Францускиот актер Пјер Дени, кој гледачите во дел од светот го запознаа преку хит серијата „Емили во Париз“, почина на 69-годишна возраст по битка со амиотрофична латерална склероза (АЛС), сериозна невродегенеративна болест позната и како Лу Геригова болест.

Веста за неговата смрт ја потврдија неговите ќерки во емотивна изјава.

– Со длабока тага ја објавуваме смртта на Пјер Дени, која се случи овој понеделник по ненадејна и тешка форма на АЛС – соопшти семејството.

Дени стана познат на меѓународната публика во последниве години по неговата улога како Луј де Леон, моќниот извршен директор на модната група JVMA, во третата и четвртата сезона од хит серијата на Нетфликс „Емили во Париз“.

RIP Pierre Deny, French Actor
Louis De Leon in Emily in Paris
Fabio Montale
Another Woman’s Life #InMemoriam #RIP pic.twitter.com/CuU50tcaft

— LegacyTributes (@InMemoriamX) May 27, 2026

Во серијата, тој го играше таткото на Николас де Леон, лик кој го играше Пол Форман, кој беше љубовен интерес на Минди Чен, најдобрата пријателка на главниот лик Емили.

Иако доби глобална популарност преку хитот на Нетфликс со Лили Колинс, Дени е едно од најпрепознатливите лица на француската телевизија со децении. Својата кариера во театарот ја започна во текот на 1980-тите, а подоцна постигна значајни улоги во популарни серии како што се „Julie Lescaut“, „Une femme d’honneur“ и во долготрајната сапуница во која се појави во повеќе од 500 епизоди – „Demain nous appartient“.

Неговата смрт шокираше многу негови колеги и пријатели од актерскиот свет. Бугарско-француската актерка и пејачка Силви Вартан се збогуваше со него во трогателна објава на Инстаграм.

– Тој беше дарежлив актер и чувствителен и забавен човек – напиша таа.

Неговата колешка Лус Мушел, исто така, сподели емотивна порака, потсетувајќи се на годините работа, патување и пријателство што ги имаа заедно.

АЛС, болеста од која страдаше Дени, прогресивно ги уништува нервните клетки одговорни за движењето на мускулите, што на крајот доведува до парализа и губење на основните животни функции.

Моментално нема лек за болеста. Порано оваа година, Ерик Дејн, ѕвездата на сериите „Вовед во анатомија“ и „Еуфорија“, исто така почина од болеста на 53-годишна возраст.

Смртта на Пјер Дени доаѓа во време кога „Емили во Париз“ се подготвува за својата последна сезона, која Нетфликс неодамна официјално ја објави.

The post ПОЧИНА ЅВЕЗДАТА ОД СЕРИЈАТА „ЕМИЛИ ВО ПАРИЗ“ Францускиот актер водеше битка со амиотрофична латерална склероза appeared first on plusinfo.mk.

Емили Купер (Лили Колинс) има уште една причина да остане во Европа: „Емили во Париз“ ќе има шеста сезона.

Создавачот на серијата „Емили во Париз“, Дарен Стар, веќе почнал да фантазира за тоа што би можело да ја чека Емили во шестата сезона.

– Има многу места што би сакал да ги посетам. Но, мислам дека серијата природно го следи текот на приказната. Шоуто се вика „Емили во Париз“. Никогаш нема трајно да ја напушти својата база. Но, ако можам да ја однесам публиката на патување некаде на друго место, би сакал… Забавно е да се размислува за тоа – рече Стар на прес-конференција во декември.

Веста доаѓа кратко по успешниот почеток на петтата сезона на „Емили во Париз“. Сезоната од 10 епизоди ја следи Емили додека патува во Рим за работа, но и за задоволство.

Петтата сезона постигна 26,8 милиони прегледи низ целиот свет за само 11 дена, станувајќи ТВ серија број 1 во 24 земји, вклучувајќи ги Франција, Италија, Бразил и Германија.

Петтата сезона, исто така, достигна топ 10 во 91 земја. Приказните за Емили, нејзината најдобра пријателка Минди Чен (Ешли Парк) и нивниот круг пријатели и љубовни партнери се толку сакани што креаторот на серијата Дарен Стар неодамна ја доби највисоката цивилна почест во Франција: витез на Легијата на честа.

