Холивудската актерка Ен Хатавеј ја потврди својата трета бременост и проговори за тешката и емотивна борба со плодноста низ која поминувала во изминатите години.

Неодамна, актерката објави видео на социјалните мрежи во кое го покажа трудничкото стомаче и ја потврди веста за третата бременост со пораката „Baby, I’m yours“.

Актерката, која има 43 години, претходно во повеќе интервјуа отворено зборуваше за предизвиците со кои се соочувала при обидите да стане мајка по вторпат. Таа истакна дека процесот на забременување бил многу посложен отколку што јавноста најчесто претпоставува.

– Постои впечаток дека забременувањето е лесно и природно, но за многу луѓе тоа не е така. Тоа може да биде болен, осамен и емотивно тежок процес – изјавила Хатавеј во едно интервју во 2019 година.

Ен Хатавеј е во брак со Адам Шулман од 2012 година. Нивниот прв син, Џонатан, е роден во 2016 година, а вториот син Џек во 2019 година.

Актерката претходно откри и дека во 2015 година доживеала спонтан абортус, искуство кое, како што вели, оставило длабока емотивна трага.

 

View this post on Instagram

 

A post shared by Anne Hathaway (@annehathaway)

The post 🎥 ЕН ХАТАВЕЈ ЧЕКА ТРЕТО ДЕТЕ НА 43 ГОДИНИ Актерката порача „Baby, I’m yours“ appeared first on plusinfo.mk.

Холивудската ѕвезда Ен Хатавеј откри дека десет години во тајност се борела со сериозен здравствен проблем, сѐ додека не се подложила на операција.

– Можеби ова е премногу лична информација, но десет години бев полуслепа. Тоа толку многу влијаеше на мојот вид што практично бев законски слепа на левото око и на крајот морав да одам на операција. Не сфаќав колку состојбата се влошила сè додека повторно не можев да го видам целиот спектар. Оттогаш се чувствувам многу посмирено. Не бев свесна дека тоа всушност го оптоварува мојот нервен систем – изјавила Хатавеј.

– Го ценам видот затоа што чувствувам дека секој ден откако ќе се разбудам и можам да гледам на начинот на кој гледам, тоа е вистинско чудо. Често помислувам дека пред две генерации тоа немаше да биде можно за некој како мене. Затоа навистина се чувствувам поврзана со таков вид „чудо“ – додала актерката.

Таа за својата здравствена состојба проговори демантирајќи ги гласините дека се подложила на естетски зафати. Иако ретко го коментира својот приватен живот, актерката овојпат решила да одговори на бројните шпекулации.

– Живееме во време кога луѓето се чувствуваат многу сигурни во претпоставките што ги претставуваат како факти. Понекогаш се во право, а понекогаш не. Шпекулациите станаа толку гласни што чувствував потреба да ја кажам вистината. Веројатно секогаш ќе се прашувам дали требаше да го кажам ова или едноставно требаше да продолжам да го правам она што ме прави среќна и самоуверена на црвениот тепих. Но чувствував дека разговорот стануваше премногу наметлив. Сакав да докажам дека не сум донела некаква голема медицинска одлука. Можеби еден ден ќе направам фејслифтинг – објаснила Хатавеј.

Актерката во март го привлече вниманието на јавноста по појавувањето на свеченото доделување на Оскарите. На црвениот тепих се појави во елегантен црн фустан со цветни мотиви. Но креацијата остана во сенка поради коментарите за нејзиниот младешки изглед, по што, на социјалните мрежи се појавија бројни реакции и шпекулации за можни естетски интервенции.

Сепак, актерката тврди дека не правела никакви естетски зафати и дека нејзиниот изглед не е резултат на пластична хирургија.

The post ЕН ХАТАВЕЈ ДЕСЕТ ГОДИНИ БИЛА РЕЧИСИ СЛЕПА Холивудската ѕвезда не гледала со левото око и на крајот морала да се оперира appeared first on plusinfo.mk.

Мерил Стрип и Ен Хатавеј се појавија на црвениот тепих на 30 март во Мексико Сити во комбинации од Скијапарели и Стела Мекартни за премиерата на нивниот долгоочекуван нов филм „Ѓаволот носи Прада 2“.

