Италијанската филмска дива Моника Белучи во ексклузивно интервју за белградскиот весник „Политика“ проговори за стареењето, за Холивуд и за вистинските животни вредности.

За многумина е изненадување што една од најбараните светски актерки одвои време за медиум од нашиот регион, но нејзината врска со овие простори е длабока. Познато е дека Белучи има посебна емотивна поврзаност со Балканот, која датира од периодот кога го снимаше филмот „On The Milky Road“, со Емир Кустурица, улога за која дури научи и да зборува српски.

Иако важи за синоним за женска совршеност, Моника во интервјуто нагласува дека изгледот никогаш не бил нејзиниот главен адут на кој се потпирала во кариерата.

– Ако сте само убави, во филмската индустрија ќе добиете шанса само за еден филм. За да опстанете и да изградите долготрајна кариера, неопходни ви се знаење, работа и вистински талент. Без тоа, убавината е бескорисна – децидна е актерката.

Додека Холивуд наметнува нереални стандарди за вечна младост, италијанската ѕвезда открива дека воопшто не се оптоварува со годините и со брчките.

-Искрено, не ме интересираат годините. Бесмислено е да се бориш со времето кога веќе знаеш дека ќе изгубиш. Треба да сме среќни што старееме, особено ако сме опкружени со луѓе кои ги сакаме и нè сакаат. Работите поради кои се чувствувам жива и кои не го одразуваат минувањето на времето се моето семејство, моите пријатели и мојата страст кон работата – изјави Белучи.

Според неа, пандемијата натерала многумина да  се соочат со своите ставови и да прифатат дека односот со другите е најважната работа.

– Созревањето за мене е интересно и како актерка, бидејќи имате можност да играте различни улоги.Физички се менуваме, но истовремено со искуството можеме да пренесеме и прикажеме различни емоции и аспекти од животот. Кога сте убави, тоа е како да имате „маска“ – објасни Белучи.

– Луѓето размислуваат за вас на одреден начин, без да се оптоваруваат со тоа кои сте и какви сте внатрешно. Секогаш ве следи тој дуализам и предрасуди од типот: „О, таа е убава, таа е глупа“, и со тоа треба да се носите цел живот – заклучи таа. 

The post 🎥 МОНИКА БЕЛУЧИ ДАДЕ ИНТЕРВЈУ ЗА СРПСКА ПОЛИТИКА „Убавината отвора само една врата“ appeared first on plusinfo.mk.

Популарната српска актерка Слобода Мичаловиќ на 21 август го прослави својот 44 роденден, а многумина се согласнидека никогаш не изгледала поубаво.

Од самиот почеток на кариерата таа редовно се наоѓа на листите на најубави жени, па токму затоа на филмското платно често добивала улоги на заводливи жени.

Доколку погледнете на социјалните мрежи на Мичаловиќ, не можете да не забележите дека познатата италијанска актерка и модел, преубавата Моника Белучи, постојано ѝ ги лајкува фотографиите и неретко ѝ остава коментари под истите.

 

View this post on Instagram

 

A post shared by FILMOFEEL – Drugi kadar priče (@filmoofeel)

Нивното пријателство започнало пред многу години кога заедно работеле на филмот на Емир Кустурица „На млечниот пат“, а актерките останале блиски години подоцна.

– Ние две фантастично се согласувавме, како да се знаеме отсекогаш, како да сме пријателки од училиште. Имам само пофални зборови за неа, секогаш беше тука како поддршка. Го сакам зголемениот адреналин на сетот, сите сцени ги направив сама, без каскадери. Моника се чудеше и говореше дека не сум човек од циркус, туку актерка и дека ќе се повредам. Беше грижлива како мајка, открила Слобода своевремено.

The post МОНИКА БЕЛУЧИ БЕШЕ ГРИЖЛИВА КАКО МАЈКА! Српска актерка зборува за соработката и пријателството со големата ѕвезда appeared first on plusinfo.mk.

Точно на полноќ пред црквата Свети Сава во Меќавник беше прославен 70-тиот роденден на Емир Кустурица, пренесува Спутник.

Покрај честитката на Владимир Путин, на Кустурица му беше врачен и подарок – керамички барелјеф наречен „Прозорец на исток“.

И патријархот московски и на цела Русија Кирил му го честиташе роденденот на Кустурица и го одликуваше со орденот Свети Серафим Саровски од 1 степен.

Пред насобраните гласно беше прочитана честитката на Путин.

