерки, фокусирајќи се на таргетирана и привремена помош за најранливите категории.

The post СВЕТСКА БАНКА СО ЦРНО СЦЕНАРИО Нафтата може да стигне до 115 долари appeared first on plusinfo.mk.

Собранието денеска одлучи да ја продолжи кризна состојба поради ризици во снабдувањето со нафта и нафтени деривати на територијата на земјата. Според одлуката, мерката ќе важи до 20 јули 2026 година и ќе започне да се применува од 21 април, по објавувањето во „Службен весник“.

Продолжувањето следува поради неповолната меѓународна безбедносна и енергетска состојба, особено по ескалацијата на конфликтот на Блискиот Исток и нарушувањата во транспортот на сурова нафта преку Ормускиот Теснец еден од најважните светски енергетски коридори.

Надлежните институции проценуваат дека по нападите кон крајот на февруари и блокирањето на дел од поморските патишта, протокот на нафта низ Ормускиот Теснец е значително намален. Тоа, според нив, создава ризик од глобален недостиг и раст на цените, што директно може да се одрази и на домашниот пазар.

Владата веќе најави мерки за ублажување на последиците, меѓу кои намалување на ДДВ за енергенсите и намалување на акцизите за дизелот и безоловните бензини, со цел да се зачува стандардот на граѓаните и да се обезбеди стабилно снабдување.

Надлежните тела за управување со кризи оценија дека причините за воведување на кризна состојба сè уште постојат, па Собранието ѝ овозможи на Владата и во наредниот период да продолжи со мерки за стабилизирање на снабдувањето со енергенси.

The post КРИЗНАТА СОСТОЈБА ЗА ГОРИВАТА ПРОДОЛЖУВА Ризици во снабдувањето со нафта до 20 јули appeared first on plusinfo.mk.

Три супертанкери денеска успешно поминаа низ Ормускиот Теснец, што укажува на делумно нормализирање на поморскиот сообраќај по примирјето меѓу Соединетите Американски Држави и Иран, како и почетокот на мировните разговори во Пакистан.

Податоците од бродските системи покажуваат дека либерискиот танкер „Серифос“ и два танкери под кинеско знаме – „Косперл Лејк“ и „Хе Ронг Хаи“ – влегле и излегле преку алтернативна рута што го заобиколува иранскиот остров Ларак.

Секој од овие бродови има капацитет од околу два милиони барели нафта.

Се очекува „Серифос“, кој транспортира сурова нафта натоварена во Саудиска Арабија и Обединети Арапски Емирати, да пристигне во малезиското пристаниште Малака на 21 април.

Другите два танкера превезуваат ирачка и саудиска нафта и се ангажирани од „Unipec“, трговската филијала на кинескиот енергетски гигант „Sinopec“.

Иранската блокада на Ормускиот Теснец, клучна за околу 20 проценти од глобалните испораки на нафта и течен природен гас, предизвика сериозни нарушувања на енергетските пазари и раст на цените по почетокот на конфликтот.

The post ТРИ СУПЕРТАНКЕРИ МИНАА НИЗ ТЕСНЕЦОТ Делумна нормализација по минувањето на кинеските бродови appeared first on plusinfo.mk.