Стилизиран од Микаела Ерлангер, изгледот на Стрип, која повторно ја игра легендарната уредничка Миранда Пристли, се состоеше од долг син фустан-кошула со златни копчиња и ремен на половината за дополнителна дефиниција на силуетата, од Сијапарели. Елементите на Скијапарели продолжија низ целиот изглед на трикратната добитничка на Оскар, вклучувајќи ги златните и бисерни обетки и црно-златна мини чанта од истиот бренд, Скијапарели. Стрип го искомбинира изгледот со црни штикли со платформа и носеше очила, а косата ѝ беше собрана во опавче.

 

View this post on Instagram

 

A post shared by 20th Century Studios (@20thcenturystudios)

Ен Хатавеј, која се враќа во улогата на новинарката Андреа Сакс, беше стилизирана од Ерин Волш и носеше мини фустан од колекцијата есен 2026 на дизајнерката Стела Мекартни, комбиниран со темно кафеави чизми до бутовите. Изгледот го заокружи со сребрени алки и впечатлив црвен кармин.

Претходно истиот ден, актерките присуствуваа и на прес-конференција, каде повторно демонстрираа силни модни избори.

Двете ѕвезди повторно се обединија во продолжението на култниот филм од 2006 година, заедно со Емили Блант и Стенли Тучи.

Според најавите, приказната ќе ја следи Миранда Пристли во период кога традиционалното издаваштво на списанија е во пад, додека се соочува со ликот на Блант, која сега е влијателна извршна директорка во луксузна компанија што располага со рекламниот буџет кој ѝ е неопходен.

The post 🎥 ЃАВОЛОТ НОСИ ПРАДА, А ТИЕ – СКИЈАПАРЕЛИ И СТЕЛА МЕКАРТНИ Ен Хатавеј и Мерил Стрип се прошетаа по црвениот тепих на премиерата на нивниот нов филм appeared first on plusinfo.mk.

По цели две децении, славната четворка Мерил Стрип, Ен Хатавеј, Емили Блант и Стенли Тучи повторно ќе ги оживее своите легендарни ликови во продолжението на култниот филм „Ѓаволот носи Прада“.

Новото поглавје, насловено „Ѓаволот носи Прада 2“, ќе се појави во кината на 1 мај 2026 година, а првиот трејлер веќе предизвика вистинска еуфорија меѓу филмските обожаватели ширум светот.

Режисерот Дејвид Франкел и сценаристката Алин Брош Мекена повторно се враќаат зад камерата, обединувајќи ја оригиналната екипа со низа нови ѕвезди, меѓу кои се Кенет Брана, Симон Ешли, Џастин Теру, Луси Ли, Патрик Брамхол, Кејлеб Широн, Елен Ж. Шен, Полин Шаламет, Б.Џ. Новак и Конрад Рикамора.

Во филмот ќе ги видиме и Трејси Томс и Тибор Фелдман, кои повторно ги толкуваат своите улоги како Лили и Ирв од првиот дел.

Проектот е во продукција на Венди Финерман, а извршни продуценти се Мајкл Бедерман, Карен Розенфелт и Мекена.

Продолжението ветува многу мода, интриги и драма, токму она што го направи првиот филм вистински феномен што ја дефинираше поп-културата на една генерација.

The post 📽️ ЛЕГЕНДАРНИТЕ ЛИКОВИ СЕ ВРАЌААТ ПО 20 ГОДИНИ „Ѓаволот носи Прада“ добива продолжение, старите ѕвезди повторно заедно appeared first on plusinfo.mk.

Глумата не е толку лесна како што изгледа. За убедливо да се толкува ликот на сцената или во филм или серија, не е секогаш доволно само да се совладаат дијалозите и правилно да се реагира на глумата на колегите. Улогите понекогаш бараат многу поголема жртва, особено ако актерите и актерките сакаат да ги освојат најпрестижните награди.

Некои холивудски ѕвезди направиле сè што можеле за да бидат што е можно поубедливи во улогата што им е дадена, а некои од нив, дури и претераа во желбата да го покажат својот актерски талент.