The post 📽️ „ЕМИЛИ ВО ПАРИЗ“ СЕ ВРАЌА СО ШЕСТА СЕЗОНА Продуцентот откри детали за иднината на серијата appeared first on plusinfo.mk.

„Првата дама на Франција, Брижит Макрон, ќе носи своја облека по сопствен избор, без никаков правец од продукцијата на серијата“, потврди Нетфликс.

Во четврток, вториот дел од четвртата сезона ќе биде достапен на таа стриминг платформа.

Лили Колинс, ѕвездата на серијата, изјави за магазинот дека идејата првата дама да гостува во епизодата била предизвикана кога таа и креаторот на серијата Дарен Стар го сретнале Макрон во Елисеј во декември 2022 година.

„Таа е голем обожавател на серијата и евокацијата на нејзиниот лик во првата сезона ја прифати со многу хумор. Снимањето со неа беше задоволство и чест и вистинска среќа“, рече Колинс.

Откако започна да се емитува во 2020 година, серијата ја освои публиката и стана насловна. Ги има оние кои ја сакаат, оние кои ја мразат и оние кои сакаат да ја мразат.

„Емили во Париз“ беше особено критикувана на своите почетоци во Франција за истакнување на фантазијата на градот на светлината со беретки и багети и за прикажување на главниот град на премногу површен начин.

The post БРИЖИТ МАКРОН ЌЕ СЕ ИГРА СЕБЕСИ Првата дама на Франција се појавува во серијата „Емили во Париз“ appeared first on plusinfo.mk.

Двојката се венча на приватна церемонија во Колорадо, а среќната вест на Инстаграм ја сподели самата Лили.

Славната 32-годишна актерка објави романтични фотографии од венчавката, со емотивна посветена на својот новопечен сопруг.

„Никогаш не сакав да бидам некому нешто повеќе отколку тебе, а сега можам да ти бидам жена. На 4 септември 2021 година, официјално станавме еден на друг сѐ и тоа засекогаш. Те сакам повеќе од сѐ. Никогаш не сум била посреќна“, напишала Лили.

 

View this post on Instagram

 

A post shared by Lily Collins (@lilyjcollins)

„Она што започна како бајка, сега е моја реалност до крај. Никогаш нема да можам да опишам на вистински начин колку беше неверојатен изминатиот викенд, но магично е мошне добар збор за почеток“, додала таа.

Актерката блескала во бела венчаница од тантела инспирирана од винтиџ моделите, која ја следи линијата на телото и има со долга наметка со качулка.

Мекдауел, инаку холивудски режисер, и Лили ја потврдија својата врска во август 2019 година, а се свршија една година подоцна.

 

View this post on Instagram

 

A post shared by Lily Collins (@lilyjcollins)

ФОТО: Инстаграм

The post СЕ ОМАЖИ ЅВЕЗДАТА НА „ЕМИЛИ ВО ПАРИЗ“ Венчаницата на Лили Колинс како од бајките (ФОТО) appeared first on plusinfo.mk.

Серијата, со која што дел од публиката е воодушевена, а други ја нарекуваат „најлошата серија на „Нетфликс“ што некогаш била направена“, добила номинација за најдобра телевизиска серија во категоријата мјузикл и комедија.

Покрај оваа серија, други серии кои што се борат во таа категорија да го освојат Златен глобус се: „Flight Attendant“, „The Great“, „Ted Lasso“ и „Schitt’’s Creek“.

И не само тоа, туку и актерката Лили Колинс која што ја толкува улогата на Емили е номинирана за најдобра изведба во телевизиска серија во категорија мјузикл или комедија, па така се бори за наградата против Калеј Куоко, Ел Фенинг, Џејн Леви и Кетрин О’Хара.

Судејќи според коментарите на Твитер, луѓето не се воодушевени што „Емили во Париз“ е номинирана за оваа престижна награда.

Меѓутоа, номинацијата за „Eмили во Париз“ сигурно ќе го поттикне „Нетфликс“ за креирање на втора сезона.

The post Најлошата серија од „Нетфликс“ номинирана за Златен глобус, луѓето бесни: Ова е злосторство! appeared first on plusinfo.mk.