„Почитуван господине Кустурица! Срдечно ви го честитам седумдесеттиот роденден. Човек со храбри, повеќестрани таленти, вистински уметник – со право ја стекнавте славата на еден од најпознатите филмски режисери на нашето време, се етаблиравте како баран актер, музичар и писател, автор на нешаблонски креативни проекти. Со вашите талентирани дела испишавте блескава страница во историјата на светската уметност. Особено би ја истакнал вашата активна социјална позиција и огромен придонес во реализацијата на значајните иницијативи насочени кон зајакнување на довербата и меѓусебното разбирање меѓу народите. Ви посакувам здравје, инспирација и нови успеси“, се вели во честитката потпишана од Владимир Путин.

Подарокот „Прозорец на исток“ на Кустурица му го врачи директорот на Рускиот дом Евгеније Баранов, а на подарокот пишуваше „Подарок на Емир Кустурица од Рускиот дом во Белград и Руската амбасада во Србија“.

Кустурица рече дека нема доволно зборови да го искаже она што го чувствува.

„Ви благодарам многу и мислам дека ова е сродство на нашите души и нашите култури и ние треба да работиме за да ги одржуваме овие култури живи. Поради оваа причина, наскоро од овој мој мал рај заминувам за Москва за да работам на филмот за Достоевски. Сето ова што се случува во светот и во Европа, Фјодор Михајлович го предвиде и ни рече дека мора повеќе да размислуваме, да се држиме заедно и повеќе да ги поврзуваме нашите култури. Ќе направам сè што е во моја моќ за нашите две култури да станат уште поблиски. Ви благодарам“, порачал режисерот.

Кустурица додал дека лично ќе му се заблагодари на Путин кога ќе го види во живо.

Во честитката на патријархот Кирил се прецизира дека Кустурица е награден за придонес во зачувувањето на традиционалните вредности.

.

The post ПУТИН СРДЕЧНО МУ ГО ЧЕСТИТАШЕ РОДЕНДЕНОТ НА КУСТУРИЦА ТОЧНО НА ПОЛНОЌ Режисерот доби и подарок од рускиот претседател appeared first on plusinfo.mk.

„Незаконската употреба на вештачка интелигенција за создавање лажни и монтирани снимки, познати како „дипфејк“ (deepfake), во многу земји е препознаена како опасна за демократското општество, основните човекови права, но и за безбедноста на граѓаните“, се наведува во соопштението.

Кустурица преку својата адвокатска канцеларија побара Регулаторното тело за електронски медиуми (РЕМ) да покрене постапка против ТВ Пинк, а Високиот суд да донесе времена мерка и да му забрани на сопственикот на таа телевизија, Жељко Митровиќ, дополнително емитување и промовирање „незаконска обработка на лик и глас“.

„Непримерен е обидот на креаторот на фалсификатот да ја оправда навредата и незаконското однесување со наводна сатира бидејќи видеото не е ниту сатира, ниту уметнички, ниту некаков законски дозволен облик на изразување, туку законски забрането дело, спротивно на јавниот интерес“се додава во соопштението.

The post КУСТУРИЦА БАРА ДА СЕ ПОКРЕНЕ КРИВИЧНА ПРОТИВ ТВ ПИНК Телевизијата емитувала дипфејк видео од режисерот appeared first on plusinfo.mk.

Кустурица зборува за формирање на нов свет и вели дека сака да ја заокружи својата кариера со еден руски триптих.

– Имам идеја да направам руски триптих, три филма. Првиот ќе се вика „Инженер за лесно одење“, ова е мојата верзија на Достоевски. Потоа Гогољ – „Приказна за тоа како Иван Иванович се скарал со Иван Никифорович“. Трето – „Козаци“ од Лав Толстој. Ако ја имам вашата поддршка“, рече Кустурица.

Тој, исто така, потврди дека работи на филм за билкар кој се замонашил според романот „Лорел“ од Евгениј Водолазкин, чие дејство се одвива во средновековна Русија.

Кустурица рече дека ако со помош на Путин успее да ги сними сите овие филмови, ќе стави крај на кариерата. Пред ова, режисерот му се заблагодари на рускиот претседател за неговата „лична историска правда“, која Словените „секогаш ја имале“.

Путин истакнал дека е рано да се зборува за крај на кариерата на српскиот режисер.

