Храбрите херои кои секојдневно се справуваат со пожарите во селата од делчевскиот регион – Стар Истевник, Нов Истевник, Тработивиште, Вирче – вчера добија помош од мото клубот „Ендуро Тим – Делчево“, кои неуморно во текот на целиот ден доставуваа храна и пијалаци на најоддалечените и непристапните места каде огнот напаѓаше.

Покрај тоа што разнесуваа потребни ресурси за борците од првите редови да можат да ги издржат часовите кои следат, тие им помагаа и со доставување на грбни пумпи со вода, за да се стават под контрола опожарените предели што поскоро.

Пожарите низ Македонија дивеат од ден на ден, а против нив, покрај тоа што се борат пожарникарските екипи, армијата и полицијата, доброволно помагаат и граѓаните кои живеат во засегнатите предели, како и од територијата на целата земја.

The post МОТОРЏИИ ВО БИТКА СО ОГНЕНАТА СТИХИЈА „Ендуро Тим – Делчево“ стаса до најнепристапните предели appeared first on plusinfo.mk.