Руските екстремни качувачи Ангела Николау и Иван Бееркус повторно го шокираа светот, откако без заштитна опрема се искачија на самиот врв на облакодерот „Емпаер стејт билдинг“ во Њујорк, висок 443 метри.

Двојката помина најмалку 10 минути на врвот на кулата, каде разви транспарент со пораката: „Кога моќта на љубовта ќе ја победи љубовта кон моќта, светот ќе го запознае мирот“.

На една од платформите на кулата, Иван клекна на едно колено и ја побара Ангела за сопруга. Таа ја прифати понудата, по што се бакнаа и продолжија да се спуштаат. Потоа ги приведе њујоршката полиција.

Против нив е покрената истрага, а според американските медиуми, се соочуваат со обвиненија за провала, нелегално влегување и за загрозување на безбедноста.

 

View this post on Instagram

 

A post shared by CBS News New York (@cbsnewyork)

Николау и Бееркус се меѓу најпознатите светски „руфтопери“ – лица кои нелегално се качуваат на облакодери и други високи објекти без безбедносна опрема. Нивната необична животна приказна беше прикажана и во документарниот филм „Skywalkers: A Love Story“, објавен во 2024 година.

Инцидентот предизвика големо внимание кај минувачите и туристите на Менхетен, додека полицијата со хеликоптер и со дрон ја следеше ситуацијата. Засега не е познато како двајцата успеале да стигнат до затворениот дел од кулата, кој е недостапен за посетители.

TWO LOVEBIRDS CLIMBED ON TOP OF THE EMPIRE STATE BUILDING!

The guy proposed, she said yes, they took selfies and raised a banner:

“When the power of love beats the love of power, the world knows peace”

Core memory pic.twitter.com/4QsgmE4lPl

— Lord Bebo (@MyLordBebo) July 1, 2026

The post 🎥 СЕ ИСКАЧИЈА НА ВРВОТ НА „ЕМПАЕР СТЕЈТ БИЛДИНГ“, СЕ СВРШИЈА, ПА БЕА УАПСЕНИ Љубов на височина од 443 метри appeared first on plusinfo.mk.