Ен Хатавеј

Ен Хатавеј ослабе дури 11 килограми за само две недели за улогата на пожртвуваната мајка Фантина во филмскиот мјузикл „Клетници“ (2012). Наводно, го постигнала ова такашто во овој период јадела само овесна каша.

Шаја Лебеф

Ексцентричниот 35-годишен актер побарал од стоматолог да му извади совршено здрав заб за неговата улога како Бојд Свон во воениот филм „Бес“ (2014)! Тој исто така често правел мали посекотини на лицето, иако било можно да се постигне истиот ефект со шминка.

Хали Бери

Хали Бери играше зависничка од дрога во филмот на Спајк Ли „Љубовна грозница“ (1991). Таа сакала да се покаже во најдобро светло пред познатиот режисер, па затоа решила навистина да се посвети на улогата. За да открие каков е всушност животот на зависник од дрога, познатата актерка не се бањала ниту туширала две недели, а некое време дури и живеела на улица.

Ештон Качер

Во 2013 година беше објавен првиот од биографските филмови за Стив Џобс, наречен „Џобс“, во кој неодамна починатиот претприемач и визионер го играше Ештон Качер. Познатиот актер, сепак, не се задоволил само со имитирање на основачот на Apple, туку решил да ја испроба својата диета, која понекогаш вклучувала консумирање само еден вид овошје, на пример, јаболка или грозје. Ова не завршило добро за Качер, бидејќи поради оваа диета завршил во болница не еднаш, туку двапати.

Лејди Гага

Лејди Гага ја игра Патриша Реџани во филмот „Гучи“ (2021), поранешната сопруга на Маурицио Гучи, тогашниот шеф на познатата италијанска модна куќа. Американската пејачка и актерка неодамна изјави за британското издание на списанието „Вог“ дека за улогата зборувала со италијански акцент девет месеци, дури и кога не била на снимање.

Ед Харис

Холивудскиот ветеран Ед Харис постигнал една од своите најдобри улоги во биографскиот филм „Полок“ (2000). За да го прикаже Џексон Полок во овој филм што е можно поверно, Харис изградил студио за сликање во својот дом во Лос Анџелес и научил да слика во речиси идентичен стил како и познатиот американски уметник.

Даниел Деј-Луис

Апсолутен шампион во категоријата најголема жртва заради веродостојност на големото платно е Даниел Деј-Луис. За време на снимањето на филмот „Моето лево стапало“ (1989), во кој ја играше Кристи Браун, човек со церебрална парализа кој може да ја користи само левата нога, трикратниот добитник на Оскар бараше да биде возен со количка низ сетот, да го креваат од истата и да го хранат. Тој беше во оваа улога цело време, па дури и научи да слика со четка помеѓу прстите на ногата, како ликот што го играше во филмот.

The post ПОРАДИ УЛОГИ СЛАБЕЕЛЕ, СЕ ДЕБЕЛЕЕЛЕ, АМА ВАДЕЛЕ И ЗДРАВИ ЗАБИ Седум актери и актерки кои претераа кога се подготвуваа за улога appeared first on plusinfo.mk.

Додека се симнува по скалите за време на филмскиот сет за филмот „Ѓаволот носи Прада 2“, на Ен Хатавеј ѝ се крши штиклата и таа паѓа, а видеото и фотките се проширија како пожар на социјалните мрежи.

На видеото се гледа дека членовите на филмската екипа ѝ притрчуваат, но таа брзо се созема, станува и со насмевка вели дека е добро.

Откако видеото и фотките се проширија на Интернет, во коментарите сите се шегуваат за нејзината позната „трапавост“ која ја има во улогите што ги глуми.

И самата Ен Хатавеј на својот Инстаграм се шегува на своја сметка  објавувајќи го видеото на кое се гледа како паѓа, а се потсетува и на слична сцена од себеси во филмот „The Princess Diaries“.

– 20 години подоцна, уште паѓам на тебе… – стои во описот на видеото кое започнува со инсерт од сцената од филмот во кој таа глуми тинејџерка, а продолжува со последната случка.