– Во врска со крајот на вашата кариера, ми се чини дека е рано да зборувате за тоа. Рано, направивте толку многу. Ми се чини дека ќе направите барем уште толку. Овие идеи се многу интересни и треба да разговараме за нив – – рекол Путин.

Кустурица со Путин зборува на течен руски јазик.

Putin se sastao s Kusturicom: Ono što se desilo u Srbiji i što se sad dešava u Ukrajini je veoma slično#Kusturica #Putin #Kremlin pic.twitter.com/SgTTaw84I0

— Sputnik Србијa (@rs_sputnik) April 2, 2024

The post 🎥 КУСТУРИЦА САКА ДА СНИМИ РУСКИ ФИЛМ ЗА КРАЈОТ НА КАРИЕРАТА Се сретна со Путин и побара од него поддршка appeared first on plusinfo.mk.

„После авиони, хеликоптери, камиони, стотици илјади километри, 950 концерти и сѐ што ми се случило во животот, ми се случи несреќа на обични скали. Иронијата на животот е дека на последното скалило се лизнав и десниот зглоб ми отиде 180 степени. Лелекав од болка“, изјавил познатиот режисер.

Кустурица додал дека во моментов нема никакви болки и дека очекува по денешната операција полека да се врати во нормален живот.

The post ЕМИР КУСТУРИЦА ХОСПИТАЛИЗИРАН Денеска ќе биде опериран appeared first on plusinfo.mk.

– Војната во Украина, за која со сигурност можеме да тврдиме дека е долго подготвувана со помош на Пентагон, всушност е војна против православието и сето она што една автентична култура го претставува како главна пречка на патот на трансхуманизмот – претворање на луѓето во она што е проверено – рекол Кустурица во беседата по повод Светисавската повелба, која ја доделува Српското просветно и културно друштво „Просвјета“, а која вчера му беше врачена во храмот „Свети Сава“ во Белград.

Кустурица оцени дека украинската Влада „била пронацистичка и се свртела против народот на Доњецк и Донбас само затоа што сакале пријателство со Русија и да живеат според своите принципи и во својата култура“.

– Ние дури сега почнуваме да ја разбираме природата на нацизмот, бидејќи неговите корени се покриени со емоциите на ослободувањето во Втората светска војна.

Кустурица смета дека војната во Босна и Херцеговина и големите светски конфликти се во својата основа религиозни „како што е и овој во Украина“.

Потсетуваме, на Кустурица чешкиот фестивал Фебиофест му ја одзеде наградата Кристијан поради неговата наклонетост кон Русија.

The post ШОКАНТНА ИЗЈАВА НА ЕМИР КУСТУРИЦА Западот во живо ја следи парадата во Украина appeared first on plusinfo.mk.

Кустурица, во меѓувреме, за „Спутник“ демантираше дека тој ќе биде директор на театарот, наведувајќи дека таквото толкување најверојатно доаѓа од сличноста на меѓународниот збор „режисер“ и „директор“.

Тој истакна дека би можел да гостува во Театарот на руската армија како режисер „кога ќе поминат овие турбулентни времиња“.

Иницијативата за одземање на наградата на Кустурица, кој режија завршил во Прага, потекна од основачот и почесен претседател на меѓународниот фестивал Фебиофест, Феро Фенич.

„Ја поздравуваме иницијативата на нашиот почесен претседател и ќе започнеме со акции за повлекување на наградата „Кристијан“ на Емир Кустурица“, рекол Спачил, пренесува порталот „Чешки весници“.

Кустурица ја доби наградата во 2017 година за неговиот придонес во светската кинематографија.

Фенич рече дека и тогаш бил против Кустурица да ја добие наградата поради неговата „тенденција да им се восхитува и да ги поддржува тоталитарните лидери“, што значи дека „и покрај талентот на режисерот, тој не ги исполнува етичките, моралните и демократските вредности и критериуми за да биде доделена“.

Тој ги повика и другите чешки фестивали кои го наградија Кустурица во минатото да му ги одземат наградите.

Во 2019 година Кустурица го доби Орденот за заслуги од претседателот на Чешката Република Милош Земан, а претходно беше одликуван од рускиот претседател Владимир Путин.

Предлогот на Фенич го прифати актуелниот директор на фестивалот Камил Спацил, а чешката агенција ЧТК јавува дека наградата наскоро ќе му биде одземена на Кустурица.

The post ПОРАДИ ПОДДРШКА НА РУСИЈА Чешки филмски фестивал му ја одзеде наградата на Емир Кустурица appeared first on plusinfo.mk.