 

View this post on Instagram

 

A post shared by Anne Hathaway (@annehathaway)

The post 🎥 ЕН ХАТАВЕЈ СЕ СТРУПОЛИ ПО СКАЛИ НА ФИЛМСКИ СЕТ Глумицата позната по улоги на трапава девојка се пошегува на своја сметка appeared first on plusinfo.mk.

Наскоро ќе можеме да ја видиме Хатавеј во романтичниот филм „Идеја за тебе“, во филмот актерката игра 40-годишна самохрана мајка која влегува во врска со 24-годишен музичар, кој го игра Николас Галицин.

Филмот беше премиерно прикажан на филмскиот фестивал „South by Southwest“, кој се одржа во март годинава. Критичарите на „Rotten Tomatoes“ го оценија со 95 проценти.

The post МОРАВ ДА БАКНАМ ДЕСЕТ МОМЧИЊА Хатавеј раскажува како се тестирала „хемијата“ на аудиции за филм appeared first on plusinfo.mk.

Ен Хатавеј откри дека имала спонтан абортус во 2015 година во период кога глумела трудница во една претстава.

Во интервју за „Венити фер“, Ен Хатавеј (41) изјави дека нејзината прва бременост „не поминала добро“. Во претставата актерката глумела жена која е бремена, додека во исто време во реалноста доживеала спонтан абортус.

– Работев на претстава во која требаше да се породувам на сцена секоја вечер – рекла актерката.

Хатавеј, која оттогаш роди два сина во бракот со Адам Шулман, вели дека во текот на претставата „се преправала дека сè е во ред“, но на пријателите им ја рекла вистината кога ја посетиле зад сцената, пренесува Би-би-си.

Ѕвездата од филмот „Ѓаволот носи Прада“ го доби својот прв син Џонатан со сопругот Адам Шулман во март 2016 година. Во објава на Инстаграм во јули 2019 година, Хатавеј објави дека е повторно бремена.

Откако доживеала спонтан абортус, Хатавеј рекла дека била шокирана кога дознала колку се чести спонтаните абортуси. Дознала и дека многу нејзини пријателки имале слични искуства.

– Помислив, каде се тие информации? Зошто се чувствуваме толку непотребно изолирани? Тоа е вистински срам. Затоа, одлучив да зборувам за тоа – истакнала Хатавеј.

The post ОСКАРОВКАТА ОТКРИ БОЛНА ВИСТИНА ОД ЖИВОТОТ Ен Хатавеј имала спонтан абортус додека глумела трудница appeared first on plusinfo.mk.

Во остварувањето на Роберт Земекис, Хатавеј ја игра Врховната вештерка, на која ѝ недостасуваат неколку прсти. Многумина забележале дека нејзините дланки потсетуваат на состојбата позната како ектродактилија, која се карактеризира со вроден недостаток на прсти на рацете или нозете.

Многумина се загрижени дека претставувањето на лицата кои имаат генетско нарушување како вештерки може да придонесе децата да ги поврзуваат деформитетите со нешто страшно и ненормално.

Параолимпијката Ејми Марен и организаторите на Параолимписките игри изразиле жалење поради ова.

– Свесна сум дека ова е филм и дека тие се вештерки. Но, вештерките асоцираат на монструми. Страв ми е дека децата, кога ќе го гледаат овој филм, ќе стекнат впечаток дека разликите се нешто од кое треба да се плашат – рекла Марен.

– Деформитетите не се страшни. Разликите треба да се слават, а хендикепот мора да се гледа како нешто нормално – навеле тие.

„Вештерките“ беше објавен на платформата „HBO Max“ во октомври. Станува збор за екранизација на детската книга на Роалд Дал. Приказната се врти околу момче кое, додека отседнува со неговата баба во еден хотел, случајно наидува на група вештерки и дознава за нивниот суров план сите деца на светот да ги претворат во глувци.

Во филмот се појавуваат Ен Хатавеј, Октавија Спенсер, Стенли Тучи, Крис Рок и Џазир Кадим Бруно.

ФОТО: Танјуг/Варнер брос

The post Рацете на Ен Хатавеј ги разбеснија лицата со инвалидитет: „Варнер брос“ се извини поради „Вештерките“ appeared first on plusinfo.mk.